داڭلىق خەتتات قۇربانجان روزى شەيدائىي شىنجاڭ تېلېۋىزىيە ئىستانسىسىنىڭ «مەدەنىيەت بوستانى» پروگراممىسىدا
قۇربانجان روزى 1969-يىلى 3-ئايدا قەشقەر شەھىرىدە تۇغۇلغان. 1987-يىلدىن باشلاپ خەتتاتلىق ئىجادىيىتىگە قەدەم قويغان. ئۇنىڭ خەتتاتلىق ئەسەرلىرى ئاپتونۇم رايۇنىمىزدىكى گېزىت-ژۇرناللاردا ئېلان قىلىنىش بىلەن بىرگە ئاپتونۇم رايۇنىمىزدا ئۆتكۈزۈلگەن خەتتاتلىق كۆرگەزمىلىرىگە كۆپ قېتىم تاللىنىپ، مۇكاپاتلانغان. بىر قىسىم ئەسەرلىرى مەملىكىتىمىزدە ئويۇشتۇرۇلغان خەتتاتلىق كۆرگەزمىلىرىگە ۋە شىياڭگاڭ، ئاۋمىن، مالايسىغيا قاتارلىق جايلاردىمۇ كۆرگەزمىلەرگە قويۇلغان. 1999-يىلدىن ئېتىبارەن ئۇنىڭ شەخسى خەتتاتلىق كۆرگەزمىسى قەشقەر، ئۈرۈمچى، خوتەن، يەكەن قاتارلىق شەھەر ۋە ناھىيلەردە ھەمدە 2007-يىلى خوتەن قەغىزىگە يېزىلغان ھۆسىن خەت كۆرگەزمىسى قەشقەردە ئېچىلىپ كەسىپداشلار ۋە كەڭ خەلق ئاممىسىنىڭ ياخشى باھاسىغا ئېرىشكەن. ئۇ خەتتاتلىق سەنئىتىگە چوڭقۇر مۇھەببەت باغلاپ، قېتىرقىنىپ ئۆگىنىپ، ھارماي-تالماي ئىزدىنىپ مول خەتتاتلىق ئەسەرلىرىنى ياراتقان كۆزگە كۆرۈنگەن مۇنەۋۋەر ياش خەتتاتلارنىڭ بىرى. ئۇ مەدەنىيەت مىنستىرلىقى تەرىپىدىن « جوڭگۇدىكى كۆزگە كۆرۈنگەن خەلق سەنئەتكار» دېگەن نامغا ئېرىشكەن.
قۇربانجان روزى شەيدائىنىڭ «شەيدائى ھۆسىنىخەت ئەسەرلىرى» ۋە «شەيدائىي كومپىيوتېر ھۆسنىخەت ئەسەرلىرى» دېگەن كىتابلىرى، ھۆسنىخەت شەكلىدە يېزىپ چىققان «سەيپىدىن ئەزىز روبائىيلىرى» ھەمدە «مەشھۇر شەخىسلەر ھېكمەتلىرىدىن» دېگەن بىر يۈرۈش ھۆسىنخەتلىرى نەشىر قىلىنغان.
ئۇ ھازىر جوڭگۇ خەتتاتلار جەمئىيىتىنىڭ ئەزاسى، ئاپتونۇم رايۇنلۇق خەتتاتلار جەمئىيىتنىڭ ھەيئەت ئەزاسى ۋە مۇئاۋىن باش كاتىپى، قەشقەر ۋىلايەتلىك خەتتاتلار جەمئىيىتىنىڭ مۇئاۋىن رەئىسى.
مەنبە: تۇغلان تورى
بۇ يازمىنى ئاخىرىدا menggutax تەھرىرلىگەن. ۋاقتى 2011-1-19 23:16
| 
يوللانغان ۋاقتى 2011-1-19 23:14
يوللانغان ۋاقتى 2011-1-19 23:37
يوللانغان ۋاقتى 2011-1-20 11:42
