- ئاخىرقى قېتىم
- 2011-3-19
- تىزىملاش
- 2010-10-29
- ھوقۇق
- 1
- توردا
- 96سائەت
- جۇغلانما
- 1124
- نادىر تېما
- 0
- يازما
- 276
- تېما
- 26
- توردا
- 96سائەت
- نادىر تېما
- 0
- دوست
- 24
- يازما
- 276
- تېما
- 26
|
قولىڭىزدىكىنى قەدىرلەڭ
بىر يىلى نىيو-يورك پاي چىكى بازىرىدا پاي قاتتىق چۈشۈپ كەتتى . ئامرىكىدىكى بىر چوڭ شىركەت زەربىگە ئۇچراپ ۋەيران بولدى . شىركەت خوجايىنى چۈشكىنلەشكەن ھالدا ئۆيىگە قايتىپ كەلدى . بۇنى كۆرگەن ئايالى كۈلۈمسىرەپ تۇرۇپ ئۇنىڭدىن نىمە بولغانلىقىنى سورىدى .
- تۈگىدى ، ھەممىسى تۈگىدى . سوت مەھكىمىسى شىركىتىمىزنىڭ ۋەيران بولغانلىقىنى ئىلان قىلدى . ئەتە سوت مەھكىمىسى كىلىپ ئۆيدىكى بارلىق مال -مۈلۈكنى پىىچەتلىمەكچى -، دىدى . خوجايىن كۆڭلى يىرىم بولغان ھالدا .
- سىزنىمۇ پىچەتلەمدىكەن ؟ - سورىدى ئايالى كۈلۈپ تۇرۇپ . ئۇ ئايالىنىڭ نىمە دىمەكچى بولغىنىنى چۈشەنمەي ئۇنىڭغا قارىدى .
- ئۇنداقتا ، مىنىچۇ ؟ مىنىمۇ پىچەتلەمدىكەن ؟ بالىلارنىچۇ ؟
- سىلەر بۇ ئىش بىلەن مۇناسىۋەتسىز .
-ئىسىڭىزدە بولسۇن ، سىز تىخى بارلىق نەرسىڭىزدىن ئايرىلىپ قالمىدىڭىز ، سىزنىڭ يەنە سىزنى قوللايدىغان ۋە ناھايىتى ئۈمىدۋار ، كەلگۈسىگە ئۈمىد بىلەن قاراۋاتقان بالىلىرىڭىز بار . سىزنىڭ يەنە مول خىزمەت تەجرىبىڭىز بار . سىزدە يەنە ساغلام تەن، ئۆتكۈر كاللا بار . مانا بۇلارنىڭ ھەممىسى سىزنىڭ بايلىقلىرىڭىز . ھازىر قولىڭىزدىن كەتكۈزۈپ قويغان مال - مۈلىكىڭىز پەقەت بىر قىتىملىق ھەقسىز ئىشلەش دەپ بىلىڭ . كىيىن يەنە ئورنىنى تولدىرۋالسىڭىز بولىدىغۇ ؟!
ئۇ ئايالنىڭ گەپلىرىنى ئاڭلاپ ، قايتا روھلىنىپ كەتتى .
ئارىدىن ئۈچ يىل ئۆتكەندىن كىيىن ئۇنىڭ شىركىتى قايتىدىن قەد كۆتۈرۈپ ، دۇنيادىكى بەش چوڭ شىركەتنىڭ بىرىگە ئايلاندى .
ئوڭۇشسىزلىققا ئۇچرىغاندا ، تەمكىنلىك بىلەن ئۆزىڭىزنى ئىنچىكە كۈزىتىڭ . ھەرگىزمۇ يوق نەرسىنى ياكى قولدىن چىقىپ كەتكەن نەرسىنى ئويلاپ كۆڭلىڭىزنى يىرىم قىلماڭ ، شۇندىلا ئۆزىڭىزنى ناھايىتى بەخىتلىك ھىس قىلىسىز .................
مەنبە : ( شىنجاڭ ئىقتىساد گىزىتى) دىن 56
|
|