تەكلىپ قىلاي باشلىقىم 
(ئۆگەنگۈچى) 
ساڭا سورۇن راسلىدىم،داخىل بۇلۇپ كىلىپ كەت، ياخشى كادىر دەپ قۇيۇپ،ھوزۇرنۇلۇپ كۈلۈپ كەت، ئاچاي بىردەم كۆڭلىڭنى،خاپىلىقنى ئۇنتۇپ كەت، رەڭلىك سورۇن قىلايلى،قۇشقاچلارنى تۇتۇپ كەت، ئولتۇر بىر رەت مەن بىلەن تەكلىپ قىلاي باشلىقىم.
جاپا چىكىپ ئىشلەيسەن ،كىچە-كۈندۈز ئارام يوق، پاك ئەمەلدار داڭقىڭ بار ،ھالال بارۇ ھارام يوق، تاشلاپ كەلدىم ئۆيۈمنى،خىيالىمدا بالام يوق، ھايىتلا دېسەڭ تەييار مەن،سورۇنۇمدا چالام يوق، سىنچاي قۇياي قەن بىلەن،تەكلىپ قىلاي باشلىقىم.
خەلقىم دەپلا كۆيىسەن،سەن گۇياكى بۇلۇپ شام ، قۇرۇق گەپكە قۇلاق يوق،تۇسۇپ تۇرار قېلىن تام، تەربىيلىگە شاگىرىت كۆپ،ئۇلار ئەمەس ئەمدى خام، ئېشىپ كەتتى سىنىڭدىن،تەييار ئېغىز يەيدۇ ھام، دەرىس بىرىشكە تەييارسەن،تەكلىپ قىلاي باشلىقىم.
كۆپ ئاسرىغىن ئۆزەڭنى، ئەلگە كىرەك كادىرسەن، تۇرسا ھۇقۇق قۇلۇڭدا،خېلى ئىشقا قادىر سەن، چاپارمەنلەر ھەم نەپەس،ھۆرمىتىڭ بار سادىر سەن، پۇتاقلىرىڭ بەكلا كۆپ،ئەمما لازىم بادىر سەن، تۈلكىدەك ھەم ھەييارسەن،تەكلىپ قىلاي باشلىقىم.
پىكاپ مىنىپ يۈرۈيسەن،مەن خەلىقنىڭ چاكىرى دەپ، ئىشرەتخانا ئالدىراش،ئىشتىن چۈشسەم باكىرى دەپ، كۆز-كۆز قىلدىڭ سەنمۇ ھەم،مەنمۇ باشلىق قاتىرى دەپ، ئويلاپ ئەلنى-ۋەتەننى،بۇلۇپ قالدىم تاقىرى دەپ، خىزمەت قىلىپ ھارمايسەن،تەكلىپ قىلاي باشلىقىم.
ئۆگەنگۈم بار مىنىڭمۇ،سەندەك ياخشى ئىشلەشنى، مەنمۇ مېڭىپ ئىزىڭدىن،قۇبۇل قىلىپ خىسلەتنى، ئۆزەم كۈلۈپ تۇرساممۇ، ئۇنتالمايمەن كۈلپەتنى، دائىم داستىخان سالايمەن،چاقىرىپ تۇر ئۈلپەتنى، نەپ يوق يەرگە بارمايسەن،تەكلىپ قىلاي باشلىقىم.
تەكلىپ قىلىپ تاماققا،ئۇشبۇ نامە يوللۇدۇم، خاتىرجەم بول باشلىقىم،ھەر چاغ سىنى قوللۇدۇم، ماختاپ چاۋاك چېلىشقا،تەييار مىنىڭ قوللۇرۇم، مەنمۇ ماڭدىم ئەگىشىپ،لېكىن غۇۋا يوللورۇم، توسقان يولدىن يانمايسەن،تەكلىپ قىلاي باشلىقىم.
مەنبە.ئۆگەنگۈچى قەلىمى .ئەمگىكىمگە ھۆرمەت قىلىڭ(رەھمەت)
2010-يىلى 12-ئاينىڭ28-كۈنى .كۈسەندە يېزىلدى.
بۇ يازمىنى ئاخىرىدا oganguqi88 تەھرىرلىگەن. ۋاقتى 2010-12-29 11:13
| 
يوللانغان ۋاقتى 2010-12-28 17:15
