بولدى ئەمدى سۆكمەيلى ، ئۇيغۇرۇمنى ، ئۇيغۇرلار ،
بەكمۇ تارىتتۇق كۈلپەتنى ،ئۆتۈپ ئەسىر ئاي يىللار .
ئۆز نەسلىمىز ئەمەسمۇ ، قاخشاپ يۈرسەك پايدىسىز ،
مەيلى چىقسۇن ياخشىلار ، ياكى بىرەر ئازغۇنلار .
ئۇيغۇر دىگەن ئەزەلدىن ،ئىدى ئەسلى ئۇيۇشقاق ،
بولدى ئەمدى سۆكۈشۈپ ،بولمايلى بىز ئۇرۇشقاق .
ھايات يولى ئەگرىدۇر ،داۋانلار بار - قىيان بار ،
ئازغانلارغا ماياك بوپ ، تاپمايلى ھەم بىز پۇتاق .
ئوغول بولسۇن ياكى قىز ،ھەممە بىزنىڭ نەسلىمىز ،
ئەر – ئايالمۇ ئوخشاشلا ، ئەينەك بىزنىڭ ئەسلىمىز .
قايناپ تاشقان قازاندەك ، پېتىشماستىن ئۆز- ئارا ،
ئوزگىلەردىن گەپ تېپىپ ،ئوقلانمىسۇن تىلىمىز .
شۆھرەت تاپسا بەزىلەر ، كەينىدىن گەپ تاپمايلى ،
قىلدەك ئىشنى پىل قىلىپ ، ئەيىپىنى ئاچمايلى .
كۆچەت بۇلۇپ بىراۋلار ، مىۋە بەرسە ۋەتەنگە ،
قۇرۇت بار دەپ ئىچىدە، بىھۇش دورا چاچمايلى !
بولدى ئەمدى سۆكمەيلى ، ئۇيغۇرۇمنى ،ئۇيغۇرلار ،
بىزدىن ئويۇن كۆرمىسۇن ،ئېچىرقىغان قۇزغۇنلار .
ئىناق – ئىتپاق ياشىساق ، يۆلەك بۇلۇپ ئۆز ئارا ،
كۈلۈپ كۆكتە قۇياشمۇ ، نۇرلار تۆكەر يۇلتۇزلار .
مەنبە---- تاڭنۇر < خەيرۇللا قۇربان > بۆرتالا
بۇ يازمىنى ئاخىرىدا iziz تەھرىرلىگەن. ۋاقتى 2010-12-20 12:55
| 
يوللانغان ۋاقتى 
يوللانغان ۋاقتى 
