@بىباھا بايلىقنى ئۆزىڭىزدىن ئىزدەڭ@

EPSON

بىر  يىگىت  ئائىلىسى  نامىرات  بولغاچقا ،دائىم  روھسىز  يۈرىيدىكەن .كىشىلەر  ئۇنىڭىدىن‹‹كېسەل بولۇپ قالدىڭىزمۇ؟››دەپ سورىسا، ئۇ بېشىنى چايقاپ ئۇھ تارتىپ قويدىكەن . ئۇ ھەددىدىن زىيادە ئۈمۈدسىزلىنىپ  كەتكەچكە ،مېنىڭ ئىستىقبالىم يوق،كەلگۈسىدىنمۇ ئېغىز ئېچىش مۇمكىن ئەمەس ،دەپ ئۇيلايدىكەن .
بىر كۈنى ،ئۇ بىر كۆۋرۈكتىن ئۆتۈپ كېتۋاسسا ،كۆۋرۈك بېشىدا ئۇلتۇرغان ئاپئاق ساقاللىق بىر بوۋاي ئۇنىڭغا زەن سېلىپ قاراپ كىتىپتۇ ۋە ؛‹‹يىگىت ،بۇياققا كېلىڭە ،قارىسام سىز ياش تەمبەل ئىكەنسىز، رۇھىڭىزمۇ ئۇرغۇپ تۇرۇپتۇ. سىز  باي  ئادەم ئىكەنسىز ، كەلگۈسىڭىز چوقۇم  پارلاق بولىدۇ››دەپتۇ.يىگىت بوۋاينىڭ بۇ گەپلىرىنى ئاڭلاپ نېمە دېيىشىنى بىلەلمەي گاڭگىراپ قاپتۇ.
‹‹مېنىڭ ھېچنېمەم  بولمىسا ،يە مەندە ئۈمىد بولمىسا، مېنى نېمىگە قاراپ باي دەيسىز؟›› دەپ سۇراپتۇ بوۋايدىن .‹‹ئىسىت، شۇنچە كۆپ بايلىقىڭىز تۇرۇپمۇ....››دەپتۇ بوۋاي ...‹‹نېىمىگە ئىسىت دەيسز؟مېنىڭ بايلىقىم قەيەردە ؟ مەن نېمىشقا  بىلمەيمەن ››دەپتۇ يىگىت چۈشىنەلمەي .
‹‹مۇنداق قىلايلى ،ئەگەر سىز كۆزىڭىزنى ماڭا بەرسىڭىز،مەن خالىغان نەرسىڭىزنى بېرىمەن ››دەپتۇ بوۋاي .
‹‹ ياق،كۆزۈمدىن ئايرىلسام بولمايدۇ،ئۇ بولمىسا نەرسىلەرنى كۆرەلمەيمەن›› دەپتۇ يىگىت .
‹‹ ئۇنداق بولسا،ئىككى قولىڭىزنى ماڭا بېرىڭ ،مەن سىزگە بىر تاغار ئالتۇن بېرەي ››
‹‹ بولمايدۇ، قولۇم بىلەن نەرسىلەرنى  تۇتىدىغان تۇرسام ›› دەپتۇ يىگىت.

‹‹يىگىت ،سىزنىڭ  بىر جۈپ قىممەتلىك كۆزىڭىز ۋە بىر جۈپ قىممەتلىك قولىڭىز بار ئىكەن .كۆزىڭىز بىلەن ئۆگىنىش قىلسىڭىز، قولىڭىز بىلەن ئەمگەك قىلسىڭىز بولدىكەن .سىز شۇنچە باياشات تۇرۇپمۇ نېمىشقا ئۈمىدسىزلىنىسىز؟››دەپتۇ بوۋاي .

پىكىر يولى
1-بۇ ھېكايىدىكى يىگىت ھەقىقەتەن ئەخمەق .ئۇ پەقەت  باشقىلارنىڭ بايلىقىنىلا كۆرۈپ،ئۆز بەدىنىدىكى بىباھا بايلىقنى ھېس قىلالمىغان .تۇرمۇشىمىزدا بۇنداق ئادەملەر ناھايىتى كۈپ .ئۇلار باشقىلارنىڭ ھەممە نەرسىسگە ھەۋەس قىلدۇيۇ، ئۆزىدىمۇ باشقىلار ھەۋەس قىلغۇدەك نەرسىلەرنىڭ بارلىقىنى بىلمەيدۇ.
2-ھەر قانداق ئەھۋالدىمۇ ئۇھسىنىپ ،ئۈمىدسىزلىنىپ كەتمەسلىكىمىز لازىم.لېكىن ئىشلار داۋاملىق ئەكىسچە بولىدۇ . نۇرغۇن ئادەملەر  بۇ ھەقىقەتنى كېچىكىپ چۈشىندۇ.ئادەم ئۆزىگە ھەر ۋاقىت ئىشىنىشى كېرەك .چۈنكى ئۈمىدۋار بۇلغاندىلا  تۇرمۇشتىكى  بايلىقلارنى بايقىيالايمىز.

تۇرمۇش كوئوردېناتى
بايلىقنى ئەقىل-پاراسەتكە تايىنىپ ئىزدەپ،ھالال مېھنەتكە تايانغاندىلا ئۇنىڭغا ئېرىشكىلى بولىدۇ. پەقەت ئەقىل- پاراسەت ۋە ئىشچان ئىككى قولغا تايانغاندىلا تېخىمۇ كۆپ پۇرسەتنى تۇتۇپ،ئۆزىمىزگە تېخىمۇ كەڭ تەرەققىيات بوشلۇقىنى ھازىرلىيالايمىز. ئەقىل -پاراسىتىمىز تۇرمۇشىمىزدا يۇشۇرۇنغان  پۇرسەتلەرنى بايقاشقا ،بىر جۈپ قولىمىز بولسا ،شۇ پۇرسەتلەرنى بايلىققا ئايلاندۇرۇشقا كاپالەتلىك قىلالايدۇ.
                                                                       مەنبە ‹‹ھاياتلىق ھەقىقىتى››كىتابىدىن  

shahrukh

رەھمەت .

dosyar

رەخمەت، مەن ئاخشام يېتىپ ئەتىسى ساق قوپقانلىقىم ، بۇ مىنىڭ ناھايىتى بەخىتلىكىم .

KAMIRANJAN

polatbora

رەھمەت