ئايال كىم ؟. ئەرچۇ ؟

412

ئۇنىڭ ئىسمى ۋە مىجەزى ئايال ،ئۇنىڭ بەختى ئاشۇ ئىقلىمىنى ئاسراشنى بىلىشتە . دۇنياغا ئايال بۇلۇپ كېلىپ ،ئايالدەك ياشاپ ئۆتۈشىدە ! تەن-جېنى ساق بولسا ،ئوت ياقىدىغان ئۆز ئوچىقى ، بېشىدىن يىراق كەتمەيدىغان ،ئۆز باشپاناھى ،بىر كەمپۈت بولسىمۇ ،ئۇنىڭغا ئىلىنىپ، . ئۇنىڭغا ئىنتىلىپ ئىشىكتىن كىرىپ كېلىدىغان ئەركىكى ،قىزىدۇر ،ئوغلىدۇر،ياقىسىغا چىرمىشىپ تۇرىدىغان بىر جان پارچىسى بار بولسا ،بولدى. ئايالىنىڭ ۋۇجۇدىنى تولدۇرۇپ،تىندۇرۇپ تۇرىدىغان بەختى شۇ ! ياراتقۇچى ھەر بىر ئايالغا شۇنداق ياشاپ ئۆتۈش ئىمكانىنى بەرسۇن !
ئايال ئايال ئەمەس ، روزغار دېگەن غار ئچىدە ،ئائىلە ئاتالغان بوران - چاپقۇنلۇق ،يامغۇر-يېشىلىق پەسىل ئىچىدە ھەمىشە تىترەپ تۇرىدىغان ،شۇنداقتىمۇ مۇئەتتەر ھىدلىرىنى چېچىۋېرىدىغان،تۆت تەرەپكە ئېگىلىپ، پۈكۈلۈېرىدىغان ، ئەمما نېمىشقىدۇ سولمايدىغان بىر گۈلدۇر ! ھەرگىز " كېرەك ئەمەسسەن" دەپ سالماڭ ئۇنىڭغا! "كىم ئىدىڭ سەن!" دھپ سالماڭ! قىلدەك قەددى نىھالى بىلەن قەدىمىڭىزدە چىمەن يېيىپ تۇرۇپتۇ ،بىپىسەنتىلىك بىلەن تاپىنىڭىز بىلەن ئېزىپ قويماڭ ئۇنى ! سىزنىڭ خاتالارغا تولغان شۇ تۇرۇشىڭىزدىن بەخت كۈيىنى يارىتىمەن دەپ قېشىڭىزغا كەلدى.ئۇنىڭ ياڭراق تارىلىرىنى ئۈزۈپ قويماڭ يەنە ! "مەن چىرايلىق ئەمەس ،بېگىم "دېسە ،يالغاندىن بولسىمۇ ،" ئۇنداق دېمە ،ئاي سەن ،ئايىمسەن " دەڭ ! ”سىزنى رازى قىلالمايۋاتىمەن "دوپ پۇچىلانسا ،"ياق ،ئاۋۋال مەن سەن رازى بولىدىغان ئىشلارنى قىلاي "دەپ پىدائىي كۆرسىتىڭ ئۆزىڭىزنى !ئۇنىڭ دۇنياغا سىغماس بەختى شۇ !ئۇنىڭ سىزدىن سوراپ تۇرغىنى شۇلا،خالاس!