- ئاخىرقى قېتىم
- 2011-10-31
- تىزىملاش
- 2011-10-30
- ھوقۇق
- 1
- توردا
- 1سائەت
- جۇغلانما
- 25
- نادىر تېما
- 0
- يازما
- 3
- تېما
- 1
- توردا
- 1سائەت
- نادىر تېما
- 0
- دوست
- 0
- يازما
- 3
- تېما
- 1
|
بىلگىنكى ،ھەرقانداق خوتۇن ئالساڭ خوتۇنۇڭنى ھۆرمەت قىل ۋە ھەرقانداق قەدىرلىك نەرسەڭ بولسىمۇ ساڭا ئىتائەت قىلغان،ئاق كۆڭۈل ،توغرا يوللۇق خوتۇنۇڭ ۋە ئوغلۇڭدىن ئايىما،قىزغانما.خوتۇن ئېلىشقا خوتۇننىڭ مال -مۈلكىدىن،پۇلىدىن بىرنەرسە ئېلىشنى ئىزدىمەۋە خوتۇننىڭ تولىمۇ گۈزىلىنى ئىزدىمە.ئالغان خوتۇنۇڭ شۇنداق بولسۇنكى يارىماس ئادەملەردىن يۈزى پاك ۋە دىنى پاك بولسۇن،قۇرامى ئوتتۇرا ياشلىق ۋە خوتۇنلۇققاۋە ئۆي تۇتۇشقا لاياقىتى بولسۇن.ئۆي ئىشلىرىنى بىلىدىغان ئۆزىنىڭ ھالال ئىرىنى سۆيگۈچى،ھايالىق،نۇمۇسلۇق،ئۆزىنى ھارامدىن ساقلىغۇچى بولسۇن.بۇسۈپەتكە لايىق بولغان خوتۇن يامان ئىشلاردىن ئۆزىنى ساقلىغۇچى بولىدۇ.يەنە،ئۆزمەرتىۋەڭدىن يۇقىرى،ئۆزۈڭدىن باي خوتۇننى ئالما،تاكى خوتۇنۇڭ ئالدىدا تۆۋەن ئورۇندا بولمىغايسەن.ئەگەر قىز ئېلىش مۇمكىن بولسا،قىز ئېلىش ئەۋزەل،ئەردىن قالغان تۇل خوتۇننى ئالما.چۈنكى قىزنىڭ كۆڭلىدە سىنىڭ مۇھەببىتىڭدىن باشقا ئەرنىڭ مۇھەببىتى بولمايدۇ.باشقىلارنىمۇ ساڭا ئوخشاش دەپ بىلىدۇ،باشقىلارنى تەمە قىلمايدۇ،ئارزۇ قىلمايدۇ.ھەر خوتۇنكى ئەقىللىق بولمىسا،ساڭا تىل ئۇزىتىپ،سەندىن ئارتۇقلۇق ۋە ئۈستۈلۈكنى دەۋا قىلىدۇ.مۇنداق خوتۇندىن قېچىش كىرەك.ئالىملار ئېيتقانكى:<ئەركىشى بۇلاققا ئوخشايدۇ،ئەقىللىق ۋە تەدبىرلىك خوتۇن يەرگە ئوخشايدۇ>. ئەر كەسىپ قىلىپ تاپقان نەرسىلەر يەرگە سۇ يىغىلىپ كۆل بولغاندەك خوتۇن قولىغا يىغىلىدۇ. لېكىن، خوتۇن سىنى باشقۇرۇپ،سىنىڭ رىزىق-ئۇزۇق ۋە تەسەرۇپلىرىڭنى قولىغا ئېلىۋالمىسۇن،تۇسالغۇ بولمىسۇن،ئەگەر خوتۇن سىنىڭ ئىگىلىكىڭنى ئېلىۋېلىپ ،سىنى ئىگە قىلمىسا ۋە ئۆز مال-مۈلكۈڭگە سۆزۈڭ ئۆتمىسە،خوتۇننىڭ قولىغا قاراپ قالساڭ،بۇ ئەرلىك ئورنۇڭنى يۇقاتقىنىڭدۇر.سەن خوتۇن بولىسەن،خوتۇنۇڭ ئەر بولىدۇ.بۇ ھال ساڭا بۇ دۇنيادا ،خوتۇنۇڭغا ئۇ دۇنيادا خارلىق كەلتۈرىدۇ. كىشى ئۆزىنىڭ خوتۇنىدىن مەغلۇپ بولسا،بۇ غەيرەتسىزلىكتۇر.مەشھۇر ئىسكەندەر زۇلقەرنەيىنگە:<ئىران شاھى دارانىڭ قىزى شۇنچىۋالا گۈزەل نازىنىن تۇرسا،نىمە ئۈچۈن ئۇنى ئالمايسەن؟>دېيىلگەندە،ئىسكەندەر:<بۇ چوڭ ئەيىپ ئىشتۇر،مەن پۈتۈن ئالەم ئەرلىرىدىن غەلبە قىلدىم،بىر خوتۇن ماڭا غالىپ كەلسە ،ماڭا ھۆكۈمرانلىق قىلسا،بۇ،بىر ئەر ئۈچۈن كۆتۈرۈپ تۇرۇشقا بولىدىغان ئىش ئەمەس>دەپ جاۋاپ بەرگەن.
ئەي ئوغۇل،خوتۇنۇڭ بالاغەتكە يەتكەن،ئەقىللىق بولىشى لازىم.ئۇ،ئۆي تۇتۇش يوللىرىنى بىلسۇن.بەك ياش،بويىغا يىتەر-يەتمىگەن كىچىك قىزنى ئالما.چۈنكى،مەرد ئادەملەر خوتۇننى ئۆي ئىشلىرىنى ياخشىلاش ئۈچۈن ئالىدۇ،پەقەت جىما ئۈچۈنلا ئالمايدۇ. ئالغان قىز،خوتۇنۇڭ ئاتا-ئانىسىنىڭ،مەكتەپنىڭ توغرا تەربىيسىنى ئالغان،ئۆي تۇتۇش تەدبىرلىرىنى ئۈگەنگەن بولسۇن.مۇنداق قىز،خوتۇن قۇلۇڭغا كىرەر بولسا، ئۇنى ئېلىشقا بىپەرۋالىق قىلما،ھېچ ۋاقىت خوتۇنۇڭغا يامانلىق قىلما.خوتۇنۇڭ ۋە ئائىلە تاۋاباتىڭنى خوش تۇتۇشۇڭ كېرەك.خوتۇنۇڭمۇ سىنى ياخشى كۆرۈپ مۇھەببەت باغلىسۇن،ساڭا ئىززەت ھۆرمەت قىلسۇن. ساڭا ئۇنۇڭدىن ياخشى دوست بولمايدۇ.ئەگەر خوتۇنۇڭغا قاتتىقلىق ۋە ئەخلاقسىزلىق قىلساڭ،ساڭا ئۇنىڭدىن ئارتۇق دۈشمەن بولمايدۇ.يات دۈشمەندىن ساقلىنىش مۇمكىن ،ئەمما خوتۇنۇڭ بىلەن ئوتتۇراڭدا دۈشمەنلىك بولسا ساقلىنىش مۈشكۈل.
ئەي ئوغۇل،ئەگەر قىز ئالساڭ غايەت مۇشتاق بولۇپ ، ھەر كىچىسى جىما قىلما،خۇتۇنۇڭ<ئەرلەرنىڭ ئادىتى ھەر كىچىسى جىما قىلىش ئىكەن>دەپ ،بۇنۇڭغا ئادەتلىنىپ قالمىسۇن. مۇبادا ساڭا بىر زۆرۈرىيەت كىلىپ قالسا ياكى سەپەرگە كەتسەڭ ،سەن قايتىپ كەلگۈچە ھەر كىچىسى جىماغا ئادەتلەنگەن خوتۇن ئۈچۈن يالغۇزلۇق ئېغىر كىلىدۇ. يەنى ئادىتى بويىچە ھەر كىچىسى جىما قىلدۇرۇشنى ئىزدەيدۇ. مۇنداق ۋەقە يۈز بىرىشتىن ئاللاھ ئۆز پاناھىدا ساقلىسۇن.ھەر ھالدا ئەرلىك غورۇرۇڭنى ساقلىغايسەن.غەيرەتسىز ۋە ھىممەتسىزلەر قاتارىغا كىرىپ قالما. كىمنىڭ غەيرىتى يوق بولىدىكەن،دىنىمۇ يوقتۇر.<كىمنىڭ غەيرىتى يوقتۇر،دىنى ھەم يوقتۇر>دېيىلگەن ھېكمەتلىك سۆز بار. ھەقىقىي سادىق ھەم مىھرىبان،ياخشى سۈپەتلىك خوتۇنۇڭ بولسا،ئوغۇل-قىز پەرزەنتىڭنى ياخشى تەربىيلەپ چىققايسەن.
<قابۇسنامە>دىن
|
|
يوللانغان ۋاقتى 
