- ئاخىرقى قېتىم
- 2011-12-31
- تىزىملاش
- 2011-9-6
- ھوقۇق
- 1
- توردا
- 147سائەت
- جۇغلانما
- 5703
- نادىر تېما
- 0
- يازما
- 1384
- تېما
- 212
- توردا
- 147سائەت
- نادىر تېما
- 0
- دوست
- 25
- يازما
- 1384
- تېما
- 212
|
بۇ كىشىنىڭ يۈرەك-باغرىنى ئېزىدىغان سىنلىق كۆرۈنۈش. گۇاڭدۇڭ ئۆلكىسىنىڭ فوشەن شەھىرىدىكى بىر بەش خىل مېتال شەھەرچىسىدە ئىككى ياشلىق قىزچاق يۆيۆنى بىر مىنىبۇس سوقىۋەتكەندىن كېيىن، بېسىپ مىجىۋەتكەن، بىر نەچچە مىنۇت ئىچىدە جان ھەلقۇمىغا كېلىپ قالغان يۆيۆ يولدا ئىڭراپ ياتقان، يېنىدىن ئۆتكەن 18 ئادەمنىڭ ھېچقايسىسى ئۇنى كۆرمىگەن ياكى كۆرمەسكە سالغان، شۇ ئارىدا يەنە بىر يۈك ماشىنىسى ئۇنى بېسىپ ئۆتۈپ كەتكەن. بۇ ئېچىنىشلىق كۆرۈنۈش ئەسكى-تۈسكى نەرسىلەرنى يىغىدىغان چېن شيەنمېي خانىم قىزچاقنى يولدىن تارتىپ تۇرۇپ، ۋارقىراپ ئۇنىڭ ئانىسىنى چاقىرغانغا قەدەر داۋاملاشقان. 18 ئادەمنىڭ ئۇنىڭ بىلەن كارى بولمىغان! بەزىلەر ھەققانىيەت يولىدا پىداكارلىق كۆرسىتىمەن دەپ ئۇۋالغا قالىدىغان، خەقنى قۇتقۇزغانلار «ئاۋارىچىلىق»قا يولۇقىدىغان ئەھۋاللار كۆرۈلۈپ تۇرۇۋاتقان بولسىمۇ، ئۆلۈم خەۋپىدە قالغانلىقنى كۆرۈپ تۇرۇپ قۇتقۇزماسلىق ھەتتا كارىمۇ بولماسلىق قىلمىشى ئىجتىمائىي ئەخلاقنىڭ ئەڭ تۆۋەن ئۆلچىمىنىمۇ بۇزۇپ تاشلىدى، كىشىلەر قەلبىنىڭ چوڭقۇر قاتلىمىدىكى مېھرىبانلىق ۋە ئىنسانپەرۋەرلىكنىمۇ بەربات قىلىۋەتتى.ئەخلاقنىڭ بۇزۇلۇشىنى توسۇپ، مېھرىبانلىقنى ئەۋج ئالدۇرۇش جەمئىيىتىمىز دۇچ كەلگەن سىناق بولۇپ قالدى. بۇ سىناق ئەخلاقنىڭ سورىقىغا ۋە مەدەنىي جەمئىيەتتىكى پۇقراۋى مەجبۇرىيەتكە چېتىلىدۇ. بەزى دۆلەتلەردە ئۆلۈم خەۋپىدە قالغانلىقنى كۆرۈپ تۇرۇپ قۇتقۇزماسلىق جىنايەت ھېسابلىنىدۇ. ئەنگلىيەنىڭ «ئۆلۈم خەۋپىدە قالغانلىقنى كۆرۈپ تۇرۇپ قۇتقۇزماسلىق جىنايىتى»گە ئالاقىدار بەلگىلىمىسىدە «خەۋپتە قالغانلارنى قۇتقۇزماسلىق»قا چېتىشلىقلار قانۇننىڭ جازاسىغا ئۇچرايدۇ، دەپ بەلگىلەنگەن. ئىجتىمائىي ئەخلاق ئېغىر دەرىجىدە بۇزۇلۇۋاتقان پەيتتە، بەلكىم قانۇن ئارقىلىق ئەخلاقنى قۇتقۇزۇشىمىز كېرەكتۇ؟!
بىز ھەممىمىز يۆيۆنىڭ يېنىدىن ئۆتكەن «يولۇچى» بولۇپ قېلىشىمىز مۇمكىن، قەدىمىمىزنى توختىتايلى، ئۇنى يولدىن يۆتكىۋالايلى، ياردەم قولىمىزنى سۇنۇپ ئۇنى خەتەردىن قۇتقۇزۇۋالايلى، بۇ بىزنىڭ بۇرچىمىز، شۇنداقلا ئۇنىڭ ئۈچۈن قىلىپ بېرەلەيدىغان ئەڭ ئەقەللىي ئىشىمىز.
مەنبە: "163 خەۋەرلەر تورى".
|
|
يوللانغان ۋاقتى 2011-10-27 11:09
