ياشلىرىم تۆكۈلدى شەبنەمدەك يەرگە 
ئاچ قالغان ياۋايى ئادەمدەك گۇيا، پەرىشان شىلدىرلار يەردە يۇپۇرماق. بولبۇللار ئاھ ، ناۋا قىلماي باغلاردا، يىغلىدىم خانەمدە يىگانە شۇنداق.
باغلاردىن كەلمىدى شىرىن خوش-پۇراق. تۇزۇتۇپ گۈللەرنىڭ مەسخۇش ھىدىنى. يۈرەك بوپ گۈل بەرگى سىياقتا پارە، چىشلىدىم دەرىتنىڭ قانلىق لىۋىنى.
دەردىمنى ئېيتمىدىم ھېچكىمگە يۇتۇپ، يۇشۇردۇم قەلبىمگە ھەسرەتلىرىمنى. تۈن كېچە ئاھ ،ئۇرۇپ كەلمىسە ئۇيقۇم ، چىڭ باستىم باغرىمغا ئازاپلىرىمنى.
ئاھىمدىن نالە قىپ يىغلىدىم سەھەر، ياشلىرىم تۆكۈلدى شەبنەمدەك يەرگە. كىرپىكىم لىۋىدىن تىرىلدى ھىجران، مەن سېنى باشلىغاچ كۆڭۈل تۆرەمگە.
تەشنا بۇپ تۈنلەردە يىغلايدۇ يۈرەك، پاك سۆيگۈ ئىزدەپ بۇ گۈلگىن ھاياتتىن. چىدايدۇ دەت-ئەلەم ئىزگۈ تەشۋىشكە، ئىزھار قىپ كۆڭۈلنى كەلگۈچە يىراقتىن.
مەنبە قەلىمىم | 
يوللانغان ۋاقتى 
يوللانغان ۋاقتى 
