تۆكۈلمەس ئىدى كۆزلىرىمدىن ياش، بولغان بولساڭ گەر سەن يېنىمدا. مۇھەببەت گۈلى توزىدى مانا، ئۆچۈپ قالغاچ گۈلخان دىلىمدا.
يوللىرىڭغا تەلمۈرۈپ قاراپ، ئۆتتى كۈنلەر شۇنچىمۇ ئاستا. ئاھ شۇندىمۇ كەچمىدىم سەندىن، قەلبىم ئازاپقا تولسىمۇ لىقلا.
ئۆزگە بىردىن كۈتكۈم يوق ۋاپا، چەكسەممۇ گەر بىر ئۆمۈر جاپا. ئەسلەپ ئۆتەرمەن سېنى بىر ئۆمۈر، سەن يېنىمدىن كەتسەڭمۇ ئەي، بىۋاپا.
دىلىم كۈيلىسىمۇ، تىلىم يول قويماس "جېنىم قايتىپ كەل"دېيىشكە ئەسلا. ئۇشبۇ چاغدا قىلغان سۆزلىرىڭ، قىلغاچقا دىلىمنى بەكمۇ چوڭ يارا.
مەيلى كەتسەڭ كىتىۋەر يايرىم، يالغۇزلۇققا كۆنۈپ قالارمەن. خۇددى سېنى سۆيۈپ قالغاندەك، سەن يوق يۇرتقىمۇ ئۆگنىپ قالارمەن.
خەيىر جانانىم ئاخىرقى سۆزۈم، "بەختلىك بول" مەن يوق بولساممۇ. پەرۋايىڭغا ئالمىدىڭ ئەجەپ، مەن سەن يارغا شۇنچە كۆيسەممۇ.
مەنبە: قەلب خاتىرەم
بۇ يازمىنى ئاخىرىدا teshna تەھرىرلىگەن. ۋاقتى 2011-9-22 17:11
| 
يوللانغان ۋاقتى 2011-9-22 16:51
