لىكىن خوتۇن ئالمايمەن
( بىر يىگىتنىڭ زارى)
قىز-چوكانغا قارايمەن ،
قاش كۆزىگە مارايمەن ،
بۇ گۈزەلنى ئالايمەن،
لىكىن خوتۇن ئالمايمەن .
رىستۇراندا خانىدا،
ئەر-ئوغۇللار يانىدا،
نۇمۇس قىلدىم بارىدا،
لىكىن خوتۇن ئالمايمەن.
ھاراق ئىچىپ نازلىنىپ،
مەس بولىدۇ سازلىنىپ،
ئىمانى يوق نازلىنىپ،
لىكىن خوتۇن ئالمايمەن.
قىرى-ياشكەن دىمەيدۇ،
پۇشايمانمۇ يىمەيدۇ، ,
ئايرىم ئۆيدىن كەتمەيدۇ ،
لىكىن خوتۇن ئالمايمەن.
داڭقى چىققان نامى بار،
شەمۇ-شەدە سانى بار،
كۆرۈڭ تىخى ھالى بار،
لىكىن خوتۇن ئالمايمەن.
كۆينەك تىخى كەيمەيدۇ ،
ئىشتان تىزغا يەتمەيدۇ ،
كىندىك كۆزنى ئۇزمەيدۇ ،
لىكىن خوتۇن ئالمايمەن.
بەزمە خاندىن كەتمەيدۇ،
ئۆيدە تاماق ئەتمەيدۇ،
تەلىم بەرسە سەنلەيدۇ ،
لىكىن خوتۇن ئالمايمەن.
گىرىملىرى ئالامەت ،
كىرىملىرى كارامەت ،
قاغىدىن ساق سالامەت ،
لىكىن خوتۇن ئالمايمەن.
ئەقىدىنى ئۇقمايدۇ،
كۆڭلىمىزنى ئۇتمايدۇ ،
تىخى ئەرنى دۆت دەيدۇ ،
لىكىن خوتۇن ئالمايمەن.
سەن سۆيگۈنۈم دەپ قويۇپ،
بىزنى دەتكە سەپ قويۇپ،
يالغۇز ئۆينى ئەپ قويۇپ،
لىكىن خوتۇن ئالمايمەن.
مېھمان-ساراي ياتىقى ،
بىز بىلەن نە چاتىقى ؟
بەك چىرايلىق ئاتىقى ،
لىكىن خوتۇن ئالمايمەن.
ئەيدىز يۇقۇپ تىنىگە،
ئۆلۈپ كەتسە ئەتىگە،
بارالمايمەن پەتىگە ،
لىكىن خوتۇن ئالمايمەن.
قىرى بولسا ئالدايدۇ،
يېشى بولسا داتلايدۇ ،
ئىش ئاقمىسا باتنايدۇ ،
لىكىن خوتۇن ئالمايمەن.
ئۆز-ئۆزىنى تۇل دەيدۇ ،
ماڭا قاراپ كۇل دەيدۇ ،
قاراپ قويسا پۇل دەيدۇ ،
لىكىن خوتۇن ئالمايمەن.
ئەرگە تىگىپ بالا يوق،
ئۆيدە بىرەر كالا يوق،
باشقۇرۇشقا ئاتا يوق،
لىكىن خوتۇن ئالمايمەن.
ئاق تاماكا چىكىدۇ ،
كۆك تاماكا چىكىدۇ،
ئاق-قىزىلنى ئىچىدۇ،
لىكىن خوتۇن ئالمايمەن.
باشلىق تىخى كەل دەيدۇ،
لوبەن تىخى كەل دەيدۇ،
دوسلار بىرى كەل دەيدۇ،
لىكىن خوتۇن ئالمايمەن.
ئۆيدە ئۇ چوڭ باشلىق ،
چىرايلىق قەلەم قاشلىق،
قاخشاپ ئۆتىدۇ ياشلىق...
لىكىن خوتۇن ئالمايمەن.
قىزلار دەيدۇ بۇ دۆۋلەت،
ئوغۇللاردا بار سۆۋلەت،
ئاھ، كەتتىغۇ كۆپ مۆھلەت ...
لىكىن خوتۇن ئالمايمەن.
قىز ئۆزىنى ئۇز دەيدۇ،
بىز دىگەن بىر توز دەيدۇ،
ئوغۇللارنى مۇز دەيدۇ،
لىكىن خوتۇن ئالمايمەن.
يىڭى-يىڭى چاي تولا،
ئۆيگە كىرمەس قىز بالا ،
بىزگە بۇ بىر چوڭ بالا ...
لىكىن خوتۇن ئالمايمەن.
ئاشنا تۇتۇپ يۇرۇپتۇ،
نى يىگىتنى سۆيۈپتۇ،
مېھرى ئۇنىڭ قۇرۇپتۇ،
لىكىن خوتۇن ئالمايمەن.
قىزلىرىمىز ئويناغلىق ،
ئەرلىرىمىز باغلاقلىق،
ياشاپ كەتسۇن بويتاقلىق،
لىكىن خوتۇن ئالمايمەن.
ئاپتۇرى: يۇسۇپجان سابىر ئوتياق
| 
يوللانغان ۋاقتى 2011-7-19 15:21
يوللانغان ۋاقتى 2011-7-19 20:26