ئۈستۈن ئاتۇش يېزامدا
( مۇخەممەس )
ئۈستۈن ئاتۇش يېزامنىڭ، دىھقانلىرى زىيالى ، بىر قولىدا كەتمەن بار، بىر قولىدا كىتاۋى ، ۋۇجۇدىدىن قاينايدۇ، يۈكسەك نىشان قارارى ، باياشاتتا ياشايدۇ، كۆز تەگمىسۈن بۇ ھالى ، دىھقان بولساڭ نەزەر سال، بولما ھەرگىز خىيالى .
ئۆي سالىدۇ ئازادە، نەقىشلەنگەن گۈل ساراي، پىشايۋىنى ئۆزگىچە، نۇسخىلىرى ھاي ھا ي ھاي ، ھەر بىر ئۆيگە كىرسىڭىز ، كۆرىنىدۇ ھەممە باي ، چاڭ-توزاڭدىن خالىدۇر، ئىشىك ئالدى قارىماي ، دىھقان ياشاڭ ھوزۇرلۇق، كادىر سۈپەت زىيالى .
ساۋاتسىزلىق-نادانلىق، دۇشمەن دەيدۇ نىمىشقا ؟ ئىلىم-ھىكمەت يولىدا، ئىزدەن دەيدۇ نىمىشقا ؟ پەن-مائارىپ ئىشىنى، قوللا دەيدۇ نىمىشقا ؟ ئىلىم بىلەن يېزامنى، گۈللە دەيدۇ نىمىشقا ؟ دىھقان روھى مۇشۇنداق، نۇر چاچىدۇ باھارى .
ئادەملىرى تىرىشچان، ھورۇنلۇقتىن بەك يىراق ، رىقابەتلىك ئېڭى بار، ھەممە ئىشتا تىرىشقاق ، تىجارەتكە ئېپى بار، كۆزلىگىنى ھەم يىراق ، تىپىلمايدۇ بۇ يۇرتتا، نادان، كالۋا ھەم ساياق ، دىھقانلىرى مۇشۇنداق، ئەقىل تاپقان كامالى .
يۈرۈشلىرى سۈپەتلىك، ئۆيدە موتۇ، ماشىنا ، قۇرۇق ئەمەس ھەر ئۆيدە، ئىغىل-قوتان ،قوي-كالا ، ئەتراپلىرى جەننەت باغ، مېۋە كەڭرى قىر-سالا ، ساخاۋەتلىك دىھقانغا، بەركەت بەرسۈن ھەي خۇدا ، دىھقانلىرى تىرىشچان، راۋان ئىكەن يوللىرى .
ھۆسەينىيە مەكتىپى ، بۇ يېزامدا قۇرۇلغان ، چىلىش، پۇتپول ماھىرى، خەلقاراغا تونۇلغان ، دىھقان ئوغلى ئابدىرشىت، دوس خىنىمنى ئوقۇغان ، ئۈستۈن ئاتۇش باللىرى، شەمۇ-شەنى سورىغان، دىھقان ئوغلى ئىكەنغۇ، يۇرتىمىزنىڭ پەخىرى .
مائارىپنىڭ بۆشىكى ،بولغاچ ئەسلى بۇ يېزام ، چىققان نى-نى زىيالى، تارىخىغا كۆز سالسام ، تەرىپىنى يېزامنىڭ تۈگىمەيدۇ مەن يازسام ، دۆلەت ئىچى-سىرتىدا ، داڭقى چىققان بۇ يېزام ، ئەلمىساقتىن يېزامدا، دىھقان ئېڭى يۇقۇرى .
ئاپتۇرى: يۈسۈپجان سابىر ئوتياق بۇ يازمىنى ئاخىرىدا otyak تەھرىرلىگەن. ۋاقتى 2011-5-16 12:05
| 
يوللانغان ۋاقتى 2011-5-16 12:01
يوللانغان ۋاقتى 2011-5-16 14:46
