يىغىپ يۈرگەن دۇنياسىنى تويغا دەپ، تۆكۋىتىدۇ "مىھمان كەلدى ئۆيگە" دەپ. دىسەڭ ئەگەر چۈشەنمەستىن"بۇ قانداق"، بىلىپ قويغىن ئۇيغۇر دىگەن مۇشۇنداق.
ئۇيغۇرلارنىڭ قولى ئالتۇن كۆڭلى گۈل، باغ -باراقسان ئۇلار تۇرغان دەشتى چۆل. دوسقا ئۇلار مىھرى ئوچۇق كۆڭلى ئاق، بىلىپ قويغىن ئۇيغۇر دىگەن مۇشۇنداق.
سەھەر- ئاخشام ئىشىكىنى ئىلمايدۇ، قۇلۇپ سالماس قىزغىنىشنى بىلمەيدۇ. چۈشەنمەستىن دىسەڭ ئەگەر بۇ قانداق؟ بىلىپ قويغىن ئۇيغۇر دىگەن مۇشۇنداق.
قايغۇ چۈشسە تەڭ بۆلۈشۈپ ئالىدۇ، بىرسى كۈلسە ئۇنىڭ كۆڭلى قانىدۇ. قىرىنداشتىن ئارتۇق كۆرۈپ خوشنىسىنى، ئاتىسىدەك تىڭشايدۇ يار دۇستىنى.
خاپارىڭمۇ جاپادىن ئۇ قورقمايدۇ، ئاغرىپ قالساڭ ئەڭ ئاۋال شۇ يوقلايدۇ. دەردىڭ بولسا ئالىدۇ ئۇ بۆلۈشۈپ، شاتلىق كۈنى ئولتۇردۇ كۈلىشىپ.
ناخشا -سازسىز،مەشرەپسىز ئۇ يۈرمەيدۇ، سەن كۈلمىسەڭ ئۇ ئىچىلىپ كۈلمەيدۇ. سەن ئىگىلسەڭ ئۇ سۇنىدۇ سەن ئۈچۈن، ھە،سەن سۇنساڭ ئۇ ئۆلىدۇ سەن ئۈچۈن. مەنبە ئاشپەز تورى ئاپتور-ئىليار بەختىيار
| 
يوللانغان ۋاقتى 2011-5-4 00:17
