ئەسسالامۇ __ ئەلەيكۇم تورداشلار!!! 
تەرىپىڭنى كۈيلىسەم ئەگەر ، ئاددىي كىلەر <<پەرى>> دەپ ئاتاش . نېچۈن ساڭا باقمايدۇ بەخىت ، سەن جاپانى تۇتقانمۇ ئانا ؟ مېھرىڭ بىلەن بېخلىنىپ ئەمما ، نۇر چاچىدۇ دىلىقدا قۇياش . شۇسەۋەبتىن تىزلىنىپ مانا ، سالام بەردىم سەھرالىق ئانا . 
سۆزلەپ باقاي: كۈلۈپ باقمىدىڭ ، ئۇز ياسىنىپ كۈلۈپ باقمىدىڭ . <<ئىلچى>>دىگەن ئاۋات شەھەرنى ، چۈشۈڭدىمۇ كۇرۈپ باقمىدىڭ . خاپىچلىق چىرمىغاچ سىنى ، ھايات پەيزى سۈرۈپ باقمىدىڭ . سىنىڭ ئۈچۈن تىزلىنىپ مانا ، سالام بەردىم سەھرالىق ئانا .
ھويلاڭغىمۇ تېرىپ ئوسمىنى ، سېتىپ ، تىكىپ ھەتتا پوسمىنى . ئېتىزلاردا بۇلۇپ پايپىتەك ، ئۆزۇڭ ئەتتىڭ قىر ۋە توسمىنى . غەيرىتىڭدىن بارچە ئادەمنىڭ ، يۇرۇپ كەتتى كۆڭۈل ئاسمىنى . ئايىغىڭغا تىزلىنىپ مانا ، سالام بەردىم سەھرالىق ئانا .
كېۋەز تېرىپ ، پاختىسىز رەخىتنى ، ئۆزۈڭ كىيىپ ، خوش قىلىپ خەقنى . يانچۇقۇڭغا سېلىپ باقمىدىڭ ، بانكىلاردا پۇل قويغان چەكنى . قىلار كۆڭلۈڭ يەنە قانائەت ، ئۈزۈم يېمەي ، كۆمىسەڭمۇ تەكنى . ئاھ ، يىراقتىن تىزلىنىپ مانا ، سالام بەردىم سەھرالىق ئانا .
ئەللىك بەشكە بارسىمۇ يېشىڭ ، تەييار ئەمەس يېيىشكە ئېشىڭ . قاتتىق زاغرا تۇيۇلار تاتلىق ، قۇرت بېقىپ قايغاندا بېشىڭ . تەڭلىكىڭگە بۇلالماس دالدا ، يۇرۇڭقاشتىن تاپقان قاشتېشىڭ . سىنىڭ ئۈچۈن ياش تۈكۈپ مانا ، سالام بەردىم سەھرالىق ئانا .
جۇلدۇر _ كېپەن بولساڭمۇ ئۆزۈڭ ، تۈن قوينىدا چىراقتۇر كۆزۈڭ . شىۋىرغاندا تۇرساڭمۇ يېلىڭ ، ۋايسىراشتىن يىراقتۇر سۆزۈڭ . چىچەكلىگەچ قۇلىدا ھايات _ ئەل ئالدىدا يۇرۇقتۇر يۈزۈڭ . شۇ ئەجرىڭگە تىزلىنىپ مانا ، سالام بەردىم سەھرالىق ئانا . 
ئەنۋەر ھىدايەت شىئىرى . مەنبە : قاراقاش تەنتەنىسى . | 
يوللانغان ۋاقتى 2011-4-25 22:15
يوللانغان ۋاقتى 2011-4-25 22:27
