ئاپتۇر:كامىلجان ناسىر(دىلداش)
تۇلۇنئاي ئۈزگەندەك ئۈزسەڭ قەلبىمڭدە ،
بىخلىنار ئارماندىن پاك سۆيگۈم بۇدەم.
بۇ مىسكىن قەلبىمگە تاپىمەن تەسكىن ،
چۈنكى سەن روھىمدا ھامان پەرىشتەم.
ھەسرەتلىك خىياللار دەۋرەيدۇ ئۈنسىز ،
قالىمەن قاراڭغۇ جاڭگالدا ئۇزاق.
گىلاستەك لېۋىڭگە تەلمۈرەر لېۋىم،
ئارىمىز يىراقتۇر يىراق بەك يىراق .
ئۆتىدۇ سائەتلەر ئۇچقۇر شامالدەك،
ئۆتمۈشكە ئايلىنار سېغىنىش كۈتۈش.
چۈشۈمدۇر مۇھەببەت چۈشۈمدۇر ۋىسال،
چۈشۈمدۇر سەن بىلەن بىر بۇلۇپ ئۆتۈش.
ئەڭ پاكىز ئىماندىن تىلىدىم سېنى،
ئاللادىن كۈتكەندەك ۋەھى پەيغەمبەر.
تىلەيمەن تىلىكىم مەقبۇل بولغىچە .
تىلەيمەن تۇپراققا كىرگەنگە قەدەر.
| 
يوللانغان ۋاقتى 
يوللانغان ۋاقتى 