ھەممە ئىش ئۆزىڭىزگە باغلىق... سىز تەبىئەت ئاتا قىلغان بىر كۈنلۈك ۋاقىتنى قانداق ئۆتكۈزۈشنى ئويلاشتىڭىزمۇ؟سىز كەلگۈسىدە نىمە ئىش قىلماقچى؟ سىز ئۆزىڭىزنىڭ ھازىرقى ھالىتىدىن مەمنۇنمۇ؟....
سىز ھاياتنىڭ خوجايىنى بولۇش سۈپىتىڭىز بىلەن ئۇنىڭغا مەسئۇل بولىشىڭىز، يۇقىرىقى سوئاللارنىڭ جاۋابى ئۈستىدە ئەستايىدىل، سەۋىرچانلىق بىلەن ئىزدىنىشىڭىز كىرەك، چۈنكى، بۇ سىزنىڭ ھاياتىڭىز.
سىز ئۆز ھاياتىڭىزنى كونتۇرۇل قىلىش مۇقەددەس ھوقوقىغا ئىگە، سىز ئۆز ھاياتىڭىزنىڭ باش قوماندانى ، ھايات جەڭگاھلىرىدا ئەڭ كەسكىن ئۇرۇش بۇيرىقى چۈشۈرۈش ھوقوقى سىزنىڭ قولىڭىزدا ، سىز ھاياتلىق سىستىمىسىنىڭ قۇياشى، قىسقىسى، سىز ئەڭ بۈيۈك، ئەڭ مۇقەددەس جانلىق ، سىزنىڭ ھەر بىر دەقىقىدىكى ئويىڭىز ئاشۇ دەقىقىلەردىكى ھەركىتىڭىزنى بەلگىلەيدۇ. ھاياتىڭىزنىڭ نۇرلۇق ياكى خۈنۈك بولىشى تامامەن ئۆز ئىلكىڭىزدىكى ئىش. سىز ئۆز ھاياتىڭىزنى ئۆزگەرتەلەيسىز ، سىز ئەڭ قۇدرەتلىك ، ئەڭ بۈيۈك، سىزنىڭ ھەر بىر سۆيىشىڭىز ، ئۆزىڭىزنى سۆيۈشتىن باشلىنىدۇ. ھەي، ھايات يولىدىكى سەپەرداش، ئۆزىڭىزنى چۈشۈرمەڭ، ئۆزىڭىزنى سۆيۈڭ، ئۆزىنى سۆيۈش مۇھاببىتى سىزگە تەڭداشسىز قۇدرەت ئاتا قىلىدۇ ، سىزنى مۇھەببەتلىك دۇنيانىڭ گۇزەل باغلىرىغا باشلايدۇ، كىملەردىن ئۈمۈت كۈتىۋاتىسىز؟ ياق ، باشقىلاردىن ئۈمۈت كۈتمەڭ، ئۈمۈت كۈتۈش سىزنى قۇلغا ئايلاندۇرىدۇ، كىشىلەرگە تايانماڭ ، بۇ ئۆز روھىڭىزنى سۇندۇرىدۇ. قىسقىسى، ھىچكىم سىزگە قانداق ياشاشنى دەپ بىرەلمەيدۇ، پەقەت ئۆزىڭىز تاپىسىز. ئۆزىڭىزگە ئەڭ يىقىن بولغان ئۆزىڭىزنى چۈشىنىڭ، ئۇنى سەل چاغلىماڭ، قىسقىسى، ھەممىسى ئۆزىڭىزگە باغلىق....
ئاپتورى؛ ئابدۇرۇسۇل تۇرسۇن.
| 
يوللانغان ۋاقتى 2011-4-14 10:31
