ساخاۋەت دېگەن مال - دۇنيا ئەمەس ،
ئىككى كەلىمە تەسەللى - سەۋىر . ئۆزگىگە داننى ئۆتكۈزۈپ بىرىپ ،
ئۆزىگە تاشنى قالدۇرار غەلۋىر .
ھارام مال - دۇنيا ئىمانغا داغ- داپ ،
مېھرى- مۇھەببەت ئىنسانغا قانات . 
ئىنساننىڭ ئۆزى ئۇلۇغ بىر ئەسەر،
شەپقەت يەتكۈزۈش دىمەك مۇندەرىجە.
قىسمەتكە تولغان پىشانىمىزدا،
ئىلاھى شۇئار سۈزۈكتۇر شۇنچە.
ئانا سۈتىدىن باشلىنار قۇتاد،
مېھرى-مۇھەببەت ئىنسانغا قانات.
ئانا مېھرىدىن كۆز ئاچتۇق تولۇق ،
باراۋەرلىكتە ئالەم يوپ- يورۇق.
يىتىم ھەققىگە چاڭ سالساق ئەگەر،
بولۇپ كەتمەمدۇق دوزاققا تۇترۇق؟!
تەڭ باراۋەرغۇ ئەسلى ئادەم زات،
مېھرى- مۇھەببەت ئىنسانغا قانات.
ئىرىقتا سۇنى بىرگە ئىچىدۇ،
بىللە تىكىلگەن سۇۋادان تىرەك،
ئەلگە بىرىمىز شۇندىلا شەربەت،
قاتارى تۇرساق ئانار دانىسىدەك.
ئىناقلىق بىلەن گۈزەل كائىنات،
مېھرى- مۇھەببەت ئىنسانغا قانات.
ساخاۋەت دېگەن مال- دۇنيا ئەمەس،
ئىككى كەلىمە تەسەللى- سەۋىر .
ئۆزگىگە داننى ئۆتكۈزۈپ بىرىپ ،
ئۆزىگە داننى قالدۇرار غەلۋىر .
ھارام مال- دۇنيا ئىمانغا داغ- داپ،
مېھرى- مۇھەببەت ئىنسانغا قانات.
يىلغا باھانە كۆرسەتسەك بىكار،
ئۇنتۇلۇپ كىتەر كۆڭۈلدىكى داغ.
ئۇنتۇلار ھەممە، ئۇنتۇلماس پەقەت،
ساۋاپ- ياخشىلىق بىنا قىلغان باغ.
بىردەملىك ئىكەن نالايۇ- پەرياد ،
مېھرى- مۇھەببەت ئىنسانغا قانات.
نەغمە بولسىلا ئىچىلماس كىشى،
توقلۇق بولمىسا مېھرى- شەپقەتتىن.
تەقدىر شۇنداق دەپ ئۆتمەيلى دوسىتلار،
دىللار سۇ ئىچسۇن چىن مۇھەببەتتىن .
نەپرەت، شەپقەتكە تولغان بۇ ھايات،
مېھرى- مۇھەببەت ئىنسانغا قانات .
ئۇز تەبىئەتنىڭ كاجلىقى تۇتسا ،
شاختىلا نابۇت بولار گۈل- چىچەك.
مەسخىرە قىلىپ تۇرسىمۇ دۇنيا ،
كىم دەيدۇ ھەتتا ئۆزىنى چۆچەك .
نادانلارغىلا ئەرمەك ياغاچ ئات ،
مېھرى- مۇھەببەت ئىنسانغا قانات .
كۆكتىكى قۇشلاردەك قىلدۇرار پەرۋاز،
مېھرى- مۇھەببەت ئىنسانغا قانات.
بىر كۈن ھەمراغا 40 كۈن سالام .
بۇ ئەجدادلاردىن قالغان بىر ساۋات .
بۇ ئەجدادلارغا بولسۇن بىر ساۋاق ،
مېھرى- مۇھەببەت ئىنسانغا قانات . بۇ يازمىنى ئاخىرىدا iziz تەھرىرلىگەن. ۋاقتى 2011-4-13 13:50
| 
يوللانغان ۋاقتى 2011-4-13 13:08
يوللانغان ۋاقتى 2011-4-13 15:36
