دادىغا بىرىلگەن مىدال

muslimahinim

دادىغا بىرىلگەن مىدال

گىرمانىيىدە خىزمەتتە ئىنتايىن ئەستايىدىل ھەم مەسئۇلىيەتچان بىر ئاچال يۆتكۈگۈچى بار ئىدى. بىر قىتىم ئۇ ئىككى پويىزنىڭ ئۇ تۇرۇشلۇق ۋوگىزالىدىن ئۆتىدىغانلىقى توغۇرلۇق ئۇقتۇرۇش تاپشۇرىۋالدى، ئۇ بىر- بىرىگە قاراپ ئۇدۇل كەلگەن بۇ پويىزلارنىڭ بىرىگە ئاچال يۆتكىشى كىرەك ئىدى.
ئۇ ئاچال ئىغىزىغا كېلىپ ، يىراقتا بىر پويىزنىڭ كىلىۋاتقانلىقىنى كۆردى. يەنە بىر يۆنىلىشتىمۇ يەنە بىر پويىز گۈدۈك ياڭرىتىپ كىلىۋاتاتتى، ئۇ ئاچالنى يۆتكەشكە تەمشىلىپ تۇرغان پەيىتتە ، تۇيۇقسىز رىلىس ئۈستىدە ئوغلىنىڭ غەمسىز ئويناپ يۈرگەنلىكىنى كۆرۈپ قالدى. پويىز دەل ئاشۇ رىلىستىن ئۆتەتتى، بالا ئەتراپىدا بولىۋاتقان ئىشلاردىن خەۋەرسىز، بىرخىلدا قىيغىتىپ ئويناۋاتاتتى.
ئاچال يۆتكىگۈچى يۈگۈرۈپ بىرىپ بالىسىنى قۇتۇلدۇرىۋىلىشنى ئويلىدى ، لىكىن ئۇ بالىسىنى قۇتۇلدۇرۇپ، ئاندىن ئاچالنى يۆتكىسە ، ۋاقىت يىتىشمەيتى، ئۇ ھالدا ئىككى پويىز سوقۇلۇپ كىتەتتى. ئۇ كۆپ ئويلاپ ئولتۇرمىدى.
ھايات-ماماتلىق پەيىتتە ، ئۇ ئوغلى تەرەپكە قاراپ<<تىز يىتىۋال!>> دەپ قاتتىق ۋارقىرىدى-دە، ئاچالنى يۆتكىدى، پويىز خۇددى قۇيۇندەك ئۆتۈشكە باشلىدى.
ئاچال يۆتكۈگۈچى يەرگە يىقىلىپ چۈشتى، ئالدىدىكى رىلىسقا قاراشقا پىتىنالمىدى.
پويىز ئۆتۇپ كەتكەندىن كىيىن ، ئۇ ئوغلىنىڭ ھايات ئىكەنلىكىنى كۆردى ، ئەسلىدە بالا دادىسىنىڭ ئاۋازىنى ئاڭلاپلا رىلىسقا چاپلىشىپ يىتىۋالغانىدى. پويىز بالىنىڭ ئۈستىدىن ئۆتۈپ كەتكەن، قورقۇپ كەتكەندىن باشقا ، ھىچقانداق يارلانمىغانىدى.
دادا ئوغلىنى باغرىغا بىسىپ خۇشاللىقىدىن يىغلاپ كەتتى.
كىيىن بۇ ئىش گىرمانىيە پادىشاھىنىڭ قۇلقىغا يەتتى، ئۇ بۇ ئاچال يۆتكۈگۈچىگە قاتتىق قايىل بولۇپ ، ئۇنى قوبۇل قىلماقچى بولدى،
ئاچال يۆتكۈگۈچى ئوردىغا كەلدى ، پادىشاھ ئۇنى تەرىپلىدى، ئاخىرىدا ئۇنىڭغا يەنە بىر شەرەپ مىدالى بەردى.
لېكىن ، نۇرغۇن كىشىلەر ، پادىشاھنىڭ ئۇنى قوبۇل قىلغىننىڭ ئۆزى يىتەرلىك ئىدى، يەنە ئۇنۇڭغا ئەڭ ئالىي شان-شەرەپكە ۋەكىللىك قىلىدىغان مېدال بىرىش ئارتۇقچە دەپ قارىدى.
بۇ گەپكە قارىتا ھۆكۈمەت مۇنداق چۈشەندۈردى؛<< بىر ئادەمنىڭ ئۆز ۋەزىپىسىنىڭ ھۆددىسىدىن چىقىشى ھەقلىق ، بۇنى ھەممە ئادەم قىلالىشى مۇمكىن ، لىكىن ھايات-ماماتلىق پەيىتتە دادىسىنىڭ گىپىنى ئاڭلايدىغان ، دادىسىغا ماسلىشالايدىغان بالىنى تەربىلەپ چىقىش ئۇنچە ئاسان ئەمەس، بۇ ئەمەلىيەتتە بىر دادىغا بېرىلگەن مىدال>>

مەنبە؛<<تەرمىلەر>>ژورنىلىنىڭ 2002-يىللىق 5-سانىدىن ئىلىندى.

nazakat1212

مەن بۇ داددىن ۋە بالىدىن بەكلا پەخىرلەندىم. بۇ دادا بىزگە نىسبەتەن بىر ئۆگىنىش ئۈلگىسى ھېسابلىنىدۇ.

admin

رەھمەت

13369988177

تەسىرلىككەن،رەھمەت.