مەن چ چ تاشلىدىم (ئاتەش ماكان) 
مەن چ چ نى تاشلىدىم مانا ، ھىكايەمنى باشلىدىم مانا. ئىبرەت ئېلىڭ بۇ ھىكايەمدىن ، مەندەك دەرتكە قالمىغىن يانا .
چ چ ياخشى دېسە باشقىلار ، مەنمۇ بەكلا قىزىقىپ ئالدىم . يىغىپ كەتتى ئۇچۇرلار بەك جىق، يىتىشەلمەي بالادا قالدىم.
بىرى دەيدۇ :چ چ رىڭ قانچە ، بىرى دەيدۇ ؛ يېشىڭىز قانچە ؟ تونۇشقۇم بار سىز بىلەن شۇنچە، دوست بوپ قالساق بولامۇ سىزچە ؟
رەت قىلمىدىم دەسلەپ ھەممىنى ، سورىغانغا بەردىم جاۋاپنى . ئۆزۈمنى ھەم ئۆزگىنى خوش قىپ ، كۆيدۈرمىدىم زىخ ھەم كاۋاپنى .
دەسلىپىدە قالدىم قىزىقىپ ، خۇشاللىقتا كۈلدۈم تېلىقىپ . لېكىن ۋاقىت ئۇزارغانسېرى ، بەزى ئىشلار قالدى چېلىقىپ .
ئۆتتى ۋاقىت ئايلاپ ھەم يىللاپ ، بىر-بىرىمىزنى چ چ غا چىللاپ . بەزىلەرگە جاۋاپ بەرمىسەم ، قىپتۇ ئۇچۇر مېنى سەت تىللاپ .
سۈكۈت قىلسام "جاۋاپ ياز" دېدى،
جاۋاپ يازسام "نىمانداق ماز"دېدى . يېتەلمىدىم شۇنچە ئويلاپمۇ ، بۇنىڭسىزمۇ دەردىم ئازمىدى ؟
بەزىلىرى كامىرا ئېچىپ : قانداقكەنمەن تىز قاراڭ- دېدى . كۆنمىسەملا ئۇنىڭ شەرتىگە : يوقال كۆزدىن ،ۋۇ ساراڭ – دېدى .
ئوخشىماسكەن ھەركىمنىڭ ئويى، مىجەز-خۇلقى ،گەپ-سۆزى خۇيى. بەزىلەرنىڭ گېپى بەك سېسىق ، كاللىسىدا بارمىكىن سۈيى .
بەزىلەرگە ئىشەنسەم بەكلا ، ئاخىر قىلدى يىراق ئارىنى . توقۇپ چىقتى بىزەڭ ھىكايە ، ھېيىقماستىن سۈركەپ قارىنى .
بىرى ئىكەن يازدىمۇ توڭغاق ، بىرى ئىكەن تۇرالماس دوڭغاق . تايىنى يوق بۇنداق دوستلاردىن ، بىزار بولماي تۇرىمەن قانداق .
ئاخىر بىلدىم بىر ھەقىقەتنى ، "سالام " دېسىلا دوست بولمايدىكەن . بولمىسا دوست ئويلىغىنىڭدەك ، كۆڭۈل شاتقا ھىچ تولمايدىكەن .
دوست دېگەننى قاراپ تۇتقۇلۇق ، جاپالاردا سىناپ تۇتقۇلۇق . ئايرىمىسا ياخشى – ياماننى ، بولار ئاخىر شۇنداق بولغۇلۇق .
ئاچچىقىمدا تاشلىدىم ئۇنى ، شۇندىن بۇيان يورىماس بولدى . مانا ئەمدى ھىچكىممۇ مەندىن ، چ چ رىمنى سورىماس بولدى .
چ چ تاشلاپ ئالدىم ئارامنى ، ھىچكىم كۆرمەس بولدى قارامنى . ئەنسىرەيمەن چ چ نى ئاچسام ، تاتلارمۇ دەپ كونا يارامنى .
چ چ دىن بەك كۆڭلۈم سوۋۇدى ، شۇڭا قىلدىم ئۇندىن ئېھتىيات . چ چ دېگەن مۇشۇنداق بولسا ، ئىشلەتمەسمەن ئەمدى پەندىيات .
ئىزاھات : ئەسسالامۇ ئەلەيكۇم ، مۇنبەردىكى دوسلار بۇ تېمىنى كۆرۈپ ئاتەش ماكان چ چ نى تاشلاپتۇ دەپ قالماڭلار مەن تاشلىمىدىم ، نەچچە كۈن ئىلگىرى بىر خىزمەتدىشىم چ چ ئىشلەتكەن بىر نەچچە يىلدىن بېرى كۆپ قېتىم تۈرلۈك كۆڭۈلسىزلىكلەرگە ئۇچۇراپ ،چ چ دىگەن نەرسىدىن شۇنداق بىزار بولۇپ كەتكەنلىكى ھەققىدە بىر مۇنچە دەرت -ھال ئېيتقان ئىدى ،شۇ خىزمەتدىشىمنىڭ ئېيتقانلىرىدىن ئىلھاملىنىپ بۇ شئېرنى يېزىپ چىقتىم . بۇ يازمىنى ئاخىرىدا atax=makan تەھرىرلىگەن. ۋاقتى 2011-3-15 21:31
| 
يوللانغان ۋاقتى 
يوللانغان ۋاقتى 
