خوتەن ۋاسكېتبول مۇسابىقىسى خەۋىرى(2)
ئۇيغۇر ۋاسكېتبول تورىنىڭ 20-فېۋرال خەۋىرى؛ خوتەن ۋىلايەتلىك مەدىنىيەت-تەنتەربىيە ئىدارىسى، خوتەن ۋىلايەتلىك ۋاسكېتبولچىلار جەمئىيىتى، خوتەن دىلپاك سودا چەكلىك شىركىتى ئۇيۇشتۇرغان « خوتەن دىلپاك لۇڭقىسىنى تالىشىش ۋاسكېتبول تەكلىپ مۇسابىقىسى » خوتەن شەھرىدىكى خوتەن ۋىلايەتلىك ياش-ئۆسمۈرلەر پەن تىخنىكا مەدىنىيەت-تەنتەربىيە پائالىيەت مەرگىزى ۋاسكىتبول مەيدانىدا داۋاملىق ئىلىپ بىرىلدى.2015-يىلى 2-ئاينىڭ 20-كۈنى كەچ ئۈرۇمچى ۋاختى 00؛7 دە، « خوتەن دىلپاك لۇڭقىسىنى تالىشىش ۋاسكېتبول تەكلىپ مۇسابىقىسى » ھەل قىلغۇچ ئايلانما مۇسابىقىسىنىڭ ئىككىنچى كۈنىدىكى ئىككى مەيدان مۇسابىقە ئىلىپ بىرىلىدى.
بىرىنچى مەيدان مۇسابىقە قىرانبەك يىتەكچىلىگىدىكى تەيئەيتەن كوللاگىنلىق پېپتىد كوماندىسى بىلەن ئاكا-ئۇكا مەۋلان مەردانلار يىتەكچىلىگىدىكى كائىنات ئۆي جازىلىرى كوماندىسى ئوتتۇرسىدا ئېلىپ بىرىلدى. بۇ مەيدان مۇسابىقىدە تەيئەيتەن كوللاگىنلىق پېپتىد كوماندىسىنىڭ چەتئەلدىن تەكلىپ قىلىنغان ئەزاسى ئىئوردانىيەلىك ئابباس، قىرانبېك ماقان، ئابدۇرۇپ قاتارلىقلارنىڭ ياخشى ئىپادىسىگە تايىنىپ ئاخىرى 88-86 نەتىجە بىلەن كائىنات ئۆي جازىلىرى كوماندىسىنى مەغلۇپ قىلدى.
ئىككىنچى مەيدان مۇسابىقە ساھىپخان كوماندا دېلپاك كوماندىسى بىلەن مۇرات ئادىلجان يىتەكچىلىكىدىكى خوتەن بۆدۇنە ئالاھىدە قۇش تائاملىرى كوماندىسى ئوتتۇرسىدا ئېلىپ بىرىلدى. بۇ مەيدان مۇسابىقىدە دېلپاك كوماندىسى تەكلىپ قىلغان چەتئەللىك ئەزالاردىن لىبىنسون بىلەن تونىنىڭ ئىپادىسى ياخشى بولغان بولسىمۇ ئەمما يەرلىك ئەزالار بىلەن ماسلىشىپ ئوينىشى ياخشى بولمىدى. ئىككى كوماندا ئەزالىرى كەسكىن تىركىشىپ، نۇمۇر قوغلۇشۇپ ماڭدى. ئەڭ ئاخىرقى ھالقىلىق ۋاقىتتا خوتەن بۆدۇنە ئالاھىدە قۇش تائاملىرى كوماندىسى ئەزاسى ئەنقەرجان ئارقا-ئارقىدىن ئۈچ نۇمۇرلۇق توپ ئېتىپ چۇشۇرۇپ نۇمۇر پەرقىنى چوڭايتتى . ئاخىرى خوتەن بۆدۇنە ئالاھىدە قۇش تائاملىرى كوماندىسى 86-79 نەتىجە بىلەن دېلپاك كوماندىسىنى مەغلۇپ قىلدى.
مۇسابىقە ئۇرۇنلاشتۇرۇش تەرتىپى بۇيىچە ئەتە 2-ئاينىڭ 21-كۈنى كەچ ئۈرۇمچى ۋاختى 00؛7 دىن باشلاپ داۋاملىق ئېلىپ بىرىلىدۇ.
ئەسلى مەنبە؛ ئۇيغۇر ۋاسكىتبول مۇنبىرى؛ http://waskitbol.com/forum.php
بەت:
[1]