ئىزدىنىش مۇنبىرى › شېئىرىيەت گۈلزارى › بىر ئانىنىڭ ھاراقكەش ئوغلىغا ئاتاپ يازغان شېئىرى

turghon يوللانغان ۋاقتى 2015-2-10 01:07:30

بىر ئانىنىڭ ھاراقكەش ئوغلىغا ئاتاپ يازغان شېئىرى

بۇ يازمىنى ئاخىرىدا   turghon تەھرىرلىگەن. ۋاقتى  2015-2-10 01:09  

بۇنى بىر ئانا ھاراقكەش ئوغلىغا ئاتاپ يازغان ئىكەن، باشقىلارنىڭ تەۋسىيە قىلىشى بىلەن بۇ يەردە كۆپچىلىكنىڭ ھوزورىغا سۇندۇم، شۇ ئەزىزلەرنىڭ كۆزىدىن ياشلار ئاقمىسۇن ....
                                                                           ئىچىۋەر

                                               رەھمەت  ئېيتىپ ساقىيغا ئىچتىڭ بىھۇش ئىچىۋەر
                                               ئەپۇ سوراپ كۆكسۈڭگە تەگسىمۇ مۇشت ئىچىۋەر

                                               كەتتى ئالتۇن چاغلىرىڭ،سۇلدى ئۆمۈر باغلىرىڭ
                                               چۈشكۈنلۈكنىڭ بېغىدا بولۇپ ھۇۋقۇش ئىچىۋەر

                                               ئىچىپ رەڭگىڭ سۇلسىمۇ،قەلبىڭگە دەرد تولسىمۇ
                                               ئەسلا ئازاب چەكمەيسەن،ياشاپ گومۇش ئىچىۋەر

                                               ئىنسانلىقىڭ ئەستە يوق،چ چۈنكى دىلىڭ قۇپقۇرۇق
                                               قۇرۇق دىلغا نەھاجەت،كۆڭۈل قويۇپ ئىچىۋەر

                                               قاراپ باسقان يولۇڭغا،رومكا تۇتقان قولۇڭغا
                                               كۈلكە قىستارھەركىمنى بەرمەي تونۇش ئىچىۋەر

                                                دەيسەن مەنغۇ مەست ئەمەس،يوللار ئىكەن ئىگىزپەس
                                                شۇ تۇيغىدا كۆڭلۈڭنى ئېتىپ سەن خوش ئىچىۋەر

                                                 پۇلسىز ئىچىپ تويغىچە، ئاتالدىڭ خوپ قويمىچى
                                                 قەرزىڭ بولسا  ئاتاڭ بار، نېمە قورقۇش ئىچىۋەر

                                                 چىقماي مەڭگۈ بوتكىدىن، ئىچىپ سەنتەي ۋودكادىن
                                                 تېنىڭ بىلەن بىر بىرلەپ قىلىپ ئۇرۇش ئىچىۋەر

                                                  ئۆلسەڭ گۆردە قويارمىز،مەي كۆلىدە يۇيارمىز
                                                  راۋا كەلسە مۇرداڭنى مەيدە يۇيۇش ئىچىۋەر  

                                                  بوتۇلكىدىن قەبرە ياساپ مەيدە يۇيارمىز
                                                  نامازغا ئادەم كەلـمىسە خەنزۇ زەرەتگاھلىقتا قويارمىز

ئاپىڭىز زىلەيخاندىن، 2014 ـ يىلى 3 ـ مارت، دۈشەنبە كىچە  

     

21132113 يوللانغان ۋاقتى 2015-2-10 08:24:27

تەسىرلىك يېزىلىپتۇ.

GHURUR1992 يوللانغان ۋاقتى 2015-2-10 08:35:33

كونىلار مەسىتلىك - پەسلىك دەپ بىكار ئېيىتمىغان ئىكەن. ھاراق دېگەن زادى ئىچىدىغان نەرسە ئەمەس .

ArpatKurban يوللانغان ۋاقتى 2015-2-10 16:39:17

ھاراق  شۇنداق پەيزى نەسىمىدۇ دەيمەن:(

106 يوللانغان ۋاقتى 2015-2-10 18:38:28

ئىچىپ بىقىڭ.

azharbag يوللانغان ۋاقتى 2015-2-10 20:29:13

ئاز  ئىچىڭ-ئازراق ئىچىڭ !
جىقراق ئىچسچا؟
ئۇلەپ كىتىدا !!!!

udun007 يوللانغان ۋاقتى 2015-2-10 20:40:18

ھاراقكەشكە ئىشەكنىڭ سۈيدۈكىنى رومكىغا قويسا، ھاراقمۇ-سۈيدۈكمۇ پەرىق قىلماي ئىچىۋىتەرمۇ؟{:92:}

mazargojam يوللانغان ۋاقتى 2015-2-10 23:14:49

بۇ دەرتمەن ئانا شائىرە ئىكەنغۇ؟ ھاراقكەش ئوغلى بىر ساتىرانىڭ پۈتۈشىگە سەۋەپچى بولۇپتۇ. لېكىن بالىلار ئاتا-ئانىلارنى قاخشاتماسلىقىمىز كېرەك.

begtash يوللانغان ۋاقتى 2015-2-11 10:20:29

باشلىقىم ماڭا ھاراق ئىچۈرەلمەي ئاۋارە، ئاز قالدى ماڭا قالپاق كىيگۈزگىلى.
باشلىقىمغا مۇنداق دىدىم، 1- مەن ھازىر 30 ياشقا كەلگۈچە ھاراق ئىچمەپتىمەن شۇڭا ئىچمەي، 2- ئاشقازىنىم ئاجىز دوختۇر ھاراق، لازا دىگەندەك ئاشقازانغا زىيانلىق نەرسىلەرنى ئىستىمال قىلماڭ بولۇپمۇ ھاراق ئىستىمال قىلماڭ دىگەن دەپ بانا كۆرسەتسەم، باشلىقىم ماڭا سەن ناماز ئوقۇيدىكەنسەن ھاراق ئىچسە ھارام دەپ شۇڭا ئىچمەيسەن دەپ زورلاپ تۇرىۋىلىپ تاس قالدى ئىچۈرۋەتكىلى، ئاغىزىمغا يىقىن ئەكىلىشى نەدىن كەلدىكى بىلمەيمەن ھۆ بولۇپ بىر قۇسۇپتىكەنمەن ھازىر ماڭا ھاراق رورلىمايدۇ، مەنمۇ ھاراق شاراپ بار سورۇندىن نىرى تۇرىمەن.

: بىر ئانىنىڭ ھاراقكەش ئوغلىغا ئاتاپ يازغان شېئىرى