تاشپولات: بىر يىل ئىچىدە مۇۋەپپەقىيەت قازىنىشنىڭ 7 خىل ئۇسۇلى
بۇ يازمىنى ئاخىرىدا TashpolatRozi تەھرىرلىگەن. ۋاقتى 2015-2-7 12:16بىر يىل ئىچىدە مۇۋەپپەقىيەت قازىنىشنىڭ 7 خىل ئۇسۇلى
تاشپولات روزى
يېڭى يىل كېلىشى بىلەن “يىللىق نىشاننى” بېكىتىدىغانلار ناھايىتى كوپ. كىشىلەر يېڭى يىلنىڭ بېشىدا، جاسارەتلىك روھلارغا تولۇپ، قانداقلا بىر ئىشقا نىسبەتەن نىشانىنى قۇرۇپ چىقىدۇ. مۇنداق ياكى ئۇنداق نىشاننى قۇرۇپ چىقسىمۇ بىراق جاسارىتىنى داۋاملاشتۇرۇپ نىشانىنى ئەمەلگە ئاشۇرىدىغانلار ئاز كۆرۈلىدۇ. ھەتتا قۇرۇپ چىققان نىشاننى پۈتۈنلەي ئۇنتۇپ قالىدىغانلارمۇ يوق ئەمەس. بۇنداق بولغاندا تىرىشچانلىق بىلەن قۇرۇپ چىققان نىشاننىڭ ھېچقانداق ئەھمىيىتى بولمايدۇ. بۇ يىل قانداقلا بولمىسۇن نىشانىمنى ئەمەلگە ئاشۇرىمەن دېگۈچىلەرگە يىللىق نىشانىنى تەكشۈرۈپ مۇۋەپپەقىيەت قازىنىشنىڭ تۆۋەندىكى 7 خىل ئۇسۇلنى تونۇشتۇرىمەن.
1. يەتمەكچى بولغان نىشان چۈشىنىشلىك قۇرۇلۇشى كېرەك
نىشاننى بەلگىلىگەندە ئېنىق بولمىغان نىشاننى بېكىتىشتىن ساقلىنىش كېرەك. ئېنىق بولمىغان نىشان بېكىتىلسە، نېمىگە يەتمەكچى بولغانلىقىنى ئۇقالماي، يەتمەكچى بولغان نىشان ئۈچۈن ھاسىل بولىدىغان قوزغاتقۇچ كۈچ يوقاپ كېتىدۇ. ئۇنداق بولسا كونكرېت قانداق ئالاھىدىلىك بىلەن نىشاننى بېكىتىش كېرەكلىك ئۈستىدە توختىلايلى. مەسىلەن، “بۇ يىل چوقۇم ئورۇقلايمەن” دەيلى. بۇ يەردە ئورۇقلايمەن دېگەنلىك ياخشى بولسىمۇ بىراق 1 كىلو ئورۇقلاش كېرەكمۇ ياكى 10 كىلو ئورۇقلاش كېرەكمۇ ياكى بەدەن ئېغىرلىقى بىلەن ئەمەس پەقەت سىرتقى كۆرۈنۈشنى مەقسەت قىلغان نىشانمۇ مۇشۇلار ئېنىق بولمىسا، كونكرېت قانداق ئەھۋالدا مەقسەتكە يەتمەكچى ئىكەنلىكى ئېنىقسىز بولۇپ كىشىنى قايمۇقتۇرىدۇ. بىز نىشاننى قۇرۇپ چىققان ۋاقتىمىزدا “بۇ يىل چوقۇم 5 كىلو ئورۇقلايمەن” ياكى “بەلنى 5 سانتىمېتىر كىچىكلىتىمەن” دېگەندەك كونكرېت سان بىلەن ئىپادىلىمىسەك بولمايدۇ. مۇشۇنداق نىشاننى ئېنىق بېكىتكەندە يەتمەكچى بولغان مەقسەت ئېنىق بولۇپ، قۇرۇپ چىققان نىشانغا ئاسانلا يەتكىلى بولىدۇ.
2. نىشانغا يەتكۈچە بولغان ئارىلىقتىكى جەريانلارنى تەپسىلىي بولۇپ چىقىش
سانلىق مەلۇماتلارنى ئوز ئىچىگە ئالغان كونكرېت نىشاننى بەلگىلىگەندىن كېيىن، ئۇلارنى تەپسىلىي بولۇش كېرەك. مەسىلەن، 12-ئاينىڭ 31-كۈنىگىچە 5 كىلو ئورۇنلايمەن دېگەن نىشان بىلەيلا مەقسەتكە يەتكىلى بولمايدۇ. بولۇپمۇ قايسى ۋاقىتقىچە قانچە كىلو ئورۇقلىسام بولىدۇ ۋە قايسى ۋاقىتتا نېمە ئىش قىلمىسام بولمايدۇ دېگەنلەرنى چۈشىنىشلىك ئاددىي قىلىپ كۆرسەتمىسەك بولمايدۇ. شۇڭا نىشاننى تەپسىلىي بولۇپ چۈشەندۈرۈپ چىقىش ئىنتايىن مۇھىم. مەسىلەن، 12-ئاينىڭ 31-كۈنىگىچە 5 كىلو ئورۇقلايمەن دەپ نىشاننى بېكىتكەندىن كېيىن، “ئىككى ئاي ئىچىدە 1 كىلو” ياكى “2-ئايدا 1 كىلو ئورۇقلاپ 4-ئايغىچە 2 كىلو، 6-ئايغىچە 3 كىلو، 8-ئايغىچە 4 كىلو، 11- ئايغىچە 5 كىلو ئورۇقلايمەن” دەپ بېكىتىپ 12-ئايدا قېپ قالغان يەنى ئورۇقلىيالماي قالغان قەسىمىنى ئورۇقلاپ تۈگىتىش دېگەندەك تەپسىلىي ئورۇقلاش نىشاننى بېكىتىش كېرەك. مۇشۇنداق قىلغاندا ئۇزۇن مۇددەتلىك نىشاننى قىسقا نىشانلارغا بولۇپ، ھەربىر ئارىلىقتىكى قىلماقچى بولغان ئىشلار سىزدە ئېنىق بولۇپ، يەتمەكچى بولغان نىشاندىكى جەريانلارنى باشقۇرماق ئاسان بولىدۇ.
3. تەپسىلىي نىشانغا نىسبەتەن ۋاقىت جەدۋىلىنى بېكىتىڭ
ئۇزۇن مۇددەتلىك نىشاننى تەپسىلىي قىسقا نىشانلارغا بۆلگەندىن كېيىن، ھەربىر قىسقا نىشاننى قانچىلىك ۋاقىت ئىچىدە ئەمەلگە ئاشۇرىدىغانلىقىڭىزنى بەلگىلەڭ. ئالدى بىلەن بىر يىلنىڭ يېرىم يىلىدا نىشانىڭىزغا قانچىلىك يەتكىلى بولىدىغانلىقىڭىزنى ئويلاڭ، ئۇنۇڭدىن كېيىن ئۇنى ئالتىگە بولۇپ، ھەربىر ئايدىكى كىچىك نىشانىڭىزنى بېكىتىڭ. ئۇنۇڭدىن كېيىن يەنە ھەر بىر ئايدىكى نىشانىڭىزنى 4 كە بولۇپ، ھەر بىر ھەپتىدىكى ۋاقىت جەدۋىلىڭىزنى ئويلاڭ. شۇنداق قىلسىڭىز ھەر بىر كۈندىكى قىلماقچى بولغان ئىشىڭىزنى بەلگىلەلەيسىز.
4. مۇۋاپىق بولغان پىلان تۇزۇڭ
نىشان بەلگىلىگەندىن كېيىن دىققەت قىلىشقا تېگىشلىك مۇھىم نۇقتا ۋاقىت جەدۋەلنى ياخشى باشقۇرۇش. ئېسىل بىر نىشاننى بەلگىلەپ چىقىپ ھەر كۈنى قىلىشقا تېگىشلىك ئىشىڭىزنى بولۇپ چىققان تەقدىردىمۇ، ئۇنى بېجىرىش مۇمكىن بولغان ۋاقىت جەدۋىلى بولمىسا بولمايدۇ. شۇڭا ئاخىرقى ئۇزۇن مۇددەتلىك نىشانىڭىزنى قايتا ئۆزگەرتىپ چىقىش زۆرۈرىيىتى بولىدۇ. مەسىلەن، ئادەتتە تەن ھەرىكەت بىلەن شۇغۇللانمايدىغان بىر ئادەم ئۈچۈن “ھەر كۈنى 20 كىلومېتىر يۈگۈرىمەن” دەپ بىر كۈنلۈك نورمىڭىزنى بېكىتكەن تەقدىردىمۇ، ئۇنى بىر يىل داۋاملاشتۇرۇش مۇمكىنمۇ؟ بەلكىم ھەرىكەتكە كۆنمىگەن بەدىنىڭىز بۇنىڭغا ماسلاشماي قانداقتۇر بەدەندە چاتاق چىقىشى مۇمكىن. بۇنداق ئۆزىڭىزگە ماسلاشمىغان پىلاننى پىلان دېگىلى بولمايدۇ.
5. نىشانىغا يەتكەن كىشىلەرنىڭ ۋاقىت جەدۋىلىدىن پايدىلىنىڭ
ئۆزىڭىز قىلىپ باقمىغان ئىشقا نىسبەتەن بېكىتكەن نىشانىڭىزنى توغرا ياكى خاتامىكىن دەپ ئويلىشىڭىز ئانچە ئاسانغا توختىمايدۇ. بۇنداق ۋاقتىدا سىز يەتمەكچى بولغان نىشانغا باشقىلار قانداق قىلىپ يەتكەنلىكىنى ۋە ئۇنۇڭ ۋاقىت جەدۋىلىدىن پايدىلانغان ياخشى. ئىنتېرنېتتا ئىزدىسىڭىز ھەرخىل نىشانلارغا يەتكەن كىشىلەرنىڭ مۇۋەپپەقىيەت قازىنىش ئۇسۇللىرى ۋە ئۇنى ئەمەلگە ئاشۇرۇش ئۈچۈن قوللانغان ۋاقىت جەدۋەللىرىنى تاپالايسىز. مانا مۇشۇ ۋاقىت جەدۋەللىرىدىن پايدىلىنىپ ئۆزىڭىزگە مۇۋاپىق بولغان جەدۋەلنى تۈزۈپ چىقىڭ.
6. ھەمراھىڭىزنى تەپىڭ
يېقىن دوستىڭىز بولامدۇ ياكى تۇغقانلىرىڭىز بولامدۇ ياكى تور دۇنياسىدا تونۇشقان دوستىڭىز بولامدۇ سىز بىلەن ھەمكارلىشالايدىغان ھەمراھىڭىزنى تاپسىڭىز ناھايىتى ياخشى بولىدۇ. بۇنداق قىلسىڭىز سىز نەتىجە چىقىرالمىغان ۋاقىتلىرىڭىزدا ئۇلار سىزگە ياردەمدە قىلىدۇ ھەم رىغبەتلەندۈرىدۇ. ئەگەر ئۇلارنىڭ بىرەرى سىز يەتمەكچى بولغان نىشان ئۈچۈن كۈرەش قىلىۋاتقان بولسا، ئۇلار سىزنى كۆپلىگەن ئۇچۇرلار بىلەن تەمىنلەپ بېرىشى مۇمكىن.
7. قايتا ئويلىنىڭ
بىر ئايلىق قىسقا نىشان، پەسىللىك، يېرىم يىللىق نىشان، ئاخىرقى بىر يىللىق نىشانىڭىزنى قايتا ئويلىنىپ چىقىڭ. ئۆزىڭىز تۈزگەن ۋاقىت جەدۋىلىدە خاتالىق بارمۇ يوق؟ بۇ قۇرغان نىشانىڭىز ئۆزىڭىزگە ھەقىقەتەن مۇۋاپىق بولامدۇ يوق؟ مۇشۇنداق قايتا ئويلىنىشلار ئارقىلىق سىز قۇرغان نىشانىڭىزغا بىر يىلدا يېتىشىڭىز مۇمكىن. كېلەر يىلى باشقا نىشان بەلگىلىگەندە بۇ يىل تۈزگەن نىشانىڭىز ناھايىتى چوڭ ياردەمدە بولىدۇ. ياخشى نۇقتىلا بىلەن يامان نۇقتىلارنى ئېنىق ئايرىپ چىقىپ قەرەللىك ھالدا قايتا ئويلىشىڭ.
قېنى ئۇنداق بولسا سىزمۇ ۋاقىتنى ئۆتكۈزمەي يىللىق ئوز نىشانىڭىز قۇرۇپ چىقىپ بىر يىل ئىچىدە مۇۋەپپەقىيەت قازىنىش نىشانىڭىزنى بەلگىلەپ چىقىڭ.
پايدىلانغان مەنبە: MT Lifehacher
http://en.motivation-upgrade.com/
ياخشى پىلان تۈزۈش ھەممەا ئادەمنىڭ قۇلىدىن كىلىۋەرمىسىمۇ تاشپۇلات ئاكامنىڭ كۆرسەتمىسىدە ئۆزمىزگە يارىشا تۈزۈپ باقساق ، كىيىنچە تۇلۇقلاپ دىگەندەك پىلانلىق ئىش قىلالايدىغان بۇپ قالىمىز...
بۆزقىر تورى قايتا ئىچىلىپتۇ؛ http://bbs.bozqir.top/forum.php ئىسىل ھازىر پىلان تۈزگۈدەك ياخشى پۇل تىپىش پۇرسىتىمۇ قالمىدىغۇ دەيمەن دىيارىمىزدا ، ئەمما ئەس قاتىدۇ ، aptap1 يوللىغان ۋاقتى 2015-2-7 15:41 static/image/common/back.gif
ئىسىل ھازىر پىلان تۈزگۈدەك ياخشى پۇل تىپىش پۇرسىتىمۇ ق ...
ئىنسانلار ئۆرە تۇرىدىكەن پۇرسەت بار، پۇرسەتنى تاللاپ بىرسىنى باشلاپ بۇلالماي ئاۋارە... توغرا، پىلاننى ئىنچىكە بۆلۈش ۋە ۋاقىت چېكى بەلگىلەش بەك مۇھىمكەن. مەنمۇ پىلاننى بەك تۈزۈمەن لىكىن ئىجرا قىلىشتىن قورقىمەن، نىمە ئىشكى بىلمىدىم ئادەملەر بىلەن ئالاقە قىلىشتىن قورقىمەن، ئۆزەم يالغۇز يەككە يىگانە يۈرسەم دەيمەن، مال ساتقىلىمۇ ئامال يوق چىقمىسام چىققۇم كەلمەيدۇ، نىمىشقا دىگەندە باشقىلارنىڭ مەندىن گەپ سورىشىدىن ، گىپىمنى قاملاشتۇرۇالماي كۈلكىگە قېلىشتىن قورقىمەن. aptap1 يوللىغان ۋاقتى 2015-2-7 15:41 static/image/common/back.gif
ئىسىل ھازىر پىلان تۈزگۈدەك ياخشى پۇل تىپىش پۇرسىتىمۇ ق ...
سىزنىڭ ئىنكاسىڭىزنى كۆرۈپ بىر پۇرسەت يازدىم. بشقا پۇرسەتلەر مۇشۇ مۇنبەردىمۇ بار، تىمىلېرىمدىن ئىزدەپ بىقىڭ، يارىمىسا بار بولساق يەنە ئالاقىلىشارمىز. ئاددى تىمىلارنى ھەممە مۇنبەرگە يوللاشتىن خىجىل بۇپ قالدىم.بۇ يەردىن كۆرۈڭ. يەتمەكچى بولغان نىشاننى ئېنىق بېكىتىپ، قەدەم باسقۇچلارنى ئەتراپلىق بەلگىلەپ، پىلاننى كونكىرتلاشتۇرۇپ تۈزۈپ، نىشان، باسقۇچ ۋە پىلاننى ئەمەلىيەتچىل، سوغۇققان پوزېتسىيە بىلەن ئەقلىي تەپەككۇر يۈرگۈزۈپ قايتا دەڭسەپ كۆرۈش بۇ نىشانغا يېتىشتىكى تەييارلىق باسقۇچ بولسا، مۇستەھكەم چىدام، سەۋىر-تاقەت ۋە قايىتماس ئىرادە-غەيرەت بىلەن قەتئىي داۋاملاشتۇرۇش نىشانغا يېتىشنىڭ ئەڭ ھالقىلىق باسقۇچى بولسا كېرەك…
مۆھتىرەم ئۇستاز تاشپۇلات روزى ئەپەندىنىڭ ئالدىراشلىقتىن ۋاقىت چىقىرىپ مۇۋەققىيەتكە يېتەكلەش ھەققىدىكى قىممەتلىك ماتېريالنى تەييارلاپ بىزگە سۇنغىنىغا چىن كۆڭلىمىزدىن رەھمەت! شنداق قىلىپ باقىلى .
ئاكىجان سىزنىڭ ھېلىقى بىرچاغدىكى ماتېماتىكا (ئاددىلا كۆپەيتىش ھەم بۆلۈش ئارىلاش )ھەققىدى ئاددى ھېساپلاش سۇئالىڭىزنىڭ نەتىجىسى ھەم سىزنىڭ ئىستاستىكا نەتىجىڭز نى مەن كۆرمىدىممۇ ياكى ئالدىراشچىكىقتا ۋاقىت يوقمۇ . dillani يوللىغان ۋاقتى 2015-2-7 21:23 static/image/common/back.gif
شنداق قىلىپ باقىلى .
ئاكىجان سىزنىڭ ھېلىقى بىرچاغدىكى ...
سىز بۇ تېمىنى دىمەكچىمۇ؟
http://bbs.izdinix.com/thread-57087-1-1.html
بەت:
[1]