كېيىنكى يېرىم يىلدا خەلق پۇلى پېرېۋوت نىسبىتى يۇقىرى ئۆرلىشى مۇمك...
بۇ يازمىنى ئاخىرىدا uyaltun تەھرىرلىگەن. ۋاقتى 2015-2-5 17:41كېيىنكى يېرىم يىلدا خەلق پۇلى پېرېۋوت نىسبىتى يۇقىرى ئۆرلىشى مۇمكىن
جۇڭگو مەركىزى بانكىسى (PBOC) نىڭ 2 - ئاينىڭ 4 - كۈنى ئىلان قىلغان سانلىق مەلۇماتىدا كۆرسىتىلىشىچە ، پۇل مۇئامىلە ئاپپاراتلىرى ئامانەت پۇل تەييارلىق فوندى نىسبىتىنى 0.5 نۇقتا تۆۋەنلەتكەن ، ھەم قىسمەن بانكىلارنىڭ ئارتۇقچە ئامانەت پۇل تەييارلىق فوندى نىسبىتىنى تۆۋەنلىتىشنى يولغا قويغان ؛ تەھلىل قىلغۇچىلارنىڭ قارىشىچە ، قىسقا ۋاقىتتىن قارىغاندا ، ئەگەر ئامانەت پۇل تەييارلىق فوندى نىسبىتىنى تۆۋەنلىتىشتەك ئېقىشچانلىق ھەرىكىتى يولغا قويۇلسا خەلق پۇلنىڭ قىممىتى چۈشۈش بېسىمى ئېغىرلىشىپ كېتىشى مۇمكىن ، لېكىن ئۇزۇن مەزگىلدىن قارىغاندا ، ئىقتىسادىنىڭ ياخشىلىنىشى تۈرتكىسىدە خەلق پۇلنىڭ پېرېۋوت نىسبىتى يۇقىرى ئۆرلىشى مۇمكىن .
جۇڭگو مەركىزى بانكىسىنىڭ ئومۇميۈزلۈك ئامانەت پۇل تەييارلىق فوندى نىسبىتىنى تۆۋەنلىتىشنىڭ بېسىمى ئاستىدا خەلق پۇلنىڭ ئوتتۇرچە باھاسى تۆۋەنلىگەن بولۇپ ، بۈگۈن ئوتتۇرچە باھاسى 6.1366 يۈەن بولغان ، ئالدىنقى سودا كۈنى 6.1318 يۈەن ئەتىراپىدا بولغان ؛ بۈگۈن يەنە خەلق پۇلنىڭ دوللارغا بولغان نەق پېرېۋوت نىسبىتى تۆۋەنلىگەن بولۇپ ، بۈگۈن بازار ئېچىلىشىدا 6.2560 يۈەن بولۇپ ، ئالدىنقى سودا كۈنى يېپىلىش باھاسى 6.2477 يۈەن بولغان ؛
ئىقتىسادشۇناسلارنىڭ قارىشىچە ، جۇڭگو مەركىزى بانكىسىنىڭ ئامانەت پۇل تەييارلىق فوندى نىسبىتىنى تۆۋەنلىتىشى خەلق پۇلنى قىسقا ۋاقىت بېسىمغا ئۇچرىتىشى مۇمكىن ، ئۇزۇن مەزگىلدىن قارىغاندا ، ئەگەر كەڭ پۇل سىياسىتىنى يولغا قويغاندىن كېيىن ئىقتىساد مۇقىملاشسا ، كېيىنكى يېرىم يىلدا خەلق پۇلى پېرېۋوت نىسبىتى يۇقىرى ئۆرلىشى مۇمكىن .
ئومۇمىي نۇقتىدىن قارىغاندا ، بۇ يىل خەلق پۇلنىڭ قىممىتى چۈشۈش دائىرىسى چەكلىك بولۇپ ، 2015 - يىلى يىل ئاخىرغىچە تۆۋەنلەپ 6.3 يۈەن ئەتىراپىدىكى باھاسىنى ساقلىشى مۇمكىن .
ئالتۇن سودا تەھلىلى 05 - 2
ئالدىنقى ھەپتىدىكى ئالتۇن سودا بازارنى ئويلاپ ئۆتسەك بازار ئىچىلىش باھاسى 1294.6 دوللا ر ئەڭ يۇقىرى باھاسى 1299.34 دوللا ر ، ئەڭ تۆۋەن باھاسى 1252.06 بازار بازار يېپىلىش باھاسى 1283.66 دوللار بولدى .
ئەتىگەنكى ئاسىيا بازىرىدا دوللارنىڭ كۆرسەتكۈچى ئەڭ يۇقىرى 94.60 دوللار ئەتىراپىدا بولىدى، ئالتۇننىڭ باھاسى ئەڭ يۇقىرى 1274 دوللار بولدى .
ئاساسى ئانالىز:
تۈنۈگۈن ئالتۇن كۈمۈش باھاسى ياۋرۇپا بازىرىدا بىر ئاز ئۆرلەپ بازار يېپىلىش ۋاقتىدا ئۆسۈش دائىرىسىنى تارايدى ، چۈنكى ماي باھاسىنىڭ تۆۋەنلىشى ئالتۇننىڭ خەۋپتىن ساقلىنىش جەلپ قىلىش كۈچىنى تۆۋەنلەتكەن ، ھەمدە جۇڭگو پۇل ئامانەت تەييارلىق فوندى نىسبىتىنى تۆۋەنلىتىشى ئالتۇن كۈمۈش باھاسىغا بولغان تىرەش كۈچى چەكلىك بولغان .
ياۋروپا ۋاقتىدا ، مەبلەغ سالغۇچىلارنىڭ دىققىتىدە بولىدىغىنى گېرمانىيىنىڭ پەسىللىك تەڭشەشتىن كېيىنكى ياساش كەسپى تالونى سانلىق مەلۇماتى ، بۇ سانلىق مەلۇمات نەتىجىسى ياۋرونىڭ يۆنىلىشىگە قىسقا ۋاقىت تەسىر كۆرسىتىشى مۇمكىن ؛ بۇنىڭدىن سىرت ، گرېتسىيىنىڭ سىياسى ۋەزىيىتى ۋە ئەنگلىيە مەركىزى بانكىسىنىڭ ئۆسۈم نىسبىتى قارارى مەبلەغ سالغۇچىلارنىڭ دىققىتىدە بولىدۇ ، لېكىن ئەنگلىيە مەركىزى بانكىسىنىڭ ئۆسۈم نىسبىتى قارارىنىڭ بازارغا كۆرسىتىدىغان تەسىرى چەكلىك بولىشى مۇمكىن .
ئامېرىكا ۋاقتىدا ، ئامېرىكا سودا ھېساباتى ۋە شۇ ھەپتىلىك دەسلەپكى ئىشسىزلىق سوممىسىنى ئىلتىماس قىلىش سانلىق مەلۇماتىنى ئېلان قىلىدۇ ، كانادا تەرەپمۇ سودا ھېسابات سانلىق مەلۇماتىنى ئېلان قىلىدۇ ؛ پەقەت ئامېرىكا سانلىق مەلۇماتى مۆلچەردىكى بىلەن ئانچە چوڭ پەرىقلەنمىسىلا ، بازار يەنىلا نۆۋەتتكى ھالىتىنى ساقلىشى مۇمكىن .
مەشغۇلات باسقۇچى :
1.تۈنۈگۈن ئالتۇن باھاسى ئۆرلەشنى ئاساس قىلغان ھالدا تەۋرەنمە تەۋرىنىش ئىلىپ باردى ، بۈگۈن كۈندۈزدە مۇھىم سانلىق ئۇچۇر ۋە خەۋەر بولمىغانلىقى ئۈچۈن بازار گىرافىكلىق تەڭشەشنى ئاساس قىلىدۇ ، كۈندۈزدىكى ئاسىيا ياۋرۇپا بازىرىدا 1275 (251.93 ) دوللار دىن ئىشىپ كىتەلمىسە چۈشۈشكە ئىلىپ زىيىنىنى 4 دوللار دا توختىتىپ پايدىسىنى 1270-1265 (250.94-249.96 )دوللار ئەتىراپىدا چىقىرىشقا بولىدۇ .
2.تۈنۈگۈنكى سودا بارى (248.97 )1260 دوللاردىكى تىرەش نۇقتىسىنى ئاساس قىلىپ ئۆرلىدى ، كەچتە ئامىرىكا ۋە ئەنگىلىيە نىڭ سانلىق ئۇچۇرى بۇ جەريەندا 1260 (248.97)دوللاردىكى تىرەش نۇقتىسىنى ساقلاپ قالسا تۆۋەن نۇقتىدا قوش تىرەش نۇقتىسى شەكىللىنىپ كەچتىكى بازار ئۆرلەشنى ئاساس قىلىدۇ ھەمدە (252.92) 1280 دوللارنىڭ يۇقىرىغا چىقىدۇ .
چۈشۈشكە ئىلىشقا بولدىغان نۇقتىلار 1285 1275
ئۆرلەشكە ئىلىشقا بولدىغان نۇقتىلار 1260 1265
بۈگۈنكى تەۋرىنىش دائىرىسى 1260-1280
بۈگۈنكى تىرەش نۇقتىسى 1260
بۈگۈنكى بۆسۈش نۇقتىسى 1275
مۇتەخەسسىس : ئالىيە
ئەسكەرتىش: يۇقارىلارنى پايدىلىنىشقا بولىدۇ ،سودا قىلغاندا مال سانى بىلەن زىيىنىنى كونترول قىلىپ كۆزىتىشنى ئاساس قىلىڭ .
ئالتۇن باھاسىنىڭ نۆۋەتتىكى ھالىتى
2 - ئاينىڭ 5 - كۈنى ياۋرۇپا بازىرىدا ، بېيجىڭ ۋاقتى سائەت 15:20 دە ، خەلقئارا ئالتۇن بازار ئېچىلىش باھاسى 1269 دوللار بولغان ، ئەڭ يۇقىرى باھا 1273 دوللارغا چىققان .
بۈگۈن سائەت 20:00 دە ئېلان قىلىدىغان ئەنگلىيە مەركىزى بانكىسىنىڭ ئۆسۈم نىسبىتى قارارى مەبلەغ سالغۇچىلارنىڭ دىققىتىدە بولىدۇ ، لېكىن ئەنگلىيە مەركىزى بانكىسىنىڭ ئۆسۈم نىسبىتى قارارىنىڭ بازارغا كۆرسىتىدىغان تەسىرى چەكلىك بولىشى مۇمكىن .
مەركىزى بانكىنىڭ ئۆسۈمنى تۆۋەنلىتىشى ئالتۇنغا قانداق تەسىر كۆرسەتتى
كۆپ خىل ئامىللارنىڭ تەسىرىدە بۈگۈن ئالتۇن باھاسى كىچىك دائىرىدە ئۆسكەن ، ئالتۇن باھاسى 1270 دوللار ئەتراپىدا تۇرغان . تۈنۈگۈن جۇڭگو مەركىزى بانكىسى 2 - ئاينىڭ 5 - كۈنىدىن باشلاپ ئامانەت پۇل تەييارلىق فوندى نىسبىتى 0.5% تۆۋەنلىتىدىغانلىقىنى ئېلان قىلغان ، بۇ خەۋەرنىڭ تۈرتكىسىدە خەلقئارا ئالتۇن باھاسى يۇقىرى ئۆرلىگەن . تۈنۈگۈن جۇڭگو مەركىزى بانكىسىنىڭ ئامانەت پۇل تەييارلىق فوندى نىسبىتىنى تۆۋەنلىتىشى ئالتۇن قاتارلىق قىممەتلىك مېتاللار باھاسىغا پايدىلىق بولغان ، بانكىلارنىڭ ئۆسۈمنى تۆۋەنلىتىشى پۇل مۇئامىلىگە بولغان مەبلەغنى ئاشۇرىدۇ .
داۋمىڭ ئاكسىيىسى دوكلاتتا كۆرسىتىشىچە ، جۇڭگو شاڭخەي 2 - ئاينىڭ 19 - كۈنى باھار بايرىمىدىن بۇرۇن ئالتۇن باھاسى يۇقىرى نۇقتىنى ساقلاپ قالىدۇ دەپ پەرەز قىلغان ، ھىندىستان يېقىندىن بۇيانقى 10 ئايدا ئالتۇن ئىمپورتى قايتا ئۆرلەپ 50% كە يېقىنلاشقان ، ئوتتۇرا شەرق يەر سىياسەت جىددىي خېيىم-خەتىرى يۇقىرى ئۆرلىگەن ، بۇ ئۈچ ئامىلنىڭ تەسىرىدە كەلگۈسىدىكى ئالتۇن باھاسى 1300 دوللار بولىشى مۇمكىن دەپ مۆلچەرلىگەن .
پۇل مۇئامىلە بازىرىدىكى مۇھىم ئۆزگىرىشلەر
2 - ئاينىڭ 4 - كۈنى پۇل مۇئامىلە بازىرىدا ، جۇڭگو مەركىزى بانكىسى تاسادىپىي ئامانەت پۇل تەييارلىق فوندى نىسبىتىنى تۆۋەنلىتىپ بازاردا تەۋرىنىش پەيدا قىلدى ، تاۋار پۇللار بىر قېتىم ئۆرلەپلا يەنە تۆۋەنلەپ كەتتى ؛ قىممەت مېتاللار باھاسى كىچىك دائىرىدە ئۆرلەپ ، خەلقئارا خام نېفىت باھاسى چوڭ دائىرىدە تۆۋەنلىدى ، ياۋرو ئامېرىكا پاي چېكى بازىرى ئومۇميۈزلۈك يۇقىرى ئۆرلىدى ؛ بۇ سودا كۈندە ئەنگلىيە مەركىزى بانكىسى قارارى ۋە ئامېرىكىنىڭ دەسلەپكى ئىشسىزلىق سوممىسىنى ئىلتىماس قىلىش قاتارلىق ئىقتىسادى سانلىق مەلۇماتلار بازارنىڭ دىققەت نۇقتىسى بولدى .
ئاساسى پۇل ۋە قىممەتلىك مېتاللارنىڭ بازار يېپىلىش باھاسى
2 -ئاينىڭ4 - كۈنى تاشقى پېرېۋوت بازىرىدا : ياۋرو / دوللار بازار يېپىلىش باھاسى 1.1343 بولغان ؛ فوندستېرلىڭ / دوللار بازار يېپىلىش باھاسى 1.5180 دوللار بولغان ؛ ئاۋسترالىيە دوللىرى / دوللار بازار يېپىلىش باھاسى 0.7752 دوللار بولغان ؛ دوللار / يېن بازار يېپىلىش باھاسى 117.25 يېن بولغان ؛ دوللار / كانادا دوللىرى بازار يېپىلىش باھاسى 1.2575 كانادا دوللىرى بولغان ؛ دوللار / شۋېتسارىيە فرانكى بازار يېپىلىش باھاسى 0.9258 شۋېتسارىيە فرانكى بولغان .
تۈركۈملەپ ئىشلەپچىقىرىلىدىغان تاۋارلار بازىرىدا : نەخ مال ئالتۇن بازار يېپىلىش باھاسى 1268.20 دوللار بولغان ؛ Comex قەرەللىك ئالتۇن بازار يېپىلىش باھاسى 1264.50 دوللار بولغان ؛ نەخ مال كۈمۈش بازار يېپىلىش باھاسى 17.36 دوللار بولغان ؛ Comex قەرەللىك كۈمۈش بازار يېپىلىش باھاسى 17.395 دوللار بولغان ؛ بۇلۈنتې خام نېفىت بازار يېپىلىش باھاسى 54.16 دوللار بولغان ؛ NYMEX خام نېفىت قەرەللىك مال بازار يېپىلىش باھاسى 48.45 دوللار بولغان .
دوللار كۆرسەتكۈچىنىڭ نۆۋەتتىكى ھالىتى
2 - ئاينىڭ 5 - كۈنى دوللار كۆرسەتكۈچى ئەڭ يۇقىرى باھاسى 94.6 ، ئەڭ تۆۋەن باھاسى 93.8809 ، ئوتتۇرچە باھاسى 94.38 بولۇپ ، ئۆرلەش تۆۋەنلەش ئاساسى 0.11% - بولدى ؛ بۈگۈن بازار ئېچىلىشىدا 94.3827 بولۇپ ، ئاسىيا ئەتىگەنلىك بازىرىدا 94.40 ئەتىراپىدا ئايلاندى ؛ سېتىۋېلىش باھاسى 93.9751 ، سېتىلىش باھاسى 93.9523 بولدى ؛ تۈنۈگۈن بازار يېپىلىش باھاسى 94.384 بولدى .
ئەسلى مەنبە : ئۇيغۇر ئالتۇن تورى
بەت:
[1]