شىنجاڭ تور سودىگەرلىرىنىڭ ئاجىزلىقى نېمە؟
بۇ يازمىنى ئاخىرىدا ErqalMedia تەھرىرلىگەن. ۋاقتى 2015-2-4 19:07شىنجاڭ تور سودىگەرلىرىنىڭ ئاجىزلىقى نېمە؟
ئەرقال تاراتقۇسى تەييارلىدى www.erqal.com
2014-يىلى، شىنجاڭدا 30 مىڭدىن كۆپ تور سودىگىرى بار بولۇپ، «تاج» (冠) دەرىجىسىدىن يۇقىرى بولغان تور سودىگەرلىرى پەقەت 332، شىنجاڭدىكى كۆپ قىسىم تور سودىگەرلىرى ئوتتۇرا ۋە كىچىك ھالەتتە ئىكەن.
2-ئاينىڭ 1-كۈنى، يۈزگە يېقىن تور سودىگەرلىرى قاتناشقان ئۈچىنچى نۆۋەتلىك شىنجاڭ سودىگەرلىرى يىغىنىدا، شىنجاڭ تور سودىگەرلىرىنى كۆپ قېتىم تەتقىق قىلغان شىنجاڭ ئۇنىۋېرسىتېتى باشقۇرۇش ئۇنىۋېرسىتېتى پىروفېسسورى چىن بىڭ (陈兵) نىڭ دېيىشىچە، شىنجاڭدىكى كۆپ قىسىم تور سودىگەرلىرى قۇرۇق قول ئىگىلىك تىكلىگەن ئوتتۇرا-كىچىك تور سودىگەرلىرى بولۇپ، يۈرگۈزۈۋاتقان مەبلىغى ئىنتايىن چەكلىك. قۇرۇق قول ئىگىلىك تىكلىگەنلەرنىڭ ئەڭ چوڭ ئەۋزەللىكى ئۇلار جاپاغا چىداملىق، لېكىن ئۆزلىرىنىڭ ياخشى ئوي پىكىرلىرىنى روياپقا چىقىرىش جەھەتتە مەبلەغ چەكلىمىسىگە ئۇچرايدۇ.
شىنجاڭ ئۇنىۋېرسىتېتى بىلەن ئالى بابا تەتقىقات ئورنى بىرلىكتە تاماملىغان «2014-يىللىق شىنجاڭ تور سودىگەرلىرىنىڭ تەرەققىيات تەتقىقات دوكلاتى» 1-ئاينىڭ 15-كۈنى ئېلان قىلىندى، دوكلاتتا كۆرسىتىلىشىچە، شىنجاڭ تور سودىگەرلىرىنىڭ 2014-يىللىق سېتىش سوممىسى 3 مىليارد يۈەندىن ئېشىشى مۆلچەرلەنگەن بولۇپ، 2013-يىلىدىكىدىن 1 مىليارد يۈەندىن ئارتۇق ئاشقان.
ئالى بابا تەتقىقات ئورنى تەمىنلىگەن سانلىق مەلۇماتلاردا كۆرسىتىلىشىچە، 2014-يىلىنىڭ ئالدىنقى يېرىمىدا، مايى پۇل-مۇئامىلە مۇلازىمىتى (蚂蚁金服) نىڭ شىنجاڭ رايونىدىكى 727 ساتقۇچىغا جەمئىي تارقاتقان قەرز سوممىسى 49 مىليون 711 مىڭ 500 يۈەنگە يېتىپ، 2013-يىلىدىكى ئوخشاش مەزگىلدىكىدىن %93.39 ئاشقان.
ئالى تەتقىقات ئورنى يۇقىرى دەرىجىلىك مۇتەخەسسىسى جاڭ رۇيدۇڭ (张瑞东) نىڭ دېيىشىچە، شىنجاڭنىڭ تاۋباۋ دۇكانلىرىنىڭ كۆپ قىسىمى ئاساسلىقى دېھقانچىلىق مەھسۇلاتلىرىنى ئاساس قىلىدۇ، 2014-يىلى 6-ئايغىچە، شىنجاڭلىق ساتقۇچىلارنىڭ تاۋباۋ ۋە تيەنماۋدىكى سېتىش مىقدارى 1 مىليارد 308 مىليون يۈەنگە يېتىپ، 2013-يىلى ئوخشاش مەزگىلدىكىدىن %68.7 ئاشقان، بۇنىڭ بىلەن بىرگە، 2013-يىلى، شىنجاڭنىڭ ئالى بابا 1688 سۇپىسىدىكى سېتىش سوممىسى 214 مىليون يۈەنگە يېتىپ، بۇلتۇرقى ئوخشاش مەزگىلدىكىدىن %1883 ئاشقان، ئالاھىدە يېزا-ئىگىلىك مەھسۇلاتلىرىنىڭ توردا سېتىلىشىنىڭ ئېشىش سۈرئىتى مەملىكەتنىڭ ئالدىنقى قاتارىدا تۇرغان.
مەنبە : شىنجاڭ تورى | يوللىغان ۋاقىت : 03-02-2015 www.erqal.com مەن توردا ئىنكاس يىزىشتىن باشقا ھىچنىمە قىلالمايمەن :o توردا دۇككان ئېچىش توغرسىدا مەلۇماتلار كېرەكتى.
بەت:
[1]