خەلقئارا خام نېفىت باھاسىنىڭ ئۆرلىشى پۇل مۇئامىلە بازىرىدا چوڭ بى...
بۇ يازمىنى ئاخىرىدا uyaltun تەھرىرلىگەن. ۋاقتى 2015-2-4 17:17خەلقئارا خام نېفىت باھاسىنىڭ ئۆرلىشى پۇل مۇئامىلە بازىرىدا چوڭ بىر تەۋرىنىش پەيدا قىلدى
FX168 خەۋىرى ، تۈنۈگۈن خەلقئارا خام نېفىت باھاسى چوڭ دائىرىدە ئۆرلىگەن بولۇپ ، بۇنىڭ ئىچىدە بۇلۈنتېي نېفىت باھاسى ئىتتىك بازارغا قايتىپ كەلدى ؛ نېفىت باھاسىنىڭ چوڭ دائىرىدە ئۆرلىشى پۇل مۇئامىلە بازىرىدا چوڭ بىر تەۋرىنىش پەيدا قىلدى ؛ ئېنېرگىيە پاي چېكىنىڭ يۇقىرى ئۆرلىشى تەسىرىدە ئامېرىكا پاي چېكى يۇقىرى ئۆرلىدى ، تاۋار پۇللارنىڭ يۇقىرى ئۆرلىشى تەسىرىدە دوللار تۆۋەنلىدى ؛ نېفىت باھاسىنىڭ يۇقىرى ئۆرلىشى مەبلەغ سالغۇچىلارنىڭ ئىقتىساد گۈللىنىش ئەھۋالىغا بولغان غەم - ئەندىشە كەيپىياتىنى ئاجىزلاشتۇرغان بولسىمۇ ، لېكىن بازارنىڭ خەۋپ - خەتەر كەيپىياتىنىڭ ياخشىلىنىشىنى يۇقىرى كۆتۈردى ؛ بۇنىڭ تەسىرىدە ، ئامېرىكا قەرزى ۋە ئالتۇن باھاسى چوڭ دائىرىدە تۆۋەنلىدى ، شۇنىڭ بىلەن بىر ۋاقىتتا گرېتسىيىنىڭ سىياسى ۋەزىيىتىمۇ ھەر قايسى چوڭ بازارلارنى ۋەسۋەسىگە سېلىپ قويدى .
ئالتۇن سودا تەھلىلى 04- 2
ئالدىنقى ھەپتىدىكى ئالتۇن سودا بازارنى ئويلاپ ئۆتسەك بازار ئىچىلىش باھاسى 1294.6 دوللا ر ئەڭ يۇقىرى باھاسى 1299.34 دوللا ر ، ئەڭ تۆۋەن باھاسى 1252.06 بازار بازار يېپىلىش باھاسى 1283.66 دوللار بولدى .
ئەتىگەنكى ئاسىيا بازىرىدا دوللارنىڭ كۆرسەتكۈچى ئەڭ يۇقىرى 93.83دوللار ئەتىراپىدا بولىدى، ئالتۇننىڭ باھاسى ئەڭ يۇقىرى 1263 دوللار بولدى .
ئاساسى ئانالىز:
تۈنۈگۈن ئالتۇن كۈمۈش باھاسى دەسلەپتە يۇقىرى ئۆرلەپ كىيىن چۈشۈش ھالىتىنى كۆرسەتتى ، ئالتۇن باھاسى 1% چۈشۈپ كەتكەن ، گرېتسىيە ھۆكۈمىتى بىلەن ھەقدارلار قەرزدارلىق مەجبۇرىيەت مەسىلىسىگە بولغان ئۈمىدى بىر دەك بولغان ، بازار ئالاقزادە كەيپىياتى پەسەيگەن ، شۇنىڭ بىلەن ئالتۇن باھاسى بىلەن دوللار بىردەك تۆۋەنلىگەن . بۈگۈن ئاسىيا ۋاقتىدا ، مەبلەغ سالغۇچىلارنىڭ دىققىتىدە بولىدىغىنى جۇڭگونىڭ 1 - ئايلىق خۈيفېڭ مۇلازىمەت كەسپى PMI سانلىق مەلۇماتى بولۇپ ، ئەگەر بۇ سانلىق مەلۇمات نەتىجىسى ناچار چىقسا ، ئاۋسترالىيە دوللىرى يەنە بېسىمغا ئۇچراپ ئالتۇن باھاسىمۇ بېسىمغا ئۇچرىشى مۇمكىن .
ياۋروپا ۋاقتىدا ، گېرمانىيە مۇلازىمەت كەسپى PMI سانلىق مەلۇماتى ۋە ياۋروپا رايونىنىڭ ئۇنىۋېرسال PMI سانلىق مەلۇماتى ۋە پارچە سېتىش سانلىق مەلۇماتى مەبلەغ سالغۇچىلارنىڭ دىققىتىدە بولدۇ ؛ بۇنىڭدىن سىرت ، ئەنگلىيە مۇلازىمەت كەسپى PMI سانلىق مەلۇماتىنى ئېلان قىلىدىغان بولۇپ ، بۇ سانلىق مەلۇمات فوندستېرلىڭنىڭ بىر كۈنلۈك يۆنىلىشىگە خىلى چوڭ دائىرىدە تەسىر كۆرسىتىشى مۇمكىن .
ئامېرىكا ۋاقتىدا ، ئامېرىكا ADP ئىشقا ئورۇنلىشىش ئادەم سانى ۋە ISM غەيرى ياساش كەسپى سانلىق مەلۇماتىنى ئېلان قىلىدۇ ، بۇ سانلىق مەلۇمات جۈمە كۈنى ئېلان قىلىدىغان غەيرى يېزا ئىگلىك سانلىق مەلۇماتىغا يېتەكچى بولىشى مۇمكىن .
مەشغۇلات باسقۇچى :
1.تۈنۈگۈن ئالتۇن باھاسى مەنفى سىزىق بىلەن يىلپىلدى ، .ئەتىگەنكى ئاسىيا بازىرىدا ئالتۇن باھاسى 1263-1256 دوللار ئەتىراپىدا تەۋرەندى ، ئاسىيا ياۋرۇپا بازىرىدا 1255-1266 دوللار ئارلىقىدا تەۋرەنمە تەۋرىنىش ئىلىپ بارىدۇ .
2. ئاسىيا ياۋرۇپا بازىرىدا 1266 دوللاردىن ئىشىپ كەتسە 1270 دوللارنىڭ يۇقرىدىن چۈشۈشكە ئىلىپ ، زىيىنىنى 4 دوللار دا توختىتىپ پايدىسىنى 1260 دوللار ئەتىراپىدا چىقىرىشقا بولىدۇ . ئەگەر 1255 دوللاردىن چۈشۈپ كەتسە 1250-1248-1242 دوللارغىچە كۆرۈشكە بولىدۇ .
3. ياۋرۇپا ئامىرىكا بازىرىدا 1255 دوللاردىن چۈشۈپ كەتسە 1250-1248-1242 دوللارغىچە كۆرۈشكا بولىدۇ .
چۈشۈشكە ئىلىشقا بولدىغان نۇقتىلار 1266 1275
ئۆرلەشكە ئىلىشقا بولدىغان نۇقتىلار 1250 1242
بۈگۈنكى تەۋرىنىش دائىرىسى 1248-1278
بۈگۈنكى تىرەش نۇقتىسى 1250
بۈگۈنكى بۆسۈش نۇقتىسى 1266
مۇتەخەسسىس : ئالىيە
ئەسكەرتىش: يۇقارىلارنى پايدىلىنىشقا بولىدۇ ،سودا قىلغاندا مال سانى بىلەن زىيىنىنى كونترول قىلىپ كۆزىتىشنى ئاساس قىلىڭ .
ئەسكەرتىش :
نۆۋەتتە 1 گىرام نەق ئالتۇننىڭ خەلق پۇلدىكى باھاسى 250.80 يۈەن ؛
1 گىرام نەق كۈمۈشنىڭ خەلق پۇلدىكى باھاسى 3.44 يۈەن ؛
1 ئۇنسىيە ئالتۇن 31.1035 گىرامغا تەڭ ؛
ئاخشام ئالتۇن باھاسى بىلەن دوللار باھاسى ماس قەدەمدە تۆۋەنلىدى
1 - ئاينىڭ 3 - كۈنى پۇل مۇئامىلە بازىرىدا ، دوللار كۆرسەتكۈچىنىڭ كەچتىكى سانلىق مەلۇماتلارنىڭ تەسىرىگە ئۇچرىشى ، ھەم خەۋپ - خەتەر ئامىللىرىنىڭ تەسىرىدە دوللاردىن باشقا پۇللارمۇ بېسىمغا ئۇچرىدى ؛ قىممەت مېتاللار باھاسى تۆۋەنلەپ ، خەلقئارا خام نېفىت باھاسى چوڭ دائىرىدە تۆۋەنلىدى ، ياۋرو ئامېرىكا پاي چېكى بازىرى چوڭ دائىرىدە ئۆرلىدى ؛ بۇ سودا كۈندە ياۋروپا رايوننىڭ پارچە سېتىش سانلىق مەلۇماتى ۋە ئامېرىكىنىڭ ADP ئىشقا ئورۇنلىشىش سانلىق مەلۇماتى بازارنىڭ مۇھىم نۇقتىسى بولدى .
تۈنۈگۈنكى ئۇچۇرلاردا كۆرسىتىلىشىچە ،گرېتسىيە ھۆكۈمىتى بىلەن ھەقدارلار قەرزدارلىق مەجبۇرىيەت مەسىلىسىنى ھەل قىلىش تەلىپى بىكار قىلىنغانلىقى ھەم بازارنىڭ خەۋپتىن ساقلىنىش ئېھتىياجى تۆۋەنلەپ كەتكەنلىكى سەۋەبىدىن ئالتۇن باھاسى بىلەن دوللار بىردەك تۆۋەنلىگەن .نەق ئالتۇن باھاسى بىلەن دوللار باھاسى ماس قەدەمدە تۆۋەنلىگەن بولۇپ ، نەق ئالتۇن باھاسى 13.60 دوللار تۆۋەنلەپ يېپىلىش باھاسى 1260.60 دوللار ئەتىراپىدا بولغان .
دوللارنىڭ تۆۋەنلىشى تاۋار باھاسىنىڭ يۇقىرى ئۆرلىشىگە بوشلۇق ھازىرلاپ بەرگەنلىكى ، ھەم ئامېرىكا نېفىت ئىشچىلىرىنىڭ كەڭ كۆلەمدە ئىش تاشلىشى سەۋەبىدىن NYMEX قەرەللىك خام نېفىت باھاسى 3.48 دوللار ئۆرلەپ يېپىلىش باھاسى 53.05 دوللار ئەتىراپىدا بولغان .
ئامېرىكا سانلىق مەلۇماتى ئالتۇن مەبلەغ سالغۇچىلارنىڭ دىققىتىنى تارتىدۇ
2 - ئاينىڭ 4 - كۈنى ياۋروپا بازىرىدا ، بېيجىڭ ۋاقتى سائەت 15:40 دە ، خەلقئارا ئالتۇن بازار ئېچىلىش باھاسى 1260 دوللار ، ئەڭ يۇقىرى باھا 1267 دوللار ، ئەڭ تۆۋەن باھا باھا 1256 دوللار بولغان ، ئالتۇن باھاسى بۈگۈن 10 دوللار ئۆسكەن . نۆۋەتتە ئالتۇن باھاسى 1266 دوللار بولغان .
بۈگۈن كەچتە ئامېرىكا ADP ئىشقا ئورۇنلىشىش ئادەم سانى ۋە ISM غەيرى ياساش كەسپى سانلىق مەلۇماتىنى ئېلان قىلىدۇ ، بۇ سانلىق مەلۇمات جۈمە كۈنى ئېلان قىلىدىغان غەيرى يېزا ئىگلىك سانلىق مەلۇماتىغا يېتەكچى بولىشى مۇمكىن ، بۇ مەلۇمات مەبلەغ سالغۇچىلارنىڭ دىققەت قىلىشىغا ئەرزىدۇ .
ئالتۇن باھاسىنى ئانالىز قىلىشتىكى Ｋ سىزىق ئۇقۇمى
Ｋ سىزىق يەنە مەنپىي-مۇسبەت سىزىق ، كالتەكسىمان سىزىق ، قىزىل قارا سىزىق ھەمدە شام سىزىقى دەپمۇ ئاتىلىدۇ ، ئەڭ بۇرۇن كېلىپ چىقىش مەنبەسى ياپونىيە دېچۈن دەۋرىدىكى سودا بازىرىدا مەيدانغا كەلگەن بولۇپ ، 200 يىللىق مۇساپىسىنى بېسىم ئاستا-ئاستا تەرەققىي قىلغان ، ھازىر ئاكسىيە بازىرىنىڭ تېخنىكا ئانالىزىدا كەڭ كۆلەملىك ئىشلىتىلىدۇ ، Ｋ سىزىق تېخنىكا ئانالىزىدا ئاساسلىق قورالىغا ئايلاندى ، شۇنىڭ بىلەن ھازىر مۇكەممەل شەكىل ۋە تەھلىل نەزەرىيىسىنىڭ بىر خىل تېخنىكا ئانالىز ئۇسۇلىنى شەكىللەندۈرگەن .
Ｋ سىزىق ھېسابلاش بىرلىكىنىڭ ئوخشىماسلىقىغا ئاساسەن : كۈنلۈكＫ سىزىق ، ھەپتىلىكＫ سىزىق ، ئايلىق Ｋ سىزىق ۋە مىنۇتلۇق Ｋ سىزىق قاتارلىق تۈرلەرگە بۆلىنىدۇ .
ھەربىر ھېسابلاش بىرلىكى ئىچىدە 4 خىل سانلىق مەلۇمات بار ، ئۇلار ئايرىم ئايرىم ھالدا بازار ئېچىلىش باھاسى ، ئەڭ يۇقىرى باھا ، ئەڭ تۆۋەن باھا ، بازار يېپىلىش باھاسى دىگەندەك تۈرلەرگە بۆلىنىدۇ .
جۇڭگو 1998 - يىلدىن بۇيان كەڭ كۆلەمدە مەبلەغنىڭ سىرتقا ئېقىشى ئەھۋالىغا دۇچ كەلدى
كارخانىلارنىڭ چەت ئەلگە مەبلەغ سېلىشىنىڭ ئېشىپ بېرىشىغا ئەگىشىپ ، جۇڭگونىڭ ئۆتكەن يىلدىكى 4 - پەسىللىك مەبلەغ ھېساباتىدا 1998 - يىلدىن بۇيان كەڭ كۆلەمدە قىزىل رەقەم كۆرۈلگەن ؛
دۆلەت تاشقى پېرېۋوت باشقۇرۇش ئىدارىسىنىڭ بۈگۈن ئىلان قىلغان سانلىق مەلۇماتىدا كۆرسىتىلىشىچە ، شۇ پەسلىدىكى جۇڭگونىڭ مەبلەغ ۋە پۇل مۇئامىلە تۈرىنىڭ پاسسىپ پەرقى 912 مىليون دوللارغا يەتكەن بولۇپ ، دائىملىق تۈرىنىڭ ئوڭ پەرقى تۆۋەنلەپ 611 مىليون دوللار ئەتىراپىدا بولغان ؛
خەلق پۇلى باھاسى بويىچە ، 2014 - يىلى 4 - پەسىلدە ، دۆلىتىمىزنىڭ دائىملىق تۈرىنىڭ ئوڭ پەرقى 3751 مىليون خەلق پۇلى ، مەبلەغ ۋە پۇل مۇئامىلە تۈرىنىڭ پاسسىپ پەرقى 5595 مىليون خەلق پۇلى ، خەلقئارالىق زاپاس مەبلەغ 1844 مىليون خەلق پۇلى ئازايغان ؛
دوللار باھاسى بويىچە ، 2014 - يىلى 4 - پەسىلدە ، دۆلىتىمىزنىڭ دائىملىق تۈرىنىڭ ئوڭ پەرقى 611 مىليون دوللار بولۇپ ، بۇنىڭ ئىچىدە خەلقئارا كىرىم-چىقىم ستاتىستىكا ئۆلچىمى بويىچە ھېسابلىغاندا ، مال سودىسىنىڭ ئوڭ پەرقى 1693 مىليون دوللار ، مۇلازىمەت سودىسىنىڭ پاسسىپ پەرقى 733 مىليون دوللار ، پايدىسىنىڭ پاسسىپ پەرقى 244 مىليون دوللار ، دائىملىق يۆتكىلىپ تۇرىغان پاسسىپ پەرقى 104 مىليون دوللار بولغان .
مەبلەغ ۋە پۇل مۇئامىلە تۈرىنىڭ پاسسىپ پەرقى 912 مىليون دوللار بولۇپ ، بۇنىڭ ئىچىدە ئېقىپ كىرگەن ساپ مەبلەغ 610 مىليون دوللار بولغان .
خەلقئارالىق زاپاس مەبلەغ 300 مىليون دوللار ئازلىغان بولۇپ ، بۇنىڭ ئىچىدە تاشقى پېرېۋوت زاپاس مەبلەغ 293 مىليون دوللار ئازلىغان .
ئومۇمەن قىلىپ ئېيتقاندا ، بۇ ئەھۋاللار جۇڭگونىڭ ئىقتىسادى قۇرۇلمىسىنىڭ ئۆزگىرۋاتقانلىقىدىن دېرەك بېرىدۇ ، خەلق پۇلنىڭ قىممىتى چۈشۈش ئەھۋالى بولسا ، مەبلەغنىڭ مەبلەغنىڭ سىرتقا ئېقىشنىڭ تۈرتىكىسىدىن بولغان .
خەلق پۇلى پېرېۋوت نىسبىتى ئالدىنقى سودا كۈندىكىدىن 51 نۇقتا تۆۋەنگە يۆتكەلدى
جۇڭگو تاشقى پېرېۋوت سودا مەركىزىنىڭ 2015 - يىلى 2 - ئاينىڭ 4 - كۈنى ئىلان قىلغان سانلىق مەلۇماتىدا كۆرسىتىلىشىچە ، بۈگۈنكى دوللارنى خەلق پۇلغا ئالماشتۇرۇش ئوتتۇرچە باھاسى 6.1318 يۈەن بولۇپ ، ئالدىنقى سودا كۈندىكىدىن 51 نۇقتا تۆۋەنگە يۆتكەلگەن ؛ ئالدىنقى سودا كۈندىكى ئوتتۇرچە باھاسى 6.1369 يۈەن ، يېپىلىش باھاسى 6.2581 يۈەن بولغان ؛
جۇڭگو خەلق بانكىسى جۇڭگو تاشقى پېرېۋوت سودا مەركىزىگە ھوقۇقىنى ئۆتكۈزۈپ بەرگەنلىكىنى ئىلان قىلغاندىن كېيىن بانكىلار ئارا تاشقى پېرېۋوت بازىرىدىكى خەلق پۇلى پېرېۋوت نىسبىتىنىڭ ئوتتۇرچە باھا ئايلىنىشى :
1 دوللار 6.1318 يۈەن خەلق پۇلغا تەڭ بولدى ؛ 1 ياۋرو 7.0489 يۈەن خەلق پۇلغا تەڭ بولدى ؛ 100 يېن 5.2298يۈەن خەلق پۇلغا تەڭ بولدى ؛ 1 شىياڭگاڭ دوللىرى 0.79081 يۈەن خەلق پۇلغا تەڭ بولدى ؛ 1 فوندستېرلىڭ 9.3197 يۈەن خەلق پۇلغا تەڭ بولدى ؛ 1 ئاۋسترالىيە دوللىرى 4.7801 يۈەن خەلق پۇلغا تەڭ بولدى ؛ 1 يېڭى زېللاندىيە دوللىرى 4.5346 يۈەن خەلق پۇلغا تەڭ بولدى ؛ سىنگاپور دوللىرى 4.5766 يۈەن خەلق پۇلغا تەڭ بولدى ؛ 1 كانادا دوللىرى 4.9349 يۈەن خەلق پۇلغا تەڭ بولدى ؛ 1 يۈەن خەلق پۇلى 0.57163 رېنگىت ) مالايسىيا پۇل بىرلىكى( قا تەڭ بولدى ، 1 يۈەن خەلق پۇلى 10.4490 روسىيە رۇبلىغا تەڭ بولدى ؛
ئەسلى مەنبە : ئۇيغۇر ئالتۇن تورى بۇ يازمىنى ئاخىرىدا yajuji تەھرىرلىگەن. ۋاقتى 2015-2-5 09:17
ئالتۇن باھاسى پەقەت تۇراقلىق بولمايدىكەن بۇ سانلارنى قانداق چۈشىنىمىز。
5595 مىليون خەلق پۇلى
3751 مىليون خەلق پۇلى
بەت:
[1]