ErqalMedia يوللانغان ۋاقتى 2015-1-13 08:39:47

ئىران نېفىت باھاسىنىڭ چۈشۈشىنى توسماقچى

بۇ يازمىنى ئاخىرىدا   ErqalMedia تەھرىرلىگەن. ۋاقتى  2015-1-13 08:50  

ئىران بىلەن ۋېنېزۇئېلا بىرلىشىپ نېفىت باھاسىنىڭ چۈشۈشىنى توسماقچى

ئەرقال تاراتقۇسى تەرجىمە قىلدى



بۇ ھەپتە خەلقئارا نېفىت باھاسى بەش يىلدىن بۇيانقى ئەڭ تۆۋەن نۇقتىغا چۈشۈپ، نېفىت ئېكسپورت قىلغۇچى دۆلەتلەر تەشكىلاتى (OPEC) نىڭ ئىچكى قىسمىدا يەنە بىر قېتىم چوڭ ئىختىلاپ كۆرۈلدى. ئىگىلىنىشىچە ئىران بىلەن ۋېنېزۇئېلا بىرلىشىپ OPEC نى نېفىت باھاسى چۈشۈشىنىڭ ئالدىنى ئېلىشقا ھەيدەكچىلىك قىلىش توغرىسىدا پىكىر بىرلىكى ھاسىل قىلغان. ئۆتكەن ئالتە ھەپتىدە  OPEC  قا ئەزا سەئۇدى ئەرەبىستان، ئەرەب بىرلەشمە خەلىپىلىكى ۋە كۇۋەيت قاتارلىق ئۈچ چوڭ نېفىت ئېكسپورت قىلغۇچى دۆلەت نېفىت ئىشلەپچىقىرىش مىقدارىنى كېمەيتمەيدىغانلىقىنى كۆپ قېتىم تەكىتلەپ كەلگەن بولۇپ، ئىران بىلەن ۋېنېزۇئېلانىڭ بۇ قېتىملىق پوزىتسىيەسى يۇقىرىقى دۆلەتلەر بىلەن ئىنتايىن روشەن سېلىشتۇرما بولۇپ قالدى.

ئىراننىڭ ھۆكۈمەت تەرەپ ئاخبارات ئاگېنتلىقىنىڭ خەۋىرىگە ئاساسلانغاندا، ئىران ئالىي رەھبىرى ھامېنىي (Khamenei) ۋېنېزۇئېلا پىرېزىدېنتى مادۇرو (Nicholas Maduro) بىلەن كۆرۈشكەندە، ئىككى دۆلەتنىڭ بىرلىشىپ خەلقئارا نېفىت باھاسىنىڭ چۈشۈش ھالىتىنى ئۆزگەرتىشنى قوللايدىغانلىقىنى بىلدۈرۈپ، «دۈشمەن» لەرنىڭ نېفىت باھاسىنى سىياسىي قورال قىلىۋالغانلىقىنى قاتتىق ئەيىبلەپ، «نېفىت باھاسىنىڭ چۈشۈپ كېتىشى دۈشمەن كۈچلەر پىلانلىغان سىياسىي قىلتاق» دەپ كۆرسەتكەن.

غەرب تاراتقۇلىرىنىڭ خەۋەر قىلىشىچە، بۇ قېتىم پىرېزىدېنت مادۇرونىڭ OPEC قا ئەزا بىر قانچە دۆلەتنى زىيارەت قىلىشىدىكى ئاساسىي مەقسىتى—بۇ دۆلەتلەرنىڭ قوللىشىنى قولغا كەلتۈرۈش بولۇپ، ئىران ئاخبارات ئاگېنتلىقىنىڭ خەۋىرىگە ئاساسلانغاندا مادۇرو «بىز OPEC قا ئەزا دۆلەتلەر بىلەن رۇسىيە قاتارلىق دۆلەتلەرنىڭ بىرلىشىپ، باھا مېخانىزمىدا يېڭىلىق يارىتىپ، نېفىت باھاسىنى قوبۇل قىلغىلى بولىدىغان سەۋىيەگە قايتۇرۇپ كېلىش ئۈچۈن تىرىشىۋاتىمىز» دېگەن.
مەنبە : سىنا تورى


سەئۇدى شاھزادىسى: نېفىت باھاسى 100 دوللارغا چىقمايدۇ

ئەرقال تاراتقۇسى تەرجىمە قىلدى



«بۈگۈنكى ئامېرىكا» (USA Today) پىروگراممىسىنىڭ خەۋىرىگە ئاساسلانغاندا، سەئۇدى ئەرەبىستان شاھزادىسى ئەلۋەلىد بىننى تالال ئەلسەئۇد (Prince Alwaleed Bin Talal Alsaud) نىڭ زىيارەت جەريانىدا ئېيتىشىچە، ئۇ ھۆكۈمەتنىڭ نېفىت ئىشلەپچىقىرىش مىقدارىنى كېمەيتمەسلىك قارارىنى قوللايدىكەن، چۈنكى ئۇنىڭ قارىشىچە، نېفىت ئىشلەپچىقىرىش مىقدارىنى كېمەيتىش سەئۇدى ئەرەبىستاننى زىيانغا ئۇچرىتىدىكەن. ئۇ «سەئۇدى ئەرەبىستاننىڭ باشقا دۆلەتلەرگە ئىشىنەلمەسلىكى» سەۋەبلىك، نېفىت ئېكسپورت قىلغۇچى دۆلەتلەر تەشكىلاتى نېفىت ئىشلەپچىقىرىش مىقدارىنى كېمەيتىش جەھەتتە بىرلىككە كېلەلمەيدۇ دەپ كۆرسەتكەن.

ئۇنىڭ كۆرسىتىشىچە، ماي باھاسىنىڭ تۆۋەنلىشى ئېھتىياجنىڭ ئازىيىشى ۋە تەمىنلەشنىڭ ئېشىپ كېتىشىنىڭ تۈرتكىسىدىن بولغان بولۇپ، بۇ ئىككىسى ماي باھاسىنىڭ شىددەت بىلەن چۈشۈشتىكى سەۋەب ئىكەن. ئۇنىڭ مۆلچەرلىشىچە، ئەگەر نېفىت بىلەن تەمىنلەش مىقدارى ئۆزگەرمەي ئېھتىياج ئازايسا، ماي باھاسى داۋاملىق تۆۋەنلەپ، ھەر باك نېفىتنىڭ باھاسى 100 دوللارغا قايتا چىقمايدىكەن.  
مەنبە : ۋاڭيى تورى

Bayawan يوللانغان ۋاقتى 2015-1-13 09:11:10

سەئۇدى ئەرەبىستان نىفىتنى ئەرزان ساتسا زىيان تارتمامدىغاندۇ، ياكى ئامىرىكا تۇلۇقلىما بىرەمدۇ.

pis-pas يوللانغان ۋاقتى 2015-1-13 10:37:47

ئامېرىكا تېزراق «تاش قاتلام نېفىتى»نى ئېچىپ چىقسا، نېفىتنىڭ باھاسى ئەلبەتتە 100 دوللاردىن ئاشمايدۇ .

KAPITAN39 يوللانغان ۋاقتى 2015-1-13 10:48:34

پىششىق نىفىتنىڭ ھازىرقى باھاسى بىرقەدەر نورمال دەپ ئويلايمەن.

hakaniye يوللانغان ۋاقتى 2015-1-13 11:54:53

پايدا جوڭگۇغا بولىۋاتىدۇدە شەخسەن ماڭىمۇ بولىۋاتىدۇ دە ھى ھى ھى

ErkinQush يوللانغان ۋاقتى 2015-1-13 12:33:35

ئالدىنقى كۈنى دۆلىتىمىز  نېفىت باھاسىنىڭ چۈشۈشىگە تاقابىل تۇرۇش ئۈچۈن، كەڭ خەلق ئاممىسىنى ئويلاپ نېفىت ئىستىمال بېجىنى 1.52 يۈەن ھەر لېتىرىغا ئۆستۈردىغۇ دەيمەن:lol
بەك داناكەن زادى

nbi21 يوللانغان ۋاقتى 2015-1-13 13:06:58

خەلقئارا نېفىت باھاسى چۈشىدۇ، بۇ يەردە ئىستېمال بېجى ئۆسىدۈ!:shutup::shutup::shutup:

orkexjan يوللانغان ۋاقتى 2015-1-13 13:17:20

موشۇ خەلقئارادا خام نىفىت باھاسىنى ‹‹ئوپىك ››بەلگىلەمدۇ ياكى سەئۇدىي ئەرەبىستان بىلەن ئامېركىمۇ؟

yollugh يوللانغان ۋاقتى 2015-1-13 15:25:22

سودا-سانائەت بانكىسىدا قەغەز نېفىت سېتىۋالغىلى بولىدىكەن {:87:} نەچچە ئون تۇڭ سېتىۋېلىپ قويايمىكى دەۋاتسام ئەمدى ئۆسمەيدۇ دەۋاتقىنى ... شۇم ئېغىز :lol ئىران بىلەن ۋىنسوئىلانىڭ گېپىنى ئاڭلايدىغان دۆلەتلەر تېخى قۇرۇلمىغاندۇ-ھە.

ئەمما، بازارنىڭ ئەڭ ئۈمۈتسىزلىككە تولغان ۋاقتى دەل مەبلەغ سېلىشنىڭ ياخشى پەيتى.

yollugh يوللانغان ۋاقتى 2015-1-13 15:26:27

pis-pas جان، 'سىلانتېس نېفىتى' دەيدىغان بولغىيتتۇق.

izlen يوللانغان ۋاقتى 2015-1-13 19:42:37

مۇشۇ خەلىق ئارا ئۆلچەمدە   بىرتۇڭ نېفىت ،   زادى قانچە كىلو  كىلىدۇ.   بىلىدىغان تورداشلار بىر چۈشەنچە
بەرسەڭلەرچۇ...:)

izdinixazasi يوللانغان ۋاقتى 2015-1-13 19:56:15

orkexjan يوللىغان ۋاقتى  2015-1-13 13:17 static/image/common/back.gif
موشۇ خەلقئارادا خام نىفىت باھاسىنى ‹‹ئوپىك ››بەلگىلەم ...

ئامرىكىنىڭ دېگىنى ھېساپ !

olive يوللانغان ۋاقتى 2015-1-13 20:46:36

yollugh يوللىغان ۋاقتى  2015-1-13 15:26 static/image/common/back.gif
pis-pas جان، 'سىلانتېس نېفىتى' دەيدىغان بولغىيتتۇق.

بۇ قېتىمقىسى قاتلام گازى
ئامرىكىنىڭ ئوتتۇرا شەرقتىكى تالاش تارتىشتىن بېشىنى ئەپ قېچىشىنىڭ بىر سەۋەبى مۇشۇ.
ئەمما ئەرەپلە بىرلىشىپ ئامرىكىدىكى قاتلام گازىنىڭ ئېچىلىشىنى توسماقچى دىگەن گەپ تۇتامغا چىقمايدىغان پاراڭ:lol
ئۇنىڭغا قارىغاندا ئوتتۇرا شەرقتە نېفىت ئوغۇرلاپ سېتىۋاتقان دۆلەتنىڭ كىرىم مەنبەسىگە چەك قويماقچى دىگەن پەرەز سەل ئىشەنچىلىك.:L

izchilar يوللانغان ۋاقتى 2015-1-13 21:26:31

izlen يوللىغان ۋاقتى  2015-1-13 19:42 static/image/common/back.gif
مۇشۇ خەلىق ئارا ئۆلچەمدە   بىرتۇڭ نېفىت ،   زادى قانچە ك ...


كىلوگىرام سىغىمنىڭ بىرلىكى ئەمەس، ئىغىرلىقنىڭ بىرلىكى. ماتېرياللاردىن كۆرۈشىمچە، خام نىفىتنىڭ ئىغىرلىقى تىمپۇراتۇرا ۋە قىزىلغان ئورنىغا قاراپ ئوخشىمايدىكەن. ئادەتتە، بىر كۇب مىتىر خام نىفىتنىڭ ئىغىرىلقى 790كىلوگىرامدىن 973 كىلوگىرامغىچە كىلىدىكەن. بىر تۇڭ نىفىت خەلقئارالىق ئۆلچەم بويىچە 42 گالون كىلىدۇ، شۇنداق بولغاندا بىر تۇڭ نىفىت تەخمىنەن، 125كىلو دىن 154 كىلوغىچە كىلىدۇ.

izchilar يوللانغان ۋاقتى 2015-1-13 21:35:00

بۇ يازمىنى ئاخىرىدا   izchilar تەھرىرلىگەن. ۋاقتى  2015-1-13 21:54  

Bayawan يوللىغان ۋاقتى  2015-1-13 09:11 static/image/common/back.gif
سەئۇدى ئەرەبىستان نىفىتنى ئەرزان ساتسا زىيان تارتمامد ...

ئۇلارغا نىسبەتەن‹ زىيان› تارتمايدۇ، ئۇلار قازسىلا بولىدۇ. ئاۋۇ شاھزادىسىمۇ دىدىغۇ، بىر تۇڭ نىفىت 20 دوللارغا چۈشۈپ قالسىمۇ بىز ئۈچۈن بەرىبىر دەپ. ئامېرىكا بىلەن ئەرەبىستاننىڭ قوڭى بىر.  ئامېرىكا رۇسىيەنىڭ، ئەرەبسىتاننىڭ بولسا ئىراننى ئاجىزلاتماقچى. چۈنكى ھەر ئىككى دۆلەتتە مالىيە كىرىمىنىڭ يىرىمىدىن كۆپرەكى نىفىتتىن كىلىدۇ. نىفىت ئەرزانلىسا ، كىرىم ئازلايدۇ.پەۋقۇلاددە باي سەئۇدىي ئەرەبىستان بۇنچىلىك زەربىگە بەرداشلىق بىرەلەيدۇ،  ئامېرىكا سانائىتى نىفىتقا ئىھتىياجلىق، نىفىت ئەرزانلىسا نىفىت چىقمايدىغان دۆلەتلەرگە پايدا، بولۇپمۇ ياۋرۇپاغا. مەسىلە رۇسلار ۋە ئىرانلىقلار قانچىلىك بەرداشلىق بىرەلەيدۇ.

ablimitt يوللانغان ۋاقتى 2015-1-13 21:45:11

olive يوللىغان ۋاقتى  2015-1-13 20:46 static/image/common/back.gif
بۇ قېتىمقىسى قاتلام گازى
ئامرىكىنىڭ ئوتتۇرا شەرقتىكى ...

  شۇ، ئسىس دىگەن تەشكىلاتمۇ ئاجىزلايدۇ...
بۇ ئىزدىنىشتا پىس-پاس دەپ ئىسىم قۇيىۋالسىمۇ خېلى بىلىمى باركەن-ھە!... تاشپۇلات ئاكىمىز بىلەن ئەركىن سىدىق ئاكىمىزنىڭ تىمىسىغا باشقا مۇنبەرلەردە چۈشكەن ئىنكاسلار بۇ يەردىكى بىلەن ئاسمان-زىمىن پەرىقلىنىپ تۇرىدۇ ...

ablimitt يوللانغان ۋاقتى 2015-1-13 21:49:27

ErkinQush يوللىغان ۋاقتى  2015-1-13 12:33 static/image/common/back.gif
ئالدىنقى كۈنى دۆلىتىمىز  نېفىت باھاسىنىڭ چۈشۈشىگە تاق ...

  بولسا يەنىمۇ ئۈستۈرسۇن، گۈزەل شىنجاڭ قۇرۇپ چىقىشىمىز ئۈچۈن زور مەبلەغ تەمىنلىسە بىزمۇ زاۋۇت-كارخانىلارنى قۇرساق، مەكتەپلەرنى تەجىربە بىلەن نەزىريە بىرلەشتۈرۈپ دەرىس ئۈتۈلىدىغان قىلساق ياخشى ئەمەسمۇ!...

nur يوللانغان ۋاقتى 2015-1-13 22:12:47

ما ئىران دىگەن بىر نىمىلەرنىڭ نىفىت باھاسىنى ئۆستۈرىمىز دەپ قىپ كەتكەن قىلىقىنى.
ئىران دىگەن يەدە بىرەر يۈز مىليۇن ئادەمگە زىيان بولغان بىلەن نىفىت ئەرزانلىسا پۈتۈن يەرشارىدىكى ئاز دىگەندە 4مىليارد ئادەمگە پايدا بولىدىغىنىنى بىلمەمدىكىنە بۇ قوتۇر ئىشەكلەر.ئەڭ ئاددىسى نىفىت باھاسىنىڭ تۆۋەنلىشى سەۋەپلىك مەن ماشىنامغا بىر قىتىم ماي لىقلىسام 100 كوي پۇل يانجۇقۇمدا قىلىۋاتمامدۇ.شۇڭا نىفىتنىڭ باھاسى داۋاملىق چۈشكەن
لىكىن ما دۆلەت ئىچىدىكى ئەڭ تىتىقسىز رەسۋا ئىشقا قاراپ ھۆ قىلغۇم كەلدى.خۇدا بەرسە شەيتاننىڭ قورسىقى ئاغرىپتۇ دىگەندەك خەلىقئارادا ماي باھاسى چۈشسە بىر نىمە بىجى دىگەننى ئۆستۈرۈپ يوق قىلىۋەتكىنىنى قارىمامدىغان.

ablimitt يوللانغان ۋاقتى 2015-1-13 22:37:10

nur يوللىغان ۋاقتى  2015-1-13 22:12 static/image/common/back.gif
ما ئىران دىگەن بىر نىمىلەرنىڭ نىفىت باھاسىنى ئۆستۈرىم ...

  مۇنداق ئىش بارمۇ تىخى؟ بۇنى تەستىقلىغىچە مەندىن پىكىر ئالمىغاندىكىن مەن ئۈستۈرۈش تۇغرىلىق قارارغا قاتناشمىغان، مىنى تىللاپ كەتمەڭ-ھە...

windows100 يوللانغان ۋاقتى 2015-1-13 22:49:14

بۇ يازمىنى ئاخىرىدا   windows100 تەھرىرلىگەن. ۋاقتى  2015-1-13 22:55  

بولسا قولىدىن كەلسە ئېران نېقىت باھاسىنى بىر ئۆستۈرىۋەتسە بولىتتى.ھازىر 45 دوللاركەن،ئۈچ ئاي ئېچىدىلا 100 گە چىقىپ توختىسا.
بەت: [1]
: ئىران نېفىت باھاسىنىڭ چۈشۈشىنى توسماقچى