ئۇيغۇرچە بىلسىلا 7مىرلىياد ئىنسان بىلەن پاراڭلاشقىلى بۇلىدۇ ؟
بۇ يازمىنى ئاخىرىدا adip تەھرىرلىگەن. ۋاقتى 2014-12-28 15:13ئەسكەرتىش :مەزكۇر تېما ھەرگىزمۇ ئاۋازلىق تەرجىمە ساھەسىدە ئىزدىنىۋاتقان بۇ ياش ئوغلانىمىزنى ھاقارەت قىلىش ئۈچۈن يېزىلمىدى
كۆپىنچىمىزگە مەلۇم بىرنەچچە كۈندىن بېرى ئۈندىداردا "ئۇيغۇرۇمنىڭ دۇنيانى ھەيران قالد
ۇرغان تېخنىكىسى "، "ئۇيغۇرچە بىلسىڭىزلا دۇنيادىكى 7 مىرلىياد ئىنسان بىلەن بىمالال پاراڭلىشالايسىز "،"11 خىل تىللىق ئاۋازلىق لۇغەت " دىگەندەك يازمىلار سۇدەك ئېقىپ يۈردى .لىكىن مەن ئۇلارنى كۆرۈپ ھاياجانلامىدىم.مەن مۇشۇ تېخنىكىنى ئەمەلگە ئاشۇرىشنى ئارزۇ قىلغانياش ئوغلانىمىزغا ھۆرمىتىمنى بىلدۈرسەممۇ ئەمما ئۇنىڭ بۇ تەتقىقاتىغا گۇمانىي نەزەر بىلەن قارىدىم ،ئەمما بۇ ياشنىڭ بۇ ئۇلۇغۋار غايىسىگە ھەقىقەتەن ھۆرمىتىمنى بىلدۈرىمەن .
تۈۋەندە ئۈندىداردا ئېقىپ يۈرگەنئۇ خەۋەرنىڭ ئەسلىي نۇسخىسىنى چاپلاپ قۇياي ئوقۇپ بېقىڭلار:
ئەقىللىق ئۇيغۇرۇمنىڭ يېڭى نەتىجىسى-پۈتۈن دۇنيادا بىردىنبىر
ئەسسالامۇ ئەلەيكۇم، ئەزىز قېرىنداشلار، مەن تۈۋەندەسىلەرگە بىر ئۇيغۇر قېرىندىشىمىزنىڭ خەلقىمىز ئۈچۈن تەتقىق قىلىپ ياساپ چىققانيۇمشاق دىتال نەتىجىسىنى ھاياجان ئىچىدە سىلەرگە تۇنۇشتۇرىمەن، بۇخىل دىتال تېخىپۈتۈن دۇنيادا مۇشۇ بىرتال دېسەكمۇ بولىدۇ، مەن ۋە ھىچكىم ئون نەچچە تىلنىڭخالىغان بىر تىلدا سۆزلىسە باشقا تىللارغا تەرجىمە قىلىپ ئوقۇپ بىرىدىغان دىتالبار دەپ ئاڭلىمىغان بولغۇيتۇق، مانا تىرىشچان، ئەقىللىق ئۇيغۇر مىللىتى مانا بۇنىياساپ چىقىپتۇ! بەك ھاياجانلىنىۋاتىمەن! ئەگەر بۇ دىتال رەسمىي بازارغا سېلىنسابىز ئۇيغۇرلارنىڭ سودا ئالاقە، ساياھەت ۋە باشقا نۇرغۇن ئىشلاردا ئەڭ ئۈنۈملۈكياردەمچىسى بولۇپ قالغۇدەك دەپ ئويلىدىم، تۈۋەندىكى فىلىمدىن بۇ دىتالنىڭ سىناقئۈنىمىنى كۆرۈپ بېقىڭ، سىز ئۇيغۇرچە سۆزلىسىڭىز سىزنىڭ گېپىڭىزنى 10 نەچچە خىلتىلغا ئاپتۇماتىك تەرجىمە قىلىپ ئاۋازلىق ئوقۇپ بېرىدىكەن، يەنە باشقا خەتكىمۇئايلاندۇرۇپ بىرەلەيدىكەن، يەنە باشقا ئون نەچچە خىل تىلدىكى ئاۋازنى ئۇيغۇرچىگەتەرجىمە قىلىپ ئوقۇپمۇ بىرىدىكەن، دىمەك ھەر قانداق بىر ئىشتا باشقا مىللەت بىلەنتەرجىمانسىز تىز ئالاقىسى قىلىش ۋۇجۇتقا چىقتى دېسەكمۇ بۇلىدۇ!
http://v.youku.com/v_show/id_XODU4MDk4NTY0.html
تەرجىمان1.0
ئۇيغۇرچە – كۆپتىلچە ئەقلىي ئىقتىدارلىق تاۋۇشتەرجىمە سىستېمىسى
ئۇيغۇرچە، ئېنگلىزچە، خەنزۇچە، رۇسچە، فرانسۇزچە،تۈركچە، ياپونچە، ئەرەبچە، نىمىسچە، ھىندىچە، كورىيچە قاتارلىق تىللار ئارىسىدائاپتوماتىك تەرجىمە قىلىش سىستېمسى (سىناق نۇسخىسى)
ئىسىمىزدە بولسۇنكى، دۇنيادا ئەگەر كۆپقوللىنىلىدىغان 50 خىل تىل بار دىيىلسە، بۇ تىللارنى ئەڭ تىز سۈرئەتتە ئىككى يىلدابىر تىلدىن پىششىق ئىگىلەپ ماڭساق 100 يىل كىتىدۇ، ئۆمرىمىز قانچىلىك؟ ئۇنداقتابەك تىز سۈرئەتتە يىلىغا بىرتىلدىن پىششىق ئۆگىنىپ ماڭساق 50 يىل كىتىدۇ، ئەگەرشۇنداق بىر تېخنىكا بولسا، بىز پەقەت ئانىمىزنىڭ تىلىنى بىلسەكلا دۇنيادىكى ھەممەئادەم بىزنىڭ گىپىمىزنى چۈشەنسە، بىزنىڭ مەھسۇلاتلىرىمىزنى سىتىۋالسا، ئۇچاغدابىزگە كەلتۈرىدىغان ئىقتىسادىي ئۈنۈم مۆلچەرلىگۈسىز بولۇشى مۇمكىن، بۇنىڭ بىلەنبەلكى ئەينى زامانلاردا يىپەك يولى سودا ئالاقە ساھەسىدە ئۆچمەس ئىزلارنى قالدۇرۇپيەتتە ئىقلىمنى بىر تىترىتىپ توختاتقان ئەقىللىق باي پۇلدار شۇ قەۋم بۈگۈنكىنامرات بىچارە ئۇيغۇر سۈپەت ھالىتىنى ئۆزگەرتىپ، بەلكىم نىمە قىلارىنى بىلەلمەيدەلدەڭشىپ يۈرۈۋاتقان بۈگۈنكى يۇقىرى تېخنىكىلىق بازار ئىگىلىكى دەۋرىدە قايتىدىنئۆز ئەسلىنى تىپىۋالالىشى مۇمكىن.
شۇنىڭغا قەتئىي ئىشەنگىنكى دوستۇم، كەلگۈسىدە سەنپەقەت ئۇيغۇرچە سۆزلىيەلىسەڭلا دۇنيادىكى 7 مىليارد ئادەم سىنىڭ گىپىڭنىچۈشىنەلەيدۇ. بۇ چاقچاق ئەمەس، بۇ رىئاللىق.
-ئابدۇراھمان تۇرغۇن
ئىلىم - پەن دۇنيا تەرەققىياتىدا ئىنتايىن مۇھىم رولئوينايدىغانلىقى ھەممىمىزگە مەلۇم، جۈملىدىن ئۇيغۇر تىلى ئىشلىتىلگەن پەن - تېخنىكىلىقمەھسۇلاتلار ۋە ئۇيغۇر تىلى ئاساسىدىكى كومپىيۇتېر ۋە ئەقلىيفۇن تەتقىقاتنەتىجىلىرىمۇ دۇنيا مىقياسىدا ئۇيغۇر تىل يىزىقىنى ئاساسلىق قوللىنىدىغانكىشىلەرگە ئىلىپ كەلگەن ئىقتىسادىي ۋە ئىجتىمائىي ئۈنۈمىمۇ تولىمۇ زور ئەلۋەتتە.
ئۇنداقتا سۆزىمىزنىڭ دەلىلى سۈپىتىدە شىنجاڭ ئۇيغۇرئاپتونوم رايونىمىزدىكى ئابدۇراھمان تۇرغۇن ئىسىملىك بۇ ياش پىراگراممىرتەتقىقاتچى 3 يىل بۇرۇن يەنى 2011- يىلى تۇنجى ئۇيغۇر ئاكادېمىك شىنجاڭئۇنىۋېرسىىتېتى فىراففىسورى، دوكتۇر يىتەكچىسى، كومپىيۇتېر ئالىمى ھوشۇر ئىسلاممۇئەللىمنىڭ يىتەكچىلىكى ئاستىدا ۋە شۇ چاغدىكى شىنجاڭ ئۇنىۋېرسىتېتى ئوقۇتقۇچىسىناسىرجان تۇرسۇن دوتسىنت نىڭ يىتەكچىلىكى ئاستىدا يەنە شۇنداقلا شىنجاڭئۇنىۋېرسىتېتى دوكتور يىتەكچىسى ، ئۇيغۇر ماشىنا تەرجىمە ساھەسىىدىكى نوپۇزلۇقباشلامچى يىتەكچى ئۇستاز تۈرگۈن ئىبراھىم فىراففىسور مۇئەللىمنىڭ تەتقىقاتنەتىجىلىرىدىن ئۆرنەك ئىلىش ئاساسىدا ئۆزى مۇستەقىل تۈزۈپ چىققان ئەقلىيئىقتىدارلىق ئۇيغۇرچە – كۆپتىلچە تاۋۇش تەرجىمە سىستىمىسىنىڭ سىناق نۇسخىسىنىھوزۇرۇڭلارغا سۇندۇق ، كۆرۈپ بىقىشىڭلارنى تەۋسىيە قىلىمىز.
مەزكۈر سىناق سىستىما ئەقلىي ئىقتىدارلىق تاۋۇشپەرقلەندۈرۈش ، ئەقلىي ئىقتىدارلىق ماشىنا تەرجىمە ۋە ئەقلىي ئىقتىدارلىق تاۋۇشبىرىكتۈرۈش قاتارلىق ئۈچ چوڭ ساھەدىكى ئەمەلىي ۋە نەزەرىيۋى بىلىملەرنى بىرىكتۈرۈشئاساسىدا تۈزۈلگەن بولۇپ، تۇنجى نۇسخىسىدا پەقەت ئۇيغۇرچە بىلەن ئون خىل تىلئارىسىدا ئۆزئارا تەرجىمە قىلىش سىناق قىلىپ كۆرسىتىلدى، گەرچە بۇ سىستىما 3يىلدىن بىرى بىسىلىپ قالغان بولسىمۇ، لىكىن ئەگەر يىتەرلىك مەبلەغ ۋە قوللاشلابولىدىكەن بۇخىل سىستىمىدا ئىشلىتىلگەن تەتقىقات نەزەرىيەسىنى ھىلىھەم دۇنيادىكىبارلىق تىللارغا تەدبىقلاشقا تامامەن بولىدۇ، دىمەك ، بۇ ئارقىلىق كەلگۈسىدە پەقەتئۇيغۇرچە سۆزلىيەلىسىلا دۇنيادىكى بارلىق ئىنسانلار بىلەن ئۆزئارا پىكىرئالماشتۇرۇشقا بۇ ئارقىلىق سودا ئالاقە قاتارلىق ئىشلارنى ئىلگىرى سۈرۈشكە بولىدۇ.
تۈۋەندە ئۈزەمنىڭ كۆز-قاراشلىرىمنى بايان قىلاي
1.بۇ دېتالنىڭ ئەڭ چوڭ گۇمانلىق يېرى بولسا ھەرقايسى جۈملىلەرنى توپتوغرا تەرجىمە قىلىپلا قالماي تېخى ھېسيات بىلەن ئوقۇپ بىرىشى .ئالما تىلفۇننىڭ ئاۋاز بىلەن كونتىرول قىلىش ئىقتىدارىنى ئىشلىتىپ باققانلار بىلىدۇ ھەربىر سۆز ئايرىم ئايرىم ھالدا ئاۋازغا ئېلىنىپ ساندانغا قاچىلانغان بولغاچقا جۈملىنى ھەرگىزمۇ جۈملە مەنىسىگە ماس ھالدا ھېسياتلىق ئوقۇپ بىرەلمەيدۇ .ھەربىر سۆزنى دانەدانە قىلىپ ماشىنا ئادەمدەك ئوقۇيدۇ .
2.ئۇيغۇرچىدا نۇرغۇن قۇشۇلمىلار بار مەسلەن " گا ،گە ،قا ،قە ،كە ،دىن ،تىن ،غا ،غە " قاتارلىقلار بۇلار ھەربىر سۆزگە قاراپ ئوخشىمايدۇ . ئىنگىلىزچىدە بولسا "to" قۇشۇمچىسى قوللىنىلىدۇ . مەسلەن ئۇيغۇرچىدا مەكتەپكە بېرىشنى ئىپادىلىمەكچى بولساق "كە " قۇشۇمچىسىنى قاتىمىز ،بازارغا بارماقچى بولساق "غا " قۇشۇمچىسىنى قاتىمىز ،ئۆيگە قايتىشنى ئىپادىلىمەكچى بولساق "گە " قۇشۇمچىسىنى قاتىمىز .ئىنگىلىزچىدە بولسا ئاساسەن "to" نىلا ئىشلىتىدۇ .خەنزۇچىدا بۇنداق قۇشۇمچىلار يوق . دىمەكچى ئۇيغۇرچىدىكى مۇرەككەپ بولغان بۇ قۇشۇمچىلارنى پەرق ئىتىش ناھايىتىمۇ مۈشكۈل ،ئۇيغۇرچە ئاۋازنى خەتكە ئايلاندۇرۇش تېخنىكىسى تېخى ئەمەلگە ئاشماي تۇرۇپ باشقا تىللاردىكى ئاۋازنى ئۇيغۇرچىغا بىۋاستە ئاۋازلىق تەرجىمە قىلىش ئەسلا مۇمكىن ئەمەس .
3.گۇگىل ئىزدەش ماتورىنىڭ تەرجىمە قىلىش ئىقتىدارىنى ئىشلىتىپ باققانلار غا ئايان ئۇنىڭدا تەرجىمە قىلدۇرغان نەرسىنىڭ سۈپىتىنىڭ قانچىكلىكىنى بۇ يەردە دەپ ئولتۇرۇشنىڭ ھاجىتى يوق . دىمەكچىمەنكى تور ساھەسىنى مونۇپول قىلىۋېلىشقا ئاز قالغان شۇنداق چوڭ شىركەتنىڭ شۇنچە مەبلەغ سېلىپ ياساپ چىققان تەرجىمە قۇرالىنىڭ ھالى شۇنچىلىك تۇرسا بىر شەخىس ئۈزى مۇستەقىل ياساپ چىققان تەرجىمە دېتالىنىڭ ئەھۋالى قانداق بولماقچى ؟
4.ئەگەردە يۇقارقى دىتالنى ياساپ چىققان ياش ئۈچ يىل بۇرۇن ئۇ دىتالنى ياسىغان بولسا ھەرگىزمۇ بۇ يەرسە بولمايتى . مىكروسوفت دىگەندەك چوڭ شىركەتلەر ئاتايىتىەن ئۈزى كىلىپ تەتقىقات ئورۇنلىرىغا ئېلىپ كەتكەن بولاتتى .
5.بۇ دىتالنىڭ تەشۋىقات ئوبىيكتى ئۇيغۇرلا تۇرسا نېمە ئۈچۈن ئىنگىلىزچە چۈشەندۈرلىدۇ ؟
مۇشۇ خەۋەر ئۈندىداردا كۆپتۈرلۈپ سەلدەك ئېقىپ يۈرگىنىنى كۈرۈپ ھەقىقەتەن سۈكۈت قىلىپ تۇرالمىدىم . گەرچە ئىمتىھان مەزگىلى بولسىمۇ ۋاقىت چىقىرىپ بۇ توغرىسىدا ئاز-پاز بىرنەرسە يېزىشنى قارار قىلدىم . شۇنىڭ بىلەن تۈنۈگۈن ئىككى دوستۇم بىلەن بىر سائەت ۋاقىت سەرپ قىلىپ يۇقارقىغا ئوخشاش " دېتال " دىن بىرنى يېزىپ چىقتۇق . چۈشەندۈرلىشىنى تۈۋەندىكى فىلىمدىن كۆرۈڭ
http://v.youku.com/v_show/id_XODU3ODk1OTQ0.html
ئەگەردە بىزمۇ يۇقارقى دىتالدا كۈرۈنگەن جۈملىلەرنىڭ ئاۋازىنى ئالدىن ساندانغا مەقسەتلىك ھالدا قاچىلىۋەتكەن بولساق ئۇ دىتالىمىزمۇ "ئادەمنى ھاياجانغا سالىدىغان دۇنيادا بىردىنبىر ئاۋازنى بىۋاستە بەش خىل تىلغا ئاۋازلىق تەرجىمە قىلالايدىغان" دىتال بوپقالىتى . بىز ئۈچىمىز ھازىر ئۈگىنىۋاتقان كەسىپلەرنىڭ كومپىيوتىر بىلەن ئالاقىسى يوق . بۇنى پەقەت بىرىنچى يىللىقتا كومپىيوتىر دەرسىدە ئۈگەنگەن بىلىمىمىزگە تايىنىپلا ياساپ چىقتۇق .
مەقسىتىمگە كەلسەم يۇقارقى ئۈندىداردا ئېقىپ يۈرگەن دەبدەبىلىك دىتالنى ياسىغان دوستىمىزنى يىتەرلىك دەلىل ئىسپاتلارنى كۆرسىتىپ ئۇ دىتالنىڭ راسلىقىنى ئىسپاتلىشىنى ئۈمۈد قىلىمەن .ھەمدە سالون ئىگىللىرىنىڭ پەقەت ئىلاندىن كىلىدىغان پۇلنى كۆزلەپلا ئۇچۇرلارنىڭ راس يالغانلىقى بىلەن كارى يوق ، تۈگمىدەك نىمىنى تۈگىدەك قىلىپ كۆپتۈرۈپ مەزمۇن يوللاشتىن ئۈزىنى تارتىشىقا ئاگاھلاندۇرىمەن . بۆرە كەلدى ھېكايىسى ھەممىمىزگە مەلۇم باشقىلارنى قۇرۇق نەرسىگە ھاياجانلاندۇرىۋەرسەك ھەقىقىي ھاياجانلىنىشقا تىگىشلىك بولغان نەرسىلەرنى كۆرگەندە ھاياجانلىنالماي قالىدۇ .
ئۈندىدار سالونلىرى توغرىسىدا يەنە ئازراق توختىلىشنى توغرا تاپتىم . مەن بىرقانچە ئۇيغۇرچە ئۈندىدار سالونىدىن باشقا ئۇيغۇرچە ئۈندىدار سالونلىرىغا ئىچ-ئىچىمدىن ئۆچ بولاپ كەتتىم . نىمىشقا ؟ چۈنكى جىق سالونلار ناھايىتىمۇ چاكىنىلىشىپ كەتتى ، بەزەنلىرى تېخى چىقاغان مەزمۇنىدىن ئىلانى كۆپ تىلىپەتىش ئاقماس مەزمۇندىكى نەرسە يوللىغىنىغا قارىماي كىشىلەرنىڭ دىننىي ھېسياتىدىن پايدىلىنىش مەقسىتىدە يۈزىنى داپتەك قىلىپ " ئاللاھ رازىلىقى ئۈچۈن بۇ مەزمۇننى ھەمبەھىرلەپ قويۇڭ " دەپ يېزىپ قۇيىدۇ . يەنە بەزى داپشاق سالونچىلار بار تېخى باشقىلارنىڭ يازمىسىنى ئوغۇرلاپ كۆچۈرۈپ كەلگىنىگە قارىماي " بىز كۈندە بەش ئالتە سائەت ۋاقىت چىقىرىپ سىز ئۈچۈن مەزمۇن تەييارلاۋاتىمىز ، ئەمكىمىز ئۈچۈن ئاستىدىكى ئىلاننى چىكىپ قۇيۇڭ ." دەپ يېزىپ قۇيىدىغان ، ئاشۇ يازمىنى يازغان ئاپتۇرلار قانچىلىك ۋاقىت سەرپ قىلدى بۇنىڭ بىلەن كارى يوق . ئەڭ قىلىقسىز سالونچىلار بار تېخى گۈزەل قىز ۋە كىلىشكەن يىگىت تاللاش مۇسابىقىسى ئۆتكۈزىمىز دەپ " بىزگە رەسىمىڭىز بىلەن ئىسمىڭىزنى يوللاڭ " دەيدىغان . يەنە بەزىللىرى بار "ئۇيغۇر بولسىڭىز تارقىتىڭ "،"ئۇيغۇر ئانداق بوپتۇيەي ،بۇنداق بوپتۇيەي " دىگەندەك دەبدەبىلىك ئىبارىلەرنى قوللۇنۇپ مەزمۇن يوللايدىغان لىكىن ئېچىپ قارىسا مەزمۇن ئۇ دەبدەبىلىك ئىبارىلەر بىلەن ھەرگىزمۇ ماس كەلمەيدۇ .شۇنداق سالونچىلار بىلىپ قېلىشكى ئۇيغۇر دىگەن بۇ ئۇلۇغ نامنى ئۇنداق كەلسە-كەلمەس تىلىپەتىش بىر نەرسىللىرىڭگە ئىشلەتمە ،ھامان بىركۈنى مۇشۇ قىلغانلىرىڭغا پۇشايمان قىلىشىسە .
مىنىڭ نەزىرىمدە ئۈندىدار سالونلىرىنى ماڭدۇرىۋاتقانلارنىڭ ساپاسى خەلقنى يىتەكلىگۈدەك دەرىجىدە بولمىغاچقا كىشىلەرنىڭ ساپاسىنى ئۆستۈرۈشتە يوق بارغانسىرى تۈۋەنلىتىۋاتىدۇ . ئۈندىدار سالونى ئاممىنىڭ ئىدىيە يىتەكچى قۇرالى ئىدى ئەمما بۇ ئۈنۈملۈك قۇرال ئاممىنى يىتەكلەيدىغان زىيالىلارنىڭ قۇلىدا بولمىغاچقا ئۈندىدارنىڭ رولى يىتەرلىك جارىي قىلىنمايۋاتىدۇ .
ئەسكەرتىش : بۇ يازمىنى ھەرقانداق ئۈندىدار سالونىنىڭ كۈچۈرۈپ تارقىتىشى چەكلىنىدۇ .يۇقارقى مەزمۇنلار پەقەت مىنىڭ شەخسىي كۆز-قارىشىم ، مۇنازىرە قىلغاندا باشقىلارنىڭ شەخسىيتىگە ھۇجۇم قىلمىغان ئاساستا ئىلمىي مۇنازىرە قىلىڭ !
مەن سۈكۈتتە تۇراي .( لىكىن مەن ئىشەنمەيمەن .) بىرەيلەن بۇنى تەھلىل قىلىپ چۈشەنچە يېزىشى كېرەك ئىدى ئويۇمدا، ناھايىتى جايىدا تەھلىل قىلىپسىز، {:112:}
ئەھۋالنى بىلەلەيدىغانلارغۇ ھە ئەسلى مۇنداق ئىشتى دەر، ئەڭ يامان يېرى كۆپ قىسىم كىشىلەر ئەھۋالنىڭ تىگىنى چۈشەنمەيدۇ. مۇشۇنداق تەھلىلنىڭ بولغىنى ياخشى، بەلكىم چوڭلىرىمىز سۈكۈت قىلىشنى مۇۋاپىق كۆرگەن بولۇشى مۇمكىن، ئەمما يەنىلا شۇ گەپ بۇ تەھلىلىڭىز ناھايىتى زۆرۈر ئىدى، رەھمەت. ھەقىقەتەن يازما ئىگىسى ئېيتقاندەك، ئۈندىداردا تارقالغان بۇ خەۋەرنىڭ چىنلىق دەرىجىسى بەكلا تۆۋەن بولغاننىڭ ئۈستىگە، بۇنىڭغا زور مەبلەغ كىتىدىغانلىقى، شۇڭا، جەمىيەتتىكى مەبلەغ سېلىشنى خالايدىغانلارنىڭ مەبلەغ سېلىشىنى، ھىچبولمىغاندا، ئۆسۈملۈك قەرز بەرسىمۇ بولىدىغانلىقى قەيت قىلىنغان. ناۋادا، راستىنلا شۇنداق دېتال ئۈچ يىلنىڭ ئالدىدا ئېچىلغان بولسا، بۇ دېتالنىڭ بازار قىممىتى، تېخنىكىلىق دەرىجىسى، ئەمەلى ئىشلىتىلىشچانلىقى بىلەن چوقۇم نوپۇزلۇق تاراتقۇلاردا ئاشكارا قىلىنغان، دۆلەت مەخسۇس تەتقىقات مەبلىغى ئاجراتقان، مىكروسوفت، گوگلى، ئالما، سامسۇڭ... قاتارلىق يۇقىرى تېخنىكا شېركەتلىرى مەخسۇس بۇ تۈرنى سېتىۋالغان بولاتتى. بۇ يالغاننى تارقاتقان سالونچى ئىنتايىن ھاياجانلىق كەيپىيات بىلەن كۆپچىلىكنى بۇ يالغانغا ئىشەندۈرمەكچى بولغان بولسىمۇ، ئەپسۇس، ئاز ساندىكى تورداشلارنى ھىساپقا ئالمىغاندا كۆپچىلىك ئىشەنمىگەنلىكى ئايان بولدى. بۇ تېمىنى ئىزدىنىشتىن يوقۇتۇڭلا. تېما قەھەتچىلىكى يۈز بېرىپتۇ-ھە. ئۈندىدار توغرىسىدىكى مۇلاھىزىگە مەن 100% ئەگەشتىم!!!!!!!!!!!!!! alip يوللىغان ۋاقتى 2014-12-28 11:34 static/image/common/back.gif
بۇ تېمىنى ئىزدىنىشتىن يوقۇتۇڭلا. تېما قەھەتچىلىكى يۈز ...
بىلىمەن سىز كومپىيوتىر بىلىمىگە تايىنىپ جان باقىدىغان ئادەم ،ئۇ ئۈندىداردا تارقىلىپ يۈرگەن خەۋەرنىڭ يالغانلىقىنى ئەلۋەتتە بىلىسىز .بۇ خەۋەرنىڭ قانچىلىك شىددەت بىلەن تارقىلىپ يۈرگىنىدىن خەۋىرىڭىز يوق ئوخشايدۇ .ھەتتا ئالىي مەكتەپلەردە بىلىم ئېلىۋاتقان دوسلۇرۇممۇ ھاياجان ئىلكىدە تارقىتىپ يۈردى ،ھەتتا بىرنەچچە دوستۇم بىلەن مۇشۇ توغۇرلۇق گەپ تالىشىپ قالغىلى تاسلا قالدىم . ئاخىر سۈكۈتتە تۇرۇشقا چىدىماي ئاۋۇ «دېتال » نى يېزىپ چىقىپ رەدىيە بەمەكچى بولدۇم .تۈنۈگۈن مىسرانىم مۇنبىرىنىڭ تور يۈزىدىلا بۇ تېمىنى يېزىپ يوللىسام خەتلەر قالايمىقان بو كىتىپتۇ ،نېمە سەۋەپتىن بىلمىدىم ،تېخى بەزى خەتلەر كۆرۈنمەي قاپتۇ .گەرچە ئىمتىھان مەزگىلى بولسىمۇ بۇنى يېزىپ چىقتىم ،سىزنىڭ ياخشى يېزىشقا بىلىمىڭىز ۋە ۋاقتىڭىز يار بەرگەندىكىن سىز يازسىڭىز مەن ماۋۇنى ئۈچۈرگىزىۋىتەي قانداق ؟ بۇ يازمىنى ئاخىرىدا Hechkim تەھرىرلىگەن. ۋاقتى 2014-12-28 15:19
خەتكۈچ مەنمۇ شۇنداق تونۇشتۇرۇلمىلارنى ئاڭلىسام راس بولسىمۇ قۇسقۇم كېلىدۇ، نېمە ئۇ دۇنيادا بىردىنبىر، مىسلىسىز دەپ، ھاياجانلىنىپ ئەس-ھوشىنى يوقىتىپ قويۇش ئەمەسمۇ ئاخىر؟ بۇ يازمىنى ئاخىرىدا eltabir9 تەھرىرلىگەن. ۋاقتى 2014-12-28 12:15
مەن ئازراق ئىشىنىپمۇ قالدىم،چۈنكى تىلفۇنۇمدا出国翻译官 دەپ بىر ئېغىزچە ۋە يازمىچە تەرجىمە قىلىپ بىردىغان ئەپلوغىتى بار.ئەمەلى ئىشلىتىلىشچانلىقى ۋە توغۇرلىقى خىلىلا بوپ قالدىكەن.ئەمما ئۇيغۇرچە يوق.مەن مۇشۇ تەشۋىق قىلىنىۋاتقان نەسىنى تىلقۇنۇمدىكىدەك ئويغۇرچىسىمۇبار بىر ئىش بولسا كىرەك دەپ ئويلىغانتىم. Tograky يوللىغان ۋاقتى 2014-12-28 11:50 static/image/common/back.gif
بىلىمەن سىز كومپىيوتىر بىلىمىگە تايىنىپ جان باقىدىغ ...
بۇ مەزمۇندىكى تېما كۈندە نەچچە قېتىم ئالدىمغا كېلىدۇ، ئۇدۇللۇق ئۆچۈرىمەن. ماۋزۇسىدىنلا يالغانلىقى چىقىپ تۇرغان نەرسىنى ئاتايىن ئۇزۇندىن-ئۇزۇن بىر نەرسە يېزىپ مۇنازىرە قىلىشنىڭ ھېچقانداق ئەھمىيىتى يوق. alip يوللىغان ۋاقتى 2014-12-28 12:31 static/image/common/back.gif
بۇ مەزمۇندىكى تېما كۈندە نەچچە قېتىم ئالدىمغا كېلىدۇ ...
توغرا بۇلارنى مۇنازىرە قىلىشنىڭ ئەسلى ئەھمىيتى يوقتى ئەمما بۇ خەۋەرنى ئەڭ ئاز دىگەندىمۇ يۈزمىڭ ئادەم كۆرۈپ بولدى ،شۇنىڭ بىلەن مۇنازىرە قىلمىساق بولمايدىغان يەرگە يەتتى دەپ ئويلايمەن . ھاۋانى يېقىلغۇ قىلىدىغان ماتۇر دىگەندەك گەپكەن بۇ، قۇرۇق گەپلەر بۇتىما ئۈندىداردا تېرىلىشتىن ئىلگىرى ئارىمىزدا دىۋەڭ ئادەملەرنىڭ بۇ دەرىجىدە كۆپلىگىنى ئويلاپ باقماپتىكەنمەن «مىرلىياد» دەپ قويۇڭلار تېخى، مۇشۇ «ئۇيغۇرۇم» دېگەن سۆز بىلەن باشلانغان ھەر قانداق بىر ھېسياتى ئەقلىدىن ئۈستۈن يازمىلار ماڭا بىرخىل ساختا، ماز ھەم تېتىقسىز بىلىنىدۇ. كۆرگەنتىم قارا يۇمۇركەنغۇ بۇ دەپ ئۈتۈپ كەتكەن، دېمىسىمۇ ماۋۇ سالونچىلار خەلىقنىڭ ھېسياتىدىن پايدىلىنىپ پۇل تاپىدىغان ئىشنى تۈگەتسە بۇلاتتى بىلىدىغانلارغۇ ھە دەپ قويىمىز بىلمەيدىغانلار ئادەمنى بىئارام قىلىپ تارقىتىپ يۈرگەن ئۇ تېتىقسىزلىقلارنى. Tograky يوللىغان ۋاقتى 2014-12-28 11:50 static/image/common/back.gif
بىلىمەن سىز كومپىيوتىر بىلىمىگە تايىنىپ جان باقىدىغ ...
ئوغۇل!!!{:143:} مەنمۇ مۇشۇ توغرلىق بىر سۆزلەي دەپ توختاپ قالغان.
مەنچە ئاۋاز بولسىلا چىقىپ بېردىغىنى شۇ كىرگۈزۈپ قويدىغان خېتى بولۇشى مۇمكىن. كورىيەچە سۆزلىگەندە جۈملە خاتالىقى بار. لىكىن ئۇنى ئۇيغۇرچە توغرا تەرجىمە قىلىپ بەردى. بولسا بەك كۆپتۈرۋەتمەي سەل ئەقىل بىلەن بىر ئىشنى قىلايلى ھەم تارقىتايلى ياكى بىزنى بوش ئالدايلى. بۇ بەك يۇقىرى تېخنىكا تەلەپ قىلىدۇ بىر ئادەمنىڭ قىلىشى مۇمكىن ئەمەس . ئەگەر راستىنلا مۇشۇنداق ئىش ۋۇجۇتقا چىقسا ھەقىقەتەن ئەقلى ئىقتىدارلىق دىگەن ئۇقۇم مۇشۇنىڭغا ماس كېلىدۇ. Typography يوللىغان ۋاقتى 2014-12-28 14:06 static/image/common/back.gif
مەنمۇ مۇشۇ توغرلىق بىر سۆزلەي دەپ توختاپ قالغان.
مەنچە ...
بۇنىڭ كورىيەچىسى بىلەن ياپونچىسى ئۆزى كەشىپ قىلغان گىرامماتىكىدا سۆزلەيدىكەن دەيدىغۇ ئاغىنە بالىلار.