ﺋﯩﺮﺍﺩﯨﻤﯩﺰ ﭼﯩﻘﺴﯘﻥ ﮔﯚﺭﯨﺪﯨﻦ !
ﺋﯩﺮﺍﺩﯨﻤﯩﺰ ﭼﯩﻘﺴﯘﻥ ﮔﯚﺭﯨﺪﯨﻦ3-نۆﯞﻩﺗﻠﯩﻚ ﺋﺎﺳﭙﯩﺮﺍﻧﯩﺖ ﻗﯩﺰﻻﺭ "ﺋﯚﺯ ﺗﯜﺭﻙ ﻣﯘﻛﺎﭘﺎﺗﻰ "ﺗﺎﺭﻗﯩﺘﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﭗ ﺋﻮﻳﻠﯩﻐﺎﻧﻠﯩﺮﯨﻢ
ﻧﻪﭼﭽﻪ ﻳﯩﻠﻼﺭ ﺋﺎﯞﺍﻝ ﺑﯩﺮ ﺑﺎﻏﺎﻗﻨﯩﯔ ﺋﯜﺳﺘﯩﮕﻪ ﺑﯧﺴﯩﻠﻐﺎﻥ "ﺋﯩﺮﺍﺩﯨﻤﯩﺰ ﭼﯩﻘﺴﯘﻥ ﮔﯚﺭﯨﺪﯨﻦ "ﺩﯦﮕﻪﻥ ﺷﺌﯧﺮﻧﻰ ﺋﻮﻗﯘﭖ ﻣﯧﻨﻰ ﻗﺎﻳﯩﻞ ﻗﯩﻠﻐﯩﻨﻰ ﺋﯜﭼﯜﻥ ﻳﺎﺩﻟﯩﯟﺍﻟﻐﺎﻥ ﺋﯩﺪﯨﻢ .ﺗﯚﻧﯜﮔﯜﻥ ،ﻳﻪﻧﻰ 12-ﺩﯦﻜﺎﺑﯩﺮ ﻛﯜﻧﻰ ،ﺋﯜﺭﯛﻣﭽﯩﺪﻩ 3-نۆۋەتلىك ﺋﺎﺳﭙﯩﺮﺍﻧﯩﺖ ﻗﯩﺰﻻﺭ "ﺋﯚﺯ ﺗﯜﺭﻙ ﻣﯘﻛﺎﭘﺎﺗﻰ"ﺗﺎﺭﻗﯩﺘﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﭗ ، ﻣﯘﻛﺎﭘﺎﺗﻘﺎ ﺋﯧﺮﯨﺸﻜﻪﻥ 14ﻧﻪﭘﻪﺭ ﻗﻪﮬﺮﯨﻤﺎﻥ ﻗﯩﺰﻧﯩﯔ ﺳﻪﺭﮔﯜﺯﻩﺷﺘﯩﺴﯩﻨﻰ ﺋﺎﯕﻼﭖ،ﺋﯘﻳﻐﯘﺭ ﺟﻪﻣﯩﺌﯩﻴﺘﯩﺪﻩ ﻳﯧﯖﻰ ﺑﺎﺷﻠﯩﻨﯩﭗ ﺋﯜﭼﯩﻨﭽﻰ ﻳﯩﻠﯩﻐﺎ ﻗﻪﺩﻩﻡ ﻗﻮﻳﻐﺎﻥ ﺑﯘ ﺋﻪﮬﻤﯩﻴﻪﺗﻠﯩﻚ ﭘﺎﺋﺎﻟﯩﻴﻪﺗﺘﯩﻦ ﺳﯚﻳﯜﻧﺪﯛﻡ،ﺗﻮﻟﯩﻤﯘ ﮬﺎﻳﺎﺟﺎﻧﻼﻧﺪﯨﻢ ، ﺋﯘﻻﺭﻏﺎ ﻗﺎﻳﯩﻞ ﺑﻮﻟﺪﯗﻡ ،ﺋﯚﺯﯛﻡ ﺳﻮﺭﯗﻧﺪﺍ ، ﻗﯘﻻﻕ ﺗﯜﯞﯨﻤﺪﻩ ﻣﯘﺷﯘ ﺷﺌﯧﺮ ﺟﺎﺭﺍﯕﻼﻳﺘﻰ .
ﻗﻮﻝ ﺗﯘﺗﯘﺷﯘﭖ ﺑﺎﺳﺎﻳﻠﻰ ﺋﺎﻟﻐﺎ ،
ﻣﯩﻠﻠﻪﺕ ﯞﻩﺗﻪﻥ ﺧﻪﻟﻘﯩﻤﯩﺰ ﺋﯜﭼﯜﻥ .
ﺋﯩﻠﯩﻢ ﺋﺎﻟﻤﺎﻱ ﻛﯧﺮﯨﻠﯩﭗ ﻳﯜﺭﺳﻪﻙ ،
ﺑﻮﭖ ﻗﺎﻟﻤﺎﻣﺪﯗﻕ ﻛﯧﺮﻩﻛﺴﯩﺰ ﺗﯜﺗﯜﻥ .
ﺋﯩﻨﺴﺎﻧﯩﻴﻪﺕ ﻧﻪﻟﻪﺭﮔﻪ ﺑﺎﺭﺩﻯ ،
ﺑﯩﺰﻟﻪﺭ ﺑﻮﻟﺴﺎﻕ ﻧﻪﻟﻪﺭﺩﻩ ﻗﺎﻟﺪﯗﻕ ؟
ﺧﻪﻗﻠﻪﺭ ﺋﺎﻳﺪﺍ ﺳﺎﻳﺎﮬﻪﺕ ﻗﯩﻠﺴﺎ ،
ﺑﯩﺰﻟﻪﺭ ﺟﺎﯕﮕﺎﻝ ﻛﯧﺰﯨﭗ ﻳﯜﺭﻩﻣﺪﯗﻕ .
ﺳﻮﺭﯨﻐﯩﯖﯩﺰ ﻛﯧﻠﻪﺩﯗ ﺑﻪﻟﻜﯩﻢ ،
ﺋﺎﻱ ﺷﺎﺭﯨﺪﺍ ﻧﯧﻤﻪ ﺋﯩﺶ ﻗﯩﻼﺭ .
ﻛﯜﺗﯜﭖ ﺗﯘﺭﺍﺭ ﺋﯘﻻﺭﻧﻰ ﮬﻪﺭ ﺩﻩﻡ ،
ﺋﯧﭽﯩﻠﻤﯩﻐﺎﻥ ﻳﯧﭙﻴﯧﯖﻰ ﺳﯩﺮﻻﺭ .
ﻛﻪﺷﭙﯩﻴﺎﺗﭽﻰ ﺗﺎﻏﯩﻼﺭ ،ﮬﻪﺩﻩﻡ ،
ﺋﯩﺸﻠﻪﭖ ﻛﯧﺘﻪﺭ ﻛﯧﭽﻪ ﻛﯜﻧﺪﯛﺯﻟﻪﭖ .
ﻗﻮﺭﻗﻤﯩﻐﺎﭺ ﺟﺎﭘﺎﺩﯨﻦ ﺋﯘﻻﺭ ،
ﺋﺎﯕﺎ ﮬﻪﻣﺮﺍ ﻏﻪﻟﺒﻪ ﯞﻩ ﺷﻪﺭﻩﭖ .
ﺋﯜﻟﮕﻪ ﻗﯩﻠﯩﭗ ﻳﺎﺵ ﺩﻭﺳﯩﺘﻼﺭ ﺑﯩﺰﻣﯘ ،
ﺋﯚﮔﯩﻨﻪﻳﻠﻰ ﺷﯘﻻﺭ ﺭﻭﮬﯩﺪﯨﻦ .
ﻛﻪﺷﭙﯩﻴﺎﺗﭽﻰ ﺑﻮﻟﻤﯩﺴﺎﻗﻤﯘ ﮔﻪﺭ ،
ﺋﯩﺮﺍﺩﯨﻤﯩﺰ ﭼﯩﻘﺴﯘﻥ ﮔﯚﺭﯨﺪﯨﻦ .
ﺋﻪﻧﻪ ، ﺋﯩﺮﺍﺩﯨﻠﯩﺮﻯ "ﺗﻪﻥ ﺑﯧﺮﯨﺶ ،ﭼﯧﻜﯩﻨﯩﺶ،ﺳﺎﻟﭙﯩﻴﯩﭗ ﭼﯜﺷﻜﯜﻧﻠﯩﺸﯩﺶ " ﮔﯚﺭﯨﺪﯨﻦ ﭼﯩﻘﻘﺎﻥ 14ﻧﻪﭘﻪﺭ ﻣﺎﮔﯩﺴﺘﯩﺮ ﯞﻩ ﺩﻭﻛﺘﻮﺭ ﺋﺎﺳﭙﯩﺮﺍﻧﯩﺖ ﻗﯩﺰ ﺑﯩﺮ- ﺑﯩﺮﻟﻪﭖ ﺳﻪﮬﻨﯩﮕﻪ ﭼﯩﻘﯩﭗ ﻳﯧﺘﻪﻛﭽﻰ ﺋﻮﻗﯘﺗﻘﯘﭼﯩﻠﯩﺮﯨﻨﯩﯔ ﺗﻮﻧﯘﺷﺘﯘﺭﯨﺸﻰ ﺑﯩﺮﻟﻪ ﻣﯘﻛﺎﭘﺎﺗﻨﻰ ﺗﺎﭘﺸﯘﺭﯗﭖ ﺋﺎﻟﺪﻯ ، ﺧﯧﻠﻰ ﻛﯚﭘﯩﻤﯩﺰ ﻣﯘﻣﻜﯩﻦ ﺑﻮﻟﻤﺎﻳﺪﯨﻐﺎﻥ ﺋﯩﺸﻼﺭ ﺩﻩﭖ ﺑﯩﻠﮕﻪﻥ ﺋﯩﺸﻼﺭﻧﻰ ﯞﺍﻳﯩﻐﺎ ﻳﻪﺗﻜﯜﺯﮔﻪﻥ ﮬﻪﺭ ﺑﯩﺮ ﻗﯩﺰﻧﯩﯔ ﻗﯩﺴﻘﺎ ﺗﻪﺭﯨﭙﯩﻨﻰ ﺋﺎﯕﻠﯩﻐﯩﻨﯩﻤﯩﺰﺩﺍ ﺋﻪﮬﻠﻰ ﺳﻮﺭﯗﻥ ﻗﺎﻳﯩﻞ ﺑﻮﻟﻤﺎﻱ ﺗﯘﺭﺍﻟﻤﯩﺪﯗﻕ .ﺋﺎﭘﯩﺮﯨﻦ ،ﺋﯚﺯ ﻗﻪﺩﯨﺮ ﻗﯩﻤﻤﯩﺘﯩﻨﻰ ﺑﯩﻠﯩﻢ ﺋﺎﺭﻗﯩﻠﯩﻖ ﻳﯜﻛﺴﻪﻛﻠﯩﻜﻜﻪ ﻛﯚﺗﯜﺭﮔﻪﻥ ،ﺑﯩﻠﯩﻢ ﺋﺎﺭﻗﯩﻠﯩﻖ ﺋﯚﺯ ﺗﻪﻗﺪﯨﺮﯨﻨﻰ ﺋﯚﺯﮔﻪﺭﺗﻜﻪﻥ ﻗﯧﺮﯨﻨﺪﺍﺷﻠﯩﺮﯨﻢ ،ﺳﻮﺭﯗﻥ ﺋﻪﮬﻠﻰ ﺋﺎﻟﻘﯩﺶ ﭼﺎﯞﺍﻛﻼﺭ ﺑﯩﺮﻟﻪ ﺋﯘﻻﺭﻧﯩﯔ ﺗﻪﻧﺘﻪﻧﯩﺴﯩﮕﻪ ﺟﯚﺭ ﺑﻮﻟﺪﯗﻕ .
ﺋﯘﻻﺭﻧﯩﯔ ﻟﻮﻏﯩﺘﯩﺪﻩ ﭼﯧﻜﯩﻨﯩﺶ ،ﯞﺍﺯ ﻛﯧﭽﯩﺶ ،ﺑﺎﮬﺎﻧﻪ ﺳﻪﯞﻩﭖ ﺩﻩﻳﺪﯨﻐﺎﻥ ﺋﯩﺒﺎﺭﯨﻠﻪﺭ ﻳﻮﻕ ﺋﯩﺪﻯ ،ﻧﺎﯞﺍﺩﺍ ﺑﻮﻟﻐﺎﻥ ﺑﻮﻟﺴﺎ ﺋﯩﺪﻯ ﺋﯘﻻﺭ ﻣﻪﻥ ﯞﻩ ﺗﺎﻻﻳﻠﯩﻐﺎﻥ ﻣﻪﻧﺪﻩﻙ ،ﺧﯘﺩﺩﻯ ﺭﯨﻴﺎﺳﻪﺗﭽﻰ ﻣﺎﮬﯩﺮﻩ ﻣﯩﺴﺎﻝ ﻛﻪﻟﺘﯜﺭﮔﻪﻥ ،ﺋﺎﺭﺍﻥ ﺗﺎﻣﺪﯨﻦ ﺋﺎﺗﻼﭖ ﺑﻮﻟﺪﻯ ﻗﯩﻠﻐﺎﻥ ﺗﻮﺧﯘﻻﺭﺩﻩﻙ ﺑﻮﻟﺪﻯ ﻗﯩﻠﻐﺎﻥ ، ﺑﯩﺮ ﺋﯩﺰﯨﺪﺍ ﺗﻮﺧﺘﺎﭖ ﺋﺎﺩﻩﺗﺘﯩﻜﻰ ﺋﺎﺩﻩﻣﻠﻪﺭ ﻗﺎﺗﺎﺭﯨﺪﺍ ﺗﯘﺭﻏﺎﻥ ﺑﻮﻟﯘﺭ ﺋﯩﺪﻯ ،ﺩﯦﻤﻪﻙ ﻳﻪﻧﻪ ﺷﯘ ﻣﯩﺴﺎﻟﺪﯨﻜﻰ ﺗﺎﻏﻼﺭﻧﻰ ﺑﻮﻳﺴﯘﻧﺪﯗﺭﻏﺎﻥ ﺑﯜﺭﻛﯜﺕ ،ﻳﺎﻕ ﻛﯚﻙ ﻗﻪﺭﯨﻨﻰ ﻳﺎﺭﻏﺎﻥ 14ﺳﯘﻣﺮﯗﻍ ﺑﯩﺰﮔﻪ ﺋﯩﻠﮭﺎﻡ ،ﺟﯜﺭﺋﻪﺕ ،ﺗﯩﺮﯨﺸﺴﯩﻼ ﻳﻪﯕﮕﯜﻟﻰ ﺑﻮﻟﻤﺎﻳﺪﯨﻐﺎﻥ ﻣﯜﺷﻜﯜﻝ ﻳﻮﻗﻠﯘﻗﯩﻨﻰ ﺑﯩﻠﺪﯛﺭﯛﭖ ﺳﻪﮬﻨﯩﺪﻩ ﻛﯜﻟﯜﻣﺴﯩﺮﻩﭖ ﺗﯘﺭﺍﺗﺘﻰ .ﺋﺎﭘﯩﺮﯨﻦ ،ﺳﯩﻠﻪﺭﮔﻪ ،ﺋﺎﺳﭙﯩﺮﺍﻧﯩﺖ ﻗﯩﺰﻻﺭ ،ﺩﺍﯞﺍﻣﻠﯩﻖ ﺗﯩﺮﯨﺸﯩﭗ ﺑﯩﻠﯩﻢ ﯞﻩ ﺋﻪﺧﻼﻕ -ﭘﻪﺯﯨﻠﻪﺗﺘﯩﻦ ﺋﯩﺒﺎﺭﻩﺕ ﻗﻮﺵ ﻗﺎﻧﯩﺘﯩﯖﻼﺭ ﺑﯩﻠﻪﻥ ﺗﯧﺨﯩﻤﯘ ﻳﯘﻗﯩﺮﻯ ﺋﯚﺭﻟﻪﯕﻼﺭ .ﺳﯩﻠﻪﺭﮔﻪ ،ﺳﯩﻠﻪﺭﻧﻰ ﺑﯧﻘﯩﭗ ﺋﯚﺳﺘﯜﺭﮔﻪﻥ ﺋﺎﺗﺎ-ﺋﺎﻧﺎ ،ﺑﯩﻠﯩﻢ ﺑﻪﺭﮔﻪﻥ ﺋﯘﺳﺘﺎﺯﻟﯩﺮﯨﯖﻼﺭﻏﺎ ﺋﺎﭘﯩﺮﯨﻦ !
ﻣﯘﺷﯘ ﺧﻪﻳﯩﺮﻟﯩﻚ ﺋﯩﺸﻨﻰ ﭘﯩﻼﻧﻼﭖ ،ﮬﯧﭽﻘﺎﻧﺪﺍﻕ ﺋﯚﺭﻧﻪﻛﺴﯩﺰ ﺑﺎﺷﻼﭖ ﺑﺎﺭﻏﺎﻧﭽﻪ ﻣﯘﻛﻪﻣﻤﻪﻟﻠﯩﺸﯩﭗ ﺋﯜﭺ ﻳﯩﻠﺪﺍ ﺋﻮﻗﯘﺵ ﻣﯘﻛﺎﭘﺎﺗﻰ ﺋﯜﭼﯜﻥ 415ﻣﯩﯔ ﻳﯜﻩﻥ ﭘﯘ ﻝ ﺧﯩﺮﺍﺟﻪﺕ ﻗﯩﻠﻐﺎﻥ ﺋﯚﺯ ﺗﯜﺭﻙ ﺷﯧﺮﻛﯩﺘﯩﺪﯨﻜﻰ ﺑﺎﺭﻟﯩﻖ ﺧﺎﺩﯨﻤﻼﺭﻏﺎ ﺋﺎﭘﯩﺮﯨﻦ ،ﻛﺎﺭﺧﺎﻧﺎ -ﺋﯘ ﺋﯩﻘﺘﯩﺴﺎﺩﻯ ﻗﯩﻤﻤﻪﺕ ﻳﺎﺭﯨﺘﯩﺸﻨﻰ ،ﺯﺍﻏﺮﺍ ﺗﯩﻞ ﺑﻮﻳﯩﭽﻪ ﺋﯧﻴﯩﺘﻘﺎﻧﺪﺍ ﭘﺎﻳﺪﯨﻨﻰ ﺋﻪﯓ ﻳﯘﻗﯩﺮﻯ ﭼﻪﻛﻜﻪ ﻳﻪﺗﻜﯜﺯﯛﺷﻨﻰ ﻧﯩﺸﺎﻥ ﻗﯩﻠﻐﺎﻥ ﺑﯩﺮ ﺗﻮﭖ ، ﺋﯚﺯ ﻧﯚﯞﯨﺘﯩﺪﻩ ﺋﯩﺠﺪﯨﻤﺎﺋﯩﻲ ﻣﻪﺳﺌﯘﻟﯩﻴﯩﺘﯩﻨﻰ ﺋﺎﺩﺍ ﻗﯩﻠﯩﭗ ﺋﯚﺯ ﺧﯧﺮﯨﺪﺍﺭﻻﺭ ﺗﻮﭘﯩﻐﺎ ،ﺷﯘ ﺭﺍﻳﻮﻥ ﺋﯩﻘﺘﯩﺴﺎﺩﯨﻐﺎ ﭘﺎﻳﺪﯨﻠﯩﻖ ،ﺋﻪﻟﮕﻪ ﭘﺎﻳﺪﯨﻠﯩﻖ ﺋﯩﺸﻼﺭﻧﻰ ﻛﯚﭘﻠﻪﭖ ﻗﯩﻠﯩﺶ ﺋﻪﻟﺒﻪﺗﺘﻪ ﮬﻪﺭ ﻗﺎﻧﺪﺍﻕ ﺑﯩﺮ ﻛﺎﺭﺧﺎﻧﯩﭽﯩﻨﯩﯔ ﻗﻮﻟﯩﺪﯨﻦ ﻛﯧﻠﯩﺪﯨﻐﺎﻥ ﺋﯩﺶ ﺋﻪﻣﻪﺱ ،ﺋﯩﻨﺸﺎﺋﺎﻟﻼ ،ﺋﯘﻳﻐﯘﺭ ﻛﺎﺭﺧﺎﻧﯩﭽﯩﻠﯩﺮﻯ ﭘﯘﻝ ﺗﺎﭘﻘﺎﻧﻠﯩﺮﯨﺪﺍ ﺋﯚﺯ ﺧﯧﺮﯨﺪﺍﺭﻟﯩﺮﻯ -ﺧﻪﻟﻘﻰ ﺋﯜﭼﯜﻥ ﮬﯧﭽﻘﺎﭼﺎﻥ ﺑﯧﺨﯩﻠﻠﯩﻖ ﻗﯩﻠﻐﺎﻥ ﺋﻪﻣﻪﺱ ،ﻣﻪﻳﻠﻰ ﺗﻪﺑﯩﺌﯩﻲ ﺋﺎﭘﻪﺗﺘﯩﻦ ﻗﯘﺗﻘﯘﺯﯗﺵ ﭘﺎﺋﺎﻟﯩﻴﻪﺗﻠﯩﺮﯨﺪﻩ ،ﻛﯜﻧﺪﻩ ﭼﯧﻠﯩﻘﯩﺪﯨﻐﺎﻥ ﻣﯘﺭﺍﺟﻪﺗﻨﺎﻣﯩﻠﻪﺭﺩﻩ ،ﯞﻩ ﺑﺎﺷﻘﺎ ﮬﻪﺭ ﻗﺎﻧﺪﺍﻕ ﺳﺎﺧﺎﯞﻩﺕ ﭘﺎﺋﺎﻟﯩﻴﯩﺘﯩﺪﻩ ﮬﻪﺭ ﻗﺎﻧﺪﺍﻕ ﺑﯩﺮ ﺋﯘﻳﻐﯘﺭ ﻛﺎﺭﺧﺎﻧﯩﺴﻰ ﻗﯘﺭﺑﯩﺘﯩﮕﻪ ﻳﺎﺭﯨﺸﺎ ﺋﯩﺶ ﻛﯚﺭﮔﻪﻥ ،ﮬﯧﭽﻘﺎﭼﺎﻥ ﻗﻮﻝ ﻗﻮﯞﯗﺷﺘﯘﺭﯗﭖ ﻗﺎﺭﺍﭖ ﺗﯘﺭﻏﺎﻥ ﺋﻪﻣﻪﺱ ،ﻣﺎﻧﺎ ﺷﯘﻧﺪﺍﻕ ﺑﺎﻻﻏﻪﺗﻜﻪ ﻳﻪﺗﻜﻪﻥ ﻛﺎﺭﺧﺎﻧﯩﻼﺭﻧﯩﯔ ﺑﯩﺮﻯ ﺑﻮﻟﻤﯩﺶ ﺋﯚﺯ ﺗﯜﺭﻙ ﺷﯧﺮﻛﯩﺘﻰ ﺋﺎﺟﺎﻳﯩﭗ ﺋﻪﮬﻤﯩﻴﻪﺗﻠﯩﻚ ،ﺗﯚﮬﭙﯩﺴﻰ ﺗﺎﺭﯨﺨﻘﺎ ﻳﯧﺰﯨﻠﯩﺪﯨﻐﺎﻥ ﺑﯩﺮ ﻳﻮﻟﻨﻰ ﺋﺎﭼﺘﻰ ،ﺧﯘﺩﺩﻯ ﺋﯘﺳﺘﺎﺯ ﺋﺎﺯﺍﺩ ﺳﯘﻟﺘﺎﻥ :ﺑﯘ ﻣﯘﻛﺎﭘﺎﺕ ﻛﻪﻟﮕﯜﺳﻰ ﻧﻮﺑﯩﻞ ﻣﯘﻛﺎﭘﺎﺗﯩﻤﯩﺰﻏﺎ ﺷﻮﺗﺎ ﺑﻮﻟﻐﯘﺳﻰ ﺩﻩﭖ ﺋﯧﻴﯩﺘﻘﺎﻧﺪﻩﻙ ﻣﯘﺷﯘ ﺩﻩﯞﯨﻤﯩﺰ ﺋﯜﭼﯜﻥ ﺋﯚﺯ ﺗﯜﺭﻙ ﻣﯘﻛﺎﭘﺎﺗﻰ ﺑﻪﺋﻪﻳﻨﻰ ﻧﻮﺑﯩﻞ ﻣﯘﻛﺎﭘﺎﺗﻰ ﺋﯩﺪﻯ .
ﺑﺎﺭﯨﻜﺎﻟﻼ ﺋﯚﺯ ﺗﯜﺭﻙ ﺷﯧﺮﻛﯩﺘﻰ ،ﺑﺎﺭﯨﻜﺎﻟﻼ ﻳﻮﻟﺒﺎﺷﭽﻰ ﺩﺍﻧﻜﻮﻻﺭ !
ﻣﯘﺷﯘ ﻳﯩﻠﻰ -4ﻣﺎﻱ ﻛﯜﻧﻰ ،ﺑﯧﻴﺠﯩﯔ ﺧﻪﻟﻖ ﺳﺎﺭﯨﻴﯩﺪﺍ ﻣﯘﺋﺎﯞﯨﻦ ﺩﯙﯞﻟﻪﺕ ﺭﻩﺋﯩﺴﻰ ﻟﯩﻴﯜﻩﻧﭽﺎﯞ ﺑﯩﺰﻧﻰ ﻗﯘﺑﯘﻝ ﻗﯩﻠﻐﯩﻨﯩﺪﺍ "ﺋﯚﺯﻯ ﻗﯩﻠﯩﯟﺍﺗﻘﺎﻥ ﻛﻪﺳﯩﭙﺘﻪ ﺋﯘﺯﻏﯘﻥ ﺑﻮﻟﯘﺵ ﺋﯩﻠﻐﺎﺭﻻﺭﺩﯨﻦ ﺑﻮﻟﯘﭖ ﻳﯧﯖﻰ ﻳﻮﻝ ﺋﯧﭽﯩﺸﻨﯩﯔ ﺋﻪﯓ ﺋﻪﻣﻪﻟﯩﻲ ﻣﯩﺴﺎﻟﻰ "ﺩﻩﭖ ﺑﯩﺰﻧﻰ ﺭﯨﻐﺒﻪﺗﻠﻪﻧﺪﯛﺭﮔﻪﻥ ﺋﯩﺪﻯ .ﻣﻪﻥ ﺋﻮﻳﻼﻳﻤﻪﻥ ،ﻣﻪﻳﻠﻰ ﻧﯧﻤﻪ ﻛﻪﺳﯩﭗ ﻗﯩﻠﯩﺸﯩﻤﯩﺰﺩﯨﻦ ﻗﻪﺗﺌﯩﻴﻨﻪﺯﻩﺭ ﺗﯩﺮﯨﺸﯩﭗ ﺗﯩﺮﻣﯩﺸﯩﭗ ﺋﯚﺯﯨﻤﯩﺰﻧﯩﯔ ﻗﻪﺩﯨﺮ-ﻗﯩﻤﻤﯩﺘﯩﻨﻰ ﻧﺎﻣﺎﻳﻪﻥ ﻗﯩﻠﯩﭗ ،ﺑﯩﻠﯩﻢ ﺋﺎﺭﻗﯩﻠﯩﻖ ﺋﯚﺯﯨﻤﯩﺰﻧﯩﯔ ﮔﯜﺯﻩﻝ ﻛﻪﻟﮕﯜﺳﯩﻨﻰ ﺑﻪﺭﭘﺎ ﻗﯩﻠﯩﺸﻘﺎ ﺗﯩﺮﯨﺸﺎﻳﻠﻰ .ﺩﯗﻧﻴﺎﺩﺍ ﺗﯩﺮﯨﺸﯩﺪﯨﻐﺎﻧﻼ ﺑﻮﻟﺴﺎﻕ ﺑﯩﺮﻩﺭ ﺋﯩﺸﻼﺭﻧﻰ ﻗﯩﻼﻟﻤﺎﺳﻠﯩﻘﻘﺎ ﮬﯧﭽﻘﺎﻧﺪﺍﻕ ﺑﺎﮬﺎﻧﯩﻤﯩﺰ ﻳﻮﻗﺘﯘﺭ !بۈگۈن سەھنىگە چىققان 14سۇمرۇغ بۇنىڭ جانلىق دەلىلىدۇر ..
شەھرى بورتالادا يېزىلىپ بېقىلدى .
ساپلا قىزلارما؟90-يىللىرى 华东师范大学دە ئوقىغان بىرقىزنىڭ «ئوغۇللارنى تەربىيەلەشكە ئەھمىيەت بىرەيلى »دىگەن ماقالىسى ئېسىمگە كېلىپ قالدى. ئاسپرانت قىزلار قاتارىغا تىزىلغۇسى بار يىگىتلەرمۇ بار ئوخشىمامدۇ:lol مۇشۇنداق شىركەتلەر،بايلىرىمىز،كارخانىچىلىرىمىز يەنىمۇ كۆپەيسە ھە
ئۆز تۈرك شىركىتىگە خەلقىمىزدىن ئالى ئېھتىرام ！ tadubeg يوللىغان ۋاقتى 2014-12-14 09:45 static/image/common/back.gif
ئاسپرانت قىزلار قاتارىغا تىزىلغۇسى بار يىگىتلەرمۇ بار ...
شۇنداق بولسا تولىمۇ بەلەن ئىش بولاتتى. قايسى كۈنى نۇر تورىدا بىر رەسىملىك خەۋەرنى كۆرۈپ قالدىم. ئۆزىدىن 3ياشتەك چوڭ ئايالنى ئالغان بىرەيلەننىڭ ئايالى دوكتۇر ئىكەن.(ھەممىسى ئۇيغۇر )مۇخبىرنىڭ «دوكتۇر ئايالنى ئېلىپ بېسىم ھىس قىلمىدىڭىزما؟»دىگەن سوئالىغا بەرگەن جاۋابى مىنى بەك ئۈمىتسىزلەندۈردى. قىزلار ئۈچۈن ئاسپىرانتلىقتا، دوكتۇرلۇقتا ئوقۇش بەك ياخشى ئىش، لېكىن تۇرمۇشتىن بەختنى تىپىشمۇ چوڭ ئىش. ئۇلارنىڭ ئەجرىنى چۈشىنىدىغان ، تۆھپىسىدىن تەڭ ھوزۇر ئالالايدىغان يىگىتلەرنىڭ كۆپلەپ مەيدانغا چىقىشىنى ئۈمىت قىلىمەن. ئۆزتۈرك شىركىتى ۋە مۇشۇنداق ساخاۋەتلىك ئىشلارنى قىلىۋاتقان شىركەت ۋە شەخسلەرگە ئاپىرىن{:112:}، ساخاۋەتلىك ئىشلار ئۈزۈلۈپ قالمىغاي، ئاسپىرانت قىزلىرىمىزمۇ تېخىمۇ تىرىشىپ ياخشى نەتىجىلەرنى قولغا كەلتۈرگەي . ئاخىرقى رەسىمدىكى مۇقام تەتقىق قىلىدىغان ئامېرىكىلىق قىز شۇ ئوخشىمامدۇ مۇقامچى نازاكەت شۇ .ئۇ ھەقىقەتەن ئۆگىنىشىمىزگە ئەرزىگۈدەك ئىرادىلىك قىز ئىكەن .
بەت:
[1]