ئالتۇن كۈمۈش سودا تەھلىلى
بۇ يازمىنى ئاخىرىدا uyaltun تەھرىرلىگەن. ۋاقتى 2014-12-9 16:29ئالتۇن كۈمۈش سودىسىغا ئەسكەرتىش
بۈگۈنكى ئاسىيا ئەتتىگەنلىك بازىرىدا، دوللار كۆرسەتكۈچ 88.15 ئەتراپىدا ئايلاندى ، خەلقئارا ئالتۇن باھاسى 1200 دوللار ئەتراپىدا ئايلانغان بولۇپ ، نۆۋەتتە خەلق پۇلىدا گىرامى 238.30 يۈەن بولۋاتىدۇ ، ئاخشام ئامېرىكا فېدېراتسىيىسى ئېلان قىلغان 11 - ئايلىق ئىشقا ئورۇنلىشىش بازىرىنىڭ ئەھۋال كۆرسەتكۈچى LMCI چوڭ ئاساستا پەسەيگەن ، شۇنىڭ بىلەن ئالدىنقى جۈمە كۈنىدىكى ياخشى بولغان غەيرى يېزا ئىگىلىك سانلىق مەلۇماتىغا سوغۇق سۇ سەپتى ، شۇ سەۋەبدىن ئالتۇن باھاسى شىددەت بىلەن يۇقىرى ئۆرلەپ 1200 دوللاردىكى ئۆتكەلگە چىقتى . بۈگۈن مەبلەغ سالغۇچىلارنىڭ دىققەت نۇقتىسى بولسا ياپونىيە ۋە ئاۋسترالىيىنىڭ سانلىق مەلۇماتى ، گېرمانىيە ئەنگلىيە ئىقتىساد سانلىق مەلۇماتى ، ئەگەر گېرمانىيە سانلىق مەلۇمات نەتىجىسى ناچار چىقسا ئالتۇن كۈمۈش باھاسىغا بېسىم ئېلىپ كېلىشى مۇمكىن . بۇندىن باشقا ئامېرىكا تەرەپ ئېلان قىلىدىغان ئىقتىساد سانلىق مەلۇماتى بازارنىڭ دىققىتىدە بولىدۇ ، ئەگەر ئامېرىكا سانلىق مەلۇمات نەتىجىسى ياخشى چىقسا دوللار كۆرسەتكۈچ يۇقىرى ئۆرلەپ ئالتۇن كۈمۈش باھاسى بېسىمغا ئۇچرىشى مۇمكىن ، ئەگەر سانلىق مەلۇمات نەتىجىسى ناچار چىقسا دوللار كۆرسەتكۈچ تۆۋەنلەپ ئالتۇن باھاسى يۇقىرى ئۆرلىشى مۇمكىن .
دوللارنىڭ يۇقىرى ئۆرلىشى ۋە نېفىت باھاسىنىڭ چۈشۈشى بازارغا قانداق تەسىر كۆرسەتتى
12 - ئاينىڭ 9 - كۈنى ئاسىيا بازىرىدا ، خەلقئارا ئالتۇن باھاسى ئاخشامقى ئۆرلەش ھالىتىدىن كەينىگە يانغان ، چۈنكى دوللار تۆۋەنلەش يۆلىنىشىنى ئۆزگەرتىپ يۇقىرى ئۆرلىگەن ھەمدە نېفىت باھاسىنىڭ تۆۋەنلىشى سەۋەب بولغان . تۈنۈگۈن ئالتۇن باھاسى 1% يۇقىرى ئۆرلىگەن ، ئاخشام ئامېرىكا فېدېراتسىيىسى ئېلان قىلغان 11 - ئايلىق ئىشقا ئورۇنلىشىش بازىرىنىڭ ئەھۋال كۆرسەتكۈچى LMCI چوڭ ئاساستا پەسەيگەن ، شۇ سەۋەبدىن بازار يېپىلىش ۋاقتىدا ئالتۇن باھاسى شىددەت بىلەن يۇقىرى ئۆرلەپ 1200 دوللاردىكى ئۆتكەلگە چىقىپ يۇقىرى 1208.19 دوللارغا يەتكەن . نۆۋەتتە ئالتۇن باھاسى 0.2% تۆۋەنلەپ 1202 دوللار ئەتراپىدا بولىۋاتىدۇ .
دوللار كۆرسەتكۈچ بۈگۈن يۇقىرى ئۆرلەپ ئالتۇن باھاسىغا بېسىم پەيدا قىلغان ، بۇندىن باشقا نېفىت باھاسىنىڭ تۆۋەنلىشى ئالتۇنغا پايدىسىز بولغان . نېفىت باھاسى تۈنۈگۈن تۆۋەنلەپ بەش يىلدىن بۇيانقى تۆۋەن نۇقتىنى كۆرسەتكەن .
جۇڭگودىكى ئەڭ چوڭ ئالتۇن ئىشلەپ چىقىرىش كانچىلىقى كانادا Pretium Resources بايلىق مەنبەسى چەكلىك شىركىتىنىڭ 10% كە يېقىن پاي چېكى ھوقۇقىنى سېتىۋالغان .
تۈنۈگۈنكى پۇل مۇئامىلە بازىرى ئەھۋالى
تۈنۈگۈن پۇل مۇئامىلە بازىرىدا ، ئامېرىكا ئىشقا ئورۇنلىشىش بازىرىنىڭ ئەھۋال كۆرسەتكۈچى سانلىق مەلۇماتى LMCI ئالدىنقى قىممەتكە يېتەلمىگەنلىكتىن ، دوللار كۆرسەتكۈچى 89 نۇقتىدىن تۆۋەنلەپ كەتكەن ؛ قىممەت مېتاللار باھاسى يۇقىرى ئۆرلىگەن ، خەلقئارا خام نېفىت باھاسى يەنە تۆۋەنلىگەن ، ياۋرو ئامېرىكا پاي چېكى بازىرى ئومۇميۈزلۈك بېسىمغا ئۇچرىغان ؛ بۇ سودا كۈندە ياۋروپا مەركىزى بانكا ئەمەلدارى سۆزلىگەن نۇتۇق قاتارلىق ئىش ۋەقەلەر بازاردىكىلەرنىڭ دىققەت نۇقتىسى بولغان .
بۇنىڭدىن باشقا كۆپلىگەن ئۇچۇرلاردا كۆرسىتىلىشىچە ، ئامېرىكا ئىشقا ئورۇنلىشىش بازىرىنىڭ ئەھۋال كۆرسەتكۈچى سانلىق مەلۇماتى LMCI تۆۋەنلىگەنلىكتىن دوللار كۆرسەتكۈچى تۆۋەنلىگەن بولۇپ ، شۇ سەۋەپتىن نەخ ئالتۇن باھاسى چوڭ ئاساستا ئۆرلىگەن ، جۇڭگو ئىمپورت-ئېكسپورت مىقدارى تۆۋەنلىگەنلىكتىن ئامېرىكا ئىشقا ئورۇنلىشىش بازىرىنىڭ ئەھۋال كۆرسەتكۈچى سانلىق مەلۇماتى LMCI تۆۋەنلىگەن بولۇپ ، شۇ سەۋەپتىن قەرەللىك ئالتۇن باھاسىمۇ چوڭ ئاساستا ئۆرلىگەن ؛
ئىراق ۋەزىيىتىگە ئەگىشىپ سەئۇدى ئەرەبىستان نېفىت باھاسى تۆۋەنلىگەن بولۇپ ، شۇ سەۋەپتىن ئامېرىكا خام نېفىت باھاسى چوڭ ئاساستا تۆۋەنلىگەن .
تەھلىلچى ئالتۇن باھاسىنىڭ ئۆسۈشىدە 4 چوڭ ئامىل بار دەپ كۆرسەتكەن
خەلقئارا ئالتۇن باھاسى 12 - ئاينىڭ 8 - كۈنى نيۇيورك بازىرىدا 1195 دوللاردىن تېز سۈرئەت يۇقىرى ئۆرلەپ 1207 دوللار غىچە بولغان ، پۈتۈن جەريان 30 مىنۇتقا بارمايدۇ . ForexLive تەھلىلچىسى Adam Button نىڭ قارىشىچە ئالتۇن باھاسىنىڭ ئۆسۈشىدە 4 چوڭ ئامىل بار دەپ قارىغان :
بىرىنچىدىن ، 3 - ئايلىق ئۆرلەش ھالىتىنى باشتىن كەچۈرگەندىن كېيىن ، نۆۋەتتە دوللارنىڭ ئۆسۈش يۆلىنىشى پەسەيگەن ، بۇ ئەھۋال مەلۇم دەرىجىدە ئالتۇن باھاسىنى يۇقىرى ئۆرلەتكەن .
ئىككىنچىدىن ، ياپونىيە 3 - پەسىللىك GDP يىللىق نىسبىتى 2% چۈشكەن .
ئۈچىنچىدىن ، ئاتلانتا فېدېراتسىيە رەئىسى سىگنال بېرىپ ، ئامېرىكا فېدېراتسىيىسى نامەلۇم بولغان ئۆسۈم قوشۇش مەنزىلى ئالتۇن ئېھتىياجىنى قوزغاتقان .
تۆتىنچىدىن ، ياۋرو رايونى ئىقتىسادى كۆپ مەسىلىگە دۇچ كېلىشى ، گرېتسىيە ، فرانسىيە ۋە ئىتالىيىنىڭ ئىقتىساد مەسىلىسى ياۋرو رايونىغا ئاۋارىگەرچىلىك ئېلىپ كەلمەكتە ، بۇلار ئالتۇن باھاسىنىڭ يۇقىرى ئۆرلىشىگە پايدىلىق .
بۈگۈنكى دوللار كۆرسەتكۈچى باھاسى
12- ئاينىڭ 9 - كۈنى دوللار كۆرسەتكۈچى ئەڭ يۇقىرى باھاسى 89.2723 ، ئەڭ تۆۋەن باھاسى 89.0628 ، ئوتتۇرچە باھاسى 89.15 بولۇپ ، ئۆرلەش تۆۋەنلەش ئاساسى -0.02% بولدى ؛ بۈگۈن بازار ئېچىلىشىدا 89.1293 بولۇپ ، 88.15 ئەتىراپىدا ئايلاندى ؛ سېتىۋېلىش باھاسى 89.1011 ، سېتىلىش باھاسى 89.1111 بولۇپ ؛ تۈنۈگۈن بازار يېپىلىش باھاسى 89.1284 بولدى .
خەلق پۇلىنىڭ بازار يېپىلىش باھاسى
12- ئاينىڭ 9 - كۈنى دوللار / خەلق پۇلى ئوتتۇرچە سىستېمىلىق بازار يېپىلىش باھاسى 6.1859 يۈەن بولۇپ ، ئالدىنقى سودا كۈندىكىدىن 127 نۇقتا ئاشقان ؛
شياڭگاڭ / خەلق پۇلى ئوتتۇرچە سىستېمىلىق بازار يېپىلىش باھاسى 0.7979 يۈەن بولۇپ ، ئالدىنقى سودا كۈندىكىدىن 15 نۇقتا ئاشقان ؛
100يېن / خەلق پۇلى ئوتتۇرچە سىستېمىلىق بازار يېپىلىش باھاسى 5.1636 يۈەن بولۇپ ، ئالدىنقى سودا كۈندىكىدىن 759 نۇقتا ئاشقان ؛
ياۋرو / خەلق پۇلى ئوتتۇرچە سىستېمىلىق بازار يېپىلىش باھاسى 7.64410 يۈەن بولۇپ ، ئالدىنقى سودا كۈندىكىدىن 787 نۇقتا ئاشقان ؛
فوندستېرلىڭ / خەلق پۇلى ئوتتۇرچە سىستېمىلىق بازار يېپىلىش باھاسى 9.7001 يۈەن بولۇپ ، ئالدىنقى سودا كۈندىكىدىن1044 نۇقتا ئاشقان ؛
ئاۋسترالىيە دوللىرى / خەلق پۇلى ئوتتۇرچە سىستېمىلىق بازار يېپىلىش باھاسى 5.1146 يۈەن بولۇپ ، ئالدىنقى سودا كۈندىكىدىن 110 نۇقتا ئاشقان ؛
نيۇ يورك / خەلق پۇلى ئوتتۇرچە سىستېمىلىق بازار يېپىلىش باھاسى 4.7468 يۈەن بولۇپ ، ئالدىنقى سودا كۈندىكىدىن 396 نۇقتا ئاشقان ؛
كانادا دوللىرى / خەلق پۇلى ئوتتۇرچە سىستېمىلىق بازار يېپىلىش باھاسى 5.38745 يۈەن بولۇپ ، ئالدىنقى سودا كۈندىكىدىن 2 نۇقتا كېمەيگەن ؛
مەنبە : ئۇيغۇر ئالتۇن تورى
بەت:
[1]