شىنجاڭ كوماندىسى باش تېرىنىرنى ئالماشتۇرۇشى كېرەك!
بۇ يازمىنى ئاخىرىدا waskitbol تەھرىرلىگەن. ۋاقتى 2014-12-1 13:32ئۇيغۇر ۋاسكىتبول تورىدىن سامپۇل مۇلاھىزىسى؛ بۇ مۇسابىقە پەسلى باشلىنىپ ھازىرغىچە 13 مەيدان مۇسابىقە ئوينالدى. شىنجاڭ كاماندىسى 9 ئۇتۇپ، 4 ئۇتتۇردى. مەن ئۆتكەن نەچچە يىلقىغا ئوخشاشلا بۇ مۇسابىقىلەرنىمۇ ئىخلاس بىلەن كۆرۈپ كېلىۋاتىمەن. ھەتتا بەزى مۇسابىقىلەرنى (بولۇپمۇ كاماندىمىز يېڭىلىپ قالغان مۇسابىقىلەرنى ) بىرقانچە رەت تەكرار كۆرۈپ چىقتىم.
مېنىڭ شەخسىي قارىشىمدا ئوينۇلۇپ بولۇنغان 13 مەيدان مۇسابىقىدە شىنجاڭ كاماندىسىنى پەقەت لىياۋنىڭ، گۇۋاڭدۇڭ ۋە جېجىياڭ گۇۋاڭشادىن ئىبارەت ئۈچلا كاماندا بىلەن ئوينالغان مۇسابىقىدىلا رەقىپلىرى بىلەن ھەقىقى تىرتكەشتى، دىيىشكە بولىدۇ. چۈنكى، باشقا كاماندىلارنى تېخى شىنجاڭ كاماندىسنىڭ رەقىپلىرى قاتارىدا ئەمەس!
شۇنداق تۇرۇقلۇق نەتىجە قانداق بولدى؟
شىنجاڭ كامانسىدى 4 قېتىم ئۇتتۇردى! ئۇتتۇرغاندىمۇ ئۆزىگە ھەقىقى رەقىپ سانالمايدىغان ، ھازىرغىچىلىك ئوينالغان مۇسابىقە تەرتىۋىدە 14- رەتتە تۇرۇۋاتقان جىياڭسۇ جۇڭتىەن كاماندىسى بىلەن رەت تەرتىپتە 7- ئورۇندا تۇرۇۋاتقان دۇڭگۇەن كاماندىسىغا ئېچىنىشلىق ئۇتتۇردى! گەرچە لىياۋنىڭ بىلەن جېجىياڭ گۇاڭشىيا كاماندىلىرى 1- ۋە 2- رەتتە تۇرۇۋاتقان بولسىمۇ، بۇ رەت تەرتىپ ۇ ئىككى كاماندىنىڭ ئەمەلىي كۈچىنىڭ شىنجاڭنىڭكىدىن يۇقۇرى ئىكەنلىگىنى چۈشەندۈرۈپ بېرەلمەيدۇ. چۈنكى بىز ئۇ ئىككى كاماندا بىلەن مۇسابىقىلەشكەندە ئوخشاشلا 20دىن ئارتۇق نومۇر ئۈستۈنلىگىدە تۇرۇپ ئۇتتۇردۇق! يەنە كېلىپ ئوخشاش بىر نومۇر پەرىق بىلەن!
بۇ خىل بىچارە ۋە شەرمەندىلەرچە يېڭىلىشنىڭ جوردان. كىرافورتنىڭ كۆز كېسىلى، شىرئەلىجاننىڭ تىز بوغۇم ياللۇغى، تاڭ جىڭدۇڭ، يۈ چاڭدوڭ قاتارلىقلارنىڭ يارىسىنىڭ تېخى ساقىيىپ بولالمىغانلىقى... قاتارلىق كونكىرتنى سەۋەپلىرى كۆپ خىل بولسىمۇ، مېنىڭ ھېس قىلىشىمدىكى تۈپ سەۋەپ —شىنجاڭ كاماندىسىنىڭ بۇ يىل كۆز تەككەندەك گاۋشۇمىڭدەك بىر يارىماس باش تېرىنىرنىڭ قولىغا چۈشۈپ قالغانلىقى!
نىمىشقا بۇنداق دەيمەن؟
1. گاۋ شۇمىڭنىڭ ھېچقانداق تاكتىكا قارىشى يوق. ھەتتا، بۇ بىچارە باش تېرىنىردا ۋاسېتكبول تېخنىكىسى ۋە CBA مۇسابىقىسىگە ئائىت ئادەتتىكى ساۋاتمۇ كەمچىل. قارشى تەرەپ كاماندىسىنىڭ ھۇجۇم ۋە مۇداپىئە ھالىتىگە بولغان ئەقەللى تونۇشمۇ يىتەرسىز. شۇنداق بولغاچقا ئۇ مۇسابىقە رېتىمىنى ئىزچىل كونتىرول قىلالمىدى. مۇسابىقە جەريانىدىكى جىددى ئۆزگۈرۈشلەرنى ۋاقتىدا بايقىيالمىدى. قارشى تەرەپ كاماندىسىنىڭ تاكتىكا ئۆزگەرتىشلىرىنى سېزەلمىدى. سەزگەن تەقدىردىمۇ مۇۋاپىق تەدبىر قوللىنالمىدى.
مەسىلەن: لىياۋنىڭ كاماندىسى بىلەن ئوينالغان مۇسابىقىنىڭ ئالدىنقى يېرىم مەيدانىدا كاماندىمىزنىڭ 20 نۇمۇر ئۈستۈن ئەھۋالىغا قارىتا قارشى تەرەپ دەرھال تاكتىكا ئۆزگەرتىشى ئېلىپ بېرىپ، مۇداپىئەنى كۇچايتىش بىلەن بىرگە ھۇجۇم رېتىمىنى تىزلىتىۋىدى، شۇنچىلىك ئۆزگۈرش ئالدىدىمۇ گاۋ شۇمىڭ تەمتىرەپ، تا مۇسابىقە ئاخىرلاشقىچە 24 سېكىنۇتلۇق توپ كونتىرول قىلىش ۋاقتىدىن تولۇق پايدىلىنىشتىن ئىبارەت ئەڭ ئەقەللىي قائىدىنىمۇ تەنھەركەتچىلەرنىڭ سەمىگە ئەسكەرتىپ قۇيالمىدى. خادېسىندىن ئىبارەت شىنجاڭ ئۈچۈن ھەر قادەم، ھەر بىر ھەركىتى ناھايىتى تونۇش بولغان بىر ئەزانى قانداق مۇداپىئە قىلىشنى ئۇرۇنلاشتۇرۇشمۇ قولىدىن كەلمىدى. باش تېرىنىردىكى بۇ خىل يىتەرسىزلىكلىرىنى ھېلىغۇ ۋاسكىتبول نەزىريەچىلىرى ئىكەن، مەندەك ئادەتتىكى بىر كۆرۈرمەنمۇ تۇلۇق ئاڭقىىرىۋالدۇق.
2. گاۋ شۇمىڭدا ئۆز كاماندىسىدىكى توپچىلارنى جايىدا ئىشلىتىش ساۋادىمۇ يوق. مەيدانغا چىقارغان توپچىلارنىڭ مەيداندىكى ئورنىغا نىسبەتەن تونۇشى يىتەرسىز. شۇنداق بولغاچقا بىردە گار تۈۋى كۈچەيسە ئوتۇرا مەيدان ئاجىز بولۇپ قالىدىغان، بىردە ئوتۇرا مەيدان كۈچەيسە گار ئاستى بۇشاپ قالىدىغان ھالەت ئىزچىل داۋاملىشىپ كەلدى. ئادەمنىڭ ئەقلىگە سىغمايدىغىنى شۇ يەردىكى، جىياڭسۇ جۇڭتىيەن كاماندىسى بىلەن ئوينالغان مۇسابقىدە مۇسابىقە تەجرىبىسى يوق، ماھارىتى تېخى پىشمىغان سۇن مىڭياڭ، يۈ چاڭچۈن، ساۋ فېي قاتارلىق ئۈچ تەنھەركەتچىنى بىراقلا مەيدانغا چىقىرىپ، قارشى تەرەپنىڭ مۇداپىئەسى كۈچۈيۈپ، ئۇدا 12 نومۇر ئالغىچىلىك ئۆزىمىزنىڭ گار يېنىغا بىرمۇ توپ ئېلىپ كېلەلمەي بەكلا كۈلكىگە قالدۇق. نەتىجىدە شۇ ئاجىز كاماندا بىزدىن ھەتتا 30 نومۇرمۇ ئۇزاپ كەتتى! بۇ ئۇزاپ كېتىش ئۆز نۆۋىتىدە بۇ مۇسابىقە پەسلىدە ‹‹چىمپىيون بولىدۇ›› دەپ قارىلىۋاتقان شىنجاڭ كاماندىسى ئۈچۈن ھاقارەت بولۇپلا قالماي، بىزدەك ئىخلاسمەن توپ مەستانىلىرىنىڭ غۇرۇرى ئۈچۈنمۇ كەچۈرگۈسىز ھاقارەت بولۇپ قالدى!
گاۋ تېرىنىرنىڭ ئادەم ئىشلىتىش تېخنىكىسىنىڭ بۇنچە بوش ئىكەنلىكلىكىگە چىدىمىغان چەتئەللىك ئەزا جوردان . كىرافورد ھەتتا بىر قېتىملىق مۇسابىقىدە باش تېرىنىر بولغۇچىغا دىمەيلا تەرجىمان ئارقىلىق سۇن مىڭياڭنى مەيداندىن چۈشۈرۈۋېتىپ، ئورنىغا جۇۋ چىنى چىقارغۇزدى.
3. ھازىرغىچە بولغان نەق مەيدان ۋە تېلىۋىزىيەدىكى ئۇلاپ تارقىتىش بىزگە ناھايىتى ئېنىق دەپ بەردىكى، باش تېرىنىر گاۋ شۇمىڭ بەكلا خۇدۈكچان ۋە يۇمشاقباش! باش تېرىنىر بولغۇچىدىكى بۇنداق لاتا مىجەزلىك ئەزەلدىنلا ۋۇجۇدى ئۇرغۇپ تۇرىدىغان شىنجاڭ كاماندىسى ئۈچۈن بىر ئاپەت!
يىللاردىن بېرى بىز كۆرۈرمەنلەر ‹‹ بىزنىڭ شىنجاڭ كاماندىمىز شۇنچە ياخشى مەبلەغ سالغۇچى، قوللىغۇچىغا ئېرىشتىيۇ، لاياقەتلىك بىر باش تېرىنىرغا ئېرىشەلمىدۇق›› دەپ غودۇڭشۇپ كېلىۋاتقان ئىدۇق. بۇ يىل يازدا سۈي ۋەنجۈننىڭ ئالمىشىدىغانلىق خەۋرى شامالدىۋىدى، شۇ غۇدۇڭشۇشلىرىمىز ئاخىرلىشارمىكىن، دەپ ئازراق بولسىمۇ خۇشال بولۇشقان ئىدۇق، نەدىكىنى، ‹‹كەلمىگەن تەلەيدە ئاناڭنىڭ ھەققى بارمىدى›› دىگەندەكلا بىر ئىش بولدى. ‹‹ياشلار كاماندىسىنى بىر يىل ئىچىدە ئىككى قېتىم چىمپىيونلۇققا ئېرىشتۈردى›› دىگەن شۇنچە ئاددى بىر نەزىريە بىلەن بۇ گاۋ پامىلىلىك تېرنىرنىڭ بېشىغا ھۇما قۇشى قوندى! ئاسماندىن پوشكال ياغقاندەكلا تۇيۇقسىز كەلگەن بۇ ئامەت ئالدىدا شەنشى كاماندىسى خېلى يىللار ئىلگىرىلا ياراتماي ئىشتىن بۇشاتقان گاۋ تېرىنىرنىڭ ھېچقانچە ئىدىيىۋى تەييارلىقنىڭ يوق ئىكەنلىگى بەك ئەسان پاش بولۇپ قالدى— بۇشاڭلىق قىلغان ماھىر، ناھەق ھۆكۈمگە بىرنەرسە دىيىش تۈگۈل خېلى مۇسابىقىلەرگىچە ئۇ ھەتتا ئورنىدىن تۇرۇپ بىر- ئىككى قەدەممۇ ئالالمىدى. بۇ ھال تاكى دۇڭگۈەن كاماندىسى بىلەنكى مۇسابىقىدە يېڭىلگۈچە ئارىلىقتا تەنھەركەتچىلىرىمىزدە كىمنىڭ قولىغا توپ چىقسا ئىككى تەرەپكە قارىمايلا گارغا ئېتىۋېتىدىغان، ئۆز ئورنىنى تاپالمايدىغان، مۇداپىئەدە بۇشاڭلىق قىلىدىغان، ئۆزىنى مەركەز قىلىش، شەخسىي قەھرىمانلىقنى قوغلۇشۇش خاھىشىنى ئاستا- ئاستا پەيدا قىلدى.
4. گاۋ شۇمىڭدا مۇسابىقىدىن توغرا، ئادىل خۇلاسە چىقىرىش، تەجرىبىلەرنى يەكۈنلەش تۇيغۇسى يوق. ھەر قېتىملىق مۇسابىقىدىن كېيىنكى مۇخبىرلارنىڭ زىيارىتىدە بىز ئۇنىڭ ئېغىزىدىن ‹‹ يامان ئەمەس›› › ‹‹ بولۇپ قالىدۇ›› دىگەن بىر- ئىككى گەپنى كۆپ ئاڭلىدۇق. شىنجاڭ تېلىۋىزىيە ئىستانسىنىڭ ئايرىم خەۋەر ۋە مەخسۇس پىرۇگىراممىلىرىدىمۇ ئۇنىڭ ھېچقانچە خۇلاسە پىكىرىنى ئاڭلىيالمىدۇق. ھەتتا، مەن بىر قېتىملىق مەخسۇس پىرۇگىراممىدا شىنجاڭ كاماندا ئەزالىرىنىڭ شۇ كۈنى كەچتە ئوينىلىدىغان مۇسابىقىدىكى رەقىبىنىڭ ئالدىنقى ئاخشامدىكى مۇسابىقە ۋىدىوسىنى كۆرۈشكە تەشكىللىگەن ۋاقىتتا باش تېرىنىردىن باشقا بىرمۇ تەنھەركەتچىنىڭ تېلىۋىزىيەگە دىققەت قىلمايۋاتقانلىقىنى كۆرۈپ بەكلا ئەپسۇسلاندىم. ئەمەلىيەتتە شۇ كۈرۈنۈشتىن ئايان ئىدىكى، يولداش گاۋ شۇمىڭمۇ ئۇ ۋىدىئوغا بەك كۆڭۈل بېرىپ كېتەلمەيۋاتاتتى. بۈگۈنكى رەقىبىنىڭ مۇسابىقە ھالىتىنى كۆڭۈل قۇيۇپ كۈزەتمىگەن، شۇنىڭغا قارىتا تاكتىكا ئۇرۇنلاشتۇرۇشى ئېلىپ بارالمىغان ئادەمدىن يەنە نىمە كۈتۈش مۈمكىن؟!
مۇسابىقە دىمەك، جەڭ دىمەكتۇر! بۇ يىلقى شىنجاڭ كاماندىسىنىڭ جېڭى مەيلى ئىقتىسادى نوقتىدىن، مەيلى پۈتۈن مەملىكەت خەلقىنىڭ كۆز تىكىش نوقتىسىدىن، ياكى، شىنجاڭ كاماندىسىنىڭ چوقۇنغۇچىلىرى نوقتىسىدىن بولمىسۇن ناھايىتى مۇھىم بىر قېتىملىق جەڭ! بۇ جەڭدە غەلىبە قىلىش ئىستىگى كۈچلۈك بولۇۋاتقىنى خې چاڭجاڭ، گوجىيەن قاتارلىق گۇاڭخۇي تەرەپ رەھبەرلىرىلا بولماسلىقى مۈمكىن. بەك كۆپ ئادەم تەشنا بولۇۋاتقان بۇ غەلىبىنى مەيلى كىم بولۇشىدىن قەتئى نەزەر يوق قىلىۋېتىش ھوقۇقى يوق!
شۇڭا بۇ نوقتىدا كېسىپ ئېيتىش كېرەككى، بۇ مۇسابىقە پەسلىدە شىنجاڭ كاماندىمىزنى غەلىبىگە ئېرىشتۈرۈش ئۈچۈن باش تېرىنىر گاۋ شۇمىڭ ئەپەندىنى ئالماشتۇرۇۋېتىش كېرەك!
بۇ يازما ئۈچۈن بىر ھەپتە ئىلگىرىلا مائۇسنى قولۇمغا ئېلىپ بولۇپ، لەۋ چىشلەپ تۇرۇپ توختاپ قېلىشىم مېنىڭ خېلىلا سەۋىرچان ئىكەنلىگىمنى ئىسپاتلىسا كېرەك.
ئەسلى مەنبە؛ ئۇيغۇر ۋاسكىتبول مۇنبىرى؛ http://waskitbol.com/portal.php
مەن ئەگەشتىم تۈنۈگۈن قاراپ تۇرۇپ يېڭىلدى توۋا.....سەت تىرىكتىم لىكىن بۇ يازمىنى ئاخىرىدا ATLAN111 تەھرىرلىگەن. ۋاقتى 2014-12-1 19:59
مەن ئويلىغان ھەم ئويلىمىغان گەپلەرنىڭ ھەممىسى دېيىلىپتۇ. ئەلانى بېسىۋەتتىم. تۈنۈگۈنكى ئاچچىقىم تېخى يانمايۋاتىدۇ. زادى «تېزرەك يوقلىپ ئىشىڭنى قىلە ماڭ» دەيدىغان يەرگە يەتتى ئاۋۇ گاۋ فامىلىلىكنى. توغرا تەھلىل، توغرا پىكىر. لېكىن پىكىرنى ئاڭلىغۇدەك ئادەم يوق. چوقۇنغۇچىلىرى دېمەي مەستانىلىرى دەپ ئالساڭلار بولاتتى مەنمۇ شۇ تۆنۈگۈن ئاخشامدىن باشلاپ تا ھازىرغىچە خۇددى بىر نەرسەمنى چۈشۈرۈپ قويغاندەك ئىچىم ئاچچىق بۇلۇپ تىرىكىپلا ئولتۇرۋاتىمەن ،شۇنداقمۇ سەتلىشىپ ئۇتتۇرغان بارمۇ ؟ توۋا دەپلا قالدىم .ھەممىنى قىلغان ئاۋۇ بۇلۇمسىز گۆشباش لاتا تېرىنىر ،ئازىراقمۇ تاكتىكا دىگەن نەرسە يوق ،ئەڭ مۇھىمى ئادالەت ھەق ناھەق ئۈچۈن ئوتتۇرغا چۈشۈپ نۇمۇسسىزلىقتا ئۇچىغا چىققان رېپىرلار بىلەن ئىككى ئېغىز تاكالاشقىدەك يۈرەك يوق .تۆنۈگۈنكى مۇسابىقىدە ئۇ نۇمۇسسىز رېپىرلار باشتىن ئاياق سايىپخان كوماندىغا يان بېسىپلا پۇشتەك چالدى ،بىزنىڭ كوماندا ئەزالىرىنىڭ بەدىنى ئۇلارغا تىگىپ بولغۇچىلا (قائىدىگە خىلاپ ) دەپ قارالدى ، ساھىپخان كوماندىنىڭ ئەزالىرىنىڭ قائىدىگە خىلاپ ھەركىتىنى بولسا كۆرمەسكە سالدى ،شۇنىڭ بىلەن ئۇلارنىڭ يۈرىكى يوغىناپ خېلى ئېغىر قائىدىگە خىلاپ ھەركەتلەرنى ئىشلىدى ،ھەتتا ئۇلارنىڭ بىر چەتئەللىك ئەزاسى بىر مىنۇت ئىچىدىلا بىزنىڭ ئىككى ئەزانى يارلاندۇرۇپ مەيداندىن چۈشۈردى ،ئەسلىدە بۇ ھەركەتلەر ئۇ چەتئەللىكنىڭ مەيداندىن قوغلىنىشىغا يېتەرلىك ئىدى،لېكىن رېپىردا يەنىلا ئېغىر دەرىجىدە يان بېسىش كۆرۈلدى ،مۇشۇنداق ھالقىلىق پەيىتتە بىزنىڭ ئاۋۇ تاڭسىڭسىمان لاتا تېرىنىر ئوتتۇرغا چۈشۈپ رېپىرلارغا ۋە نازارەتچىلەرگە ئۆزىنىڭ نارازىلىغىنى بىلدۈرۈپ (پۈشتەكنى تۈزۈكرەك چال ،ئۇلارمۇ سەل قىسىپ ئوينىسۇن )دەپ قويغان بولسا ۋەزىيەت سەل كونتۇرۇل قىلىناتتى ،لېكىن ئۇ لاتا باشتىن ئاخىر كۆزىنى پاقىرتىپلا قاراپ تۇردى .شۇنىڭ بىلەن بىزنىڭ بۇ ئاجىزلىقىمىزنى تۇتۋالغان لى پەشۋا ئەسكەرلىرىگە ھۇجۇم ۋە مۇداپىيەدە تېخىمۇ (جانلىق) بۇلۇشنى ئۇرۇنلاشتۇردى ،ئەڭ ئاخىرقى چارەك مۇسابىقىنىڭ ئاخىرقى ئالتە مىنۇتىدا بىزلەر گەرچە ئۇلاردىن يىگىرمە نۇمۇر ئەتىراپىدا ئالدىدا تۇرساقمۇ ئۇلارنىڭ بۇ (جانلىقلىقى) ناھايىتى تىزلا ئۈنىمىنى كۆرسىتىپ ،بىزنىڭكىلەر ئۇلاردەك (جانلىق) بۇلاي دىسە رېپىرلارنىڭ بۈركۈت كۆزىدىن قېچىپ قۇتىلالماي، پۇت قوللىرى بۇغىشلىنىپ قېلىپ ئەڭ ئاخىرىدا ئېچىنىشلىق ھالدا مەغلۇپ بولدى . بۇ مۇسابىقە پەسلى باشلانغاندىن تارتىپ ھازىرغىچە شىنجاڭ كوماندىسنىڭ مۇسابىقىسىنى تور ۋە تېلۋىزۇدىن كۆرۋاتىمەن ،لېكىن ھازىرغىچە ئاۋۇ گاۋ فامىلىلىك گۆشباشنىڭ شۇنداق ھالقىلىق پەيىتلەردە ئوتتۇرغا چۈشۈپ ئۆزىنىڭ نارازىلىغىنى بايان قىلىپ ئىككى ئېغىز سۆزلىگىنىنى كۆرمىدىم ،باشقىلارنىڭ تېرىنىرى بولسا تاسلا قالدۇ رېپىر بىلەن توپ مەستانىلىرىنى ئۇرۇپ كەتكىلى ،لېكىن بىزنىڭ گۆشباش قاچانلا بولسا كۆزىنى پاقىرتىپ ئۆلۈكتەك قېتىپلا تۇرغان .ئەگەر كوماندا رەھبەرلىرى بۇ بايقۇشنىڭ كەشىنى ۋاقتىدا توغۇرلاپ قويمىسا تۆنۈگۈن ئاخشامقىدەك ئېچىنىشلىق مەغلۇبىيەت يەنە كۆپ قېتىم تەكرارلىنىدۇ. راست، 6مىنۇت قالغۇچە نومۇر پەرقى 20 ئىدى، ئاساسلىق ئەزالار ئالماشتۇرۇلماي نورمال سەۋىيىدە ئوينىغان بولسىمۇ قارشى تەرەپ يېتىشىۋالالمايتتى. شۇ ھالەتتە ئۇتتۇرۇپ شەرمىسار بولدى، شىرئېلىمۇ ئەپسۇسلىنىپ بېشىنى چايقاپ كەتتى. مەزكۇر تېرېنېر راستلا كەچۈرگۈسىز ئىكەن. خەنزۇچە تورلاردىمۇ سابىق تېرىنىر سۈي ۋەنجۈننىڭ قايتىدىن ۋەزىپىگە تەيىنلىندىغانلىقى ھەققىدە خەۋەرلەر بېسىلىپتۇ. بۇ مەشقاۋۇللۇق ئورنىنىمۇ كىم ئارتۇق قىلىپ سېتۋەتتىمۇ يا؟ بۇ گاۋ سۈمىڭ دىگەن لاتا باشنى ھەيدىۋەتسە بولاتتى، نى ياخشى تىرنىرلار بارغۇ شۇلارنى قويسا بولاتتى ئەسلى.
بەت:
[1]