مۇنەۋۋەر كارخانىنىڭ ئالاھىدىلىكى
مۇنەۋۋەر كارخانىنىڭ ئالاھىدىلىكىسەۋرى مۇسا تەرجىمىسى
چوڭ كارخانا قۇرۇش ئۈچۈن مۇنداق تۆت ئالاھىدىلىك بولمىسا بولمايدۇ: روھ، پاراسەت، جاسارەت ۋە تەلەي. باشلامچىلاردا ئاجىزلىقىنى ئىپادىلەش جاسارىتى، كەڭ قورساقلىق، سەمىمىيلىك ۋە ھەققانىيلىق بولمىسا تېخى بولمايدۇ.
1000 دىن كۆپ مۇۋەپپەقىيەت قازانغان كارخانىنىڭ ئەڭ چوڭ 1-ئورتاق ئالاھىدىلىكى روھ، يەنى «قىزغىنلىق». مۇۋەپپەقىيەت قازانغان كارخانىچى پۈتۈن ۋۇجۇدى بىلەن غايىسىنى قوغلىشىدۇ، بۇ يولدا دۇچ كەلگەن خرىسلارنى يېڭىدۇ. شۇڭا سىنگاپورلۇق ئاتا-ئانىلار دائىم بالىلىرىغا مۇنداق دەيدۇ:«سەن قاچانمۇ ئەمەلىيەتكە باب بىرەر خىزمەتنىڭ پېشىنى تۇتارسەن؟»
2-چوڭ ئورتاق ئالاھىدىلىك پاراسەت، بىراق پاراسەت بىلەن كىتابنىڭ مۇناسىۋىتى يوق. پاراسەتنىڭ ئىككى مۇھىم ھالقىسى بار، ئۇنىڭ بىرى قانۇنىيەتنى تونۇش، يەنە بىرى ھۆكۈم قىلىش كۈچى. قانۇنىيەتنى تونۇش ئوخشاش بولمىغان نۇقتىلارنى ئۆزئارا تۇتاشتۇرۇپ، يېڭى بىر قانۇنىيەتنى بايقاشنى كۆرسىتىدۇ. ئىگىلىك تىكلىگۈچىلەر كەسپىي ھەمراھىنى تاللىغاندا، ھۆكۈم قىلىش كۈچى ئىنتايىن مۇھىم ئورۇندا تۇرىدۇ. دانالار مۇنداق دەيدۇ:«دوستلار بىلەن ھەمكارلىشىپ كارخانا قۇرۇش چوقۇم قىزىقارلىق، بىراق بۇ ئالاقىلانىلىك ئەمەس».
3-چوڭ ئورتاق ئالاھىدىلىك جاسارەت، ئۇ مۇنداق ئۈچ باسقۇچقا بۆلۈنىدۇ: ئىگىلىك تىكلەشنى باشلاش جاسارىتى، قەتئىي بوشاشماسلىق، ئۈزلۈكسىز ئىلگىرىلەش. بۇ ئۈچ بۆلەك
ئىگىلىك تىكلەشنىڭ ئوخشاش بولمىغان باسقۇچلىرىدا ئوخشاش بولمىغان مۇھىملىق رولىنى نامايان قىلىدۇ.
4-چوڭ ئورتاقلىق تەلەي، بۇ بەلكىم پوزىتسىيەنى ئاساس قىلىشى مۇمكىن، ئۇ ئادەمنىڭ مۇۋەپپەقىيەتىگە چوڭقۇر تەسىر كۆرسىتىدۇ. كارخانا يۈرۈشتۈرۈلىۋاتقان چاغدا تەلەي سەمىمىيلىك، ئازادىلىك ۋە كىشىلىك مۇناسىۋەتنى ئۆز ئىچىگە ئالىدۇ. ئادەم بىر ئىشنى بىلەلمىسە، شۇنىڭ ئەھلىدىن تەلىم ئېلىشى كېرەك، بۇ سەمىمىيلىك جۈملىسىدىن. ئازادىلىك ئاكتىپ روھى ھالەتنى كۆرسىتىدۇ، كىشىلىك مۇناسىۋەت كەسپىي ئىشلارنىڭ راۋان يولىنى يارىتىدۇ، ئۇ سىز تونۇمايدىغان، بىراق سىزگە يېڭى قاراش ۋە ئىقتىدار ئاتا قىلىدىغان كىشىلەر بىلەن ئالاقىدە بولۇشنى كۆرسىتىدۇ.
مەنبە: ئۈرۈمچى كەچلىك گېزىتىدىن ئېلىندى.
بۇ « تۆت ئالاھىدىلىك »بەكلا ئابىستراكىت بولۇپ قالغان. شۇنىڭدەك « تەلەي » بىر كىشىنىڭ ئۆزى تاللىۋالىدىغان، بولىۋالىدىغان نەرسىسى ئەمەس. روھ، جاسارەت، پاراسەت دېگەنلەرنى يېتىلدۈرۈش مۇمكىن. ئەمما تەلەينى يېتىدۈرگىلى بولمايدۇ. شۇڭا تەلەينىڭ ئورنىغا « تەۋەككۈل »نى كىرگۈزسە بولغىدەك. قىزىق يېرى شۇكى، تەلەيگە بەرگەن ئىزاھاتى خۇددى تاشنى تاياققا تېڭىپ قويغاندەك بىر نەرسە بولۇپ قاپتۇ. ئۇنى تەلەي دەپ يۈرگىچە، كىشىلىك مۇناسىۋەت ماھارىتى دېسىلا بولمىدىمۇ؟
بەت:
[1]