ئىزدىنىش مۇنبىرى › شېئىرىيەت گۈلزارى › قۇربان بايرىمى

toethogul يوللانغان ۋاقتى 2014-10-16 20:39:11

قۇربان بايرىمى

بۇ يازمىنى ئاخىرىدا   toethogul تەھرىرلىگەن. ۋاقتى  2014-10-16 20:40  




قۇربان بايرىمى


يۇنۇس زۇننۇن


ئاسمىنىڭدىن تامچە سۈزدۈم
بىر ئەسلىمىگە تىرىلىش ئۈچۈن؛
تامچاممىدىم ئەي! گۇناھلىرىم ئۈستىگە
خائىنلىقىغا، ئاجىزلىقىغا، قورقۇنچاقلىقىغا...
بىر بايرام كەلمەس ئەمدى،
چۈنكى قۇربانلىقى بولدى ئەسلىمە...

چاك كەتكەن ئاۋازلارنى بوغۇزلىدىم
كاشكى سۈزۈلسىكەن ئاشۇ ئاسمانلار...
ئىبراھىملاردىن تېخى خەۋەر يوق،
ئىسمائىللار بولدى كىملەرگە قۇربان؟!
سورىسام قۇربانلىقىمىزنى ئاسمان توزارمۇ،
ئاھ، گۈل بوينىدىن تامچە تېزەرمۇ؟!

ئەي مېنى تاشلاپ كەتكەن ئەزىزلەر!
ئاسمىنىمىزغا باقساڭلار ئەگەر،
يار ۋەسلىگە يېتەردۇق بەلكى،
قۇربان قىلساق بارلىقىمىزنى بىر بولۇپ
تامچىپ كەتسەك ھەقدادىغا بىرلىكتە
ئۆچكەن قۇياش ياناردى، يىتكەن ئارمانلار كېلەردى
بولۇپ بىر قۇربان بايرىمى...

05.10.2014

albAX يوللانغان ۋاقتى 2014-10-17 09:01:47

  قۇربان ھېيتنى دىمەكچىمۇ ياكى قۇربان بايرىمى دەپ بايرام بارمۇ ؟

nawa717 يوللانغان ۋاقتى 2014-10-17 10:03:12

ئەسلى قۇربان ھېيتلىق يېزىپتىكەن، بەختكە يارىشا بۈگۈن تەستىقلىنىپتۇ ...

elqut يوللانغان ۋاقتى 2014-10-17 11:37:36

توھىت ئوغۇلنىڭ (كۆك ئوغۇل)دىمەكچى بولغىنى تۇركچىلا دەپتۇ قۇربان ھېيتنى دىمەكچى

dolkun531 يوللانغان ۋاقتى 2014-10-17 18:20:59

مىڭكاۋاخەن ئوشايتتۇ بۇ.

harunjan يوللانغان ۋاقتى 2014-10-18 00:10:12

تۈركزۇۋان يازغان شېئىردەكلا قىلىدۇ

: قۇربان بايرىمى