جەسەت: بەربات
بۇ يازمىنى ئاخىرىدا jeSat تەھرىرلىگەن. ۋاقتى 2014-9-20 18:58بەربات
ئەگەر تەلۋە ئاشىق ۋىسالىغا يىتەلمىسە، ئاقىۋەتتە ئۇ چۇقۇم بىر قانخور قىساسكارغا ئايلىنىدۇ.
\ -دانالار سۆزىدىن
ئۇنىڭ چىرايلىق كۆزلىرىنى ئويۇۋېتىش كېرەك! چۈنكى ئاشۇ بېھىسساب شېرىنلىككە، تەسىۋىرلىگۈسىز گۈزەللىكە تولغان قاپقارا جۈپ كۆزلەر مېنى سانسىز چۈشكۈنلۈككە، كۆتۈرۈپ قوپقۇسىز دەرت-ھەسرەتكە دۇچار قىلغان.
ئۇنىڭ چىرايلىق يۈزلىرىنى تىلىۋېتىش كېرەك! چۈنكى ئاشۇ مەن كېچە-كۈندۈز كۆرۈشنى ئىستىگەن، تەلپۈنگەن بۇ دۇنيادىكى بارچە مۇھەببەت بارچە ئىزگۈلۈك بارچە پاكلىق مۇجەسسەم بولغان نۇرلۇق يۈز مېنى ھىجران ئازابىدا سەكپارە قىلىپ، يالغۇزلۇقنىڭ، تەنھالىقنىڭ يەنە ئازاب چېكىشنىڭ مەڭگۈلۈك زۇلمىتىگە مەھكۇم قىلغان.
ئۇنىڭ جىنەستىدەك، ياق! ئالۇچىدەك! ياق! ئۇنى بۇنداق ئوخشىتىشقا ھەرگىز بولمايدۇ. ئۇنىڭ مەن دائىم ئاچكۆزلەرچە قارايدىغان، چىراي ھەركىتىگە خوپ ياراشقان غۇنچىدەك لەۋلىرىنى تىلىۋېتىش كېرەك! چۈنكى ئاشۇ جان ئالغۇر لەۋلەر، ئاشۇ لەززەتلىك ۋە تاتلىق تەم، ئاشۇ ئىبلىسلارچە ئېزىقىش مېنى بۇ جېنىمدىن جاق تويغۇزۇپ، مېنى بۇ دۇنيادىكى ئەڭ ئۈمۈدسىز، ئەشەددىي چۈشكۈن بىر ئادەمگە ئايلاندۇرۇپ قويغان.
ئۇنىڭ ئۇزۇن-ئۇزۇن، تىقىمىدا يەلپۈنۈپ تۇرىدىغان قاپقارا چاچلىرىنى يۇلۇۋېتىش كېرەك! چۈنكى ئاشۇ قارىدىن قارا چاچلار مەيىن شامالنىڭ نازلىق پىچىرلاشلىرىغا مەسىت بۇلۇپ تەسۋىرلىگۈىسىز، چەكسىز گۈزەللىك بىلەن كۆز ئالدىمدا يەلپۈنۈشكە باشلىغاندا، مەن مىڭ يېرىمدىن تۆكۈلگىنىمچە ئالەمچە پەريادلار چېكىپ ۋاقىت دوزىخىغا مەڭگۈلۈك مىخلىنىمەن. كۆيىمەن، ئۆلىمەن! ئېچىشنىلىق ۋاقىرايمەن!
ئۇنىڭ ئاپئاق، بۈدۈرۈققىىنە كەلگەن ئوماق بارماقلىرىنى چانىۋېتىش كېرەك! چۈنكى ئاشۇ بارماقلار مېنىڭ چەكسىز مۇھەببىتىم ۋە ساداقىتىم بەدىلىگە سۇنۇلغان ئەتىرگۈلنى رەھىسمزلىك بىلەن قارا يەرنىڭ مۇزدەك باغرىغا تاشلاپ قۇيۇپ كېتىپ قالغان. چۈنكى ئاشۇ بارماقلار باشقىلارنىڭ (بۇ دۇنيادىكى ئەڭ ئىپلاس، ئەڭ رەزىل مېنىڭ بۇ دۇنيادىكى ئەڭ ئەشەددىي دۈشمىنىم) قولىنى يىنىك سىلىغان ھەمدە بار كۈچى بىلەن كۈچەپ سىققان.
ئەگەر ئۇ بۇ دۇنيادا مەۋجۇت بولمىغان بولسا، ياكى مەجۇت بۇلۇپ ئۆز مەۋجۇتلىقىنى يوقاتقان بولسا..
بەلكىم مېنىڭ ئازابلىرىممۇ يىنەكلەپ قالار ئىدى، بەلكىم مەنمۇ بۈگۈنكىدەك ئازاپلىق خىياللار قوينىدا تۇنجۇقۇپ يۈرمەيتتىم.
شۇنى ھېس قىلىپ يەتتىم: بىر نەرسىنىڭ مەۋجۇتلىقى يەنە بىر نەرسىنى شۇنداق ئازاپلايدىكەن. سېنىڭ شۇنداق چاغلىرىڭمۇ كېلىدىكەنكى: سەن بۇ دۇنيالىقتىكى سەن ئەڭ قىزغىن مۇھەببەت بىلەن سۆيگەن ئادىمىڭنىڭ ئەڭ ئېچنىشلىق كۈنلەرگە قېلىشىنى ياكى ئۈزۈل-كېسىل بەربات بۇلۇشىنى شۇنداق ئۈمۈد قىلىپ كېتىسەن. بىراق، بۇ- بىر ئىپلاسلىق! بۇ- بىر ئاجىزلىق! بۇ- بىر پەسكەشلىك! بىراق،بىراق... مەن راستىنلا شۇنداق بۇلۇشىنى بەك...بەك..بەك ئۈمۈد قىلىمەن! بۇ جەسەت تېخى ئىسىمى-جىسىمىغا لايىق ئەمەسكەن .ئۆزەڭنى ھەقىقىي تۈردە بىر جەسەت دەپ قارىغىنىڭدا ،بۇ ئويلارنى ئۆزلكىڭدىن تەرك ئېتىسەن .سېنىڭ كۆرىدىغان كۈنلىرىڭ بار ئىكەن تېخى .ئالدىڭىدا بىر مۇھىم قارارنى چىقىرىدىغان ئىش بار ،شۇ ئۆتكەلدىن ساق ئۆتەلىسەڭ ئۆزۈڭدىن بىر دەرىجە ھالقىيىسەن ،ئۆتەلمىسەڭ قالغنىغا بىر نېمە دېمەك تەس .
...
...
گۈزەللىكنى قىلار ئاخىر گۈزەللىك بەربات.
...
... قايسى بىچچارە قىزدۇ تېما ئىگىسى كۆيۈپ قالغان. ئۇنىڭغا ئۇچراشتىن ھەزەر ئەيلىسە بولغۇدەك. :lol:lol:lol بەدىئىي قىممەت ئورنىغا قەلەم لۆكچەكلىكى قىلىشمۇ ھامان مودىدىن قالىدۇ. بۇنداق كوچا مېجەز بايان ئۇسلۇبى نۆۋەتتىكىدەك چىرايلىق يالغانچىلىق ئەۋج ئالغان ئەدەبىياتىمىزدا سەمىمىيلىكىدىن ئاز تولا داۋراڭ قوزغىيالىغان بىلەن، پەقەت كۆڭۈل ئېچىشقا بەكرەك ماس كېلىدىكەن. بۇ بالىنىڭ ئالدىنقى تېمىلىرىغا ھە-ھۇ دەپ قويۇپ، ھازىر ئۆزۈمنى گۇناھكاردەك ھېس قىلىۋاتىمەن ... بەزىدە مەنمۇ شۇنداق ئويلاپ قالىمەن ھايات گۈزەل باللا،ھاياتنى قەدرلەيلى!(شۇئار تولاپ قويدۇممۇ نېمە) جەسەت دىگەن تور نامىدىنلا بۇ بالىنىڭ ئۆزىگە قانداق مۇئامىلە قىلىدىغانلىقىنى بىلىۋالغىلى بولىدىغاندەك!
توۋا ، ماۋۇ ئەسەر قانداق ژانېر بوپ كەتتى؟ Comeon يوللىغان ۋاقتى 2014-9-20 22:30 static/image/common/back.gif
بۇ بالىنىڭ ئالدىنقى تېمىلىرىغا ھە-ھۇ دەپ قويۇپ، ھازىر ...
ئەمىسە يەنە گۇناھكارلىقتىن ساقلىنىش ئۈچۈن بۇندىن كېيىن مېنىڭ تىمامغا ھە-ھۇ دىمەڭ... شۇنداق قىلسىڭىزلا بەلكىم جەننەتكە كىرىشىڭىز مۇمكىن... harunjan يوللىغان ۋاقتى 2014-9-21 11:30 static/image/common/back.gif
توۋا ، ماۋۇ ئەسەر قانداق ژانېر بوپ كەتتى؟
كۈلگۈنچەك ھەمدە شاپ بۇرۇتلۇق ئەپەندىم بۇ يەردە ھېچقانداق ژانىر مەۋجۇت ئەمەس.... ئۆزەڭلارنى مۇشۇنداق ئۇسۇلدا خارلاڭلار، بۇ خىل خارلىنىش ئىلمى، زىيانسىز،سەۋىيەلىك،غەلىتە،ئەشەددى بولسىمۇ قورقۇنۇچلۇق ئەمەس ،بەكلا قەدىمى بولسىمۇ يەنىلا يېڭى.
ئۇخماپتىمەن ئەمەسما ! Comeon يوللىغان ۋاقتى 2014-9-20 22:30 static/image/common/back.gif
بۇ بالىنىڭ ئالدىنقى تېمىلىرىغا ھە-ھۇ دەپ قويۇپ، ھازىر ...
بۇئىنكاسىڭلىدىن سېلىنىڭ ئىزدىنىشلىق ئىكەنلىكىڭلىنى ھىسقىلىۋاتىمەن .
سېلىنى قارا تىزىملىكتىن چىقىرۋەتتىم. جەسەتنىڭ ئىمزاسىنىمۇ چىشلەپ تارتىش كېرەك . ئېسسل AAA يوللىغان ۋاقتى 2014-9-21 17:51 static/image/common/back.gif
بۇئىنكاسىڭلىدىن سېلىنىڭ ئىزدىنىشلىق ئىكەنلىكىڭلىنى ...
ئىملاغا دىققەت قىلىڭ تورداش... jeSat يوللىغان ۋاقتى 2014-9-21 16:22 static/image/common/back.gif
كۈلگۈنچەك ھەمدە شاپ بۇرۇتلۇق ئەپەندىم بۇ يەردە ھېچقا ...
جەسەت سىز ھەربىر تېمىدا سوقۇشقاق خۇرازدەك ھەربىر ئېنكاسقا يامىشىپ كېتۋاتسىز ، بۇ بىر ساياق يازارمەنگە خاس خىسلەت ئەمەس! diktatur يوللىغان ۋاقتى 2014-9-22 09:25 static/image/common/back.gif
جەسەتنىڭ ئىمزاسىنىمۇ چىشلەپ تارتىش كېرەك .
سىلىنىمۇ ئازراق چىشلەپ تاتساق بولامىكىن:lol :lol
بەت:
[1]