ئىزدىنىش مۇنبىرى › شېئىرىيەت گۈلزارى › ئامالسىزلىق

lopnuri يوللانغان ۋاقتى 2014-9-2 10:27:27

ئامالسىزلىق

بۇ يازمىنى ئاخىرىدا   lopnuri تەھرىرلىگەن. ۋاقتى  2014-9-2 10:29  






ئامالسىزلىق


سېغىنىدىغان كىشىڭ بولىدۇ،
تۇرۇپ-تۇرۇپ ئۇھسىنغان پېتى.
قوللىرىدىن تۇتقۇڭ كېلىدۇ،
كۆزلىرىڭگە سۈرتكۈڭ كېلىدۇ،
دەرتلىرىڭنى تۆككۈڭ كېلىدۇ،
سەۋەبىنى ئويلىماي تۇرۇپ.


يۈرەكلىرىڭ سوقىدۇ ئوخچۇپ،
تومۇرۇڭدا ئۆركەشلەپ قېنىڭ.
كۆيدۈرىدۇ ئوت ئەمەس بىر ئوت،
تەنلىرىڭگە سىغماستىن جېنىڭ.


گۇمانلىنىپ ئۆزۈڭدىن بەزەن،
ئۇزاققىچە ئەينەك ئالدىدا.
ئولتۇرىسەن مەستخۇش ھالەتتە،
كۆرەلمەيسەن ئەمما ھېچنېمە،
كۆزلىرىڭگە تارتىلغان پەردە،
ئۆز-ئۆزۈڭدىن ئىزدەيسەن قۇسۇر،
ياغدۇرىسەن تۈمەنمىڭ سۇئال،
تاپالماستىن ياخشىراق ئامال.


تاتىلايدۇ ئىچىڭنى تىنماي،
تىرناقلىرى ئۇزۇن ئۆسكەن
بارماقلىرى ئۈزۈلگەن بىر قول.
قاتىرايسەن تەرەپ-تەرەپكە،
ھەممە يەردە بارسا كەلمەس يول.


ئۇھ! دېيىشكە يوقتۇر ماجالىڭ،
ئىش قىلىشقا ئەسلا يوق رايىڭ.
قىستار سېنى ئەڭ ئاخىرقى تاقەت
يالماپ يۇتار سېنى توختىماي،
تەشۋىش بىلەن تام قوشنا جۈرئەت.
چۈشلىرىڭدىن تۈرتۈپ ئويغىتار،
قولى قانغا بويالغان قىسمەت.


ئاھ،ئاھ،ئاھ........................
قۇرقۇنۇچلۇق ئۈندەش سۆزلىرىڭ،
نۇرى ئۆچكەن يېتىم كۆزلىرىڭ،
كۈز ياپرىقىدەك ساپسېرىق تۈسكە
ياز پەسلىدە كىرگەن يۈزلىرىڭ.


پاھ،پاھ،پاھ.........................
تۇيغۇسىنى تۇتۇرۇق قىلىپ،
ئۆز-ئۆزىنى پۈچىلاپ، ئۈتلەپ،
توزاققا چۈشكەن دەمدەردەك ئۈنلەپ،
قاشلىرىنى كۆزىدىن كۈنلەپ،
ئۇيقۇسىزلىق ئىلكىدە تۈنلەپ،
يىلتىزىنى قۇرۇتقان روھىڭ.


ۋاھ،ۋاھ،ۋاھ.......................
گاھ قاقاقلاپ، گاھى پالاقلاپ،
گاھ يېقىنلاپ،گاھى يىراقلاپ،
گاھ قۇچاقلاپ، گاھى تىرناقلاپ،
گاھ ئىسىسقلاپ، گاھىدا توڭلاپ،
ۋەيرانلىقنى بىلسىمۇ خالاپ،
تاغ باغرىدىكى ئارشاڭدەك قايناپ،
ئۆز-ئۆزنى سىغىنىۋاتقان
سەن ياكى مەن، مەن ياكى سەن.
بىر-بىرىگە دەرت تۆكۈشىۋاتقان
بىز ياكى سىلەر، سىلەر ياكى بىز.
ھېچنېمىدىن خەۋەرسىز يۈرگەن
ئۇ ياكى ئۇلار، ئۇلار ياكى ئۇ.
تامىقىم شۇنداق قۇرۇپ كەتتى،
ماڭا كېرەك پەقەت بىر پىيالە سۇ.

2014-يىلى 9-ئاينىڭ 2-كۈنى

dadash يوللانغان ۋاقتى 2014-9-2 10:45:43

سېغىنىدىغان كىشىڭ بولىدۇ،
تۇرۇپ-تۇرۇپ ئۇھسىنغان پېتى.
قوللىرىدىن تۇتقۇڭ كېلىدۇ،
كۆزلىرىڭگە سۈرتكۈڭ كېلىدۇ،
دەرتلىرىڭنى تۆككۈڭ كېلىدۇ،
سەۋەبىنى ئويلىماي تۇرۇپ.

musilina1 يوللانغان ۋاقتى 2014-9-2 11:09:26

شېئىردا ئىپادىلەنگەندەك شۇنداق بىر خىل ھېس -تۇيغۇ كۆز ئالدىمغا كەلدى......

شېئىر ھېسياتىلق چىقىپتۇ.......

dillani يوللانغان ۋاقتى 2014-9-2 11:52:52

قالىمىڭز نىمانداق بەلەن .يالغۇزلۇق ،ئادەمسىراش ،دوستسىراش ،يەنە ئۈمۈتلىنىش ،بەلەنكەن .

Uyghur يوللانغان ۋاقتى 2014-9-2 11:56:41

ئاخىرقى كوبلىتتىكى مىسرالار بەك يىرىك چىقىپ قالغاندەك... ئەمما ئومۇمەن بەك بەلەن يېزىپسىز.

UFO114 يوللانغان ۋاقتى 2014-9-2 12:15:00

ياخشى يىزىپسىز      

hiyalqi يوللانغان ۋاقتى 2014-9-2 18:43:16

مۇڭ

: ئامالسىزلىق