ئىزدىنىش مۇنبىرى › شېئىرىيەت گۈلزارى › ھېيىت كەلدى

toethogul يوللانغان ۋاقتى 2014-7-28 22:07:48

ھېيىت كەلدى

بۇ يازمىنى ئاخىرىدا   toethogul تەھرىرلىگەن. ۋاقتى  2014-7-28 22:11  



ھېيىت كەلدى

   
يۇنۇس زۇننۇن

   

ھېيىت كەلدى خۇشاللىق كەلدى  
چارچىغان دىللارغا روھى ئارام تاپىدىغان باھار كەلدى  
   
بالىلىرىمنىڭ چىرايىدا ئۆكسىگەن خۇشاللىق  
چىدالمايدۇ يۈرۈكۈم  ئۇندا كۈلگەن روھنىڭ تەبەسسۇمىغا  
روھقا ئوزۇق بۇ ھېيىتنىڭ سېھرىي كۈچىگە  

***  
ھېيىت كەلدى بەرىكەت كەلدى  
ياشىغان بىر يىلنى ھەزىم قىلىش ۋاقىتى كەلدى  

بىچارە دادام يامىمايدۇ ئەمدى ئارتۇق مۈكچىيىپ  
جاھاندارچىلىقتا ئۇپرىغان قېرىنداشلىرىنىڭ ئاياقلىرىنى  
ئۇلار ھەممىسى بىرگە  
بىز ھەممىمىز بىرگە  
يامىۋالىمىز يوقسىزلىقتىن يىرتىلىپ قالغان روھلىرىمىزنى  
بۇ ھېيىتنىڭ بەرىكىتىدە...  
بىچارە ئانام ئەمدى ئۇيۇتمايدۇ ئارتۇق تىزلىنىپ  
ھويلىمىزدىكى سېرىق ئېنەكنىڭ سۈتلىرىنى  
ئاقباش موزىيى ئېمىدۇ ئەمدى ئۇنى ئۆزى يالغۇز  
بىز ھەممىمىز بىرگە ئۇيىيمىز  
تۇرمۇشنىڭ تاپا-تەنىسىدە بىر-بىرمىزگە بوغۇلغان باھاسىز قەرزلىرىمىزنى تاشلاپ  
قېرىنداشلىقنىڭ تەڭلىسىدە  
بۇ ھېيىتنىڭ بەرىكىتىدە  

***  
ھېيىت كەلدى  ئىنسانلىق كەلدى  
ئىنسان نەسلىگە بېرىلگەن نېئمەتلەرنى ئەسلەش ۋاقتى كەلدى  

بالىلىرىم قولىدا ھېيىتلىق  
ئۇلارنىڭ قولىدا ئەرزىمەس بىر مەۋھۇم قىممەت  
چىڭ مۇجىقلىغانچە ئۇخلىماقتا ئۇلار ئۇنى ئەتىكى ھېيتقا تەييارلىقتا  
بۇ ھېيىتنىڭ ئىنسان قەلبىگە بەرگەن كۈچىدە  

ئۇلارنىڭ روھى چىڭ مۇجۇقلىغان ئىدى ئۇلارنىڭ ئىنسانىيلىقىنى  
ئەتىكى جەڭگاھقا تەييارلىقتا  

***  
ھېيىت كەلدى قانائەت كەلدى  
ئېغىر مۇسىبەتكە سۈكۈت كەلدى  

ئانامنىڭ تاماقلىرى قاتقان ھەپسىدىكى قېرىنداشلىرىمغا  
بىز ھەممىمىز تەڭ مۇجۇقلىغان قۇربانلىق قوينىڭ ساخاۋىتىگە شېرىك بولالمىغان قېرىنداشلىرىمغا  
دادامنىڭ سۈكۈتىدە قاتقان ئىدى ۋاقىت  
ئۇندا ئۇزۇن مەزگىل سېغىنىشتىن قاناپ ئۆڭگەن سەبىر  
تەقدىرگە ئىمان ئېيتقان چىڭ ئىبادەت...  
تۆمۈر رىشاتكىلارنى ئارىلايدۇ ئانامنىڭ روھى  
بالدۇر يۈتتۈرگەن جىگەرلىرى ئۈچۈن  
ئانام ئامالسىز بۇندىن باشقىغا...  
چۈنكى ھېيىت كەلدى ،ئەجەپ تاتلىق سېغىنىش كەلدى  
جان-جىگەرلىرى ئۈچۈن مىڭ مەرتىۋە ئۆلگەن ئانىنىڭ تىرىلەر ئانى كەلدى  

***  
ھىېيت كەلدى  ئەجدادىمىزغا ئەۋلاد كەلدى  
قەبرىلەرگە تىرىكلەر كەلدى  

دادام بىلەن قەبرە بېشىدا مەن  
ئەجدادىمغا دۇئادىمەن  
ئۆز ئۆلۈمۈمگە ياخشى بىر نەتىجىگە ئۈمۈدتىمەن...  
پەرزەتلىرىمگە ئىمان ۋە ساپ ۋىجدا تەمەسىدىمەن...  

***  
ھېيىت كەلدى خۇشاللىق كەلدى  
ھەممە بۈگۈن خۇشھال،چۈنكى بۈگۈن ھېيىت  
ھىچكىم توسقۇنلۇق قىلماس بۈگۈن بىزنىڭ تىلەكلىرىمىزگە ...
چۈنكى ھېيىت كەلدى،
بىزنىڭ يىتتۈرگەن قىممىتىمىزنىڭ دېرىكىدىن بىر پارچە خەت كەلدى  
دېمەك ھايات ئۇ...  
دېمەك ھايات ئانامنىڭ جان-جىگەرلىرى  
مېنىڭ بارلىقىمغا تېگىشمەس قېرىنداشلىرىم  
دېمەك ھايات ئۇلار ياققان ئوت  
دېمەك ھايات ئۇلار يازغان تارىخ  
دېمەك ھايات بىزنىڭ كەلگۈسىمىز  
چۈنكى ھېيىت كەلدى!...

2010-11-15

qoghun يوللانغان ۋاقتى 2014-7-29 06:34:01

ھېيت مۇبارەك(دۈشەنبە)

sherqi يوللانغان ۋاقتى 2014-7-29 06:49:44

بارلىق قېرىنداشلارنىڭ روزى ھېيىتىغا مۇبارەك بولسۇن .

بۇ شېئىرنى ئىلگىرى ئوقىماپتىكەنمەن ، تېما يوللۇغۇچىغا رەھمەت .

ezimet7102 يوللانغان ۋاقتى 2014-7-29 06:53:44

تور ئەھلىگە پېقىردىن سالام:

                                              روزى ھېيتىڭلار مۇبارەك بولسۇن!

Apple يوللانغان ۋاقتى 2014-7-29 06:53:49

مىسرالىرىنى ئۇقۇۋېتىپ مۇشۇ رامزاندا يېزىلغان ئوخشايدۇ دەپ ئويلاتىمەن .
دۇنيا مۇسۇلمانلىرىنىڭ ھېيتىغا مۇبارەك .
ئاللا ھەممىڭلارنى ئامان قىلسۇن.

ismail يوللانغان ۋاقتى 2014-7-29 07:59:05

راست، ھېيىت كەلدى

aLKaMaL1 يوللانغان ۋاقتى 2014-7-29 08:27:11

ھەممىڭلارنىڭ روزا ھىيتىغا مۇبارەك بولسۇن

OCUZ يوللانغان ۋاقتى 2014-7-29 08:44:34

ئەسسالامۇ ئەلەيكۇم قېرىنداشلار ، روزى ھېيىتىڭلارغا مۇبارەك بولسۇن!

oghuzxan68 يوللانغان ۋاقتى 2014-7-29 09:47:19

ۋەتەن ىچى  ۋە تېشىدىكى   قېرىنداشلارغا وتلۇق سالام.

begtash يوللانغان ۋاقتى 2014-7-29 10:05:54

ھەممىڭلارنىڭ ھىيتىغا مۇبارەك بولسۇن!.
روزا ھېيىت مەزگىلىدە دەم ئىلىشقا بولمايدۇ دەپ ئۇقتۇرۇش چۈشتى،  بۇ يىل ھېيىت قىلالمايدىغان بولدۇق.

jaggiwar يوللانغان ۋاقتى 2014-7-29 10:08:04

بارلىق قېرىنداشلارنىڭ روزى ھېيىتىغا مۇبارەك بولسۇن

jaziyra يوللانغان ۋاقتى 2014-7-29 11:42:22

ئەسسالامۇ ئەلەيكوم  ئەزىيزلەر ، ھەممىڭىزلارنىڭ مۇبارەك ھېيتى  قۇتلۇق بولسۇن .

arslan428 يوللانغان ۋاقتى 2014-7-29 11:54:48

ھەممىڭلارنىڭ روزا ھىيتىغا مۇبارەك بولسۇن

pigan0903 يوللانغان ۋاقتى 2014-7-29 12:24:16

ئەسسالامۇئەلەيكۇم مۈھتىرەم قېرىنداشلىرىم ھەممىڭلانىڭ روزاھېيتىغا مۇبارەك بولسۇن.

qasim يوللانغان ۋاقتى 2014-7-29 13:54:39

ئەسسالامۇئەلەيكۇم روزى ھىيتىڭلار قۇتلۇق بولسۇن.
ھەممەيلەنگە خاتىرجەملىك يار بولسۇن.

PashshaXan يوللانغان ۋاقتى 2014-7-29 14:15:37

بارلىق ئىزدىنىش ئەھلىنىڭ روزى ھىيتىغا مۇبارەك بولسۇن

Abdiweli يوللانغان ۋاقتى 2014-7-29 15:00:25

روزى ھېيتىڭلار مۇبارەك بولسۇن ! {:92:}{:92:}{:92:}

yolyar يوللانغان ۋاقتى 2014-7-29 20:04:08

« بارچە گۈللەر ئېچىلسا بولۇدۇ باھار» دەيدىغان گەپ بارتى، ھەر ھېيت كەلسە تاڭ بىلەن تەڭ ئوقۇغۇچى- ئوقۇتقۇچىلارنى مەكتەپكە يىغىۋالىدىغان ئىش ئىزچىل داۋاملىشىۋاتقىلى 10 يىلچە بولغاندۇ؟ بۈگۈنمۇ ئىش ئورنىمىزغا يىغىلىۋىدۇق، ھېيتلىق كەيپىياتتىن ئەسەرمۇ قالمىدى مەندە، پىسخكام شۇنداق نازۇكلىشىپ كەتتىمىكىن تاڭ؟  ھېيتلىق توقۇلغان شېئىر- قوشاق، ناخشا مۇزىكىلارمۇ تەسىر قىلماس بوپ كەتتى.

Abdurehman يوللانغان ۋاقتى 2014-7-29 20:36:36

بۈگۈنكى ھېيت شادلىقىمۇ ئاخىرلىشىپ قالدى. يەنە شۇ تىرىكچىلىك كويىغا چۈشۈپ قالدىم:(

kvzyapriqi يوللانغان ۋاقتى 2014-7-29 20:50:52

Abdurehman يوللىغان ۋاقتى  2014-7-29 20:36 static/image/common/back.gif
بۈگۈنكى ھېيت شادلىقىمۇ ئاخىرلىشىپ قالدى. يەنە شۇ تىرىك ...

ھەر نېمە بولسا ھېيتتا شادلىنالاپسىز، ئۆيگە قايتالمىغان بىزلەر ئاچچىق كۈلۈپ ئۆتكۈزدۇق...

: ھېيىت كەلدى