iOS ئەپ پىروگراممېرلىرىنى تەربىيەلەش سىنىپى
بۇ يازمىنى ئاخىرىدا Qismet تەھرىرلىگەن. ۋاقتى 2014-7-27 22:18iOS ئەپ پىروگراممېرلىرىنى تەربىيەلەش سىنىپى ئېچىلىدۇ
شىركىتىمىز بىر قىسىم ھۆكۈمەت ئورۇنلىرى، كارخانىلار ۋە شەخسلەرنىڭ iOS ئەپلىرىنى ئىشلەپ كېلىۋاتىدۇ. ئۇنىڭدىن باشقا يىل بېشىدا بەزى تۈرلەرنى پىلانغا ئالدۇق. بۇنىڭ ئىچىدە بەزى تۈرلەر ئاللىقاچان باشلىنىپ بولدى. بۇنىڭ بىلەن خىزمەت مىقدارىمىز، ئىختىساسلىق خادىملارغا بولغان ئېھتىياجىمىز تېخىمۇ ئاشتى. لېكىن ئىختىساسلىق خادىملارنىڭ كەمچىل بولۇشى بىلەن، تۈرلەرنىڭ ئەمەلىيلىشىشى ئاستا بولدى.
شىركىتىمىزدە ئىختىساسلىق خادىملارنىڭ كەمچىل بولۇشى ھەل قىلىشىمىزنى كۈتۈۋاتقان مۇھىم مەسىلىلەرنىڭ بىرى ئىدى. بۇ ئارىدا خادىم قوبۇل قىلىش ئۈچۈن، تېلېۋىزىيە، رادىيو، ژۇرنال، تور قاتارلىق ئاخبارات ۋاسىتىلىرىغا مۇراجىئەت قىلىپ، بەزى خادىملارنى قوبۇل قىلىپ كەلدۇق ۋە كېلىۋاتىمىز. شۇنداقتىمۇ بۇ يېتەرلىك ئەمەس.
كۆزىتىشىمىزچە، ئىختىساسلىق خادىملارنىڭ كەمچىل بولۇشى بىزنىڭلا ئەمەس، ھەمكارداش شىركەتلەرنىڭمۇ بېشىنى ئىزچىل قاتۇرۇپ كەلگەن مەسىلىلەرنىڭ بىرى بولۇپ ھېسابلىنىدۇ.
شۇڭا بۈگۈنى ئوقۇش پۈتتۈرۈپ، ئەتىسى خىزمەتكە كىرىشەلەيدىغان ئىختىساسلىق خادىملارنى قىسقا مۇددەت ئىچىدە يېتىشتۈرۈپ چىقىش ئۈچۈن، iOS ئەپ پىروگراممېرلىرىنى تەربىيەلەش سىنىپى ئېچىشنى قارار قىلدۇق.
تەربىيەلەش مەقسىتى: شىركىتىمىز ۋە ھەمكارداش شىركەتلەر ئۈچۈن خادىم تەربىيەلەپ، iOS ئەپلىرى ساھەسىدە ئىختىساسلىق خادىملارنىڭ كەمچىل بولۇش مەسىلىسىنى ھەل قىلىش.
تەربىيەلەش نىشانى: تۆۋەن بولغاندا تولۇق ئوتتۇرا مەكتەپ مەدەنىيەت سەۋىيەسىگە ئىگە (ئەسكەرتىش: بۇ دېگەنلىك چوقۇم تولۇق ئوتتۇرىنى پۈتتۈرگەن بولۇشى كېرەك دېگەنلىك ئەمەس)، تىرىشچان، ئۆگىنىشكە ھېرىسمەن، ئەقلى ۋە تەپەككۇرى ئۇرغۇپ تۇرىدىغان، iOS ئەپ پىروگراممىسى تۈزۈش ساھەسىدە خىزمەت قىلىشنى، شىركىتىمىزدە ۋە ھەمكارداش شىركەتلەردە خىزمەت قىلىشنى كۆڭلىگە پۈككەن، شىركىتىمىز ۋە ھەمكارداش شىركەتلەر بىلەن بىرلىكتە روناق تېپىشنى خالايدىغان ياشلار.
ئەسكەرتىش 1: تەربىيەلەنگۈچىلەردىن ئاۋۋال يېزىقچە ياكى يۈز تۇرانە ئىمتىھانلار ئارقىلىق سىناق ئېلىنىدۇ. كومپيۇتېر سەۋىيەسى، قىزىقىشى، ئۆگىنىش ئىرادىسى بەك تۆۋەنلەر قوبۇل قىلىنمايدۇ.
ئەسكەرتىش 2: تەربىيەلىنىش مەزگىلىدە، ھەر قايسى مەزمۇنلاردىن تاپشۇرۇق بېرىلىدۇ، كىچىك سىناقلار، ئايلىق ئىمتىھان ئېلىنىدۇ. بۇ جەرياندا ئۆگىنىشتە لاياقەتسىز بولۇپ قالغانلار ئايرىم يېتەكلىنىدۇ، ئەڭ بولمىغاندا قايتۇرۇلىدۇ.
بىزنىڭ مەقسىتىمىز قىسقا مۇددەتتە ياراملىق iOS ئەپ پىروگراممېرلىرىنى يېتىشتۈرۈش. شۇنداق بولغانىكەن، ئوقۇغۇچى ئەركىن، راھەت، قىزىقىش ئىچىدە ئوقۇشى كېرەك، زورۇقۇپ قالسا بولمايدۇ. ئۇنداق بولمىغاندا ئوقۇغۇچىنىڭ ئىقتىسادى ۋە ۋاقتى، بىزنىڭ پىلان ۋە زېھنىمىز بىھۇدە ئىسراپ بولىدۇ، خالاس.
تەربىيەلەش مۇددىتى: تۆت ئاي. بۇنىڭ ئىچىدە دەرس ئۈچ ئاي (ھەپتىدە بەش كۈن، كۈندە تۆت سائەت < نەزەرىيە ۋە ئەمەلىي دەرس+ئەمەلىي مەشىق>)، ئەمەلىي خىزمەت پىراكتىكىسى بىر ئاي بولىدۇ.
ئوقۇغۇچىلار ئۈچ ئايلىق دەرسنى تۈگەتكەندىن كېيىن، بىر ئاي ئەمەلىي خىزمەت پىراكتىكىسى قىلىدۇ. پىراكتىكا شىركىتىمىزگە ۋە ھەمكارداش شىركەتلەرگە ئورۇنلاشتۇرۇلىدۇ. پىراكتىكا جەريانىدا ئۇلارغا مۇۋاپىق ھەق بېرىلىدۇ. بۇ ھەقنى پىراكتىكا قىلىنغان شىركەت كۆتۈرىدۇ.
تەربىيەلەش سان چەكلىمىسى: 15 نەپەر
ئوقۇش ھەققى: توققۇز مىڭ يۈەن
كومپيۇتېر مۇھىتى: دەرس PC دا مەۋھۇم كومپيۇتېر تېخنىكىسى ئارقىلىق ئۆتۈلىدۇ.
ئوقۇش باشلاش ۋاقتى: 2014-يىلى 8-ئاينىڭ 10-كۈنلىرى ئەتراپىدا چۈشتىن كېيىن بولىدۇ. (دەرس بىر نەچچە ئىلگىرى ياكى بىر نەچچە كۈن كېيىن باشلىنىشى مۇمكىن. كونكېرت ۋاقتى ئايرىم ئۇقتۇرۇلىدۇ)
iOS پىروگراممېرلىرىنى تەربىيەلەش سىنىپىدا ئۆتۈلىدىغان دەرسلەرنىڭ قىسقىچە مەزمۇنى (ئەسكەرتىش: ھەربىر چوڭ تۈر ئىچىدە يەنە كىچىك مەزمۇنلار بار):
1. iOS ھەققىدە ئومۇمىي چۈشەنچە
2. Xcode 5 ياكى Xcode 6
3. Objective-c پىروگرامما تىلى
4. Programming language c
5. MVC
6. كۆرۈنمە يۈز تەھرىرلىگۈچ (Interface builder)
7. ھېكايە تاختىسى (Storyboard)
8. Foundation framework
9. Attributed String
10. كۆزنەكلەر ۋە ھادىسە تونۇغۇچ (Views Gesture Recognizer)
11. كۆزنەك باشقۇرغۇچ (View Controller, View Controller life cycle)
12. يىغىلما كۆزنەك ۋە تىزىملىك كۆزنىكى (Collection view, Table view)
13. كۆزنەكنىڭ ئالمىشىىشى (Navigation ,Transition)
14. سىيرىلما كۆزنەك (Scrolling)
15. بۆلەك (Block)
16. كۆپ لىنىيەلىك پىروگرامما (Multithreading)
17. كاتىگورىيە (Category)
18. سانلىق مەلۇمات ئوقۇپ يېزىش (Persistence)
19. سانلىق مەلۇمات ئۇقۇپ يېزىش (Core Data)
20. بەتلىك كۆزنەك باشقۇرۇش (Page View Controller)
21. كامىرا ۋە رەسىم ئامبىرى
22. سېنزورلار (Core Motion)
23. خەرىتە (Map kit)
24. ئورۇن بەلگىلەش (Core Location)
25. تەڭشەك (Settings)
26. يەرلىكلەشتۈرۈش (localization)
27. Auto layout
28. UIDynamic
29. SpriteKit
30. iPad كە ماسلاشتۇرۇش
31. تور
32. iAd ئېلانى
33. ئۈسكۈنىگە ئەپ (App) يېزىش
34. بىرلىك سىناش (Unit test)
35. instruments
36. App Store غا App چىقىرىش
37. ئۇچۇر ئەۋەتىش (Push Notification)
ئەسكەرتىش 1: دەرس iOS7 ياكى iOS8 نى ئاساس قىلىپ سۆزلىنىدۇ .
ئەسكەرتىش 2: ئۆتۈلىدىغان دەرس تېمىلىرىنىڭ كۆپ قىسمىنىڭ ئۆلچەملىك ئۇيغۇرچە تەرجىمىسى بولمىغانلىقى ئۈچۈن، ئۈستىدە دەرس تېمىلىرى پەقەت مەنە تەرجىمىسى بويىچە ئېلىندى.
ئەمەلىي مەشىق 1: calculater ھېسابلىغۇچ
view, objective-c, mvc, storeyboard, interface builder Xcode قاتارلىقلار. بىر ئەمەلىي مىسال تەپسىلىي چۈشەندۈرۈلىدۇ.
ئەمەلىي مەشىق 2: card game قارت ئويۇنى
بارماق تونۇش (gesture recognizer) ، سىزىش (custom drawing) ۋە بىرىنچى مەشىقتىكى مەزمۇنلارنىڭ مىسالى يەنە بىر قېتىم تەپسىلىي چۈشەندۈرۈلىدۇ.
ئەمەلىي مەشىق 3: ھاۋارايى ئەپى (App)
ئەمەلىي مەشىق 4: رەسىم كۆرۈش ئەپى (App)
ئاخىرىقى تۈر: ئوقۇغۇچىلار ئۆگەنگەن بىلىملىرىنى ئىشلىتىپ، ئۆزى بىر دانە ئەپ (App) تۈزۈپ كېلىدۇ.
ئوقۇغۇچى ئوقۇش پۈتتۈرگەندە iOS ئەپ پىروگراممىسى تۈزۈشتە يەتمەكچى بولغان سەۋىيە:
1. پىروگرامما كودىنى قائىدىلىك يېزىش
2. Mac OS كە پۇختا بولۇش
3. Mac OS پىروگرامما تۈزۈشكە ئاساس سېلىش
4. كىچىك ۋە ئوتتۇرا تىپتىكى iOS ئەپلىرىنى بىمالال تۈزۈش
5. ئوچۇق كودلاردىن بىمالال پايدىلىنىش
ئوقۇتۇش جەريانىدا ئەمەلىيەتكە نەزەرىيە زىچ بىرلەشتۈرۈپ سۆزلىنىدۇ. ئەگەر ئوقۇغۇچى دەرسكە تولۇق قاتنىشىپ، ۋاقتىدا ئۆزلەشتۈرۈپ ماڭسا، ئوقۇش پۈتتۈرۈپ بولغىچە، ئوتتۇرا تىپتىكى iOS ئەپ ئاچقۇچى بولۇپ يېتىشىپ چىقىدۇ.
نازارەتچىلەر:
ئابدۇغېنى غوجى (شىنجاڭ سەركار پەن-تېخنىكا چەكلىك مەسئۇلىيەت شىركىتىنىڭ باش دىرېكتورى)
تاھىر تۇرسۇن (ئۈرۈمچى ئالماس كومپيۇتېر چەكلىك شىركىتىنىڭ ئورۇنباسار دىرېكتورى)
ئەمەتجان رۇسۇل (ئۈرۈمچى كومپيۇتېر ھەۋەسكارلىرى چەكلىك شىركىتىنىڭ باش دىرېكتورى)
دەرس ئوقۇتقۇچىسى: يالقۇن مۇھەممەد
قىسقىچە تەرجىمىھالى: دەسلەپتە ئىككى يىل ئىنگىلىز تىلى ئۆگىنىپ، ئۇنىڭدىن كېيىن قارلۇق شىركىتىدە يۇمشاق دېتال ئېچىشتا ئىككى يىل تەربىيىلەنگەن. iOS قا ئەپ تۈزۈشتە تۆت يىللىق تەجرىبىسى بار. ھازىر ئۇلىنىش شىركىتىدە iOS قا ئەپ تۈزۈش خىزمىتى بىلەن شۇغۇللىنىدۇ.
ئىشلىگەن ئەمەلىي خىزمەتلىرى: ئۇلىنىش شىركىتىنىڭ نۇر، ئۇچۇر، ئۇلىنىش قاتارلىق iOS ئەپلىرىنى ۋە جۈپلەش قاتارلىق ئەپلەرنى مۇستەقىل لايىھەلىگەن.
ئوقۇغۇچىلار پىراكتىكا قىلىدىغان ئورۇن ۋە پىراكتىكا مەزگىلىدىكى تەمىناتى:
شىنجاڭ سەركار پەن-تېخنىكا چەكلىك مەسئۇلىيەت شىركىتى پىراكتىكا شارائىتى بىلەن تەمىنلەيدۇ. پىراكتىكانتلارنىڭ سەۋىيەسى شىركەتنىڭ ئۆلچىمىگە توشسا، 800 يۈەن تەمىنات بېرىلىدۇ، چۈشلۈك تاماق تەمىنلىنىدۇ؛ تۈرلەرگە قاتنىشىش سەۋىيەسىگە يەتكەن بولسا، 1200 يۈەن ئاساسى مائاش + تۈر مائاش + يوقلىما مائاش + ئىستاژ مائاشى بويىچە مۇئامىلە قىلىنىدۇ.
ئۈرۈمچى ئالماس كومپيۇتېر چەكلىك شىركىتى ئوقۇغۇچىلارنى پىراكتىكا شارائىتى بىلەن تەمىنلەيدۇ. پىراكتىكانتلارنىڭ سەۋىيەسى شىركەتنىڭ ئۆلچىمىگە توشسا، 2800 يۈەن تەمىنات بېرىلىدۇ؛ تۈرلەرگە قاتنىشىش سەۋىيەسىگە يەتكەن بولسا، 4000 يۈەن تەمىنات بېرىلىدۇ، ھەمدە تۈر مۇكاپاتى بېرىلىدۇ.
ئۈرۈمچى كومپيۇتېر ھەۋەسكارلىرى چەكلىك شىركىتى پىراكتىكا شارائىتى بىلەن تەمىنلەيدۇ. پىراكتىكانتلارغا 1500 يۈەن تەمىنات بېرىلىدۇ؛ تۈرلەرگە قاتنىشىش سەۋىيەسىگە يەتكەن بولسا، ئاساسىي مائاش (3000-10000 يۈەن + تۈر مۇكاپاتى + ئالتە خىل سۇغۇرتا + قەرەلسىز مۇكاپات + ھېيتلىق تەمىنات + يىللىق مۇكاپات + پاي ئايرىش» ئۆلچىمى بويىچە بىر تەرەپ قىلىنىدۇ.
لاياقەتلىك ئوقۇش پۈتتۈرگەن ئوقۇغۇچىلارغا ھازىرلانغان خىزمەت ئورنى ۋە تەمىناتى:
شىنجاڭ سەركار پەن-تېخنىكا چەكلىك مەسئۇلىيەت شىركىتى لاياقەتلىك ئوقۇش پۈتتۈرگەن ئوقۇغۇچىلاردىن 2-4 ئەتراپىدا خادىم قوبۇل قىلىشقا كاپالەتلىك قىلىدۇ. خادىملار رەسمىي خىزمەتكە چۈشكەندىن كېيىن، 3-5 يىللىق ئەمگەك توختامى تۈزۈلىدۇ، 3 خىل سۇغۇرتىغا قاتناشتۇرۇلىدۇ. ئايلىق مائاشى = 1200 يۈەن ئاساسى مائاش + تۈر مائاشى + يوقلىما مائاشى + ئىستاژ مائاشى بويىچە بولىدىغان بولۇپ، خادىملار قانچىلىك ئۈنۈم ياراتسا، شۇنچىلىك مائاش ئالىدۇ.
شىركەت بىلەن ئەمگەك توختامى تۈزىگەن ھەم پايچىك بولغان ئىشەنچلىك خادىملار ئىچكىرى ئۆلكىلەرگە ئۆگىنىشكە ئەۋەتىلىدۇ.
خادىملار ئۆزى قاتناشقان تۈرگە پاي ئايرىپ بېرىلىدۇ. بۇنىڭ نىسبىتىنى خادىملارنىڭ قىزغىنلىقى ھەم شۇ تۈردىكى نەتىجىسى بەلگىلەيدۇ. شىركەتنىڭ ئىشەنچىسىگە ئېرىشكەن، نەتىجىسى ۋە ئەخلاقى ياخشى، جاپاغا چىدايدىغانلار بولسا، شىركەتنىڭ ئاساسىي پېيىدىن پىرسەنت ئايرىپ بېرىلىدۇ.
ئۈرۈمچى ئالماس كومپيۇتېر چەكلىك شىركىتى لاياقەتلىك ئوقۇش پۈتتۈرگەن ئوقۇغۇچىلاردىن 6-8 ئەتراپىدا خادىم قوبۇل قىلىشقا كاپالەتلىك قىلىدۇ. 1-3 ئايغىچە سىناق مەزگىلى بولۇپ، سىناق مەزگىلىدىكى مائاشى 2800 يۈەن بولىدۇ. ئۇلار بىلەن 3-5 يىللىق ئەمگەك توختام تۈزۈلۈپ، 3 خىل سۇغۇرتىغا قاتناشتۇرۇلىدۇ. رەسمىيلەشكەندىن كېيىن ئەڭ تۆۋەن مائاشى 4000 يۈەن بولىدۇ. تۈر مۇكاپاتى، قەرەلسىز مۇكاپات، يىللىق مۇكاپات بار، ھېيت -بايراملىق ۋە باشقا تەمىناتلار بېرىلىدۇ. كېيىنكى يىللىرى ئۆسۈش ئىمكانىيىتى بار، ئۆسۈش دائىرىسى شۇ خادىمنىڭ ياراتقان قىممىتىگە باغلىق بولىدۇ.
خادىملار ھەر ۋاقىت ئۈزلۈكسىز تەربىيەلىنىپ تۇرىدۇ، ئىچكىرى ئۆلكىلەردىكى ھەمكارلاشقان شىركەتلەرگە قەرەلسىز ئەۋەتىلىپ تۇرۇلىدۇ. ئىلغار خادىملار چەتئەللەرگە ساياھەت قىلدۇرۇلىدۇ.
شىركەتتىكى ھەرقانداق خادىم ياراتقان نەتىجىسىگە قاراپ، شىركەتنىڭ پايچىكى بولالايدۇ. بارلىق خادىملارغا قارىتىلغان مۇكەممەل پايدا ئايرىش تۈزۈمى خادىملارنى ئەمگىكىگە يارىشا ئادىل نەپكە ئېرىشتۈرىدۇ.
ئۈرۈمچى كومپيۇتېر ھەۋەسكارلىرى چەكلىك شىركىتى لاياقەتلىك ئوقۇش پۈتتۈرگەن ئوقۇغۇچىلاردىن 6-8 ئەتراپىدا خادىم قوبۇل قىلىشقا كاپالەتلىك قىلىدۇ. خادىملار رەسمىي خىزمەتكە چۈشكەندىن كېيىن، ئەڭ ئاز دېگەندە ئىككى يىللىق ئەمگەك توختامى تۈزۈلىدۇ، ئالتە خىل سۇغۇرتىغا قاتناشتۇرۇلىدۇ. ئايلىق مائاشى = ئاساسىي مائاش (3000 يۈەندىن 10000 يۈەنگىچە) + ئالتە خىل سۇغۇرتا + تۈر مۇكاپاتى + قەرەلسىز مۇكاپات + ھېيتلىق تەمىنات ئۆلچىمى بويىچە بولىدۇ؛ نەتىجىسى ياخشى بولغانلارغا يىل ئاخىرىدا يىللىق مۇكاپات تارقىتىلىدۇ.
خادىملار كەسپىي جەھەتتىن داۋاملىق تەربىيەلىنىدۇ. ژۇرنال، تېلېۋىزور، رادىيو قاتارلىق ئاخبارات ۋاسىتىلىرىدا قەرەلسىز زىيارەتكە ئۇيۇشتۇرۇلۇپ، تېخنىكىلىق خىزمەتلىرى تونۇشتۇرۇلىدۇ. نەتىجىسى كۆرۈنەرلىك بولغان خادىملار ساياھەتكە ئورۇنلاشتۇرۇلىدۇ.
خادىملار شىركەتتىكى تۆھپىسىگە ئاساسەن، شىركەت پېيىغا ئېرىشەلەيدۇ. خادىملارغا ئايرىپ بېرىلىدىغان پاي ئەڭ تۆۋەن بولغاندا %1، ئەڭ يۇقىرى بولغاندا %49 بولىدۇ.
قوللىغان ئورۇنلار:
شىنجاڭ خەلق رادىيو ئىستانسىسى
«كومپيۇتېر ۋە تۇرمۇش» ژۇرنىلى
ئۈرۈمچى ئۇيغۇرسوفت يۇمشاق دېتال چەكلىك شىركىتى
شىنجاڭ ئىزدىنىش تور تېخنىكا چەكلىك شىركىتى
شىنجاڭ ئۇلىنىش تور تېخنىكا چەكلىك شىركىتى
نۇرقۇت ئەترىتى
روھلان تور بېكىتى
قۇتيار تورى
(قوللىغان ئورۇنلارنىڭ تىزىملىكى داۋاملىق كۆپەيتىلىدۇ.)
تىزىملاش ئورنى: ئۈرۈمچى شەھىرى يەنئەن يولى 154-نومۇر جىلى سودا ئىشلىرى بازىسى 3-قەۋەت 37-ئىشخانا
تور بېكەت ئادرېسى: http://www.xjcfan.com
تېلېفون نومۇرى: 8554814 / 8554813-0991
مۇلازىمەت QQ نومۇرى: 834480060
يان تېلېفون: 13999947028
ئالاقىلەشكۈچى: ئەمەتجان رۇسۇل
ئېلخەت: xjcfan@sina.com
ئۈرۈمچى كومپيۇتېر ھەۋەسكارلىرى ئېلېكتىرون پەن-تېخنىكا چەكلىك شىركىتى
2014-يىلى 7-ئاينىڭ 25-كۈنى
مەنبە: http://bbs.xjcfan.com/thread-4081-1-1.html http://bbs.xjcfan.com/data/attachment/forum/201407/25/020926bb9c3em90599cps3.png
ئۇچۇر تورى iOS ئەپىدىن بىر كۆرۈنۈش (يالقۇن مۇھەممەد تۈزگەن)
http://bbs.xjcfan.com/data/attachment/forum/201407/25/020928t0jvzjii0ijtm4ui.png
ئۇچۇر تورى iOS ئەپىدىن بىر كۆرۈنۈش (يالقۇن مۇھەممەد تۈزگەن)
http://bbs.xjcfan.com/data/attachment/forum/201407/25/020932bulzmsmbsjjnhbu7.png
نۇر تورى iOS ئەپىدىن بىر كۆرۈنۈش (يالقۇن مۇھەممەد تۈزگەن)
http://bbs.xjcfan.com/data/attachment/forum/201407/25/020934mb3zme0m3b7ew92t.png
نۇر تورى iOS ئەپىدىن بىر كۆرۈنۈش (يالقۇن مۇھەممەد تۈزگەن)
http://bbs.xjcfan.com/data/attachment/forum/201407/25/020937akmzzcabuaajauua.png
نۇر تورى iOS ئەپىدىن بىر كۆرۈنۈش (يالقۇن مۇھەممەد تۈزگەن)
http://bbs.xjcfan.com/data/attachment/forum/201407/25/020939bwi0wo90wwfocbjr.png
نۇر تورى iOS ئەپىدىن بىر كۆرۈنۈش (يالقۇن مۇھەممەد تۈزگەن)
http://bbs.xjcfan.com/data/attachment/forum/201407/25/0209401mtocz8s9ii9zl9o.png
ئۇلىنىش تورى iOS ئەپىدىن بىر كۆرۈنۈش (يالقۇن مۇھەممەد تۈزگەن)
http://bbs.xjcfan.com/data/attachment/forum/201407/25/020942dk4ns404xx5wqndd.png
ئۇلىنىش تورى iOS ئەپىدىن بىر كۆرۈنۈش (يالقۇن مۇھەممەد تۈزگەن)
http://bbs.xjcfan.com/data/attachment/forum/201407/25/020939bwi0wo90wwfocbjr.png
ئۇلىنىش تورى iOS ئەپىدىن بىر كۆرۈنۈش (يالقۇن مۇھەممەد تۈزگەن)
http://bbs.xjcfan.com/data/attachment/forum/201407/25/0209467pa4waio7jpbxbis.png
ھاۋارايى iOS ئەپىدىن بىر كۆرۈنۈش (يالقۇن مۇھەممەدنىڭ شاگىرتى تۈزگەن)
http://bbs.xjcfan.com/data/attachment/forum/201407/25/020950dbtp4zecraeaeeze.jpeg
ھاۋارايى iOS ئەپىدىن بىر كۆرۈنۈش (يالقۇن مۇھەممەدنىڭ شاگىرتى تۈزگەن) سىنىپ ئادرېسى: ئۈرۈمچى شەھىرى تەڭرىتاغ رايونى يېڭى ئاۋات يولى 35-نومۇر بېيگو چۇنچېڭ (北国春城) ئولتۇراق رايونى 3-بىنا 30-قەۋەت 3008-ئىشخانا
http://bbs.xjcfan.com/data/attachment/forum/201404/06/1232544t19n3nia4cng4qz.jpg
http://bbs.xjcfan.com/data/attachment/forum/201404/22/122326m7nxluwksu7sjij7.jpg
http://bbs.xjcfan.com/data/attachment/forum/201404/22/1223314k1hz2p4os28sih4.jpg
http://bbs.xjcfan.com/data/attachment/forum/201404/22/1223435td50kf5tf6ctfv5.jpg
http://bbs.xjcfan.com/data/attachment/forum/201404/22/1223593l2zaz7psgaycyga.jpg
http://bbs.xjcfan.com/data/attachment/forum/201404/22/122404xx3cca5x5384ot65.jpg
http://bbs.xjcfan.com/data/attachment/forum/201404/22/122409e6um1n66namnu34n.jpg
http://bbs.xjcfan.com/data/attachment/forum/201404/22/1224152de2ftjr9kkyoyff.jpg
مۇۋاپىق كۆرگەنلەرنىڭ بۇ ئۇچۇرنى تارقىتىپ بېرىشىنى ئۈمىد قىلىمىز.
بەت:
[1]