بابۇر شىئىرلىرىدىن نەمۇنە
كىم كورۇبتۇر، ئېي كوڭۇل، ئەھلى جەھاندىن يەخشىلىغ،كىمكى ئاندىن يەخشى يوق، كوز تۇتمە ئاندىن يەخشىلىغ.
بۇ زەماننى نەفئى قىلسەم ئەيب قىلمە، ئېي رەفىق،
كورمەدىم ھەرگىز، نېتەيىن، بۇ زەماندىن يەخشىلىغ.
دىلرەبالەردىن يامانلىق كېلدى مەھزۇن كوڭلۇمە،
كېلمەدى جانىمغە ھېچ ئارامى جاندىن يەخشىلىغ.
ئېي كوڭۇل، چۇن يەخشىدىن كوردۇڭ يامانلىغ ئەسرۇ كوپ،
ئېمدى كوز تۇتماق نې يەئنى ھەر ياماندىن يەخشىلىغ.
بارى ئېلگە يەخشىلىغ قىلغىلكى، مۇندىن يەخشى يوق
كىم، دېگەيلەر دەھر ئەرا قالدى فەلاندىن يەخشىلىغ.
يەخشىلىغ ئەھلى جەھاندە ئىستەمە بابۇر كىبى،
كىم كورۇبتۇر، ئېي كوڭۇل، ئەھلى جەھاندىن يەخشىلىغ.
**************چەرخنىڭ مېن كورمەگەن جەبرۇ جەفاسى قالدىمۇ؟!
خەستە كوڭلىم چېكمەگەن دەردۇ بەلاسى قالدىمۇ؟!
مېنى خار ئېتتى-يۇ قىلدى مۇددەئىنى پەرۋەرىش،
دەھرى دۇنپەرۋەرنىڭ ئوزگە مۇددەئاسى قالدىمۇ؟!
مېنى ئولتۇردۇ جەفائى جەۋر بىرلە ئۇل قۇياش،
ئېمدى تۇرگۇزمەك ئۇچۇن مېھرۇ ۋەفاسى قالدىمۇ؟!
ئاشىق ئولغاچ كوردىم ئولىمنى ئوزىمگە، ئېي رەفىق،
ئوزگە كوڭلىمنىڭ بۇ ئالەمدە ھەراسى قالدىمۇ؟!
ئېي كوڭۇل، گەر بابۇر ئۇل ئالەمنى ئىستەر، قىلمە ئەيب،
تېڭرى ئۇچۇن دې بۇ ئالەمنىڭ سەفاسى قالدىمۇ؟!
*********************************************
يار يۇزۇمنى كورۇب دەردۇ غەمىم بىلسە كېرەك،
يۇز كورۇب دەردۇ غەمىم چارەسىنى قىلسە كېرەك.
ئېي سەبا، جانۇ كوڭۇلنى ئوزىنىڭ چۇن قىلدى،
كوڭلى بىرلە دېگەسېن جانى ئۇچۇن كېلسە كېرەك.
ۋەسلىنى نې قىلەيىن غەيردىن ئەيرىلمەدى ھېچ،
يار ۋەسلى مېنگە، ئۇ ئەغياردىن ئەيرىلسە كېرەك.
ۋەسلىنىڭ قەدرىنى چۇن بىلمەدى بۇ تېلبە كوڭۇل،
ھەجرىنىڭ تىيغى ئەنىڭ يۇرەگىنى تىلسە كېرەك.
شۇكر بابۇرنى بىلۇرمېن دېگەن ئېرمىش ئۇل ئاي،
لاجەرەم بەندەلەرىن شاھلەرى بىلسە كېرەك.
********************************************
رۇبائىيلەر
ھەر كىمكى ۋەفا قىلسە ۋەفا تاپگۇسىدۇر،
ھەر كىمكى جەفا قىلسە جەفا تاپگۇسىدۇر،
يەخشى كىشى يامانلىغ كورمەگەي ھەرگىز،
ھە كىمكى يامان بولسە جەزا تاپگۇسىدۇر!
* * *
ياد ئېتمەس ئېمىش كىشىنى غۇربەتدە كىشى،
شاد ئېتمەس ئېمىش كوڭۇلنى مېھنەتدە كىشى.
كوڭلىم بۇ غەرىبلىكدە شاد ئولمەدى، ئاھ،
غۇربەتدە سېۋىنمەس ئېمىش، ئەلبەتتە، كىشى
―مەنبە نەمۇنە ئۆزبىك تورى
http://www.namuna.net/?p=471 زەھىرىددىن مۇھەممەد بابۇر تەۋەللۇدىنىڭ 531 يىللىگىنى خاتېرلەيمىز.
http://www.namuna.net/?s=%D8%A8%D8%A7%D8%A8%DB%87%D8%B1 ئەسسەلامۇ ئەلەيكۇم باشقەرۇۋچىلەر يەقىندە يوللەگەن تەندىر ھەقىدە(ئۇيغۇرچە:تونۇر ھەققىدە)گى تېمام نىمەگە تەسدىقلەنمىدى؟ بۇ شېئىرلار چاغاتاي تىلىدىكى ئەسلى ئىملاسىدىمۇ ياكى ھازىرقى زامان ئۆزبېك تىلىنىڭ ئىملاسىدىمۇ؟
بەت:
[1]