قوش تىل يەسلىلىرىنىڭ مائارىپ سۈپىتىنى تەكشۈرۈش دوكىلاتى ئېلان قىلىندى[تەرجىمە]

hanjar01 يوللانغان ۋاقتى 2013-9-20 10:12:05

قوش تىل يەسلىلىرىنىڭ مائارىپ سۈپىتىنى تەكشۈرۈش دوكىلاتى ئېلان قىلىندى[تەرجىمە]

قوش تىل يەسلىلىرىنىڭ مائارىپ سۈپىتىنى تەكشۈرۈش دوكىلاتى ئېلان قىلىندى. 16-سىنتەبىر مۇخبىرنىڭ ئاپتونۇم رايونلۇق مائارىپ نازارىتىدىن ئىگىلىشىچە، دوكىلاتتا قوش تىللىق يەسلىدىكى بالىلارنىڭ 40% نىڭ خەنزۇتىلىدا ئاڭلاش، سۆزلەش ئىقتىدارىنى ئاساسەن ھازىرلىغانلىقى، خەنزۇتىلىدىن پايدىلىنىپ كۈندىلىك ئادەتتىكى دىئالوگلارنى ئېلىپ بارالايدىدىغانلىقى كۆرسىتىلگەن.

تونۇشتۇرۇلۇشچە، بۇ قېتىملىق تەكشۈرۈشتەپۈتۈن شىنجاڭدىكى 19 شەھەر ناھىيىدىن 70 يەسلى 3879 نەپەر بالىنى تاللاپ تەكشۈرۈش ئېلىپ بېرىلغان. بالىلارنىڭ خەنزۇتىلىدا ئېغىزاكى سۆزلىشىش ئىقتىدارى ئاساس قىلىنىپ، سانلارنى تونۇش ئىقتىدارى، ئىجتىمائىي ئالاقە ئىقتىدارى قوشۇمچە قىلىنىپ تەكشۈرۈلگەن.

بۇ قېتىملىق تەكشۈرۈش نەتىجىسىدىن مەلۇم بولىشىچە، ھازىر %9.5 بالا 3-دەرىجىدە (دەسلەپكى سەۋىيىدىكى خەنزۇتىلى ئاڭلاش، سۆزلەش ئىقتىدارىنى ھازىرلىغان) ،% 28.1بالا 2-دەرىجىدە (خەنزۇتىلى ئاڭلاش، سۆزلەش ئىقتىدارىنى ئاساسەن ھازىرلىغان) ئىكەن. كۆپ سانلىق بالا بۇ قېتىملىق تەكشۈرۈشكە ماسلاشقان، تەكشۈرگۈچى خادىم تەكشۈرۈشنى ئاياغلاشتۇرغاندىن كېيىن، بالىلار بىر خىل يېقىنچىلىقنى ئىپادىلىگەن، بۇ بالىلارنىڭ خەنزۇتىلىدىن پايدىلىنىپ باشقىلار بىلەن مۇناسىۋەت قىلىشنى خالايدىغانلىقىنى بىلدۈرىدۇ.

تەكشۈرۈش دوكىلاتىدىن مەلۇم بولىشىچە، يەسلىدىكى خەنزۇ ئوقۇتقۇچىلارنىڭ سانى بىلەن بالىلارنىڭ خەنزۇتىلىدا سۆزلەش، ئاڭلاش ئىقتىدارى ئوڭ تاناسىپ بولغان؛ شىمالى شىنجاڭدىكى بالىلارنىڭ نۇمۇرى جەنۇبىي شىنجاڭدىكى بالىلاردىن يۇقىرى بولغان، لېكىن پەرق بەك چوڭ ئەمەس.

نۆۋەتتە رايونىمىزدا قوش تىللىق يەسلى 2500 ئەتراپىدا بولۇپ، قوش تىللىق ۋە خەن زۇۋانلىق يەسلىدە ئوقۇۋاتقان بالىلارنىڭ سانى 42.61 تۈمەن، بۇ سان مەكتەپكە كىرىش ئالدىدىكى ئاز سانلىق مىللەت باللىرىنىڭ %92.01 نى ئىگەللەيدۇ.

مەنبەسى: http://www.xinjiang.gov.cn/xxgk/zwdt/2013/225723.htm

بۇنى تۈنۈگۈن مىكروبىلوگدا كۆرگەن قارىسام ئۇيغۇرچە خەۋەر تور بەتلىرىدە بۇ توغرىلىق خەۋەر يوقكەن، شۇنىڭ بىلەن مۇنداقلا تەرجىمە قىلىپ باقتىم، سىلەرمۇ كۆرۈپ باقاسىلە. بۇ مېنىڭ تۇنجى قېتىم خەۋەر تەرجىمە قىلىپ بېقىشىم شۇڭا كەمچىلىكلەر بولسا كۆرسىتىپ قوياسىلە.

Bayawan يوللانغان ۋاقتى 2013-9-20 11:49:36

خەڭسۇچىنى ياخشى ئۆگىنىڭلار، بولمىسا بالاڭلارنىڭ نەۋرەڭلەرنىڭ گېپىنى چۈشەنمەي قېرىغاندا يالغۇز قالىسىلەر

mustapa يوللانغان ۋاقتى 2013-9-20 11:52:42

بالىلارنىڭ ئۇيغۇرچە سۆزلەش ئىقتىدارىنى باھالىغاندە تۆۋەنلەپ كەتكەنلىكى ئېنىق .ئۆتكەندە بىر يەردە ‹‹قوشتىل››دا ئوقۇيدىغان 10 ياشلاردىكى بالا كالىنىڭ تېرىسىنى ئۇيغۇرچە دىيەلمەي خەنچە دېگەندە چوڭلار كۈلۈپ كەتتى ئەسلىدە ئۇلار ئاشۇ چوپچوڭ بالىنىڭ تېرە دېگەن گەپنى بىلمىگەنلىكىدىن نومۇس قىلىپ يىغلىشى كېرەك ئىدى .بۇنداق مىساللار نۇرغۇن ...قىسقىسى ئەمدى ئاتا ئانىلارنىڭ ھەقىقى ساپاسىنى سىنايدىغان پەيت كەلدى .

mayhana يوللانغان ۋاقتى 2013-9-20 13:35:28

ئۇيغۇرلاردىن يەرلىك ئاتالغۇ تىل سىناش ئىمتىھانى ئالسا كۆپ قىسىم ئادەملەر ئۈتەلمەيدۇ دەپ ئاڭلايمەنغۇ

perwazqil يوللانغان ۋاقتى 2013-9-20 14:32:23

بالام بالىلار باغچىسىنىڭ چوڭ سىنپىغا چىقتى ، لىكىن ئۇيغۇر مۇئەلىلىمنى قىسقارتىۋىتىپتۇ، نىمە ئۇچۇنلىكنى سورىسام بالىلارنىڭ خاڭسوچە سەۋيىسنى يۇقرى كوتۇرۇش ئۇچۇن دەيدۇ، ھىلمۇ ئېلىپبە ساۋادىنى چىقرىپتىكەنمەن ، شۇكرى،،،،،،،،...........

function يوللانغان ۋاقتى 2013-9-20 14:35:26

تاڭ ئاتماس كېچە، ئاياغلاشماس چۈش يوق.

jangqi19 يوللانغان ۋاقتى 2013-9-20 16:21:12

باللارنى يەسلىگە بەرمىسە كىيىن مەكتەپكە زادى ئالماسمۇ ؟

Bidar-Qutlan يوللانغان ۋاقتى 2013-9-20 17:51:39

ئىشىنىمەنكى، مۇشۇ ئوماقلار قورامىغا يېتىپ، ئائىلە قۇرۇپ بوۋاقلىق بولغاندا، ياشانغانلار ساناتورىيسى چوقۇم تەرەققىي قىلىپ كېتىدۇ، بىزنىڭ زامانىمىزدىكىدىن ئۆزگۈرۈش ناھايىتى چوڭ بولىدۇ.

tiznap123 يوللانغان ۋاقتى 2013-9-20 19:13:37

يۇرتقابارسام تۇققانلارنىڭ كىچىك بالىلرىنىڭ‹‹لىيا ڭ جى لاۋخۇپادى كۇەي››دەپ يۇرۈشلىرىنى كۆرگەندەيۈرەكلىرىم ئېچىشىپ كېتىدۇ $\"\"$

imtiyaz يوللانغان ۋاقتى 2013-9-20 20:31:18

مەجبورى يىزىلغان لىقىدا مەسلە يوققۇ ۇ ماقالىنىڭ

aman121 يوللانغان ۋاقتى 2013-9-22 19:55:05

5- قەۋەتتىكى functionنىڭ يازمىسىدىن نەقىل

تاڭ ئاتماس كېچە، ئاياغلاشماس چۈش يوق.

ئەگەشتىم.

esir يوللانغان ۋاقتى 2013-9-22 22:07:20

ئالاھىدە كۈچ سەرپ قىلىپ تەييارلانغان ساختا نەقمەيداننى تەكشۈرسە ھېلىمۇ 100 پىرسەنت چىقمىغىنىدىن ھەيران قالسا بولىدۇ.

شۇ نەتىجىگە ئىشىنىپ يۈرىدىغان دەلتىلەر باشلىق بولىدۇ دېسە ئىشەنمەيمەن، ئەمەلىي ئەھۋالنى ئۇلار چوقۇم بىلىدۇ…

esir يوللانغان ۋاقتى 2013-9-22 22:08:19

بەت: [1]

ئىزدىنىش تور بېكىتى

قوش تىل يەسلىلىرىنىڭ مائارىپ سۈپىتىنى تەكشۈرۈش دوكىلاتى ئېلان قىلىندى[تەرجىمە]