ئىزدىنىش مۇنبىرى › بىر سوم پىلانى مەخسۇس سەھىپىسى › ئەلۋىدا مەھەلەم ،خەيىر قوشنىلار (ۋاپادارىم912)

wapadarim912 يوللانغان ۋاقتى 2012-12-15 10:00:46

ئەلۋىدا مەھەلەم ،خەيىر قوشنىلار (ۋاپادارىم912)

ئۆي كىتىپ ھەر يانلارغا تاراپ كەتتۇق ،

چىرىقى ئۆچتى گۈزەل مەھەلەمنىڭ .

قوللاردا باغلام -باغلام پۇل بولسىمۇ ،

يۈرىگى پىژىلدىدى بارچىمىزنىڭ .

باغ كەبى كوچىلاركەن ،ئەسنى بىلسەك ،

بوۋىلار بىللە كۆچەت تىككەن ئىكەن .

قايغۇغا خوشاللىققا جۆر بولۇشۇپ ،

قوشنىلار ئىجىل-ئىناق ئۆتكەن ئىكەن .

يازلىرى ئېرىقلاردا ئويناقلىشىپ ،

قىرلاردا دوسىتلار بىلەن قوي باقاتتۇق .

قىش كۈنى كۆك مۇز چايناپ چانا ئويناپ ،

ياسىغان لەگلەكلەرنى ئۇچۇراتتۇق .

شاھىدى تالاي ئوتلۇق قەسەملەرنىڭ ،

لەگلەكنى ئىلىۋالغان ئاق تېرەكلەر .

شېخىدا بۇت بۇت چالغان مەجنۇنتالغا ،

ئويۇلغان تالاي ئىسىم ،قوش يۈرەكلەر ..

نان ياقسا ئانام ھەر چاغ تەييار ئىدى ،

قوشنىسى دۇت ئەتكۈلى ،نان ياققۇلى .

ئاتاممۇ چىقار ئىدى مېنى باشلاپ ،

قوشنىلار ئۆيلىرىگە تال كۆمگىلى ...

ئاھ ئەمدى كۆرەلمەيمەن مەھەلەم يوق ،

مەسچىتتىن توپ توپ يانغان بوۋايلارنى .

سەھەردە  كوچىلارنى سۆيۈپ تاراپ ،

سۇ سېپىپ يول سۈپۈرگەن مومايلارنى .

تۆت تامغا* قاراپ دادام قايناپ كەتتى ،

مەھەلە -ئەمدى ئىزلەپ تاپالمايمىز .

ئاناممۇ يىغلاپ كەتتى قوشنىلار دەپ ،

تويلارغا كوللىكتىپ نان ياقالمايمىز ...

يوق ئەمدى مەھەلىلەر ،توپا يوللار ،

ئورنىغا چۈشەر رەت -رەت ئېگىز بىنا .

"شاۋچۈ"دەپ تىلى چىقار بالىلارنىڭ ،

بۇ ئۇقۇم يوقىلىدۇ ئاستا-ئاستا ...

ئەلۋىدا بالىلىقىم ئۆتكەن مەھەلەم ،

خەيىر-خوش تۇغقان كەبى قۇلۇم- قوشنا .

ئىزدىشىپ تۇرىشايلى نەدە بولساق ،

سىلەرگە دادام تەشنا ،ئانام تەشنا !

ئەسكەرتىش ؛

تۆت تام -بىنا كۆزدە تۇتىلىدۇ

شىڭلۇڭ شەھرىدە   يېزىلىپ بېقىلدى ...

wapadarim912 يوللانغان ۋاقتى 2012-12-15 10:27:27

tanhatikin يوللانغان ۋاقتى 2012-12-15 10:45:16

بىنا ئۆينىڭ ئىشىكىنى گۆم قىپ ياپىمىز ،خوشنىمۇ شۇ...بۇرۇن شەھەرلەرنى شۇنداق دېيىشەتتۇق،مانا ئەمدى ناھيەلەر،ھەتتا يېزىلارمۇ مۇشۇنداق بوپ كەتتى...

kuwruk يوللانغان ۋاقتى 2012-12-15 11:18:27

ئەلۋىدا تۇخۇلار. ئەلۋىدا قۇزام .

ئورۇن يوق پاتمايسەن

ئەمدى ھۇيلىغا

يەر ئاستى ئۇيۇمگە

چۇشمەس كۇن نۇرى

بالكۇندا شۇمشىيەي

يالغۇز كەپتىرىم

ھەتتا كۇرۇنمەس

تۇلونئاي نۇرى...  {:90:}

yollugh يوللانغان ۋاقتى 2012-12-15 13:28:50

يېڭى رەھبەرلەر شەھەرلەشتۈرۈشنى GDP نى ئاشۇرۇشتىكى يېڭى ئېشىش نوقتىسى دەپ بىكىتتى. مەھەللىلىرىمىز، شۇنىڭدىن كىيىن ئەنئەنىۋى ئىگىلىك ۋە ئۆرىپ-ئادەتلىرىمىزگە كېلىدىغان تەھدىت بارغانسىرى كۆپىيىۋاتىدۇ. مەھەللىلىرىمىز ئامان بولغاي ...



ئۆيى قەغەز پۇلغا ئايلىنىپ قالغان ئاشۇ دىھقانلارغا پۇلىنى قانداق خەجلەپ، ئەتىكى شەھەر تۆۋەن قاتلام پۇقرالىرىدىن بولۇپ قالماسلىقنى ئۆگىتىدىغان بىلىم بەكلا كەمچىل، دىھقانلىرىمىز ئامان بولغاي ...

totem يوللانغان ۋاقتى 2012-12-15 15:29:23

شەھەرلىشىش دولقۇنى بىلەن تەڭلا ماشنا جىقلاپ كىتىۋاتىدۇ.يەنە 10-20يىلدىن كېيىن بىنالارنى چېقىپ قايتىدىن «دىشاشى»دا ماشنا توختۇتۇش ئورنى قۇرۇشقا يۈزلەنمىسىلا بۇلاتتىغۇ.

吐鲁番的葡萄哈密的瓜新疆的公路天天挖

hiyalqi يوللانغان ۋاقتى 2012-12-15 16:16:17

قالتىس شېئېرلار ئىكەن ، ئادەمنىڭ كۆزىگە يىغا ياماشتۇرۇدىغان

wapadarim912 يوللانغان ۋاقتى 2012-12-15 19:51:38

سېنى شەھەر يەپ كېتىپتۇ ياقۇپ ،دېدى ئەسمەتخان .....

peshpayi يوللانغان ۋاقتى 2012-12-15 22:30:06

سىزمۇ شائىر بولۇشقا ئازلا قاپسىز .

alwasti يوللانغان ۋاقتى 2012-12-15 22:49:29

بۇ مەھەللە چېقىلغۇدەك  دەيدىغان بىر تېما بولىدىغان 7-8 يىل بۇرۇن، سەلكىندە.

yolyar يوللانغان ۋاقتى 2012-12-16 20:03:32

يىراقتىكى تۇققاندىن يېقىندىكى خوشنا ئەلا.

تېمىمۇ ئەلا

kasimpalgan يوللانغان ۋاقتى 2012-12-16 20:27:09

مىنىڭمۇ مەھەللەمنى كەلگۇسىدە، پەرزەنتلىرىمگەسۆزلەپ بەرگۇم بارئىدى.  ھازىر سۆزلەپ بەرگۇدەك ھىچ نەرسەقالمىدى

Kanji يوللانغان ۋاقتى 2012-12-17 09:23:12

ئەلا!

zapar يوللانغان ۋاقتى 2012-12-17 13:52:38

يېزىلاردا قوي باققاننىڭ، مەھەللىدىكى بالىلار بىلەن غورا ئوغرلاپ، سۇغا چۈمۈلۈپ، ئويۇنچۇقلارنى ئۆزىمىز ياساپ، چالما جەڭ ئويناپ، تىپشمەكتە پەشۋا يەپ، ئۇشۇق ئېتىپ، قىشلىقى كانكى تېيىلىپ يۈرگەنلكىمىزنى دەپ بەرسەم بالام ئەپسانىلەرنى ئاڭلىغاندەك ئولتۇرىدۇ تۆت تام ئىچىدە.

alif يوللانغان ۋاقتى 2012-12-17 16:17:36

تەرەققىيات ئۇيغۇر جەمىئىيتىگە بەك زور ئىجابى تەسىر ئېلىپ كەلدى. ئاپتوموبىل، توي قىلغان ۋە قىلىش ئالدىكى ھەرقانداق بىر ئادەم شەھەردە بولسا ئاۋۋال ئۆي ئېلىشى ئاندىن مۇقىم بولغان خىزمەت ئورنىغا كېيىن ئۆيلىنىش(ئۆزنى باقالمىغان ئوغۇل بالىغا بىكارغا تېگىدىغان قىزمۇ يوقتۇ ھەقىچان)، ئاندىن سەپەرگە چىقسا قولاي ئائىلە ئاپتوموبىلى، ئاندىن ئاممىۋىي مۇناىسۋەت، ئۇندىن قالسا ئۇرۇق تۇققان ۋە دوستلار ئارا مۇناىسۋەتكە دىققەت قىلىش . ھەربىر ھەتتا يەتتە ياشتىن 70 ياشقىچە ھەممە يلەننىڭ قولدا بىردىن يانغۇن(كوتكوت، ئۈندىدار لار سەپلەنگەن) ئېسىل كېيىم كىچەك.

سەلبىي تەرپى، مەيلى سىز قانداق ئۆيگە كېرىڭ ياكى كېرمەڭ چوقۇم ئەڭ ئاۋۋا يانفۇننى ياقچۇقتىن ئېلىپ تەييار بولسز، لېكىنزە سالاملىشىش ئاخىرلاشتى ھەممەيلەن پۈتۈن دىققىتى بىلەن يانفۇندا يۈزتۇرانە ديشەلمىگەن گەپلەرنى كوتكوت ياكى ئۈندىدار ئارقىلىق ديشىدۇ. ئۇنى بىلمىگەن چوڭلار تېلېۋىزۇر كۆردۇ، بىراق .........................

alif يوللانغان ۋاقتى 2012-12-17 16:20:28

يەنە، يېزىلاردا ئەنئەنىگە ۋارىسلىق قىلىدىغان ئىزچىلارچۇ؟

تەرەققىيات.................

wapadarim912 يوللانغان ۋاقتى 2012-12-18 22:24:25

مەھەلەمگە ھەر بارسام بالا ۋاقىتلاردا ئوينالغان ئادەم تېپىش ئويۇنى ،يولدا مەڭگەن ئارىسىغا يالغان ئادەم ياساپ ئۆتكەن كۆچكەن چوڭلارنى ئاخماق قىلغان شۇ ...ئىشلار ئېسىمگە كېلىدۇ ،مەھەلىدىكى ئۆيلەرنىڭ ئۆگىزىسى بارغانچە كىچىكلەپ پاكارلاپ كېتىۋاتقاندەك ھېس قىلىمەن ....

mehman يوللانغان ۋاقتى 2012-12-28 23:13:50

ھەي ۋاپادارىم ھازىرقى مەسلىلەرگە قايتايلى بۇلدى.

نىمىشقا بىر سۇم پىلانىنىڭ كەلگۈسىنى قانۇنلاشتۇرۇپ (ئىلگىرلەردە ukji دىن كۆرگەن گەپ ھە) ھاياجان بىلەن قاملاشتۇرۇپ ،تېلۋىزيەگە تاپشۇرۇپ بىر سوم پىلانىنىڭ ئېلانىغا كۈچەپ ئۈنىمىنى ئاشۇرمايمىز .....؟





پايپاق ئېلانلىرىنى كۆرگۈچە سۇغۇقتا توڭلاپ تىتىرگەنلەرنى كۆرگەن بۇلسام قەلبىم ئىللپ 100 سوم سالار ئىدىمغۇ مەن .باشقىلار خۇرجۇنى ئاتسا .

: ئەلۋىدا مەھەلەم ،خەيىر قوشنىلار (ۋاپادارىم912)