شىنخۇا ئاگېنتلىقى . چېڭدۇ . 19 – سېنتەبىر تېلېگراممىسى . سىچۇەن ئۆلكىسى چېڭدۇ شەھەرلىك ئوتتۇرا خەلق سوت مەھكىمىسى 17 – سېنتەبىردىن 18 – سېنتەبىرگىچە ۋاڭ لىجۈننىڭ شەخسىي غەرەز بىلەن قانۇننى بۇزۇش ، ئاسىيلىق قىلىپ قېچىش ، خىزمەت ھوقۇقىدىن قالايمىقان پايدىلىنىش ، پارا ئىلىش جىنايىتىگە قانۇن بويىچە 1 – سوتتا قاراپ چىقتى .

خەلق تەپتىش مەھكىمىسى سوتتا ئالاقىدار دەلىل – ئىسپاتلارنى كۆرسەتتى . ۋاڭ لىجۈن ھاۋالە قىلغان ئىككى ئادۋۇكات ئۇنى ئاقلىدى . سوت باشقا كۈنى ھۆكۈم چىقىرىدىغانلىقىنى ئېلان قىلدى .

چۇڭچىڭ شەھرىنىڭ سابىق مۇئاۋىن باشلىقى ۋاڭ لىجۈن بۇ يىل 6 – فېۋرالدىن 7 – فېۋرالغىچە ئامېرىكىنىڭ چېڭدۇدىكى باش كونسۇلخانىسىغا ئۆز بىشىمچىلىق بىلەن كىرىۋىلىپ ، دۆلەت ئىچى ۋە سىرتىدا يامان تەسىر پەيدا قىلدى . ۋەقەدىن كېيىن ، تەھقىقلىگۈچى ئورگان قانۇن بويىچە تەكشۈردى . 30 – ئىيۇن مەملىكەتلىك خەلق ۋەكىللەر قۇرۇلتىيى دائىمى كومىتېتىنىڭ ئۇقتۇرۇشىغا ئاساسەن ، ۋاڭ لىجۈننىڭ 11 – نۆۋەتلىك مەملىكەتلىك خەلق قۇرۇلتىيىنىڭ ۋەكىللىك سالاھىيىتى قانۇن بويىچە بىكار قىلىندى .

چېڭدۇ شەھەرلىك دۆلەت خەۋىپسىزلىك ئىدارىسى بۇ يىل 22 – ئىيۇل چېڭدۇ شەھەرلىك خەلق تەپتىش مەھكىمىسىنىڭ تەستىقلىشى بىلەن ، ۋاڭ لىجۈننى ئاسىيلىق قىلىپ قېچىش جىنايىتى گۇمانى بىلەن قولغا ئالدى . تەھقىقلەش خىزمىتى 2 – ئاۋغۇست ئاخىرلاشقاندىن كېيىن ، ۋاڭ لىجۈن دىلوسىنى چېڭدۇ شەھەرلىك خەلق تەپتىش مەھكىمىسىنىڭ ئەيىپلىشىگە سۇندى . ئەنخۈي ئۆلكىسى خېفىي شەھەرلىك خەلق تەپتىش مەھكىمىسى ئالىي خەلق سوت مەھكىمىسىنىڭ بىكىتىپ بىرىشى بىلەن ، ۋاڭ لىجۈننىڭ شەخسىي غەرەز بىلەن قانۇننى بۇزۇش جىنايىتىنى تەھقىقلەشنى ئاخىرلاشتۇرغاندىن كېيىن ، 2 – ئاۋغۇست چېڭدۇ شەھەرلىك خەلق تەپتىش مەھكىمىسىنىڭ ئەيىبلىشىگە سۇندى . سىچۇەن ئۆلكىلىك خەلق تەپتىش مەھكىمىسى ئالىي خەلق تەپتىش مەھكىمىسىنىڭ بېكىتىپ بىرىشى بىلەن ، ۋاڭ لىجۈننىڭ پارا ئىلىش ، خىزمەت ھوقۇقىدىن قالايمىقان پايدىلىنىش دېلوسىنى تەھقىقلەشنى ئاخىرلاشتۇرغاندىن كېيىن ، ئايرىم – ئايرىم 8 – ئاۋغۇست ۋە 1 – سېنتەبىر چېڭدۇ شەھەرلىك خەلق تەپتىش مەھكىمىسىنىڭ ئەيىبلىشىگە سۇندى .

چېڭدۇ شەھەرلىك خەلق تەپتىش مەھكىمىسى 5 – سېنتەبىر ۋاڭ لىجۈننىڭ جىنايىتىنى قانۇن بويىچە ئەيىبلىدى . چېڭدۇ شەھەرلىك ئوتتۇرا خەلق سوت مەھكىمىسى دېلونى قانۇن بويىچە قاراپ چىقتى .

ۋاڭ لىجۈننىڭ ئاسىيلىق قىلىپ قېچىش ، خىزمەت ھوقۇقىدىن قالايمىقان پايدىلىنىش دېلوسىنى دۆلەت مەخپىيەتلىكىگە چېتىشلىق بولغاچقا ، 17 – سېنتەبىر قانۇن بويىچە ئوچۇق سوت ئېچىلمىدى ، بىراق ئۇنىڭ پارا ئىلىش ، شەخسىي غەرەز بىلەن قانۇننى بۇزۇش دىلوسىغا 18 – سېنتەبىر قانۇن بويىچە ئوچۇق سوت ئېچىلدى . چېڭدۇ شەھەرلىك ئوتتۇرا خەلق سوت مەھكىمىسىنىڭ ئۈچ سودىيەسىدىن كېڭەشمە سوت تەشكىللەندى . بۇنىڭ ئىچىدە مەھكىمىنىڭ مۇئاۋىن باشلىقى جۇڭ ئېرپۇ باش سودىيەلىكنى ئۈستىگە ئالدى . چېڭدۇ شەھەرلىك خەلق تەپتىش مەھكىمىسىنىڭ مۇئاۋىن باش تەپتىشى ۋاڭ شىن قاتارلىق ئۈچ پىروكۇرور سوتقا چىقىپ ئەيىبلەشنى قوللىدى . جاۋابكارنىڭ ئۇرۇق – تۇققانلىرى ، تاراتقۇلارنىڭ مۇخبىرلىرى ، خەلق قۇرۇلتىيى ۋەكىلى ، سىياسىي مەسلىھەت كىڭەش ئەزالىرى ۋە قىسمەن ئامما سوتنى سىرىتتىن ئاڭلىدى .

جاۋابكار ۋاڭ لىجۈن 1959 – يىلى 26 – دېكابىر تۇغۇلغان بولۇپ ، ئىچكى موڭغۇل ئاپتونۇم رايونىنىڭ ئائىرشەن شەھرىدىن . لياۋنىڭ ئۆلكىسى جىنجۇ شەھەرلىك ج خ ئىدارىسىنىڭ باشلىقى بولغان ۋاڭ لىجۈن 2007 – يىلىنىڭ ئاخىرى بۇگۇ كەيلەي (جازا ھۆكۈم قىلىنغان ) بىلەن تونۇشقان . كېيىن ۋاڭ لىجۈن چۇڭچىڭ شەھرىگە يۆتكەپ كىلىنىپ ، ئىلگىرى – كېيىن بولۇپ چۇڭچىڭ شەھەرلىك ج خ ئىدارىسى پارتىكومىنىڭ مۇئاۋىن شۇجىسى ، دائىمى ئىشلارغا مەسئۇل مۇئاۋىن ئىدارە باشلىقى ، پارتىكوم شۇجىسى ، ئىدارە باشلىقى ، مۇئاۋىن شەھەر باشلىقى قاتارلىق ۋەزىپىلەرنى ئۆتىگەن . ئۇ بوگۇ كەيلەي ئائىلىسىدىكىلەر بىلەن ئىزچىل قويۇق ئالاقىدە بولۇپ كەلگەن .

ئەيىبلىگۈچى تەرەپنىڭ شىكايىتىدە مۇنداق دېيىلدى : جاۋابكار ۋاڭ لىجۈن چۇڭچىڭ شەھەرلىك ج خ ئىدارىسىنىڭ باشلىقى بولۇپ تۇرىۋاتقان مەزگىلدە ، جىنايەتچىلەرنى تەكشۈرۈش مەسئۇلىيىتىگە خېلاپلىق قىلىپ ، شەخسىي غەرەز بىلەن قانۇننى بۇزدى ، بۇگۇ كەيلەينىڭ قەستەن ئادەم ئۆلتۈرگەن جىنايەت گۇماندارى ئىكەنلىكىنى بىلىپ تۇرۇپ ئۇنى قەستەن قانات ئاستىغا ئېلىپ ، ئۇنىڭ جىنايىتىنى سۈرۈشتۈرمىدى . ئەھۋال ئىنتايىن ئېغىر بولدى . ئۇنىڭ بۇ قىلمىشى جىنايى ئىشلار قانۇنىنىڭ 399 – ماددىسىنىڭ 1 – تارمىقىغا خېلاپ . جاۋابكار ۋاڭ لىجۈن دۆلەت مەخپىيەتلىكىنى ئىگىلىگەن دۆلەت ئورگىنىنىڭ خادىمى تۇرۇقلۇق ھۆكۈمەت ئىشىنى بىجىرگەن ۋاقىتتا ، خىزمەت ئورنىدىن خالىغانچە ئايرىلىپ ، چەتئەلنىڭ ئېلىمىزدىكى باش كونسۇلخانىسىغا ئاسىيلىق قىلىپ قاچتى . ئۇنىڭ جىنايىتى ناھايىتى ئېغىر . ئۇنىڭ بۇ قىلمىشى جىنايى ئىشلار قانۇنىنىڭ 109 – ماددىسىدىكى بەلگىلىمىگە خېلاپ ؛ جاۋابكار ۋاڭ لىجۈن خىزمەت ھوقۇقىدىن قالايمىقان پايدىلىنىپ ، تەستىقلايماي ياكى ساختىلىق بىلەن تەستىق رەسمىيىتى بىجىرىپ ، ئىلگىرى – كېيىن بولۇپ نۇرغۇن كىشىگە تېخنىكىلىق تەھقىقلەش تەدبىرى قوللىنىپ ، سوتسىيالىستىك قانۇنچىلىققا ئېغىر ھالدا بۇزغۇنچىلىق قىلدى ، پۇقرالارنىڭ قانۇنىي ھوقۇق – مەنپەئەتىگە چېقىلدى ، ئۇنىڭ بۇ قىلمىشى جىنايى ئىشلار قانۇنىنىڭ 397 – ماددىسىنىڭ 1 – تارمىقىدىكى بەلگىلىمىگە خېلاپ . جاۋابكار ۋاڭ لىجۈن دۆلەت خادىمى تۇرۇقلۇق خىزمەت قولايلىقىدىن پايدىلىنىپ ، باشقىلارنىڭ 3 مىليون 50 مىڭ يۈەندىن ئارتۇق قىممەتتىكى مال – مۈلىكىنى قانۇنسىز ئالدى . ئۇنىڭ بۇ قىلمىشى جىنايى ئىشلار قانۇنىنىڭ 385 – ماددىسىدىكى بەلگىلىمىگە خېلاپ . جاۋابكار ۋاڭ لىجۈننىڭ يۇقىرىقى جىنايەتلىرىگە دائىر پاكىتلار ئېنىق ، دەلىل – ئىسپاتلار ھەقىقى ۋە تولۇق . ئۇنىڭ جىنايى جاۋابكارلىقىنى شەخسىي غەرىزى ئۈچۈن قانۇن بۇزۇش ، ئاسىيلىق قىلىپ قېچىش ، خىزمەت ھوقۇقىدىن قالايمىقان پايدىلىنىش ۋە پارا ئېلىش جىنايىتى بويىچە سۈرۈشتۈرۈش كېرەك .

چېڭدۇ شەھەرلىك خەلق تەپتىش مەھكىمىسى ئەيىبلەش پىكىرىدە مۇنداق كۆرسىتىلدى : جاۋابكار ۋاڭ لىجۈن جىنايى قىلمىشىنىڭ جەمئىيەتكە كەلتۈرگەن خەۋىپى ئىنتايىن ئېغىر . بۇنىڭ ساۋىقى كىشىنى سەگىتىدۇ . ئۇنىڭ ھۆكۈمەت خادىمى بولۇش سۈپىتى بىلەن ، قانۇن ئىنتىزامغا قاتتىق بويسۇنۇپ ، پاك دىيانەتلىك بولۇشى كېرەك ئىدى . ئۇ يەنە قانۇن ئىجرا قىلغۇچى بولۇش سۈپىتى بىلەن ، قانۇنغا ئەمەل قىلىشى ، پارتىيىلىك رەھبىرى كادىر بولۇش سۈپىتى بىلەن ، قانۇن ئالدىدا ھەممە ئادەم باراۋەر بولۇش ، تۈزۈم ئالدىدا ئىمتىيازلىق بولۇۋالماسلىق ، قانۇن تۈزۈم چەكلىمىسىدىن مۇستەسنا بولۇۋالماسلىق قارىشىنى تىكلىشى كېرەك ئىدى . سوتسىيالىستىك قانۇن ئىدارە قىلىش جەمئىيىتى بەرپا قىلىنىۋاتقان بۈگۈنكى كۈندە ، كىم بولىشىدىن قەتئىنەزەر ، قانۇنغا خېلاپلىق قىلغانلا بولسا چوقۇم قانۇننىڭ جازاسىغا ئۇچرايدۇ . جاۋابكار ۋاڭ لىجۈن سوتتا ئاخىرقى سۆزىنى بايان قىلىپ : تەپتىش ئورگىنى ئەيىبلىگەن جىنايىتىمنى ئېتراپ قىلىمەن ، جىنايىتىمنى بىلىمەن ، جىنايىتىمنى ئېتىراپ قىلىمەن ، جىنايىتىمگە پۇشايمان قىلىمەن . سوتلىنىش ئارقىلىق دۆلەت ئىچى ۋە سىرتىدا كەلتۈرگەن ئېغىر تەسىرلەرنىڭ تۈگىتىلىشىنى ئۈمىد قىلىمەن ، شۇنداقلا يەنە سوت قىلىنىش ئارقىلىق كۆپلىگەن كىشىنىڭ مېنىڭدىن ساۋاق ئېلىشىنى ئۈمىد قىلىمەن . مېنى تەربىيلىگەن ، ماڭا كۆڭۈل بۆلگەن تەشكىل ، جەمئىيەتتىكى ھەر ساھە كىشىلىرى ۋە ئۇرۇق – تۇققانلىرىمدىن سەمىمى ھالدا كەچۈرۈم سورايمەن ، كەچۈرۈڭلار ، سىلەرگە ھەقىقەتەن يۈز كىلەلمەيمەن ، سىلەرنى ئۈمىدسىزلەندۈردۈم ، دېدى .

جاۋابكار ۋاڭ لىجۈن چۇڭچىڭدىكى باش كونسۇلخانىسىغا ئۆز مەيلىچە كىرىپ تۇرىۋالغاندىن كېيىن ، ج خ ئورگىنى بوگۇ كەيلەينىڭ ئەنگىلىيە پۇقراسى نېيل ۋۇدنى ئۆلتۈرۈشكە چېتىلىپ قالغانلىق مەسىلىسىگە يۈكسەك ئەھمىيەت بىرىپ ، مەخسۇس قايتا تەكشۈرۈش گورۇپپىسى تەشكىللەپ ، « 15 – نويابىر » دېلوسىنى قانۇن بويىچە قايتا تەكشۈرۈپ پاش قىلدى .

ۋاڭ لىجۈننىڭ بۇ ھەرىكىتى ئوبىكتىپ جەھەتتىن ئېيتقاندا ، « 15 – نويابىر » دېلوسىنىڭ پاش قىلىنىشىدا مۇھىم رول ئوينىدى . ئۇنداقتا ، ئۇ يەنە نىمە ئۈچۈن شەخسىي غەرەزى بىلەن قانۇننى بۇزۇش جىنايىتى بويىچە ئەيىپلىنىدۇ ؟ ۋاڭ لىجۈن بىلەن بوگۇ كەيلەي ئائىلىسىنىڭ زىدىيىتى قانداق شەكىللىنىپ تەدرىجى ئۆتكۈرلەشكەن ؟ ئۇنىڭ ئاسىيلىق قىلىپ قېچىشىغا نېمە سەۋەپ بولدى ؟

مۇخبىر سوتنى سىرتتىن ئاڭلاپ ئىگىلىشى ، تاراتقۇلارنىڭ ئورتاق قارىشى ۋە دىلو بىجىرگەن ئورۇننىڭ تونۇشتۇرۇشى بىلەن ، ۋاڭ لىجۈن دىلوسىنىڭ پۈتۈن جەريانى ھەم مۇھىم نۇقتىسى ئايدىڭلاشتى .

بوگۇ كەيلەي ۋە بو XX بىلەن نېيل ۋۇد ئارىسىدا ئىقتىسادى مەنپەئەت زىدىيىتى يۈز بەرگەندىن كېيىن ، بوگۇ كەيلەي نېيل ۋۇدنى ئوغلىنىڭ ھاياتى بىخەتەرلىكىگە تەھدىت شەكىللەندۈردى ، دەپ قارىدى .

ۋاڭ لىجۈن بۇلتۇر 12 – نويابىر بوگۇ كەيلەي قاتارلىقلار بىلەن ، نېيل ۋۇدنى زەھەر جىنايىتىگە چېتىشلىق ، دېگەن باھانىدە نازارەت قىلىشنى مەسلىھەتلەشتى .

بوگۇ كەيلەي ، جاڭ شياۋ جۈن ( چوڭچىڭ شەھەرلىك پارتكوم ئىشخانىسىنىڭ سابىق خادىمى ، بوگۇ كەيلەي ئائىلىسىدە خىزمەت قىلغۇچى ، جازا ھۆكۈم قىلىنغان ) 13 – نويابىر كەچتە چوڭچىڭ شەھرىدىكى نەنسەن ئارامگاھىدا نېيل ۋۇدنى قەستلەپ ئۆلتۈردى .

بوگۇ كەيلەي 14 – نويابىر چۈشتە ۋاڭ لىجۈنگە نېيل ۋۇدنى زەھەرلىك ئۆلتۈرگەن جەرياننى سۆزلەپ بەردى . ۋاڭ لىجۈن بۇنى مەخپى ئۈنگە ئېلىۋالدى .

بوگۇ كەيلەينىڭ ئىقرارىدا مۇنداق دېيىلدى : ۋاڭ لىجۈن 14 – نويابىر چۈشتە « 3 – بىنا » ( بوگو كەيلەي تۇرالغۇسى ) غا كەلگەندە ، مەن ئۇنىڭغا 13 – نويابىر كەچتە نېيل ۋۇد بىلەن كۆرۈشۈپ ، ئۇنىڭ ئىستاكانىغا زەھەر سىلىپ ئۆلتۈرگەن جەرياننى تەپسىلىي سۆزلەپ بەردىم . ئۇ ماڭا بۇ ئىشنى قايتا ئويلىماسلىقنى ، بۇنىڭ ئەمدى مەن بىلەن ھىچقانداق ئالاقىسى يوقلىقىنى ، دېلوغا ئالاقىدار ئىشلارنى ئۇنتۇپ كېتىشنى ئېيتتى . مەن ئەنسىرەۋاتقانلىقىمنى ئېيتقاندا ، ئىشلارنىڭ بىر – ئىككى ھەپتىدىلا ئوڭشىلىپ كېتىدىغانلىقىنى ئېيتىپ تەسەللى بەردى .

ئەيىبلىگۈچى سوتتا ئۈن ماتىريالىنى كۆرسەتتى . بۇ ئۈن ماتىريالى ۋاڭ لىجۈن بىلەن بوگۇ كەيلەينىڭ تېلېفوندا پاراشلاشقان سۆزى بولۇپ ، بوگۇ كەيلەي نېيل ۋۇدنى ئۆلتۈرگەن جەرياننى ۋاڭ لىجۈنگە ئېيتىپ بىرىۋاتقانىدى .

15 – نويابىر نېيل ۋۇدنىڭ ئۆلگەنلىكى بايقالغاندىن كېيىن ، ۋاڭ لىجۈن بوگۇ كەيلەي بىلەن مۇناسىۋىتى يېقىن بولغان چۇڭچىڭ شەھەرلىك ج خ ئىدارىسىنىڭ مۇئاۋىن باشلىقى گو ۋىيگو ( جازا ھۆكۈم قىلىنغان ) نى بۇ دىلونى بىجىرىشكە مەسئۇل قىلدى . بىراق ئۇ قاتارلىق دېلو بىجىرگۈچىلەرنى بوگۇ كەيلەينىڭ نېيل ۋودنى ئۆلتۈرگەنلىكىگە ئائىت ئۈن ئىسپاتى بىلەن تەمىنلىمىدى . كېيىن ۋاڭ لىجۈن دىلو يۈز بەرگەندىن كېيىن نەق مەيدانغا كىلىپ جىنايى ئىشلار رازۋىتكا خىزمىتىگە مەسئۇل خۇاڭ XX كە تېلېفون بىرىپ ، ئىدارىگە قايتىشنى ، بۇ دىلوغا ئۇنىڭ مەسئۇل بولمايدىغانلىقىنى ئېيتتى . ۋاڭ لىجۈننىڭ ئىقرارىدا : ئەينى چاغدا بۇ دىلوغا بىۋاستە يۈزلىنىشنى خالىمىغانىدىم ، دېيىلدى .

گوۋىيگو ، لى ياڭ ( چۇڭچىڭ شەھەرلىك ج خ ئىدارىسى جىنايى ئىشلار ساقچى باش ئەترىتىنىڭ سابىق باشلىقى ، جازا ھۆكۈم قىلىنغان ) ، ۋاڭ پىيفىي ( چۇڭچىڭ شەھەرلىك ج خ ئىدارىسى تېخنىكىلىق رازۋىتكا باش ئەترىتىنىڭ سابىق باشلىقى ، چوڭچىڭ شەھەرلىك ج خ ئىدارىسى يۈ بىي رايونلۇق شۆبىسىنىڭ سابىق باشلىقى ، جازا ھۆكۈم قىلىنغان ) ، ۋاڭ جى ( چۇڭچىڭ شەھەرلىك ج خ ئىدارىسى شا پىيبىي رايونلۇق شۆبىسىنىڭ دائىمى ئىشلارغا مەسئۇل سابىق مۇئاۋىن باشلىقى، جازا ھۆكۈم قىلىنغان ) 16 – نويابىر چۈشتىن بۇرۇن ، نېيل ۋۇدنىڭ ھاراق ئىچىپ مەست بولۇپ ئۆلگەنلىكى ھەققىدە يەكۈن چىقاردى ، ۋاڭ لىجۈن بۇنىڭغا قارىتا باشقىچە پىكىردە بولمىدى .

ۋاڭ لىجۈن 17 – نويابىر گوۋىيگو قاتارلىقلارنىڭ نەق مەيداندىن ئىگىلىگەن خاتىرىسى ۋە بوگۇ كەيلەينىڭ شۇ مېھمانسارايغا بارغان كۆرۈنىشى چۈشۈرۈلگەن قاتتىق دېسكىنى تەشەببۇسكارلىق بىلەن بوگۇ كەيلەيگە بەردى . بوگۇ كەيلەينىڭ گۇۋاھلىق سۆزىدە مۇنداق دېيىلدى : « ۋاڭ لىجۈن ماڭا : ‹ بۇ نەنسەن ئارامگاھىدىكى مېھمانساراي كامىراسىدا ئېلىنغان كۆرۈنۈشنىڭ قاتتىق دېسكىسى ، بۇنىڭغا سىز نېيل ۋۇد بىلەن كۆرۈشكەندىن كېيىن ، باشقىلارنىڭ ئۇنىڭ ياتىقىغا كىرمىگەنلىكى ئېلىنغان › دېدى . بۇ ئۇنىڭ مېنى قوغدىغىنى ئىدى . ۋاڭ لىجۈن بىلەن بوگۇ كەيلەينىڭ مۇناسىۋىتى قويۇق بولغان بولسىمۇ ، بۇ ئۇلارنىڭ ئوتتۇرىسىدا زىدىيەت مەۋجۈت ئەمەسلىكىدىن دېرەك بەرمەيدۇ . دەلىل – ئىسپاتلاردا كۆرسىتىلىشىچە ، « 15 – نويابىر » دېلوسى يۈز بىرىشتىن ئىلگىرى ۋاڭ لىجۈن بىلەن بوگۇ كەيلەي ئوتتۇرىسىدا زىدىيەت پەيدا بولغان . 2011 – يىلى 12 – ئاۋغۇست بوگۇ كەيلەي ئوغلى بو XX ۋاڭ لىجۈن بىلەن كۆرۈشمەكچى بولغان ، لېكىن ۋاڭ لىجۈن چۇڭچىڭدا بولسىمۇ ئۇنىڭ بىلەن كۆرۈشكۈسى كەلمەي ، شوپۇرىغا ئۆزىنى ۋەنجۇغا كەتتى ، دەپ قويۇشنى ئىيتقان . نەتىجىدە بو XX كېچىدە ۋەنجۇغا بىرىش يولىدا ھادىسىگە ئۇچرىغىلى تاس قالغان ، بۇ سەۋەپلىك بوگۇ كەيلەي ۋاڭ لىجۈنگە خاپا بولغان .

« 15 – نويابىر » دېلوسى يۈز بەرگەندىن كېيىن ، بوگۇ كەيلەي دېلو ئەھۋالىنىڭ ئاشكارلىنىپ قىلىشىدىن قورقۇپ ، دەلىل – ئىسپاتلارنى يوقۇتۇش ئۈچۈن بىر قاتار ھەرىكەتلەرنى قىلغان . ۋاڭ لىجۈن ئىشنىڭ تىخىمۇ كىڭىيىپ كەتكەنلىكىدىن نارازى بولغان . 2011 – يىلى 14 – دېكابىر بوگۇ كەيلەي مەخسۇس زىياپەت ئورۇنلاشتۇرۇپ ، « 15 – نويابىر » دېلوسىنى بىر تەرەپ قىلغان ، ئۆزى ئۈچۈن ئادەم ئۆلتۈرگەنلىكىنى يوشۇرۇپ بەرگەن لى ياڭ ، ۋاڭ تېڭفىي ، ۋاڭ جى قاتارلىقلارنى مېھمان قىلغان .

ۋاڭ لىجۈن ئىقرارىدا : ئىككىنچى كۈنى گو ۋىيگو ، ۋاڭ جى بىلەن ۋاڭ تېڭفىينى ئىلىپ بېيجىڭغا بارغان . مەن گوۋىيگونىڭ ئالدىدىلا ۋاڭ جى بىلەن ۋاڭ تېڭفىينى تىللدىم . مېنىڭچە ، ئۇلارنى تىللىغىنىمنى گوۋىيگو چۇڭچىڭغا يەتكۈزگەن ، بۇلتۇر 14 – دېكابىردىن كېيىن بوگۇ كەيلەينىڭ ماڭا بولغان پوزىتسىيىسى ئۆزگەردى ، بۇرۇنقىدەك قىزغىن بولمىدى ، ئۇ مەندىن مۇداپىئەلىنىشكە باشلىدى ، دېيىلدى . گوۋىيگو ، ۋاڭ تېڭفىي ، ۋاڭ جىلارمۇ يۇقىرقى ئەھۋالنى دەلىللىدى .

2011 – يىلى دېكابىرنىڭ ئاخىرىدا ۋاڭ لىجۈن يېنىدىكى تۆت خىزمەتچىسى قانۇنسىز ھالدا تەكشۈرۈلدى . بۇ ۋاڭ لىجۈن بىلەن بوگۇ كەيلەي ئوتتۇرىسىدىكى زىدىيەتنى تېخىمۇ كۈچەيتىۋەتتى . ئالاقىدار گۇۋاھچىلارنىڭ سۆزىدە كۆرسىتىلىشىچە : 2012 – يىلى 28 – يانۋار ۋاڭ لىجۈن چۇڭچىڭ شەھەرلىك پارتىكومدىكى ئاساسلىق مەسئۇلغا بوگۇ كەيلەينىڭ « 15 – نويابىر » دېلوسىدىكى مۇھىم گۇماندار ئىكەنلىكىنى ئىنكاس قىلغان . 29 – يانۋار چۈشتىن بۇرۇن بوگۇ كەيلەي ۋاڭ لىجۈننى بىر شاپىلاق ئۇرغان . گوۋىيگونىڭ سوراق خاتىرىسىدە : ۋاڭ لىجۈننى ئۇرغاندىن كېيىن ، بارلىق زىدىيەت شۇ يەردە ئاشكارە بولدى ، دېيىلدى .

زىدىيەت كەسكىنلەشكەندىن كېيىن ، ۋاڭ لىجۈن شۇ كۈنى لى ياڭ قاتارلىق كىشىلەرنى بارلىق گۇۋاھچى ۋە گۇۋاھلىق سۆزىنى قايتىدىن ئېنىقلاشقا ئورۇنلاشتۇردى ھەم نېيل ۋۇدنىڭ قېنى قاتارلىق مۇھىم ماددى ئىسپاتلارنى ، بوگۇ كەيلەينىڭ نېيل ۋودنى قەستەن ئۆلتۈرگەنلىكىگە ئائىت دەلىل – ئىسپاتلارنى رەتلەپ چىقىش ھەمدە مەخپى ئۈن ماتىرياللىرى بىلەن تەمىنلىدى . كېيىن رەتلەنگەن بارلىق ئارخىپ لى ياڭ قاتارلىق كىشىلەرنىڭ باشقۇرۇشىغا ئۆتكۈزۈپ بىرىلدى .

ۋاڭ جىنىڭ سوراق خاتىرىسىدە : ۋاڭ لىجۈن 29 – يانۋار ۋاڭ تېڭفىي بىلەن مىنى ۋە لى ياڭنى ئىشخانىسىغا چاقىرتىپ ، « 15 – يانۋار » دېلوسىغا ئائىت ئاخىپلارنى قايتىدىن رەتلەپ چىقىشنى ئېيتتى . بىز بىر نەچچە كۈن ۋاقىت سەرپ قىلىپ ، ئاخىپلارنى رەتلەپ چىقتۇق . ۋاڭ لىجۈن بىزگە بۇ ئارخىپلارنى بۆلۈپ بىرىپ ، ئايرىم – ئايرىم بىخەتەر ئورۇنغا قويۇپ قويۇشىمىزنى ئېيتتى .

ۋاڭ جى يەنە : مەن ئۇ ۋاقىتتا ۋاڭ لىجۈننىڭ بوگۇ كەيلەيدىن يۈز ئۆرۈگەنلىكىنى بىلەتتىم . بولمىسا ئۇ بىزنى بۇ ئارخىپلارنى رەتلەشكە ئورۇنلاشتۇرمايتى ، ئۇنىڭ بۇ دىلونى قولغا ئىلىشىدا شەخسىي مۇددىئاسى بولۇشى مۇمكىن ئىدى ، دېدى .

2012 – يىلى 2 – فېۋرال ، ۋاڭ لىجۈننىڭ چۇڭچىڭ شەھرىنىڭ مۇئاۋىن باشلىقلىق خىزمىتى تەڭشىلىپ ، چۇڭچىڭ شەھەرلىك ج خ ئىدارىسىنىڭ باشلىقلىق ۋەزىپىسىنى قوشۇمچە ئۆتىمەيدىغان بولدى . فېۋرالنىڭ بىشىدا ۋاڭ لىجۈن يېنىدىكى ئۈچ خادىم يەنە قانۇنسىز ھالدا تەكشۈرۈلدى . ۋاڭ لىجۈن ئۆزىنى خەتەر ئىچىدە تۇرىۋاتقاندەك ھېس قىلىپ ، ئاسىيلىق قىلىپ قېچىش خىيالىغا كەلدى .

ۋاڭ لىجۈن 6 – فېۋرال كېڭىشىش خىزمىتىنى باھانە قىلىپ ، ئەسلىدىكى ھۆكۈمەت ئىشى ئورۇنلاشتۇرۇشىنى قەستەن ئەمەلدىن قالدۇرۇپ ، شۇ كۈنى سائەت 14 دىن 31 مېنۇت ئۆتكەندە ئۆز مەيلىچە ئامېرىكىنىڭ چېڭدۇدىكى باش كونسۇلخانىسىغا كىرىۋالدى .

چۇڭچىڭ شەھىرىدىكى ئالاقىدار تارماقلارنىڭ دەلىللىشىچە ، بۇ مەزگىلدە چۇڭچىڭ شەھەرلىك پارتكوم ، شەھەرلىك ھۆكۈمەت چۇڭچىڭنىڭ مۇئاۋىن شەھەر باشلىقى  قاتنىشىدىغان ھىچقانداق ھۆكۈمەت ئىشى پائالىيىتى ئورۇنلاشتۇرمىغان ، ئامېرىكىنىڭ چېڭدۇدىكى باش كونسۇلخانىسىدا سودا ، دىپلوماتىيە ئىشلىرىنى كېڭىشىش توغرىسىدىمۇ مۇئاۋىن شەھەر باشلىقى قاتنىشىدىغان پائالىيەتنىمۇ ئۇيۇشتۇرمىغان ، ۋاڭ لىجۈننى ئۆز ئىچىگە ئالغان مۇئاۋىن شەھەر باشلىقىنىڭ ئامېرىكىنىڭ چېڭدۇدىكى باش كونسۇلخانىسىغا بىرىپ قاتنىشىدىغان دىپلوماتىيە پائالىيىتىنىمۇ تەشكىللمىگەن .

ئەيىبنامىدە : ئامېرىكا كونسۇلخانىسىدا ، ۋاڭ لىجۈن ئامېرىكا كونسۇلخانا خادىملىرى بىلەن مۇھىت ئاسراش ، مائارىپ ، پەن – تېخنىكا قاتارلىق ئىشلاردا قىسقا سۆھبەتلەشكەندىن كېيىن ، دىلو مۇناسىۋەتلىك كىشىلەرنى تەكشۈرۈش سەۋەپلىك ھاياتىنىڭ تەھدىتكە ئۇچرىغانلىقىنى ئېيتىپ ، ئامېرىكىدىن پاناھلىق بىرىشنى تەلەپ قىلىپ ، سىياسىي پاناھلىق ئىلتىماسى يازغان ، دېيىلدى .

چۇڭچىڭ شەھىرى ۋە مەركەزدىكى مۇناسىۋەتلىك تارماقلارنىڭ نەسىھەت قىلىشى بىلەن ، ۋاڭ لىجۈن 7 – فېۋرال سائەت 23 دىن 35 مېنۇت ئۆتكەندە ئامېرىكا كونسۇلخانىسىدىن ئايرىلىپ ، تەكشۈرۈشنى قوبۇل قىلدى .

ۋاڭ لىجۈن ئامېرىكا كونسۇلخانىسىدىن ئايرىلغاندىن كېيىن ، دۆلەتنىڭ ئالاقىدار تارماقلىرىغا بوگۇ كەيلەينىڭ نېيل ۋۇدنى قەستەن ئۆلتۈرۈش دېلوسىغا چېتىشلىق ئىكەنلىكىنى ئىنكاس قىلدى ھەمدە ئالاقىدار ئىسپات ماتىرياللىرى بىلەن تەمىنلىدى ھەمدە لى ياڭغا خەت يېزىپ ، نېيل ۋۇدنىڭ ئۆلۈم دىلوسىنى تەكشۈرۈشكە مەسئۇل بولغان ج خ خادىملىرىغا نېيل ۋۇدنىڭ قېنى قاتارلىق ماددى ئىسپاتلارنى تاپشۇرۇشنى ئېيتتى .

ئەيىبلىگۈچى : جاۋابكار ۋاڭ لىجۈن رەتلىگەن ئارخىپ ماتىرياللىرى بوگۇ كەيلەينىڭ نېيل ۋۇدنى قەستەن ئۆلتۈرۈش جىنايىتىگە چېتىشلىق ئىكەنلىكىنى تولۇق دەلىللەيدۇ ، دەپ ئوتتۇرىغا قويدى .

ۋاڭ لىجۈن كونسۇلخانىدىن چىققاندىن كېيىن ، ج خ مېنىستىرلىقى ئۇ ئىنكاس قىلغان ئەھۋالغا ئاساسەن ، نېيل ۋۇدنىڭ ئۆلۈم دىلوسىنى قانۇن بويىچە قايتىدىن تەكشۈردى . 2012 – يىلى 20 – ئاۋغۇست ، ئەنخۈي ئۆلكىسى خېفىي شەھەرلىك ئوتتۇرا خەلق سوت مەھكىمىسى بوگۇ كەيلەي ، جاڭ شياۋجۈننى قەستەن قاتىللىق قىلىش جىنايىتى بار ، دەپ ھۆكۈم چىقاردى .

ۋاڭ لىجۈن دىلوسى تەھقىقلىنىش جەريانىدا ، ئالاقىدار تەرەپلەردىن ئۇنىڭ خىزمەت ھوقۇقىدىن قالايمىقان پايدىلىنىش ، پارا ئىلىش قاتارلىق قىلمىشلىرى توغرىسىدىكى ئىنكاس ۋە پاش قىلىش ماتىرياللىرى كەلگەن بولۇپ ، تەھقىقلەش ئورگانلىرى يۈكسەك ئەھمىيەت بىرىپ ، قانۇن بويىچە تەكشۈرۈپ دەلىل – ئىسپات توپلىدى .

مۇخبىرنىڭ سوت مەيدانىدىن ئىگىلىشىچە ، ۋاڭ لىجۈننىڭ پارا ئېلىشقا چېتىشلىق مۇھىم پاكىتلار تۆۋەندىكىچە ئىكەن : 2009 – يىلى ئاپرىلدا ۋاڭ لىجۈن چۇڭچىڭ شەھەرلىك ج خ ئىدارىسىنىڭ باشلىقى بولۇپ تۇرىۋاتقان مەزگىلدە ، يېقىن تۇققانلىرىنى بېيجىڭدىكى مەلۇم تارماققا يۆتكىگەن  ، لېكىن ئۆي بولمىغانلىقتىن ، داليەن شىدې گورۇھى چەكلىك شىركىتىنىڭ باش لېدىرى شۈ مىڭ 2 مىليون 850 مىڭ يۈەن چىقىرىپ بىيجىڭدىن ئىككى يۈرۈش ئۆي سېتىۋىلىپ ، ئۇنى قىيىنئاتىسىنىڭ نامىدا بېجىرگەن . بۇ ئىشتىن كېيىن ، ۋاڭ لىجۈن شۈمىڭغا رەھمىتىنى بىلدۈرگەن . شۇ يىلى ئىيولدا ، ۋاڭ لىجۈن شۈمىڭنىڭ ھاۋالىسى بىلەن چۇڭچىڭ دىلو بىجىرىش تارمىقىغا قاماپ قويۇلغان پەن XX ، ۋاڭ XX ، جاڭ XX نى قويۇپ بەرگەن . 2008 – يىلى سېنتەبىر ، 2009 – يىلى نويابىردا ، ۋاڭ لىجۈن چۇڭچىڭ شەھەرلىك ج خ ئىدارىسىنىڭ دائىمى ئىشلارغا مەسئۇل مۇئاۋىن باشلىقى ۋە ئىدارە باشلىقى بولۇپ تۇرىۋاتقان مەزگىلدە ، داليەن شىيۈەن سودا چەكلىك شىركىتىنىڭ قانۇنى ۋاكالەتچىسى يۈ جۈنشى ئىككى قېتىمدا 200 مىڭ يۈەن چىقىرىپ ، ۋاڭ لىجۈننىڭ چۇڭچىڭدىكى ئىجارىگە ئالغان داچىسىنىڭ ھەققىنى تۆلىۋەتكەن . 2009 – يىلى ئۆكتەبىردە ، ۋاڭ لىجۈن يۈ جىنشىنىڭ ھاۋالىسى بىلەن چۇڭچىڭ دىلو بىجىرىش تارمىقىغا قاماپ قويۇلغان ياڭ XX نى قويۇۋەتكەن .

ۋاڭ لىجۈن تەكشۈرۈشنى قوبۇل قىلغان مەزگىلدە ، باشقىلارنىڭ قانۇنغا خېلاپ جىنايى قىلمىشلىرىغا ئائىت يىپ ئۇچلىرىنى ئاشكارىلاپ ، ئالاقىدار دىلونىڭ تەكشۈرۈپ بىر تەرەپ قىلىنىشىدا مۇھىم رول ئوينىدى .

سوتتا ئاقىلىغۇچى ئادۋۇكات ۋاڭ لىجۈننىڭ جىنايى جازاسىنى يەڭگىللىتىشنى تەلەپ قىلىپ ، ئاقلاش پىكىرىنى ئوتتۇرىغا قويدى . ئۇ : ۋاڭ لىجۈننىڭ ئامېرىكا كونسۇلخانىسىدىن تەشەببۇسكارلىق بىلەن ئايرىلىشى ئاسىيلىق قىلىپ قېچىش قىلمىشىنىڭ داۋاملاشمىغانلىقىنى كۆرسىتىدۇ . شۇڭا جىنايى جازانى يېنىكلىتىشكە ياكى كەچۈرۈم قىلىشقا بولىدۇ . ۋاڭ لىجۈن بۇ جەرياندا ئۆزىنى مەلۇم قىلىپ ، قىلمىشىنى تاپشۇردى ، ئۇنى قىلمىشى پەۋقۇلئاددە ئېغىر دەپ بىكىتمەي ، قىلمىشى ئېغىر دەپ بىكىتىش كېرەك . سوتنىڭ بۇنى ئويلىشىپ كۆرۈشىنى ئۈمىد قىلىمەن ، دېدى .

ئەيىبلىگۈچى : ئاسىيلىق قىلىپ قېچىش جىنايەت ، ئۇ ئاللىقاچان بۇ قىلمىشنى سادىر قىلغان ، شۇنىڭ ئۈچۈن مەقسىتى ئەمەلگە ئاشقان بولىدۇ ، جاۋابكار ئىشتىن ئاۋۋال پىلانلاپ ، كېڭىشىش خىزمىتىنى باھانە قىلىپ ، ئامېرىكا كونسۇلخانىسىغا كىرىۋالغان ھەمدە كونسۇلخانىغا سىياسىي پاناھلىق ئىلتىماسى سۇنغان ، بۇ ئەمەلگە ئاشقان جىنايەت ھېسابلىنىدۇ . ۋاڭ لىجۈن ئاسىيلىق قىلىش جىنايىتى ئۆتكۈزگەندىن كېيىن ئۆزىنى تەشەببۇسكارلىق بىلەن مەلۇم قىلدى ھەمدە ئاسىيلىق قىلىپ قېچىشتىكى ئاساسلىق جىنايى پاكىتلىرىنى ئىقرار قىلدى ، بۇ ئۆزىنى مەلۇم قىلغانلىق بولىدۇ . جىنايى ئىشلار قانۇنىنىڭ 67 – ماددىسىدىكى بەلگىلىمە بويىچە يېنىك ياكى يېنىكلىتىپ جازا بىرىشكە بولىدۇ . جاۋابكار ۋاڭ لىجۈن ج خ ئىدارىسىنىڭ باشلىقى تۇرۇقلۇق ، قەستەن قاتىللىق قىلىش جىنايىتىنى تەكشۈرۈش مەسئۇلىيىتىنى ئادا قىلمىدى ، ئۆز مەيلىچە قانۇننى بۇزۇش جىنايىتىدە ئالاھىدە رول ئويناپ ، ئېغىر جىنايەت شەكىللەندۈردى . ۋاڭ لىجۈن كېيىن چۇڭچىڭ شەھەرلىك ج خ ئىدارىسىدىكى مۇناسىۋەتلىك خادىملارغا بوگۇ كەيلەينىڭ قەستەن قاتىللىق قىلىش دېلوسىغا چېتىشلىق ئارخىپلارنى قايتىدىن رەتلەپ ، دەلىل – ئىسپاتلارنى تەكشۈرۈپ تولۇقلاپ ، ماددى ئىسپاتلارنى ساقلاپ قويغان . دۆلەتنىڭ ئالاقىدار تارماقلىرىغا بوگۇ كەيلەينىڭ قەستەن قاتىللىق قىلىش دېلوسىغا چېتىشلىق ئىكەنلىكىنى ئىنكاس قىلىپ ، مۇناسىۋەتلىك ماتىرياللار بىلەن تەمىنلەپ ، قايتىدىن تەكشۈرۈش ئىشلىرىدا ، ج خ ئورگانلىرىنىڭ دېلونى پاش قىلىشىدا مۇھىم رول ئوينىغانلىقى ئۈچۈن ئۇنىڭ ئۆز مەيلىچە قانۇننى بۇزۇش جىنايىتىگە يېنىكلىتىپ جازا بىرىشكە بولىدۇ . ۋاڭ لىجۈن باشقىلارنىڭ ئېغىر قانۇننى خېلاپ جىنايى قىلمىشىنىڭ يىپ ئۇچى بىلەن تەمىنلەپ ، ئالاقىدار تارماقلارنىڭ تەكشۈرىشىدە مۇھىم رول ئويناپ ، زور خىزمەت كۆرسەتتى ، شۇڭا جىنايى ئىشلار قانۇنىنىڭ 68 – ماددىسىدىغا ئاساسەن يېنىكلىتىپ جازا بىرىشكە بولىدۇ ، دېدى .

« شىنجاڭ قانۇنچىلىق گېزىتى » نىڭ 2012 – يىللىق 20 – سېنتەبىر سانىدىن ئېىندى .

Erktekin يوللانغان ۋاقتى 2012-9-21 02:14:26

koqahawiri1 يوللانغان ۋاقتى 2012-9-21 06:20:05

datman يوللانغان ۋاقتى 2012-9-21 06:36:55

adwukat يوللانغان ۋاقتى 2012-9-21 08:00:22

ۋاڭ لىجۈن دېلوسىنىڭ سوت قىلىنىشنىڭ باش – ئاخىرى

شىنخۇا ئاگېنتلىقى . چېڭدۇ . 19 – سېنتەبىر تېلېگراممىسى . سىچۇەن ئۆلكىسى چېڭدۇ شەھەرلىك ئوتتۇرا خەلق سوت مەھكىمىسى 17 – سېنتەبىردىن 18 – سېنتەبىرگىچە ۋاڭ لىجۈننىڭ شەخسىي غەرەز بىلەن قانۇننى بۇزۇش ، ئاسىيلىق قىلىپ قېچىش ، خىزمەت ھوقۇقىدىن قالايمىقان پايدىلىنىش ، پارا ئىلىش جىنايىتىگە قانۇن بويىچە 1 – سوتتا قاراپ چىقتى .

خەلق تەپتىش مەھكىمىسى سوتتا ئالاقىدار دەلىل – ئىسپاتلارنى كۆرسەتتى . ۋاڭ لىجۈن ھاۋالە قىلغان ئىككى ئادۋۇكات ئۇنى ئاقلىدى . سوت باشقا كۈنى ھۆكۈم چىقىرىدىغانلىقىنى ئېلان قىلدى .

چۇڭچىڭ شەھرىنىڭ سابىق مۇئاۋىن باشلىقى ۋاڭ لىجۈن بۇ يىل 6 – فېۋرالدىن 7 – فېۋرالغىچە ئامېرىكىنىڭ چېڭدۇدىكى باش كونسۇلخانىسىغا ئۆز بىشىمچىلىق بىلەن كىرىۋىلىپ ، دۆلەت ئىچى ۋە سىرتىدا يامان تەسىر پەيدا قىلدى . ۋەقەدىن كېيىن ، تەھقىقلىگۈچى ئورگان قانۇن بويىچە تەكشۈردى . 30 – ئىيۇن مەملىكەتلىك خەلق ۋەكىللەر قۇرۇلتىيى دائىمى كومىتېتىنىڭ ئۇقتۇرۇشىغا ئاساسەن ، ۋاڭ لىجۈننىڭ 11 – نۆۋەتلىك مەملىكەتلىك خەلق قۇرۇلتىيىنىڭ ۋەكىللىك سالاھىيىتى قانۇن بويىچە بىكار قىلىندى .

چېڭدۇ شەھەرلىك دۆلەت خەۋىپسىزلىك ئىدارىسى بۇ يىل 22 – ئىيۇل چېڭدۇ شەھەرلىك خەلق تەپتىش مەھكىمىسىنىڭ تەستىقلىشى بىلەن ، ۋاڭ لىجۈننى ئاسىيلىق قىلىپ قېچىش جىنايىتى گۇمانى بىلەن قولغا ئالدى . تەھقىقلەش خىزمىتى 2 – ئاۋغۇست ئاخىرلاشقاندىن كېيىن ، ۋاڭ لىجۈن دىلوسىنى چېڭدۇ شەھەرلىك خەلق تەپتىش مەھكىمىسىنىڭ ئەيىپلىشىگە سۇندى . ئەنخۈي ئۆلكىسى خېفىي شەھەرلىك خەلق تەپتىش مەھكىمىسى ئالىي خەلق سوت مەھكىمىسىنىڭ بىكىتىپ بىرىشى بىلەن ، ۋاڭ لىجۈننىڭ شەخسىي غەرەز بىلەن قانۇننى بۇزۇش جىنايىتىنى تەھقىقلەشنى ئاخىرلاشتۇرغاندىن كېيىن ، 2 – ئاۋغۇست چېڭدۇ شەھەرلىك خەلق تەپتىش مەھكىمىسىنىڭ ئەيىبلىشىگە سۇندى . سىچۇەن ئۆلكىلىك خەلق تەپتىش مەھكىمىسى ئالىي خەلق تەپتىش مەھكىمىسىنىڭ بېكىتىپ بىرىشى بىلەن ، ۋاڭ لىجۈننىڭ پارا ئىلىش ، خىزمەت ھوقۇقىدىن قالايمىقان پايدىلىنىش دېلوسىنى تەھقىقلەشنى ئاخىرلاشتۇرغاندىن كېيىن ، ئايرىم – ئايرىم 8 – ئاۋغۇست ۋە 1 – سېنتەبىر چېڭدۇ شەھەرلىك خەلق تەپتىش مەھكىمىسىنىڭ ئەيىبلىشىگە سۇندى .

چېڭدۇ شەھەرلىك خەلق تەپتىش مەھكىمىسى 5 – سېنتەبىر ۋاڭ لىجۈننىڭ جىنايىتىنى قانۇن بويىچە ئەيىبلىدى . چېڭدۇ شەھەرلىك ئوتتۇرا خەلق سوت مەھكىمىسى دېلونى قانۇن بويىچە قاراپ چىقتى .

ۋاڭ لىجۈننىڭ ئاسىيلىق قىلىپ قېچىش ، خىزمەت ھوقۇقىدىن قالايمىقان پايدىلىنىش دېلوسىنى دۆلەت مەخپىيەتلىكىگە چېتىشلىق بولغاچقا ، 17 – سېنتەبىر قانۇن بويىچە ئوچۇق سوت ئېچىلمىدى ، بىراق ئۇنىڭ پارا ئىلىش ، شەخسىي غەرەز بىلەن قانۇننى بۇزۇش دىلوسىغا 18 – سېنتەبىر قانۇن بويىچە ئوچۇق سوت ئېچىلدى . چېڭدۇ شەھەرلىك ئوتتۇرا خەلق سوت مەھكىمىسىنىڭ ئۈچ سودىيەسىدىن كېڭەشمە سوت تەشكىللەندى . بۇنىڭ ئىچىدە مەھكىمىنىڭ مۇئاۋىن باشلىقى جۇڭ ئېرپۇ باش سودىيەلىكنى ئۈستىگە ئالدى . چېڭدۇ شەھەرلىك خەلق تەپتىش مەھكىمىسىنىڭ مۇئاۋىن باش تەپتىشى ۋاڭ شىن قاتارلىق ئۈچ پىروكۇرور سوتقا چىقىپ ئەيىبلەشنى قوللىدى . جاۋابكارنىڭ ئۇرۇق – تۇققانلىرى ، تاراتقۇلارنىڭ مۇخبىرلىرى ، خەلق قۇرۇلتىيى ۋەكىلى ، سىياسىي مەسلىھەت كىڭەش ئەزالىرى ۋە قىسمەن ئامما سوتنى سىرىتتىن ئاڭلىدى .

جاۋابكار ۋاڭ لىجۈن 1959 – يىلى 26 – دېكابىر تۇغۇلغان بولۇپ ، ئىچكى موڭغۇل ئاپتونۇم رايونىنىڭ ئائىرشەن شەھرىدىن . لياۋنىڭ ئۆلكىسى جىنجۇ شەھەرلىك ج خ ئىدارىسىنىڭ باشلىقى بولغان ۋاڭ لىجۈن 2007 – يىلىنىڭ ئاخىرى بۇگۇ كەيلەي (جازا ھۆكۈم قىلىنغان ) بىلەن تونۇشقان . كېيىن ۋاڭ لىجۈن چۇڭچىڭ شەھرىگە يۆتكەپ كىلىنىپ ، ئىلگىرى – كېيىن بولۇپ چۇڭچىڭ شەھەرلىك ج خ ئىدارىسى پارتىكومىنىڭ مۇئاۋىن شۇجىسى ، دائىمى ئىشلارغا مەسئۇل مۇئاۋىن ئىدارە باشلىقى ، پارتىكوم شۇجىسى ، ئىدارە باشلىقى ، مۇئاۋىن شەھەر باشلىقى قاتارلىق ۋەزىپىلەرنى ئۆتىگەن . ئۇ بوگۇ كەيلەي ئائىلىسىدىكىلەر بىلەن ئىزچىل قويۇق ئالاقىدە بولۇپ كەلگەن .

ئەيىبلىگۈچى تەرەپنىڭ شىكايىتىدە مۇنداق دېيىلدى : جاۋابكار ۋاڭ لىجۈن چۇڭچىڭ شەھەرلىك ج خ ئىدارىسىنىڭ باشلىقى بولۇپ تۇرىۋاتقان مەزگىلدە ، جىنايەتچىلەرنى تەكشۈرۈش مەسئۇلىيىتىگە خېلاپلىق قىلىپ ، شەخسىي غەرەز بىلەن قانۇننى بۇزدى ، بۇگۇ كەيلەينىڭ قەستەن ئادەم ئۆلتۈرگەن جىنايەت گۇماندارى ئىكەنلىكىنى بىلىپ تۇرۇپ ئۇنى قەستەن قانات ئاستىغا ئېلىپ ، ئۇنىڭ جىنايىتىنى سۈرۈشتۈرمىدى . ئەھۋال ئىنتايىن ئېغىر بولدى . ئۇنىڭ بۇ قىلمىشى جىنايى ئىشلار قانۇنىنىڭ 399 – ماددىسىنىڭ 1 – تارمىقىغا خېلاپ . جاۋابكار ۋاڭ لىجۈن دۆلەت مەخپىيەتلىكىنى ئىگىلىگەن دۆلەت ئورگىنىنىڭ خادىمى تۇرۇقلۇق ھۆكۈمەت ئىشىنى بىجىرگەن ۋاقىتتا ، خىزمەت ئورنىدىن خالىغانچە ئايرىلىپ ، چەتئەلنىڭ ئېلىمىزدىكى باش كونسۇلخانىسىغا ئاسىيلىق قىلىپ قاچتى . ئۇنىڭ جىنايىتى ناھايىتى ئېغىر . ئۇنىڭ بۇ قىلمىشى جىنايى ئىشلار قانۇنىنىڭ 109 – ماددىسىدىكى بەلگىلىمىگە خېلاپ ؛ جاۋابكار ۋاڭ لىجۈن خىزمەت ھوقۇقىدىن قالايمىقان پايدىلىنىپ ، تەستىقلايماي ياكى ساختىلىق بىلەن تەستىق رەسمىيىتى بىجىرىپ ، ئىلگىرى – كېيىن بولۇپ نۇرغۇن كىشىگە تېخنىكىلىق تەھقىقلەش تەدبىرى قوللىنىپ ، سوتسىيالىستىك قانۇنچىلىققا ئېغىر ھالدا بۇزغۇنچىلىق قىلدى ، پۇقرالارنىڭ قانۇنىي ھوقۇق – مەنپەئەتىگە چېقىلدى ، ئۇنىڭ بۇ قىلمىشى جىنايى ئىشلار قانۇنىنىڭ 397 – ماددىسىنىڭ 1 – تارمىقىدىكى بەلگىلىمىگە خېلاپ . جاۋابكار ۋاڭ لىجۈن دۆلەت خادىمى تۇرۇقلۇق خىزمەت قولايلىقىدىن پايدىلىنىپ ، باشقىلارنىڭ 3 مىليون 50 مىڭ يۈەندىن ئارتۇق قىممەتتىكى مال – مۈلىكىنى قانۇنسىز ئالدى . ئۇنىڭ بۇ قىلمىشى جىنايى ئىشلار قانۇنىنىڭ 385 – ماددىسىدىكى بەلگىلىمىگە خېلاپ . جاۋابكار ۋاڭ لىجۈننىڭ يۇقىرىقى جىنايەتلىرىگە دائىر پاكىتلار ئېنىق ، دەلىل – ئىسپاتلار ھەقىقى ۋە تولۇق . ئۇنىڭ جىنايى جاۋابكارلىقىنى شەخسىي غەرىزى ئۈچۈن قانۇن بۇزۇش ، ئاسىيلىق قىلىپ قېچىش ، خىزمەت ھوقۇقىدىن قالايمىقان پايدىلىنىش ۋە پارا ئېلىش جىنايىتى بويىچە سۈرۈشتۈرۈش كېرەك .

چېڭدۇ شەھەرلىك خەلق تەپتىش مەھكىمىسى ئەيىبلەش پىكىرىدە مۇنداق كۆرسىتىلدى : جاۋابكار ۋاڭ لىجۈن جىنايى قىلمىشىنىڭ جەمئىيەتكە كەلتۈرگەن خەۋىپى ئىنتايىن ئېغىر . بۇنىڭ ساۋىقى كىشىنى سەگىتىدۇ . ئۇنىڭ ھۆكۈمەت خادىمى بولۇش سۈپىتى بىلەن ، قانۇن ئىنتىزامغا قاتتىق بويسۇنۇپ ، پاك دىيانەتلىك بولۇشى كېرەك ئىدى . ئۇ يەنە قانۇن ئىجرا قىلغۇچى بولۇش سۈپىتى بىلەن ، قانۇنغا ئەمەل قىلىشى ، پارتىيىلىك رەھبىرى كادىر بولۇش سۈپىتى بىلەن ، قانۇن ئالدىدا ھەممە ئادەم باراۋەر بولۇش ، تۈزۈم ئالدىدا ئىمتىيازلىق بولۇۋالماسلىق ، قانۇن تۈزۈم چەكلىمىسىدىن مۇستەسنا بولۇۋالماسلىق قارىشىنى تىكلىشى كېرەك ئىدى . سوتسىيالىستىك قانۇن ئىدارە قىلىش جەمئىيىتى بەرپا قىلىنىۋاتقان بۈگۈنكى كۈندە ، كىم بولىشىدىن قەتئىنەزەر ، قانۇنغا خېلاپلىق قىلغانلا بولسا چوقۇم قانۇننىڭ جازاسىغا ئۇچرايدۇ . جاۋابكار ۋاڭ لىجۈن سوتتا ئاخىرقى سۆزىنى بايان قىلىپ : تەپتىش ئورگىنى ئەيىبلىگەن جىنايىتىمنى ئېتراپ قىلىمەن ، جىنايىتىمنى بىلىمەن ، جىنايىتىمنى ئېتىراپ قىلىمەن ، جىنايىتىمگە پۇشايمان قىلىمەن . سوتلىنىش ئارقىلىق دۆلەت ئىچى ۋە سىرتىدا كەلتۈرگەن ئېغىر تەسىرلەرنىڭ تۈگىتىلىشىنى ئۈمىد قىلىمەن ، شۇنداقلا يەنە سوت قىلىنىش ئارقىلىق كۆپلىگەن كىشىنىڭ مېنىڭدىن ساۋاق ئېلىشىنى ئۈمىد قىلىمەن . مېنى تەربىيلىگەن ، ماڭا كۆڭۈل بۆلگەن تەشكىل ، جەمئىيەتتىكى ھەر ساھە كىشىلىرى ۋە ئۇرۇق – تۇققانلىرىمدىن سەمىمى ھالدا كەچۈرۈم سورايمەن ، كەچۈرۈڭلار ، سىلەرگە ھەقىقەتەن يۈز كىلەلمەيمەن ، سىلەرنى ئۈمىدسىزلەندۈردۈم ، دېدى .

جاۋابكار ۋاڭ لىجۈن چۇڭچىڭدىكى باش كونسۇلخانىسىغا ئۆز مەيلىچە كىرىپ تۇرىۋالغاندىن كېيىن ، ج خ ئورگىنى بوگۇ كەيلەينىڭ ئەنگىلىيە پۇقراسى نېيل ۋۇدنى ئۆلتۈرۈشكە چېتىلىپ قالغانلىق مەسىلىسىگە يۈكسەك ئەھمىيەت بىرىپ ، مەخسۇس قايتا تەكشۈرۈش گورۇپپىسى تەشكىللەپ ، « 15 – نويابىر » دېلوسىنى قانۇن بويىچە قايتا تەكشۈرۈپ پاش قىلدى .

ۋاڭ لىجۈننىڭ بۇ ھەرىكىتى ئوبىكتىپ جەھەتتىن ئېيتقاندا ، « 15 – نويابىر » دېلوسىنىڭ پاش قىلىنىشىدا مۇھىم رول ئوينىدى . ئۇنداقتا ، ئۇ يەنە نىمە ئۈچۈن شەخسىي غەرەزى بىلەن قانۇننى بۇزۇش جىنايىتى بويىچە ئەيىپلىنىدۇ ؟ ۋاڭ لىجۈن بىلەن بوگۇ كەيلەي ئائىلىسىنىڭ زىدىيىتى قانداق شەكىللىنىپ تەدرىجى ئۆتكۈرلەشكەن ؟ ئۇنىڭ ئاسىيلىق قىلىپ قېچىشىغا نېمە سەۋەپ بولدى ؟

مۇخبىر سوتنى سىرتتىن ئاڭلاپ ئىگىلىشى ، تاراتقۇلارنىڭ ئورتاق قارىشى ۋە دىلو بىجىرگەن ئورۇننىڭ تونۇشتۇرۇشى بىلەن ، ۋاڭ لىجۈن دىلوسىنىڭ پۈتۈن جەريانى ھەم مۇھىم نۇقتىسى ئايدىڭلاشتى .

بوگۇ كەيلەي ۋە بو XX بىلەن نېيل ۋۇد ئارىسىدا ئىقتىسادى مەنپەئەت زىدىيىتى يۈز بەرگەندىن كېيىن ، بوگۇ كەيلەي نېيل ۋۇدنى ئوغلىنىڭ ھاياتى بىخەتەرلىكىگە تەھدىت شەكىللەندۈردى ، دەپ قارىدى .

ۋاڭ لىجۈن بۇلتۇر 12 – نويابىر بوگۇ كەيلەي قاتارلىقلار بىلەن ، نېيل ۋۇدنى زەھەر جىنايىتىگە چېتىشلىق ، دېگەن باھانىدە نازارەت قىلىشنى مەسلىھەتلەشتى .

بوگۇ كەيلەي ، جاڭ شياۋ جۈن ( چوڭچىڭ شەھەرلىك پارتكوم ئىشخانىسىنىڭ سابىق خادىمى ، بوگۇ كەيلەي ئائىلىسىدە خىزمەت قىلغۇچى ، جازا ھۆكۈم قىلىنغان ) 13 – نويابىر كەچتە چوڭچىڭ شەھرىدىكى نەنسەن ئارامگاھىدا نېيل ۋۇدنى قەستلەپ ئۆلتۈردى .

بوگۇ كەيلەي 14 – نويابىر چۈشتە ۋاڭ لىجۈنگە نېيل ۋۇدنى زەھەرلىك ئۆلتۈرگەن جەرياننى سۆزلەپ بەردى . ۋاڭ لىجۈن بۇنى مەخپى ئۈنگە ئېلىۋالدى .

بوگۇ كەيلەينىڭ ئىقرارىدا مۇنداق دېيىلدى : ۋاڭ لىجۈن 14 – نويابىر چۈشتە « 3 – بىنا » ( بوگو كەيلەي تۇرالغۇسى ) غا كەلگەندە ، مەن ئۇنىڭغا 13 – نويابىر كەچتە نېيل ۋۇد بىلەن كۆرۈشۈپ ، ئۇنىڭ ئىستاكانىغا زەھەر سىلىپ ئۆلتۈرگەن جەرياننى تەپسىلىي سۆزلەپ بەردىم . ئۇ ماڭا بۇ ئىشنى قايتا ئويلىماسلىقنى ، بۇنىڭ ئەمدى مەن بىلەن ھىچقانداق ئالاقىسى يوقلىقىنى ، دېلوغا ئالاقىدار ئىشلارنى ئۇنتۇپ كېتىشنى ئېيتتى . مەن ئەنسىرەۋاتقانلىقىمنى ئېيتقاندا ، ئىشلارنىڭ بىر – ئىككى ھەپتىدىلا ئوڭشىلىپ كېتىدىغانلىقىنى ئېيتىپ تەسەللى بەردى .

ئەيىبلىگۈچى سوتتا ئۈن ماتىريالىنى كۆرسەتتى . بۇ ئۈن ماتىريالى ۋاڭ لىجۈن بىلەن بوگۇ كەيلەينىڭ تېلېفوندا پاراشلاشقان سۆزى بولۇپ ، بوگۇ كەيلەي نېيل ۋۇدنى ئۆلتۈرگەن جەرياننى ۋاڭ لىجۈنگە ئېيتىپ بىرىۋاتقانىدى .

15 – نويابىر نېيل ۋۇدنىڭ ئۆلگەنلىكى بايقالغاندىن كېيىن ، ۋاڭ لىجۈن بوگۇ كەيلەي بىلەن مۇناسىۋىتى يېقىن بولغان چۇڭچىڭ شەھەرلىك ج خ ئىدارىسىنىڭ مۇئاۋىن باشلىقى گو ۋىيگو ( جازا ھۆكۈم قىلىنغان ) نى بۇ دىلونى بىجىرىشكە مەسئۇل قىلدى . بىراق ئۇ قاتارلىق دېلو بىجىرگۈچىلەرنى بوگۇ كەيلەينىڭ نېيل ۋودنى ئۆلتۈرگەنلىكىگە ئائىت ئۈن ئىسپاتى بىلەن تەمىنلىمىدى . كېيىن ۋاڭ لىجۈن دىلو يۈز بەرگەندىن كېيىن نەق مەيدانغا كىلىپ جىنايى ئىشلار رازۋىتكا خىزمىتىگە مەسئۇل خۇاڭ XX كە تېلېفون بىرىپ ، ئىدارىگە قايتىشنى ، بۇ دىلوغا ئۇنىڭ مەسئۇل بولمايدىغانلىقىنى ئېيتتى . ۋاڭ لىجۈننىڭ ئىقرارىدا : ئەينى چاغدا بۇ دىلوغا بىۋاستە يۈزلىنىشنى خالىمىغانىدىم ، دېيىلدى .

گوۋىيگو ، لى ياڭ ( چۇڭچىڭ شەھەرلىك ج خ ئىدارىسى جىنايى ئىشلار ساقچى باش ئەترىتىنىڭ سابىق باشلىقى ، جازا ھۆكۈم قىلىنغان ) ، ۋاڭ پىيفىي ( چۇڭچىڭ شەھەرلىك ج خ ئىدارىسى تېخنىكىلىق رازۋىتكا باش ئەترىتىنىڭ سابىق باشلىقى ، چوڭچىڭ شەھەرلىك ج خ ئىدارىسى يۈ بىي رايونلۇق شۆبىسىنىڭ سابىق باشلىقى ، جازا ھۆكۈم قىلىنغان ) ، ۋاڭ جى ( چۇڭچىڭ شەھەرلىك ج خ ئىدارىسى شا پىيبىي رايونلۇق شۆبىسىنىڭ دائىمى ئىشلارغا مەسئۇل سابىق مۇئاۋىن باشلىقى، جازا ھۆكۈم قىلىنغان ) 16 – نويابىر چۈشتىن بۇرۇن ، نېيل ۋۇدنىڭ ھاراق ئىچىپ مەست بولۇپ ئۆلگەنلىكى ھەققىدە يەكۈن چىقاردى ، ۋاڭ لىجۈن بۇنىڭغا قارىتا باشقىچە پىكىردە بولمىدى .

ۋاڭ لىجۈن 17 – نويابىر گوۋىيگو قاتارلىقلارنىڭ نەق مەيداندىن ئىگىلىگەن خاتىرىسى ۋە بوگۇ كەيلەينىڭ شۇ مېھمانسارايغا بارغان كۆرۈنىشى چۈشۈرۈلگەن قاتتىق دېسكىنى تەشەببۇسكارلىق بىلەن بوگۇ كەيلەيگە بەردى . بوگۇ كەيلەينىڭ گۇۋاھلىق سۆزىدە مۇنداق دېيىلدى : « ۋاڭ لىجۈن ماڭا : ‹ بۇ نەنسەن ئارامگاھىدىكى مېھمانساراي كامىراسىدا ئېلىنغان كۆرۈنۈشنىڭ قاتتىق دېسكىسى ، بۇنىڭغا سىز نېيل ۋۇد بىلەن كۆرۈشكەندىن كېيىن ، باشقىلارنىڭ ئۇنىڭ ياتىقىغا كىرمىگەنلىكى ئېلىنغان › دېدى . بۇ ئۇنىڭ مېنى قوغدىغىنى ئىدى . ۋاڭ لىجۈن بىلەن بوگۇ كەيلەينىڭ مۇناسىۋىتى قويۇق بولغان بولسىمۇ ، بۇ ئۇلارنىڭ ئوتتۇرىسىدا زىدىيەت مەۋجۈت ئەمەسلىكىدىن دېرەك بەرمەيدۇ . دەلىل – ئىسپاتلاردا كۆرسىتىلىشىچە ، « 15 – نويابىر » دېلوسى يۈز بىرىشتىن ئىلگىرى ۋاڭ لىجۈن بىلەن بوگۇ كەيلەي ئوتتۇرىسىدا زىدىيەت پەيدا بولغان . 2011 – يىلى 12 – ئاۋغۇست بوگۇ كەيلەي ئوغلى بو XX ۋاڭ لىجۈن بىلەن كۆرۈشمەكچى بولغان ، لېكىن ۋاڭ لىجۈن چۇڭچىڭدا بولسىمۇ ئۇنىڭ بىلەن كۆرۈشكۈسى كەلمەي ، شوپۇرىغا ئۆزىنى ۋەنجۇغا كەتتى ، دەپ قويۇشنى ئىيتقان . نەتىجىدە بو XX كېچىدە ۋەنجۇغا بىرىش يولىدا ھادىسىگە ئۇچرىغىلى تاس قالغان ، بۇ سەۋەپلىك بوگۇ كەيلەي ۋاڭ لىجۈنگە خاپا بولغان .

« 15 – نويابىر » دېلوسى يۈز بەرگەندىن كېيىن ، بوگۇ كەيلەي دېلو ئەھۋالىنىڭ ئاشكارلىنىپ قىلىشىدىن قورقۇپ ، دەلىل – ئىسپاتلارنى يوقۇتۇش ئۈچۈن بىر قاتار ھەرىكەتلەرنى قىلغان . ۋاڭ لىجۈن ئىشنىڭ تىخىمۇ كىڭىيىپ كەتكەنلىكىدىن نارازى بولغان . 2011 – يىلى 14 – دېكابىر بوگۇ كەيلەي مەخسۇس زىياپەت ئورۇنلاشتۇرۇپ ، « 15 – نويابىر » دېلوسىنى بىر تەرەپ قىلغان ، ئۆزى ئۈچۈن ئادەم ئۆلتۈرگەنلىكىنى يوشۇرۇپ بەرگەن لى ياڭ ، ۋاڭ تېڭفىي ، ۋاڭ جى قاتارلىقلارنى مېھمان قىلغان .

ۋاڭ لىجۈن ئىقرارىدا : ئىككىنچى كۈنى گو ۋىيگو ، ۋاڭ جى بىلەن ۋاڭ تېڭفىينى ئىلىپ بېيجىڭغا بارغان . مەن گوۋىيگونىڭ ئالدىدىلا ۋاڭ جى بىلەن ۋاڭ تېڭفىينى تىللدىم . مېنىڭچە ، ئۇلارنى تىللىغىنىمنى گوۋىيگو چۇڭچىڭغا يەتكۈزگەن ، بۇلتۇر 14 – دېكابىردىن كېيىن بوگۇ كەيلەينىڭ ماڭا بولغان پوزىتسىيىسى ئۆزگەردى ، بۇرۇنقىدەك قىزغىن بولمىدى ، ئۇ مەندىن مۇداپىئەلىنىشكە باشلىدى ، دېيىلدى . گوۋىيگو ، ۋاڭ تېڭفىي ، ۋاڭ جىلارمۇ يۇقىرقى ئەھۋالنى دەلىللىدى .

2011 – يىلى دېكابىرنىڭ ئاخىرىدا ۋاڭ لىجۈن يېنىدىكى تۆت خىزمەتچىسى قانۇنسىز ھالدا تەكشۈرۈلدى . بۇ ۋاڭ لىجۈن بىلەن بوگۇ كەيلەي ئوتتۇرىسىدىكى زىدىيەتنى تېخىمۇ كۈچەيتىۋەتتى . ئالاقىدار گۇۋاھچىلارنىڭ سۆزىدە كۆرسىتىلىشىچە : 2012 – يىلى 28 – يانۋار ۋاڭ لىجۈن چۇڭچىڭ شەھەرلىك پارتىكومدىكى ئاساسلىق مەسئۇلغا بوگۇ كەيلەينىڭ « 15 – نويابىر » دېلوسىدىكى مۇھىم گۇماندار ئىكەنلىكىنى ئىنكاس قىلغان . 29 – يانۋار چۈشتىن بۇرۇن بوگۇ كەيلەي ۋاڭ لىجۈننى بىر شاپىلاق ئۇرغان . گوۋىيگونىڭ سوراق خاتىرىسىدە : ۋاڭ لىجۈننى ئۇرغاندىن كېيىن ، بارلىق زىدىيەت شۇ يەردە ئاشكارە بولدى ، دېيىلدى .

زىدىيەت كەسكىنلەشكەندىن كېيىن ، ۋاڭ لىجۈن شۇ كۈنى لى ياڭ قاتارلىق كىشىلەرنى بارلىق گۇۋاھچى ۋە گۇۋاھلىق سۆزىنى قايتىدىن ئېنىقلاشقا ئورۇنلاشتۇردى ھەم نېيل ۋۇدنىڭ قېنى قاتارلىق مۇھىم ماددى ئىسپاتلارنى ، بوگۇ كەيلەينىڭ نېيل ۋودنى قەستەن ئۆلتۈرگەنلىكىگە ئائىت دەلىل – ئىسپاتلارنى رەتلەپ چىقىش ھەمدە مەخپى ئۈن ماتىرياللىرى بىلەن تەمىنلىدى . كېيىن رەتلەنگەن بارلىق ئارخىپ لى ياڭ قاتارلىق كىشىلەرنىڭ باشقۇرۇشىغا ئۆتكۈزۈپ بىرىلدى .

ۋاڭ جىنىڭ سوراق خاتىرىسىدە : ۋاڭ لىجۈن 29 – يانۋار ۋاڭ تېڭفىي بىلەن مىنى ۋە لى ياڭنى ئىشخانىسىغا چاقىرتىپ ، « 15 – يانۋار » دېلوسىغا ئائىت ئاخىپلارنى قايتىدىن رەتلەپ چىقىشنى ئېيتتى . بىز بىر نەچچە كۈن ۋاقىت سەرپ قىلىپ ، ئاخىپلارنى رەتلەپ چىقتۇق . ۋاڭ لىجۈن بىزگە بۇ ئارخىپلارنى بۆلۈپ بىرىپ ، ئايرىم – ئايرىم بىخەتەر ئورۇنغا قويۇپ قويۇشىمىزنى ئېيتتى .

ۋاڭ جى يەنە : مەن ئۇ ۋاقىتتا ۋاڭ لىجۈننىڭ بوگۇ كەيلەيدىن يۈز ئۆرۈگەنلىكىنى بىلەتتىم . بولمىسا ئۇ بىزنى بۇ ئارخىپلارنى رەتلەشكە ئورۇنلاشتۇرمايتى ، ئۇنىڭ بۇ دىلونى قولغا ئىلىشىدا شەخسىي مۇددىئاسى بولۇشى مۇمكىن ئىدى ، دېدى .

2012 – يىلى 2 – فېۋرال ، ۋاڭ لىجۈننىڭ چۇڭچىڭ شەھرىنىڭ مۇئاۋىن باشلىقلىق خىزمىتى تەڭشىلىپ ، چۇڭچىڭ شەھەرلىك ج خ ئىدارىسىنىڭ باشلىقلىق ۋەزىپىسىنى قوشۇمچە ئۆتىمەيدىغان بولدى . فېۋرالنىڭ بىشىدا ۋاڭ لىجۈن يېنىدىكى ئۈچ خادىم يەنە قانۇنسىز ھالدا تەكشۈرۈلدى . ۋاڭ لىجۈن ئۆزىنى خەتەر ئىچىدە تۇرىۋاتقاندەك ھېس قىلىپ ، ئاسىيلىق قىلىپ قېچىش خىيالىغا كەلدى .

ۋاڭ لىجۈن 6 – فېۋرال كېڭىشىش خىزمىتىنى باھانە قىلىپ ، ئەسلىدىكى ھۆكۈمەت ئىشى ئورۇنلاشتۇرۇشىنى قەستەن ئەمەلدىن قالدۇرۇپ ، شۇ كۈنى سائەت 14 دىن 31 مېنۇت ئۆتكەندە ئۆز مەيلىچە ئامېرىكىنىڭ چېڭدۇدىكى باش كونسۇلخانىسىغا كىرىۋالدى .

چۇڭچىڭ شەھىرىدىكى ئالاقىدار تارماقلارنىڭ دەلىللىشىچە ، بۇ مەزگىلدە چۇڭچىڭ شەھەرلىك پارتكوم ، شەھەرلىك ھۆكۈمەت چۇڭچىڭنىڭ مۇئاۋىن شەھەر باشلىقى  قاتنىشىدىغان ھىچقانداق ھۆكۈمەت ئىشى پائالىيىتى ئورۇنلاشتۇرمىغان ، ئامېرىكىنىڭ چېڭدۇدىكى باش كونسۇلخانىسىدا سودا ، دىپلوماتىيە ئىشلىرىنى كېڭىشىش توغرىسىدىمۇ مۇئاۋىن شەھەر باشلىقى قاتنىشىدىغان پائالىيەتنىمۇ ئۇيۇشتۇرمىغان ، ۋاڭ لىجۈننى ئۆز ئىچىگە ئالغان مۇئاۋىن شەھەر باشلىقىنىڭ ئامېرىكىنىڭ چېڭدۇدىكى باش كونسۇلخانىسىغا بىرىپ قاتنىشىدىغان دىپلوماتىيە پائالىيىتىنىمۇ تەشكىللمىگەن .

ئەيىبنامىدە : ئامېرىكا كونسۇلخانىسىدا ، ۋاڭ لىجۈن ئامېرىكا كونسۇلخانا خادىملىرى بىلەن مۇھىت ئاسراش ، مائارىپ ، پەن – تېخنىكا قاتارلىق ئىشلاردا قىسقا سۆھبەتلەشكەندىن كېيىن ، دىلو مۇناسىۋەتلىك كىشىلەرنى تەكشۈرۈش سەۋەپلىك ھاياتىنىڭ تەھدىتكە ئۇچرىغانلىقىنى ئېيتىپ ، ئامېرىكىدىن پاناھلىق بىرىشنى تەلەپ قىلىپ ، سىياسىي پاناھلىق ئىلتىماسى يازغان ، دېيىلدى .

چۇڭچىڭ شەھىرى ۋە مەركەزدىكى مۇناسىۋەتلىك تارماقلارنىڭ نەسىھەت قىلىشى بىلەن ، ۋاڭ لىجۈن 7 – فېۋرال سائەت 23 دىن 35 مېنۇت ئۆتكەندە ئامېرىكا كونسۇلخانىسىدىن ئايرىلىپ ، تەكشۈرۈشنى قوبۇل قىلدى .

ۋاڭ لىجۈن ئامېرىكا كونسۇلخانىسىدىن ئايرىلغاندىن كېيىن ، دۆلەتنىڭ ئالاقىدار تارماقلىرىغا بوگۇ كەيلەينىڭ نېيل ۋۇدنى قەستەن ئۆلتۈرۈش دېلوسىغا چېتىشلىق ئىكەنلىكىنى ئىنكاس قىلدى ھەمدە ئالاقىدار ئىسپات ماتىرياللىرى بىلەن تەمىنلىدى ھەمدە لى ياڭغا خەت يېزىپ ، نېيل ۋۇدنىڭ ئۆلۈم دىلوسىنى تەكشۈرۈشكە مەسئۇل بولغان ج خ خادىملىرىغا نېيل ۋۇدنىڭ قېنى قاتارلىق ماددى ئىسپاتلارنى تاپشۇرۇشنى ئېيتتى .

ئەيىبلىگۈچى : جاۋابكار ۋاڭ لىجۈن رەتلىگەن ئارخىپ ماتىرياللىرى بوگۇ كەيلەينىڭ نېيل ۋۇدنى قەستەن ئۆلتۈرۈش جىنايىتىگە چېتىشلىق ئىكەنلىكىنى تولۇق دەلىللەيدۇ ، دەپ ئوتتۇرىغا قويدى .

ۋاڭ لىجۈن كونسۇلخانىدىن چىققاندىن كېيىن ، ج خ مېنىستىرلىقى ئۇ ئىنكاس قىلغان ئەھۋالغا ئاساسەن ، نېيل ۋۇدنىڭ ئۆلۈم دىلوسىنى قانۇن بويىچە قايتىدىن تەكشۈردى . 2012 – يىلى 20 – ئاۋغۇست ، ئەنخۈي ئۆلكىسى خېفىي شەھەرلىك ئوتتۇرا خەلق سوت مەھكىمىسى بوگۇ كەيلەي ، جاڭ شياۋجۈننى قەستەن قاتىللىق قىلىش جىنايىتى بار ، دەپ ھۆكۈم چىقاردى .

ۋاڭ لىجۈن دىلوسى تەھقىقلىنىش جەريانىدا ، ئالاقىدار تەرەپلەردىن ئۇنىڭ خىزمەت ھوقۇقىدىن قالايمىقان پايدىلىنىش ، پارا ئىلىش قاتارلىق قىلمىشلىرى توغرىسىدىكى ئىنكاس ۋە پاش قىلىش ماتىرياللىرى كەلگەن بولۇپ ، تەھقىقلەش ئورگانلىرى يۈكسەك ئەھمىيەت بىرىپ ، قانۇن بويىچە تەكشۈرۈپ دەلىل – ئىسپات توپلىدى .

مۇخبىرنىڭ سوت مەيدانىدىن ئىگىلىشىچە ، ۋاڭ لىجۈننىڭ پارا ئېلىشقا چېتىشلىق مۇھىم پاكىتلار تۆۋەندىكىچە ئىكەن : 2009 – يىلى ئاپرىلدا ۋاڭ لىجۈن چۇڭچىڭ شەھەرلىك ج خ ئىدارىسىنىڭ باشلىقى بولۇپ تۇرىۋاتقان مەزگىلدە ، يېقىن تۇققانلىرىنى بېيجىڭدىكى مەلۇم تارماققا يۆتكىگەن  ، لېكىن ئۆي بولمىغانلىقتىن ، داليەن شىدې گورۇھى چەكلىك شىركىتىنىڭ باش لېدىرى شۈ مىڭ 2 مىليون 850 مىڭ يۈەن چىقىرىپ بىيجىڭدىن ئىككى يۈرۈش ئۆي سېتىۋىلىپ ، ئۇنى قىيىنئاتىسىنىڭ نامىدا بېجىرگەن . بۇ ئىشتىن كېيىن ، ۋاڭ لىجۈن شۈمىڭغا رەھمىتىنى بىلدۈرگەن . شۇ يىلى ئىيولدا ، ۋاڭ لىجۈن شۈمىڭنىڭ ھاۋالىسى بىلەن چۇڭچىڭ دىلو بىجىرىش تارمىقىغا قاماپ قويۇلغان پەن XX ، ۋاڭ XX ، جاڭ XX نى قويۇپ بەرگەن . 2008 – يىلى سېنتەبىر ، 2009 – يىلى نويابىردا ، ۋاڭ لىجۈن چۇڭچىڭ شەھەرلىك ج خ ئىدارىسىنىڭ دائىمى ئىشلارغا مەسئۇل مۇئاۋىن باشلىقى ۋە ئىدارە باشلىقى بولۇپ تۇرىۋاتقان مەزگىلدە ، داليەن شىيۈەن سودا چەكلىك شىركىتىنىڭ قانۇنى ۋاكالەتچىسى يۈ جۈنشى ئىككى قېتىمدا 200 مىڭ يۈەن چىقىرىپ ، ۋاڭ لىجۈننىڭ چۇڭچىڭدىكى ئىجارىگە ئالغان داچىسىنىڭ ھەققىنى تۆلىۋەتكەن . 2009 – يىلى ئۆكتەبىردە ، ۋاڭ لىجۈن يۈ جىنشىنىڭ ھاۋالىسى بىلەن چۇڭچىڭ دىلو بىجىرىش تارمىقىغا قاماپ قويۇلغان ياڭ XX نى قويۇۋەتكەن .

ۋاڭ لىجۈن تەكشۈرۈشنى قوبۇل قىلغان مەزگىلدە ، باشقىلارنىڭ قانۇنغا خېلاپ جىنايى قىلمىشلىرىغا ئائىت يىپ ئۇچلىرىنى ئاشكارىلاپ ، ئالاقىدار دىلونىڭ تەكشۈرۈپ بىر تەرەپ قىلىنىشىدا مۇھىم رول ئوينىدى .

سوتتا ئاقىلىغۇچى ئادۋۇكات ۋاڭ لىجۈننىڭ جىنايى جازاسىنى يەڭگىللىتىشنى تەلەپ قىلىپ ، ئاقلاش پىكىرىنى ئوتتۇرىغا قويدى . ئۇ : ۋاڭ لىجۈننىڭ ئامېرىكا كونسۇلخانىسىدىن تەشەببۇسكارلىق بىلەن ئايرىلىشى ئاسىيلىق قىلىپ قېچىش قىلمىشىنىڭ داۋاملاشمىغانلىقىنى كۆرسىتىدۇ . شۇڭا جىنايى جازانى يېنىكلىتىشكە ياكى كەچۈرۈم قىلىشقا بولىدۇ . ۋاڭ لىجۈن بۇ جەرياندا ئۆزىنى مەلۇم قىلىپ ، قىلمىشىنى تاپشۇردى ، ئۇنى قىلمىشى پەۋقۇلئاددە ئېغىر دەپ بىكىتمەي ، قىلمىشى ئېغىر دەپ بىكىتىش كېرەك . سوتنىڭ بۇنى ئويلىشىپ كۆرۈشىنى ئۈمىد قىلىمەن ، دېدى .

ئەيىبلىگۈچى : ئاسىيلىق قىلىپ قېچىش جىنايەت ، ئۇ ئاللىقاچان بۇ قىلمىشنى سادىر قىلغان ، شۇنىڭ ئۈچۈن مەقسىتى ئەمەلگە ئاشقان بولىدۇ ، جاۋابكار ئىشتىن ئاۋۋال پىلانلاپ ، كېڭىشىش خىزمىتىنى باھانە قىلىپ ، ئامېرىكا كونسۇلخانىسىغا كىرىۋالغان ھەمدە كونسۇلخانىغا سىياسىي پاناھلىق ئىلتىماسى سۇنغان ، بۇ ئەمەلگە ئاشقان جىنايەت ھېسابلىنىدۇ . ۋاڭ لىجۈن ئاسىيلىق قىلىش جىنايىتى ئۆتكۈزگەندىن كېيىن ئۆزىنى تەشەببۇسكارلىق بىلەن مەلۇم قىلدى ھەمدە ئاسىيلىق قىلىپ قېچىشتىكى ئاساسلىق جىنايى پاكىتلىرىنى ئىقرار قىلدى ، بۇ ئۆزىنى مەلۇم قىلغانلىق بولىدۇ . جىنايى ئىشلار قانۇنىنىڭ 67 – ماددىسىدىكى بەلگىلىمە بويىچە يېنىك ياكى يېنىكلىتىپ جازا بىرىشكە بولىدۇ . جاۋابكار ۋاڭ لىجۈن ج خ ئىدارىسىنىڭ باشلىقى تۇرۇقلۇق ، قەستەن قاتىللىق قىلىش جىنايىتىنى تەكشۈرۈش مەسئۇلىيىتىنى ئادا قىلمىدى ، ئۆز مەيلىچە قانۇننى بۇزۇش جىنايىتىدە ئالاھىدە رول ئويناپ ، ئېغىر جىنايەت شەكىللەندۈردى . ۋاڭ لىجۈن كېيىن چۇڭچىڭ شەھەرلىك ج خ ئىدارىسىدىكى مۇناسىۋەتلىك خادىملارغا بوگۇ كەيلەينىڭ قەستەن قاتىللىق قىلىش دېلوسىغا چېتىشلىق ئارخىپلارنى قايتىدىن رەتلەپ ، دەلىل – ئىسپاتلارنى تەكشۈرۈپ تولۇقلاپ ، ماددى ئىسپاتلارنى ساقلاپ قويغان . دۆلەتنىڭ ئالاقىدار تارماقلىرىغا بوگۇ كەيلەينىڭ قەستەن قاتىللىق قىلىش دېلوسىغا چېتىشلىق ئىكەنلىكىنى ئىنكاس قىلىپ ، مۇناسىۋەتلىك ماتىرياللار بىلەن تەمىنلەپ ، قايتىدىن تەكشۈرۈش ئىشلىرىدا ، ج خ ئورگانلىرىنىڭ دېلونى پاش قىلىشىدا مۇھىم رول ئوينىغانلىقى ئۈچۈن ئۇنىڭ ئۆز مەيلىچە قانۇننى بۇزۇش جىنايىتىگە يېنىكلىتىپ جازا بىرىشكە بولىدۇ . ۋاڭ لىجۈن باشقىلارنىڭ ئېغىر قانۇننى خېلاپ جىنايى قىلمىشىنىڭ يىپ ئۇچى بىلەن تەمىنلەپ ، ئالاقىدار تارماقلارنىڭ تەكشۈرىشىدە مۇھىم رول ئويناپ ، زور خىزمەت كۆرسەتتى ، شۇڭا جىنايى ئىشلار قانۇنىنىڭ 68 – ماددىسىدىغا ئاساسەن يېنىكلىتىپ جازا بىرىشكە بولىدۇ ، دېدى .

« شىنجاڭ قانۇنچىلىق گېزىتى » نىڭ 2012 – يىللىق 20 – سېنتەبىر سانىدىن ئېىندى .

tuprakbag يوللانغان ۋاقتى 2012-9-21 10:41:15

tuprakbag يوللانغان ۋاقتى 2012-9-21 10:41:19

freebird يوللانغان ۋاقتى 2012-9-21 12:15:07

6- قەۋەتتىكى tuprakbagنىڭ يازمىسىدىن نەقىل

بوگۇكەيلەي دىگىنى بوشىلەينىڭ نىمىسى؟

koktash يوللانغان ۋاقتى 2012-9-22 08:27:03

tayker يوللانغان ۋاقتى 2012-9-23 10:47:36

qaynam يوللانغان ۋاقتى 2012-9-23 17:03:31

imlachi يوللانغان ۋاقتى 2012-9-24 08:18:29

15 يىللىق كېسىلىپتۇ.

中新网9月24日电 据中央电视台报道，成都市中级人民法院24日上午对重庆市原副市长王立军案一审宣判，王立军因徇私枉法、滥用职权，叛逃并受贿305万，共获刑15年