ئىزدىنىش مۇنبىرى › تەنتەربىيە كۇلۇبى › جۇڭگو قۇملۇق پۇتبول كوماندىسىدىكى ئۇيغۇرلاردىن خۇش خەۋەر

zulal يوللانغان ۋاقتى 2012-6-17 17:04:42

جۇڭگو قۇملۇق پۇتبول كوماندىسىدىكى ئۇيغۇرلاردىن خۇش خەۋەر

2012-يىلى 6-ئاينىڭ 16-كۈنى چۈشتىن بۇرۇن ، شەندوڭ ئۆلكىسىنىڭ خەيياڭ شەھىرىدە ئۆتكۈزۈلگەن 3-نۆۋەتلىك ئاسىيا قۇملۇق تەنھەرىكەت مۇسابىقىسىنىڭ قۇملۇق پۇتبولى گۇرۇپپا مۇسابىقىسىدە ، ئۆتكەن نۆۋەتلىكتە 4-بولغان جۇڭگو كوماندىسى تۇنجى رەقىبى ئافغانىستان كوماندىسى بىلەن تۇتۇشتى ( ساھىبخان جۇڭگو كوماندىسى ئافغانىستان ، ۋيېتنام ، پەلەستىن بىلەن بىرلىكتە ئا گۇرۇپپىغا بۆلۈنگەن بولۇپ ، جۇڭگو كوماندىسى بۇ گۇرۇپپىدىكى ئۇرۇقلۇق كوماندا دەپ قارالغان ) ، ئاخىرىدا جۇڭگو كوماندىسى تۆتكە قارشى ئالتە نەتىجە بىلەن ئۇتتى . جۇڭگو كوماندىسىدىكى 6-نومۇرلۇق ئىلھام ئەھەد ئىككى توپ ، 7-نومۇرلۇق تۇرسۇن مۇھەممەد بىر توپ كىرگۈزدى .

مۇسابىقىنىڭ تەپسىلاتىنى كۆرمەكچى بولسىڭىز ، مەركىزىي تېلېۋىزىيە ئىستانسىسى 5-قانىلىدىن تارقىتىلغان كۆرۈنۈش ئادرېسىنى بېسىڭ :

http://bugu.cntv.cn/sports/information/cctv5tiyusaishi/classpage/video/20120616/100563.shtml

najib يوللانغان ۋاقتى 2012-6-17 21:39:39

    مۇشۇلارنىڭخەۋەرلىرىكۆپ   ئەمەس،،جىقراق خەۋەرداربولۇپتۇرساقبولاتتى

xj118114 يوللانغان ۋاقتى 2012-6-17 17:09:51

ۋاھ!

قاچانلاردىن بۇ توپنىمۇ ئۆگىنۋالدىكىنە بۇ ئەزىمەتلىرىمىز،ئاغىينىلەر ،تىرىشىڭلار !

ziyali يوللانغان ۋاقتى 2012-6-17 17:10:45

ماۋۇ ئىنىلىرىمىزنىڭ كەپ چىقىشىنى بىلسىڭىز دەپ بەرمەمسىز

zulal يوللانغان ۋاقتى 2012-6-17 18:05:06

ئىلھام ئەھەد ، 1991-يىلى 5-ئاينىڭ 9-كۈنى تۇغۇلغان ، مارالبېشى ناھىيەسىدىن ، بويى : 1.68 مېتىر ، ئېغىرلىقى : 61 كىلوگىرام .

ئۈچ يىلنىڭ ئالدىدا سۇڭچىڭلىڭ پۇتبول مەكتىپىنى پۈتتۈرگەن ، 2008-يىلى شىنجاڭ كوماندىسىغا ۋاكالىتەن مەملىكەتلىك قۇملۇق پۇتبول لەۋھە تالىشىش مۇسابىقىسىگە قاتناشقان ، شۇ ۋاقىتتىكى دۆلەتلىك قۇملۇق پۇتبول كوماندىسىنىڭ باش مەشقاۋۇلى مارك ئاتاۋى ( برازىلىيەلىك ) ئۇنى دۆلەتلىك كوماندىغا قوبۇل قىلغان . 2008-يىلى 10-ئايدىن باشلاپ ، ئىلھام ئەھەد بىلەن تۇرسۇن مۇھەممەد بىرلىكتە دۆلەت كوماندىسىدا مەشق قىلغان . 2009-يىلى جۇڭگو قۇملۇق پۇتبول كوماندىسى تۇنجى نۆۋەتلىك ئاسىيا قۇملۇق تەنھەرىكەت مۇسابىقىسىنىڭ پۇتبول تۈرىدە 4-بولغان . قۇملۇق پۇتبولى جۇڭگودا ئانچە نەزەرگە ئېلىنمىغانلىقتىن ، دۆلەتلىك كوماندىمۇ پەقەت مۇھىم مۇسابىقىلەر ئۆتكۈزۈلسە ئاندىن كوماندا تەشكىللىنەتتى . شۇڭا ، ئىلھام ئەھەد ھازىر جۇڭگو ب دەرىجىلىكلەر بىرلەشمە مۇسابىقىسىدىكى سىچۈەن دۇجياڭ كوماندىسىغا تاللىنىپ ، 3 يىلدىن بېرى شۇ يەردە توپ تەپتى ، بۇ جەرياندا سىچۈەن كوماندىسى ب دەرىجىلىكلەردىن ئا دەرىجىلىكلەر قاتارىغا ئۆتتى ، ئاندىن يەنە ب دەرىجىلىكلەر قاتارىغا چۈشۈپ قالدى ، لېكىن ئوڭ ، سول مۇداپىئەچىلىك ئورنىنىڭ ھۆددىسىدىن چىقالايدىغان ئىلھام ئەھەد ئىزچىل ھالدا بۇ كوماندىنىڭ ئاساسلىق ماھىرى بولۇپ كەلدى . سىچۈەن كوماندىسى ھازىر ب دەرىجىلىكلەر بىرلەشمە مۇسابىقىسى جەنۇبىي رايونىدا ئالدىنقى ئورۇندا تۇرۇۋاتقان بولسىمۇ ، ئىلھام ئەھەد بۇ قېتىملىق ئاسىيا قۇملۇق تەنھەرىكەت مۇسابىقىسى ئۈچۈن تەشكىللەنگەن دۆلەتلىك قۇملۇق پۇتبول كوماندىسىنىڭ چاقىرىقىغا قوشۇلۇپ ، دۆلەتلىك قۇملۇق پۇتبول كوماندىسىغا كۈچ قوشۇش ئۈچۈن سىچۈەن كۇلۇبىدىن ۋاز كېچىپ ، دۆلەتلىك كوماندىغا ئۆزىنى مەلۇم قىلدى .

jangqi19 يوللانغان ۋاقتى 2012-6-17 18:13:55

مۇشۇ تۈردىمۇ ئەزمەتلىرمىز باكەندە

UCHQUN33 يوللانغان ۋاقتى 2012-6-17 19:25:09

لو بىرمە دىگەن ئاداش، گەپنى شۇنداق ئوچۇق قىلساممۇ يەنە ئۆزەڭنىڭ گىپىنى يورغۇلۇتۇپسەن. ئۇ ئىككى شىركەت بىز توپچىلارغا بىر نەرسە ئاپىربىرلى، بىزنى تەشۋىق قىلىپ تورغا چىقىرىپ قويۇڭلار دىمىدى. بىز ئەزىمەتلىرمىزنىڭ تۇرمۇشتىكى بەزىبىر قىيىنچىلقىغا ئازراق بولسىمۇ ياردىمى بولامدىكى دەپ، ئۆزىمىز بۇ ئىككى شىركەتنى ئىزدەپ بىرىپ ئۇلاردىن ياردەم سورىدۇق. شىركەت رەھبەرلىكى بىزنى خۇشاللىق بىلەن قارشى ئېلىپ قىسقا مۇددەت ئىچىدە ئۆز كۆڭلىنى بىلدۈرگەن ئىدى. بىز بۇلارنىڭ ساخاۋىتىدىن باشقا كارخانچىللىرمىزمۇ تەسىرلەنسە ئەجەپ ئەمەس دەپ بىر قانچە تورغا يوللاپ قويغان ئىدۇق. لو دىگەن بۇرادەر ئۇلارنىڭ ئەزىمەتلىرمىزنى يوقلىغانلىقىغا ئائىت سۈرەتنى بىرەر تور بىتى ياكى ئاخبارات ۋاستىللىردا كۆردۈڭمۇ؟ ئەگەر شىركەت ئۆزىنى تەشۋىق قىلماقچى بولسا شۇنداق قىلغان بولاتتى. ئۇ خاتىرە سۈرەت ھازىر پەقەت شۇ كىچىك مەستانىمىزنىڭ ئاپپىراتىدا خاتىرە بۇيۇمى سۈپىتىدە ساقلىنىۋاتىدۇ خالاس! ئەسكەرتىپ قوياي، بۇ خەۋەرنى تورغا يوللىغۇچى بىزلەرنىڭ مەزكۇر ئىككى شىركەت بىلەن ھىچقانداق مەنپەت ئالاقىمىز يوق! بۇنى دەپ قويمىسام بۇنىڭدىنمۇ قۇسۇر تاپمىغىن يەنە!

akbar0997 يوللانغان ۋاقتى 2012-6-17 20:41:48

بارىكاللا ئىنىلىرىم ،بىزدىن تېخى بۇنداق ئەزمەتلىرىمىز بار دەپ ئويلىماپتىكەنمەن.سىلەرگە ئوتۇقلۇق تىلەيمەن.

mayhana يوللانغان ۋاقتى 2012-6-17 22:14:17

يالاڭئاياق توپ تىپىپ ئوينايدىغان بۇنداق مۇسابىقىگە بىز كۈنۈكقۇ...

tursunn يوللانغان ۋاقتى 2012-6-17 22:56:23

بارىكاللا!

watansiz يوللانغان ۋاقتى 2012-6-18 10:18:38

ھازىرقى   دىيارىمىزدىكىئەڭ قىزىق تىيما   پۇتبول

كەلگۇسىدىكى   پۇت بولنىڭتەرەققىياتى شىنجاڭدا

مۇشۇكوماندائەزالىرىمىزپۇتكۇل خەلىقنىڭقوللىشىغا مۇھتاج

تىرىشىڭلارئەزىمەتلەر

zulal يوللانغان ۋاقتى 2012-6-18 15:51:32

تۈنۈگۈن ( 17-ئىيۇن ) كەچتە ، جۇڭگو قۇملۇق پۇتبول كوماندىسى پەلەستىن كوماندىسىغا بەشكە قارشى تۆت نەتىجە بىلەن ئۇتتۇرۇپ قويدى . ئۇيغۇر پۇتبولچىمىز ئىلھام بىر توپ كىرگۈزدى .

بۈگۈن كەچتە ، جۇڭگو كوماندىسى گۇرۇپپىدىكى ئاخىرقى رەقىبى ۋيېتنام بىلەن ئوينايدۇ . بۇ ، جۇڭگو كوماندىسىنىڭ گۇرۇپپىدىن چىقىش-چىقالماسلىقىنى بەلگىلەيدىغان مۇھىم مۇسابىقە .

Alanwar يوللانغان ۋاقتى 2012-6-18 17:06:06

مۇنداق ئەزمەتلىرمىزمۇ بار دەڭ

tadubeg يوللانغان ۋاقتى 2012-6-28 18:32:51

زۇللاجىم مانىڭ ئاخىرى قانداق بولۇپ كەتتى؟

zulal يوللانغان ۋاقتى 2012-6-29 02:34:04

جۇڭگو كوماندىسى ۋيېتنامنى ئىككىگە قارشى بەش نەتىجە بىلەن يېڭىپ گۇرۇپپىدىن ئوڭۇشلۇق چىقىپ ، چارەك ھەل قىلغۇچ مۇسابىقىدە بىرگە قارشى تۆت نەتىجە بىلەن سۈرىيە كوماندىسىنى يەڭدى ، يېرىم ھەل قىلغۇچ مۇسابىقىدە بىرگە قارشى بەش نەتىجە بىلەن لىۋان كوماندىسىنى يەڭدى ، ئوزغۇنلۇقنى تالىشىش ھەل قىلغۇچ مۇسابىقىسىدە ئىككىگە قارشى نۆل نەتىجە بىلەن ئىران كوماندىسىغا ئۇتتۇرۇپ قويۇپ ، كۈمۈش مېدالغا ئېرىشتى . بۇ ، ئۇلارنىڭ ئۈچ قېتىملىق ئاسىيا قۇملۇق تەنھەرىكەت مۇسابىقە تارىخىدىكى ئەڭ ياخشى نەتىجىسى ھېسابلىنىدۇ .( بىرىنچى قېتىملىقتا بەشىنچى ، ئىككىنچى قېتىملىقتا تۆتىنچى بولغان ) .   

جۇڭگو كوماندىسى بۇ نەتىجىسى ئارقىلىق ، 2012-يىللىق خەلقئارا قۇملۇق پۇتبولى سەييارە مۇسابىقىسى پورتۇگالىيە رايونى مۇسابىقىسىنىڭ سالاھىيىتىگە ئېرىشتى .

: جۇڭگو قۇملۇق پۇتبول كوماندىسىدىكى ئۇيغۇرلاردىن خۇش خەۋەر