(لاتا )قاتتىق دىسكىنىڭ ئاساسى تۈزىلىشى ۋە ئۇچۇرلارنىڭ بىخەتەرلىكى[تېخنىكا]
قاتتىق دىسكىنىڭ ئاساسى تۈزىلىشى ۋە ئۇچۇرلارنىڭ بىخەتەرلىكى
كومپيۇتېر تېخنىكىسىنىڭ ئۇچقاندەك تەرەققىي قىلىشى ۋە كومپيۇتېرنىڭ ئائىلىلەرگىچە سىڭىپ كىرىشى نەتىجىدە ئوقۇش-ئوقۇتۇش خىزمىتىمۇ كومپيۇتېر ئارقىلىق ئېلىپ بېرىلىدىغان بولدى . ئەلۋەتتە كومپيۇتېر ئارقىلىق ئوقۇتۇش ئېلىپ بېرىشنىڭ نۇرغۇن پايدىلىق تەرەپلىرى بار .لېكىن مەشغۇلاتنىڭ ئىلمىي بولماسلىقى ، كومپيۇتېرنىڭ خىزمەت پرىنسىپىغا بولغان تونۇشنىڭ يېتەرلىك بولماسلىقى تۈپەيلى نۇرغۇن ۋاقىت جاپا تارتىپ تەييارلىغان دەرس تەييارلىقى ۋە ئوقۇتۇش يۇمشاق دېتاللىرى ، ئىسپات ،ھۆججەت ۋە ئارخىپلارنىڭ يوقاپ كېتىشى بەزىدە بىزنىڭ نۇرغۇن ۋاقىت سەرپ قىلغان ئەمگىكىمىزنى يوق قىلسا بەزىدە ئىقتىسادى زىيانلارنىمۇ ئېلىپ كېلىدۇ .
مەن تۆۋەندە ئۇزۇن يىللىق كومپيۇتېر رېمونتچىلىق ۋە يوقالغان سانلىق مەلۇماتلارنى ئەسلىگە كەلتۈرۈش تەجرىبەمگە ئاساسەن قاتتىق دىسكىنىڭ رايون تۈزۈلۈش جەدۋىلى ۋە سانلىق مەلۇماتلارنىڭ بىخەتەرلىكى ھەققىدە توختىلىپ ئۆتىمەن .
ھەممەيلەنگە ئايانكى كومپيۇتېر ماگنىتلىقساقلىغۇچتىكى ئۇچۇرلارنى ماگنىتلىق خۇسۇسىيەتتىن پايدىلىنىپ ساقلايدۇ .بۇرۇن ، يۇمشاق دىسكا ، ماگنىت لېنتاقاتارلىق ساقلاش ئۈسكىنىسى ئىشلىتىلگەن . ھازىر ئاساسلىقى قاتتىق دىسكا ئىشلىتىلىدۇ . مەنمۇ قاتتىق دىسكىنى ئاساس قىلىپ تونۇشتۇرىمەن.
قاتتىق دىسكىنىڭ ساقلاش بۆلىكى بولسا چەمبەر شەكىللىك ساقلاش تەخسىسىدىن ئىبارەت بولۇپ ئاليۇمىن، خروم ۋە باشقا قېتىشمىلارغا نىكېل ۋە كوبالت قاتارلىق ماگنىتلىقماتېرىياللار يالىتىش ئارقىلىق ياسىلىدۇ . بۇ تەخسە ئېلېكتر ماتور ئارقىلىق ھەر مىنۇتىغا 5400،7200،10000،15000 قېتىمدىن ئايلىنىدۇ . ئوخشىمىغان قاتتىق دىسكىنىڭ ئايلىنىش تېزلىكىمۇ،ئوقۇش-يېزىش تېزلىكىمۇ ئوخشىمايدۇ . باھاسىمۇ ئوخشىمايدۇ.
ماگنىتلىق تەخسىنىڭ ئۈستىدە ماگنىت باش لەيلەپ تۇرىدۇ .ماگنىت باش بىلەن ماگنىت تەخسىنىڭ ئارىسىدىكى ئارلىق ئىنتايىن كىچىك بولۇپ 0.1~0.3 مىكرومېتىر كېلىدۇ. كومپيۇتېردا بىر تەرەپ قىلىنغان ئىككىلىك سىستېمىدىكى سان 0 بىلەن 1 قاتتىق دىسكىدا ساقلىنىدىغان ماگنىتلىق ئۇچۇر Sبىلەن Nغا ماس كېلىدۇ .شۇنىڭ بىلەن ماگنىتباش ماگنىتلىق تەخسىنى ساقلىماقچى بولغان ئۇچۇرغا ماس كېلىدىغان N-S بىلەن ماگنىتلايدۇ شۇنىڭ بىلەن قاتتىق دىسكىدا ساقلاش ئەمەلگە ئاشىدۇ . ئوقۇش بولسا يېزىشنىڭ تەتۈر جەريانى بولۇپئوقۇش جەريانىدا ماگنىتلىق ئۇچۇرلار ماس ھالدىكى رەقەملىك ئۇچۇرلارغا ئايلاندۇرۇلىدۇ .
<!---->
ماگنىتلىق تەخسە يەنە نۇرغۇن ماگنىت يولى (سىلىندىر )، سېكتور ۋە يۈزلەرگە ئايرىلىدۇ . بىر تەخسە بولسا ئىككى يۈز ،ئىككى تەخسىدە ئۈچ ياكى تۆت يۈز بولىدۇ . بىر ماگنىت يولىدا نۇرغۇن سېكتور بولىدۇبىر سېكتورغا 512بايت ئۇچۇر سىغىدۇ . مۇشۇنداق بولغاندا بىر قاتتىق دىسكىنىڭ سېغىمى ئىشلىتىلگەن ماگنىت تەخسىنىڭ يۈز سانى ، بىر يۈزدىكى ماگنىت يولى سانى ، بىر يولدىكى سېكتور سانى نى ئۆزئارا كۆپەيتىپ ئۇنى 512گە كۆپەيتكەنگە تەڭ .
بىز ئادەتتە كومپيۇتېرغا بىردانە قاتتىق دىسكا سالىمىز لېكىن ئۇنى E,D,C قاتارلىق بىر قانچە دىسكىغا ئايرىيمىز .بىرىنچى يۈز ،نۆلىنچى ماگنىت يولى ،نۆلىنچى سېكتوردا ئاساسى يېتەكلەش پىروگراممىسى (MBR) بولۇپ بۇنىڭدا يېتەكلەش پىروگراممىسى ، ۋە C دىسكىنىڭ بارلىق ئۇچۇرلىرى ساقلىنىدۇ . C دىسكىنىڭ ئاخىرلاشقان سېكتورىنىڭ كېيىنكى سېكتورىدا D دىسكىنىڭ كېڭەيتىلگەن يېتەكلەش پىروگراممىسى (EBR ) بار ئۇنىڭدا D دىسكىنىڭ بارلىق ئۇچۇرلىرى ساقلىنىدۇ . D دىسكىنىڭ ئاخىرقى سېكتورىنىڭ كېيىنكى سېكتورىدا يەنە بىر كېڭەيتىلگەن يېتەكلەش پىروگىراممىسى (EBR) بار ئۇنىڭداE بارلىق ئۇچۇرلىرى ساقلىنىدۇ شۇنداق قىلىپ بىز قاتتىق دىسكىنى نەچچە رايونغا بۆلسەك شۇنىڭدىن بىرسى كەم كېڭەيتىلگەن يېتەكلەش پىروگىراممىسى (EBR) ساقلىنىدۇ . EBR دىن كىيىن مۇندەرىجە جەدۋىلى بولۇپ بۇ شۇ رايوندا ساقلانغان ھۆججەتلەرنىڭ چوڭلۇقى ۋە سېكتور ئادرېسىنى ساقلايدىغان جەدۋەلدۇر .ئەگەر بىر بىرەر ھۆججەتنى مەلۇم رايوندىن ئۆچۈرۋەتسەك، ھۆججەت خاتىرىلەنگەن سېكتوردىكى ماگنىتلىق ئۇچۇر ئۆزگەرتىلمەي بەلكىم مۇندەرىجە جەدۋىلىدىكى شۇ ھۆججەت ساقلانغان ئورۇن بىكار دەپ خاتىرىلىنىدۇ . شۇنىڭ بىلەن ئۇ ھۆججەت "يوقالغان" بولىدۇ .ئەگەر بىز مۇندەرىجە جەدۋىلىگە قارىماي ئەمەلى ھۆججەت ساقلانغان ئورۇننى ئاختۇرساقلا بۇ ھۆججەتنى تاپالايمىز . مانا بۇ ئۆچۈرۈلگەن ھۆججەتنى "ئەسلىگە كەلتۈرۈش" .
ئەگەر بۇئۇرۇنغا قايتىدىن ھۆججەت يېىۋېتىلمىسە (باشقىدىن ماگىنىتلانمىسا )ئۇنى تامامەن ئەسلىگە كەلتۈرگىلى بۇلىدۇ . ئەگەر قايتا ھۆججەت يېزىلىپ كەتسە ئەسلىگە كەلتۈرۈش مۇمكىن ئەمەس .ئەگەر بىز مەلۇم قاتتىق دىسكىدىكى ھۆججەتلەرنى قەتئىي ئەسلىگە كەلتۈرگىلى بولمايدىغان قىلماقچى بولساق شۇرايۇننى فۇرماتلاپ تۇلۇق تۇشقۇزۇپ ھۆججەت (كىنو، ناخشا دىگەندەك كىرەكسىز ھۆججەت ) كۆچۈرۈپ يەنە فورماتلاپ يەنە كۆچۈرۈپ بۇ مەشغۇلاتنى 4~5قېتىم قىلىۋەتسەكلا ئەسلىدىكى ھۆججەتنى ئەسلىگە كەلتۈرگىلى بولمايدۇ . ياكى MHDD، 效率源,PC3000 قاتارلىق قوراللارنى ئىشلىتىپ "پۈتۈن دىسكىنى نۆل قىلىش " بۇيرىقىنى ئىجىرا قىلىۋەتسەكمۇ ئۇ دىسكىدىكى بۇرۇنقى ھۆججەتلەرنى ھەر قانداق ئامال بىلەن ئەسلىگە كەلتۈرگىلى بولمايدۇ .ياكى ئوتتا قىزدۇرۋەتسەكمۇ مەڭگۈلۈك بۇزىلىدۇ ، ئىگىزدىن تاشلاش ، پالتا-بازغان بىلەن چېقىش ، سۇغا تاشلاشلار نىڭ ئۈنىمى بولمايدۇ . يەنىلا ئەسلىگە كەلتۈرگىلى بۇلىدۇ .
ئەمدى مەن قاتتىق دىسكىنى ئىشلىتىشتە ئۇچۇرلارنىڭ بىخەتەرلىكى ئۈچۈن دىققەت قىلىشىقا تېگىشلىك ئىشلارنى ئەسكەرتىمەن .
1- قاتتىق دىسكىنى سىلكىنىشتىن قاتتىق ساقلاش كېرەك . بولۇپمۇ ئوقۇش- يېزىش مەشغۇلاتى قىلىۋاتقاندا .
2- كۈچلۈك ماگنىت مەيدانىغا قويماسلىق كېرەك .
3- يۇقىرى تېمپېراتۇرىدا قىزدۇرماسلىق كېرەك .
4- ھەرقانداق سەۋەب بىلەن مەلۇم دىسكا ئىچىدىكى ئۇچۇر يوقاپ كېتىش ، ياكى GHOST مەشغۇلاتى خاتالىقى تۈپەيلى دىسكىدىكى رايونلار يوقاپ كېتىش ، مەلۇم رايون فورماتلىنىپ كېتىش ... قاتارلىق سانلىق مەلۇمات يوقاپ كىيىش ھادىسىسى كۆرۈلسە ئەگەر سانلىق مەلۇمات بەك مۇھىم بولمىسا easyrecover ,finaldata ,易我数据恢复 قاتارلىق ھەقسىز ئەسلىگە كەلتۈرۈش يۇمشاق دېتاللىرىدىن پايدىلىنىپ سىناپ كۆرسەك بولىدۇ .ئەگەر بەك مۇھىم بولسا كومپيۇتېرنى دەرھال ئۆچۈرۈپ ،كەسپى ئەسلىگە كەلتۈرۈش شىركەتلىرى بىلەن ئالاقىلىشىش لازىم . كومپيۇتېرنى كۆپ قوزغىتىش ، قايتا بىرنەرسە قاچىلاش ،ۋە كۆچۈرۈش مەشغۇلاتى ئېلىپ بېرىلسا مۇھىم ھۆججەتنىڭ ئەسلىگە كېلىش نىسبىتى تۆۋەنلەپ كېتىدۇ . ھەتتا سانلىق مەلۇمات بېسىلىپ كېتىپ ئەسلىگە كەلتۈرگىلى بولمايدىغان ئەھۋاللارمۇ كېلىپ چىقىدۇ .
ئاخىردا كەڭ ئوقۇرمەنلەرنىڭ پايدىلىنىشى ئۈچۈن دۆلەت ئىچىدىكى بىرقىسىم داڭلىق كەسپى ئەسلىگە كەلتۈرۈش شىركەتلىرى ۋە ئالاقىلىشىش ئۇسۇللىرىنى قۇشۇمچە قىلىمەن .
1-جۇڭگو قاتتىق دىسكا بازىسى : http://www.intohard.com
2- شاڭخەي ئەنشىن : http://www.raidcn.net/
، تېلفۇن : 13564688662 ، 021-31265210
3- بېيجىڭ سانلىق مەلۇمات ئەسلىگە كەلتۈرۈش مەركىزى
تېلفۇن : 010-13683618938 ،13683618938
4- خوتەن ئىلتەرىش سانلىق مەلۇمات ئەسلىگە كەلتۈرۈش مەركىزى .
تېلفۇن : 0903-2032383 ،18999050559
![\"\"](\"images/face/qq/027.gif\"/)
مەنمۇ قاتتىق دىسكا ھەققىدىمۇ شېئىر يازدىمۇ نېمە؟ ![\"\"](\"http://bbs.izdinix.com/static/image/smiley/qqnew/13.gif\")
دەپ كىردىم.
بۇ دىتالنىڭ يىشىۋىتىلگەن نۇسخىسىنى بۇلتۇر ئىشلەتكەن. ئىقتىدارى بوپ قويۇدۇ.
مەنمۇ شېئىرمىكى دەپ يۈگۈرۈپ كېرىپتىمەن![\"\"](\"images/face/qq/003.gif\"/)
.سىزنى شېئىرلا يازامدىكى دېسەم .........ياخشى ساۋاتلاركەن.مەنمۇ باھالاپ قوياي!
مۇشۇ قاتتىق دېسكا دېگەن نەرسىنىڭ ئۆمرى زادى قانچىلىك؟نەچچە يىللىق يىغقان نەرسىلىرىم بار بىر دانە كۆچمە دېسكام بار، يۈتۈپ كېتىشىدىن، كۆيۈپ كېتىشىدىن، يەرگە چۈشۈپ كېتىشىدىن دەھشەت ئەنسىرەيمەن...
ئۆمرىگە ھچ نىمە دىگىلى بولمايدۇ . ئۈستىدە «سان-سىفىرىڭىزنى زاپاسلاپ مېڭىڭ ،ھەرۋاقت يۇقاپ كىتىش مۇمكىن . بۇزۇلۇپ يۇقاپ كەتسە بىز ئىگە ئەمەس » دەيدىغان زاۋۇت چۇشەندۇرمىسى بار .
ئەڭ ياخشىسى سىزمۇ زاپاسلاپ مېڭىڭ . نۇرغۇن بىلىملەرگە ئىگە قىلدىڭىز.....رەھمەت.....
7- قەۋەتتىكى Yarkin92نىڭ يازمىسىدىن نەقىل
مۇشۇ قاتتىق دېسكا دېگەن نەرسىنىڭ ئۆمرى زادى قانچىلىك؟
نەچچە يىللىق يىغقان نەرسىلىرىم بار بىر دانە كۆچمە دېسكام بار، يۈتۈپ كېتىشىدىن، كۆيۈپ كېتىشىدىن، يەرگە چۈشۈپ كېتىشىدىن دەھشەت ئەنسىرەيمەن...
پاختىغا ئوراپ ئاندىن گېزىتكە ئوراپ ئوبدان يەرگە قويۇشىڭىزنى جىددىي تەخرسىز تەۋسىيە قىلىمەن، بۇرادەر.ئىچىدە مۇھىم نەرسە
بولغانىكەن،قانداقلا ئەتىۋارلىساق ئەرزىيدۇ.دېسكا بۇزۇلۇپ كېتىدىغان ئىش مېنىڭ بېشىمدىنلا كەتكەي،ھېچكىمنىڭ بېشىغا كەلمىگەي.
يۇقاپ كەتكەن، ئۆچۈرۋېتىلگەن ھۆججەتلەرنى ئەسلىگە كەلتۈرسەكلا ھەل بۇلىدىغان ئىشلارغۇ بۇ بۇزۇلغان قاتتىق دىسكىنى ئوڭشاپ ئىشلەتكىلى بولمامدۇ؟يېقىندا قاتتىق دىسكامدىن چاتاق چىقىپ ،كومپۇيوتىرنى قوزغۇتۇپ 15مىنۇت ئۆتكەندىن كىيىن ،قاتتىق دىسكىدىن شاق -شاق ئاۋاز چىقىپ ،ئىكران كۆك رەڭلىك بۇلىۋېلىپ يەنە قوزغاتسام بۇئەھۋال يەنە تەكرارلىنىپ ،ئاخىرى قاتتىق دىسكىنى سۈكۈۋېتىپ توختۇدۇم.باشقىلاردىن سورىسام ئوڭلىغىلى بولمايدۇ دەيدۇ. مەندە بەش، ئالتە قاتتىق دىسكا يىغىلىپ قالدى، بەزىسى شىر-شىر ئاۋاز چىقىرىدۇ، ئەمما كومپيۇتېردا سادا يوق، بەزىسىدە ھىچقانداق ئىپادە يوق، ئۆتكەندە ئىككى، ئۈچ دىسكىنى ئەخلەتخانىغا تاشلىۋىتىپتىكەنمەن، ئوڭشاشقا بولامدىكىن دەپ تۆت، بەش دىسكىنى يەنە ساقلاپ قويدۇم. بۇنى خالىغان جايغا تاشلىۋەتسەك، باتىرىيەگە ئوخشاش مۇھىتنى بۇلغايدۇ ھەقىچان؟ بۇزۇلسا ئاساسەن ئوڭشىغىلى بولمايدۇ. مىنىڭمۇ بۇزۇلۇپ ئىچىدىكى نەرسىلەرنى 200 سومغا ئەسلىگە كەلتۈردۈم. بۇنى ئەسىلىگە كەلتۈردىغان ئۈسكىنىسىمۇ نەچچە تۈمەنكەن تېخى، ماڭا ھېلىمۇ ئەرزان قىلىپ بەردى. ئوڭشىغىلى بۇلىدۇ .لېكىن ئىشەنچىلىك بولمھيدۇ . ئىچىدە مۇھىم نەرسە بولمىسا ئوڭشاپ يۈرمەي ئالماشتۈرۋەتكەن ياخشى . ياكى ئوڭشىساقمۇ بەك مۇھىم ئۇچۇرنى ساقلىمايراق ئىشلەتسەك بۇلىدۇ . تۇز دانچىلىرى ماگىنىت قەۋەتنى تېخىمۇ رەتلىك، يوقىرى زىچلىقتا يالىتىشقا ياردەم بېرىدىغانلىقى بايقىلىپتۇ، سىغىم يەنە ئاشارمىش.قاتتىق دېسكا بىلەن سىرت ئارىسىدا بىر ھاۋا بېسىمىنى تەڭپۇڭلاشتۇرۇش تۈشۈگى بار بولۇپ، چاڭ- توزان ئۆتكۈزمەس سۈزگۈچ قويۇلغان، ئىچى توزانسىز، قاتتىق دېسكىنى ئېچىش ئۇنى ۋەيران قىلغانلىقكەن.
ئېسىل يازما