گۈللۈك كۆڭلەك(شەھلا)
گۈللۈك كۆڭلەك
سەن ئازاپنى تېتىپ باققانمۇ ؟
يىغلاپ تۇرۇپ كۈلۈپ باققانمۇ ؟
يۈرۈكىڭگە سانچىلسا خەنجەر ،
چىداپ تۈرۈپ يۇلۇپ باققانمۇ ؟
ھايات شۇنداق پۈتۈكسىز پۈتۈك،
ئازاپلاردا دىللىرىڭ ئۈزۈك.
قىمار كەبى باشلايسەن ھايات،
قەيسەر قەددىڭ ،جىسمىڭ بەك نازۈك.
باردۇر بەلكىم گۈللۈك كۆڭلۈكۈڭ ،
ساقلىۋالغان يالغۇز كۈنلۈكۈڭ .
گۇۋاھ قىلىپ ئەستىلىكلەرگە،
پەرۋىش قىلغان پىنھان گۈللۈكۈڭ .
كىيىپ ئامراق گۈللۈك كۆڭلەكنى ،
ساھىللارغا بارامدۇق بىللە .
تاشلاپ قويۇپ ھايات غېمىنى ،
جىمجىت تۈندە بولامدۇق تەلۋە .
سەنمۇ سۈرگىن ئۆز خىيالىڭنى ،
مەنمۇ يازاي ئۆزەمگە رومان .
بۈگۈن شۇنداق كەيپىم چالغىيدۇ ،
سەن پىنھاندا مەن گويا تۇمان.
بەت:
[1]