بالىلار قانداق ۋاقىتتا كومپىيوتىر بىلەن ئۇچراشسا مۇۋاپىق ؟
بالام ھازىر مەكتەپ يېشىغا يەتتى. ئۇنى ھازىرغىچە كومپىيوتىر بىلەن بەك كۆپ ئۇچراشتۇرمىدىم.
ھېلىمۇ ئىسىمدە ، ئۇ ئۈچ ياش ۋاقتىدا بىر قېتىم يىغلاپ كەتكەندە ،ئۆزۈم كومپىيوتىرنىڭ ئالدىدا ئولتۇرغان بولغاچقا ، ئويۇندىن بىرنى ئېچىپ گول قىلغان ئىدىم . نەدىن بىلەي ، ئۇ ھەرقېتىم كومپىيوتىرنى كۆرسىلا شۇ ئوياننىڭ جىدىلىنى قىلىدىغان بولدى . مەن قەتئى نىيەتلىك بىلەن ئۇنىڭغا قايتا ئويۇن ئېچىپ بەرمەي ، بىرەر يېرىم يىلدا ئاندىن ئۇنتۇلدى.
مىنى نېمانچە قىلىپ كەتكەندۇ دەپ قالماڭلار ؟ ئۇ كومپىيوتىر بىلەن تۈنجى قەدەمدە ئويۇن ئارقىلىق ئۇچراشسا ، كومپىيوتىرنى ئويۇن ئوينايدىغان نەرسە ئىكەن دەپ قالمىسۇن دېدىم . دېمىسىمۇ كومپىيوتىرنى ئېچىۋېلىپ كۇنبۇيى ئويۇن ئوينايدىغان ، كوت - كوتتا پاراڭلىشىدىغان ئادەملەر بىلەن شۇنداق خوشۇم يوق ( خوشۇمنىڭ يوقلىقىغا مۇنداق كىشىلەرنىڭ كۆپلىكىنى دېمەيسىز . مىنىڭچە ئۇلارنىڭ كۆپ قېسىمى كومپىيوتىر بىلەن ئويۇن ئارقىلىق ئۇچراشقان بولىشى مۇمكىن )
بالىلارنى كىچىكىدىن كومپىيوتىر بىلەن ئۇچراشتۇرماي بولمايدۇ . چۈنكى بۇ يۇزلىنىش . بۇنىڭدىن ئۆزىمىزنى قاچۇرساق بولمايتتى . ئەمدىكى گەپ قانداق ئۇسۇلدا بالىلارنى كومپىيوتىر بىلەن ئۇچراشتۇرۇش كېرەك ؟
بۇ ھەقتە مەن مۇنداق ئويلىدىم :
1. بالامنىڭ تولۇق ساۋادى چىققۇچە كومپىيوتىر بىلەن كۆپ ئۇچراشتۇرماسلىق ( قەتئىي ئۇچراشتۇرماسلىق مۇمكىن ئەمەس، بالام ھازىر كومپىيوتىردا ئانچە - مۇنچە رەسىم سىزىپ يۇرىيدۇ ) . ساۋادى چىققاندىن كىين ، رەسىم سىزىش ، مەلۇم دىسكىغا كارتون يۇشۇرۇپ قويۇپ ، ئىسمىنى دەپ بىرىپ ، تىپىپ كۆرۈشكە ئورۇنلاشتۇرۇش قاتارلىق ئۇسۇللار بىلەن دەسلەپكى قەدەمدە كومپىيوتىر بىلەن ئۇچراشتۇرۇش
2. مەلۇم مەسىلىگە ئۇچرىغاندا ، تورنىڭ ماترىيال ئىزدەش ئىقتىدارىدىن پايدىلىنىپ ھەل قىلىشنى ئۆگىتىش . كارتون كۆرىدىغان ۋاقتىدا توردىن كارتون تېپىپ كۆرەلەيدىغان بولۇش ، چۈشەرەلەيدىغان بولۇش( ئەلۋەتتە ، چوڭلارنىڭ نازارەتچىلىگى ئاستىدا )
مىنىڭ ھازىرچە كاللامغا كەلگىنى شۇنچىلىك .
بالىلارنىڭ كومپىيوتىر بىلەن ئۇچرىشىش ، ئاينىپ كەتمەي توغرا پايدىلىنىشىنى قولغا كەلتۇرۇش ھەممە ئاتا - ئانىلار ئويلاۋاتقان ، ئاتا - ئانىلارنىڭ بېشىنى ئاغرىتىۋاتقان مەسىلە بولىشى مۇمكىن . چۈنكى بۇ مەسىلىنى ياخشى ھەل قىلالمىساق يۈرەك پارىللىرىمىزدىن ئايرىلىپ قېلىشىمىز مۇمكىن . بۇ بەكمۇ ئېغىر پاجىئە.
شۇنداق ئىكەن بۇ ھەقتە تەجرىبىسى بارلار تەجرىبىسىنى ، ئويلىغانلىرى بارلار ئويلىغانلىرىنى دەپ باقسا ، ئورتاقلىشىپ باقساق . بۇ توغرىسىدا ئويلىغانلار بولسۇن ياكى ئويلىمىغانلار بولسۇن ، بۇ ھەقتە كالتىراقمۇ بولسا چۈشەنچىگە ئېگە بولىۋالساق .
بەلكىم بۇ ھەقتىكى ئەستايدىل پىكىرلىرىمىز ، ئەڭ كەم بولغاندا بىر نەپەر بالىنىڭ تور تەلۋىسىگە ئايلىنىپ كىتىشىنىڭ ئالدىنى ئېلىپ قالار . شۇڭا ئويلىغانلىرىمىزنى ئەستايدىل پوزىتسىيە بىلەن ئوتتۇرغا قويۇپ باقساق .
باشقا تاققۇ - تۇققۇ يازمىللىرىم بۇ يەردە
مەن قانداق قىلامەن كىچىك ئۇكام تورغا خۇمار بوپ قالغان ئوخشايدۇ ،،،،ئويۇن دىگەننى ئىس چڭقىرۋىتىدۇ ئويناپ تاماق يە دىسىمۇ ئوخشاش![\"\"](\"images/face/qq/018.gif\"/)
ھەممەيلەننىڭ كۆز قارىشى ئوخشىمايدىكىن دېسە نۇرقۇت بىلەن مىنىڭ ئويلىغىنىم 180گىرادۇس تەتۈر چىقتى
مەن توغرا ياكى خاتا قىلغىنىمنى بىلەلمدىم ، مەن ئادەتتە بالامنىڭ ساۋادىنى چىقىرشى ۋە دەرىس ئۆگۈنىشى ئۈچۈن ئۇنىڭغا ئالدى بىلەن كومپىيوتىر دا يېرىم سائەت ئويۇن ئوينىشغا رۇخسەت قىلدىم. بۇنىڭ ئۈنىمىمۇ يامان ئەمەس بولدى. بالام 6 ياشقا كىرمەي تۇرۇپ ساۋادى چىقتى ھەم بىر قىسىم خەنچە خەتلەرنى ئوقۇپ يازالايدىغان بولدى. كۈنىگە كەم دېگەندە بىر يېرىم سائەت توردا ئويۇن ئوينايدۇ، لېكىن ئەنسىرەيدىغىنىم مۇنداق كىتىۋەرسە تورغا خۇمار بۇلۇپ قېلىپ ئاخىرىنى يىغۇشتۇرالماي قالارمەنمۇ دەيمەن. كىچىگدە كەمپۈتكە قىزىقتۇرۇپ دەرىس ئۆگۈتۈپ چىشلىرىدىن ئايرىلدۇق. بۇ قېتىم كومپىيوتىرنىڭ ئاقىۋىتى نەگە بارار دەيمەن ...