matursuneliynur يوللانغان ۋاقتى 2011-10-16 07:41:09

18-نۆۋەتلىك «خانتەڭرى ئەدەبىيات مۇكاپاتى»نى تارقىتىش يىغىنى

  





   

        18-نۆۋەتلىك «خانتەڭرى ئەدەبىيات مۇكاپاتى»نى تارقىتىش يىغىنى 2011-يىلى 10-ئاينىڭ 12-كۈنى ئۈرۈمچى «كوئېنلۇن مېھمانسارىيى»دا غەلبىلىك ھالدا ئېچىلدى.يىغىننىڭ ئېچىلىش مۇراسىمىغا ئاپتونوم رايۇننىڭ مۇئاۋىن رەئىسى تىلىۋالدى ئابدۇرىشىت، ئاپتونوم رايۇنلۇق پارتكوم تەشۋىقات بۆلۈمىنىڭ مۇئاۋىن باشلىقى ئادىل خالىق، ئاپتونۇم رايۇنلۇق ئەدەبىيات – سەنئەتچىلەر بىرلەشمىسىنىڭ پارتىگۇرۇپپا شۇجىسى خۇاڭ يوڭجۈن،ئاپتونۇم رايۇنلۇق ئەدەبىيات – سەنئەتچىلەر بىرلەشمىسى، يازغۇچىلار جەمئىيىتىنىڭ رەئىسى ئازات سۇلتان،ئاپتونۇم رايۇنلۇق ئەدەبىيات – سەنئەتچىلەر بىرلەشمىسىنىڭ پەخرى رەئىسلىرى غازى ئەھمەد، ھېيتەم ھۆسەيىن، ئاپتونۇم رايۇنلۇق ئەدەبىيات – سەنئەتچىلەر بىرلەشمىسىنىڭ مۇئاۋىن رەئىسى، يازغۇچىلار جەمئىيىتىنىڭ مۇئاۋىن رەئىسى غەيرەت ئاسىم، ئېركەش قۇرمانبەك،دوڭ لىبو قاتارلىق رەھبەرلەر ۋە ئاپتونوم رايونىمىزنىڭ ھەرقايسى جايلىرىدىن كەلگەن يازغۇچى،شائىرلار، مۇھەررىر، ئەدەبىي تەرجىمانلار ۋە مۇكاپاتقا ئېرىشكەن ئاپتورلاردىن بولۇپ 100 دىن ئارتۇق كىشى قاتناشتى.

     يىغىنغا ئاپتونۇم رايۇنلۇق ئەدەبىيات – سەنئەتچىلەر بىرلەشمىسى، يازغۇچىلار جەمئىيىتىنىڭ رەئىسى ئازات سۇلتان رىياسەتچىلىك قىلدى. يىغىندا ئاپتونۇم رايۇنلۇق ئەدەبىيات – سەنئەتچىلەر بىرلەشمىسىنىڭ مۇئاۋىن رەئىسى، يازغۇچىلار جەمئىيىتىنىڭ مۇئاۋىن رەئىسى غەيرەت ئاسىم،ئاپتۇنوم رايۇننىڭ رەئىسى نۇر بەكرىنىڭ يازما سۆزىنى ئوقۇپ ئۆتتى. ئاپتونوم رايونلۇق ئەدەبىيات- سەنئەتچىلەر بىرلەشمىسى پارتىگۇرۇپپىسىنىڭ شۇجىسى خۇاڭ يوڭجۈن تەبرىك سۆزى سۆزلىدى. ئېچىلىش مۇراسىمىدا ئاپتونۇم رايۇنلۇق ئەدەبىيات – سەنئەتچىلەر بىرلەشمىسىنىڭ پەخرى رەئىسى ھېيتەم ھۆسەيىن، ئىسمايىل تىلىۋالدى، ئابلەت ئابدۇرىشىت، تۆمۈر داۋامەت، ئىسمايىل ئەھمەد، قاتارلىق دۆلەت رەھبەرلىرىنىڭ يىغىنغا ئەۋەتكەن تەبرىك خەتلىرى ئوقۇپ ئۆتتى ھەم ھەرقايسى ئورۇنلاردىن كەلگەن تەبرىكنامىلەر ئېلان قىلىندى.

   يىغىندا 18-نۆۋەتلىك «خانتەڭرى ئەدەبىيات مۇكاپاتى»نى باھالاش ھەيئىتىنىڭمۇئاۋىن مۇدىرى ئابدۇبەسىر شۈكۈرى مۇكاپاتلانغان ئەسەرلەر ئىسىملىكىنى ئېلان قىلدى.ئاندىن مۇكاپاتلاش ئېلىپ بېرىلىپ مۇكاپاتقا ئېرىشكۈچىلەرگە شەرەپ گۇۋاھنامىسى ۋە 6000 يۇەن نەق پۇل تارقىتىپ بېرىلدى. ئەكپەر ئىمام كۆكبۆرە مۇكاپاتقا ئېرىشكۈچىلەرگە ۋاكالەتەن سۆز قىلىپ كۆڭۈل ئىزھارىنى ئىپادىلىدى.

ئاخىرىدا ئاپتونوم رايۇننىڭ مۇئاۋىن رەئىسى مۇھىم سۆز قىلىپ، ئۆزىنىڭ ئەدىپلەردىن كۈتىدىغان تەلەپ ۋە ئۈمىدلىرىنى ئوتتۇرىغا قويدى.



قوشۇمچە:



18-نۆۋەتلىك «خانتەڭرى ئەدەبىيات مۇكاپاتى»غا ئېرىشكەن ئەسەرلەرنىڭ ئىسىملىكى



1. «536-بېكەتتىكى قار ناخشىسى»         (ھېكايە)     ئەكپەر ئىمام كۆكبۆرە «تارىم» ژۇرنىلى 2009-يىل 3-سانى

2.«تەنھا بۆرە»                         (پوۋېست)         مامۇت داۋۇت   «تەڭرىتاغ» ژۇرنىلى 2010-يىل6-سانى

3.«ئانا»                                      (ھېكايە)         نۇرگۈل ئەبەي  «تارىم» ژۇرنىلى 2010-يىل 1-سانى

4.«سەھرالىق ئاتا»                         (پوۋېست)      ئابدۇراخمان ئەزىز  «شىنجاڭ مەدەنىيىتى» ژۇرنىلى 2009-يىل4-سانى

5.«مۇقام ھەققىدە»                              (ماقالە)     سەمەت دۇگايلى «شىنجاڭ سەنئىتى» ژۇرنىلى2009-يىل5-6-سانى

6.«ئاقسۇ خاتىرىلىرى»                            (شىئېر)     ئىمىن ئەخمىدى   «ئاقسۇ ئەدەبىياتى» ژۇرنىلى 2010-يىل4-سانى

7.«توققۇز باياۋان قەسىدىسى»             (شىئېر)    ئابدۇلئەھەد ئىسمايىل  «قەشقەر» ژۇرنىلى2009-يىل4-سانى

8.«سەھەردىكى مونۇلۇگ» (تەرجىمە ئەسەر) ئاپتورى:  ھاياتنوپۇس مۇھەممەت، ئەكبەر غۇلام تەرجىمىسى  

«مىللەتلەر ئەدەبىياتى» ژۇرنىلى 2010-يىل6-سانى




مەنبە -شىنىجاڭ يازغۇچىلار تۇرى -ئەيبۇ ياقۇپ


يۇللۇغۇچى مەتۇرسۇن ئېلى

      







  

kuyaxoghli يوللانغان ۋاقتى 2011-10-16 09:58:09

ئەكپەر دىگەن ئىسىم بىلەن ئەكبەر دىگەن ئىسىمنىڭ ئاسمان زىمىن پەرقى بار دەپ ئاڭلىۋىدىم.  {:107:}

atella يوللانغان ۋاقتى 2011-10-16 19:32:45

ئابدۇراخمىنكام مۇكاپات ئاپتۇ....تېلفۇن قلاي.  {:92:}    {:92:}    {:92:}

nirvana يوللانغان ۋاقتى 2011-10-16 23:52:28

خانتەڭرى قاتار چېيىغا بارغانلار بارمۇ ؟

pantekin يوللانغان ۋاقتى 2011-10-17 08:24:55

مۇكاپات ئاز بولۇپ قالغاندەك قىلىدۇ

uqkun1 يوللانغان ۋاقتى 2011-10-17 17:31:33

بۇ يىل بۇ مۇكاپاتقا لايىق رومان چىقماپتۇ ھە..... \"\"

wapadarim912 يوللانغان ۋاقتى 2011-10-17 23:28:04

كۆكبۆرە ئاكىمىزنىڭ مۇكاپاتقا ئېرىشكەنلىكىنى تەبرىكلەيمەن .

uyghun يوللانغان ۋاقتى 2011-10-18 00:23:03

ئەكبەر ئىمام كۆكبۆرىگە تىخمۇ زور ئۇتۇقلار يار بولسۇن !
بەت: [1]
: 18-نۆۋەتلىك «خانتەڭرى ئەدەبىيات مۇكاپاتى»نى تارقىتىش يىغىنى