ﺋﯘﻳﻐﯘﺭﻻﺭﻧﯩﯔ ﺳﺎﻻﻣﻠﯩﺸﯩﺶ ﻳﻮﺳﯘﻧﻰ
ﺋﺎﻧﺎﺭﮔﯜﻝ ﺑﺎﻗﻰ
ﺋﯘﻳﻐﯘﺭﻻﺭ ﺋﯚﺯﯨﻨﯩﯔ ﻣﻮﻝ ﻣﻪﺩﻩﻧﯩﻴﯩﺘﻰ ﺑﯩﻠﻪﻥ ﺩﯗﻧﻴﺎ ﺋﻪﮬﻠﯩﻨﯩﯔ ﺩﯨﻘﻘﯩﺘﯩﻨﻰ ﻗﻮﺯﻏﺎﯞﺍﺗﻘﺎﻥ ﻣﯩﻠﻠﻪﺗﻠﻪﺭﻧﯩﯔ ﺑﯩﺮﻯ .
ﺋﯘﻳﻐﯘﺭﻻﺭ ﺗﯘﺭﻣﯘﺵ ﯞﻩ ﮬﺎﻳﺎﺗﯩﻨﻰ ﺗﯧﺨﯩﻤﯘ ﻣﻪﻧﯩﮕﻪ ﺋﯩﮕﻪ ﻗﯩﻠﯩﺶ ﯞﻩ ﺑﯧﻴﯩﺘﯩﺶ ﺋﯜﭼﯜﻥ ﻛﯚﭘﻠﯩﮕﻪﻥ ﻗﺎﺋﯩﺪﻩ ﻳﻮﺳﯘﻧﻼﺭﻧﻰ ﺑﺎﺭﻟﯩﻘﻘﺎ ﻛﻪﻟﺘﯜﺭﮔﻪﻥ . < ﺳﺎﻻﻣﻠﯩﺸﯩﺶ > ﺋﻪﻧﻪ ﺷﯘ ﻗﺎﺋﯩﺪﻩ - ﻳﻮﺳﯘﻧﻼﺭﻧﯩﯔ ﺑﯩﺮﯨﺪﯗﺭ .
ﺳﺎﻻﻣﻠﯩﺸﯩﺶ ﮬﻪﻣﻤﻪ ﻣﯩﻠﻠﻪﺗﻜﻪ ﺋﻮﺭﺗﺎﻕ ﺑﻮﻟﻐﺎﻥ ﺑﯩﺮ ﺧﯩﻞ ﺋﻪﻧﺌﻪﻧﯩﯟﻯ ﻣﻪﺩﻩﻧﯩﻴﻪﺕ ﮬﺎﺩﯨﺴﯩﺴﻰ ﮬﯧﺴﺎﺑﻠﯩﻨﯩﺪﯗ . ﺳﺎﻻﻣﻠﯩﺸﯩﺸﻨﯩﯔ ﺷﻪﻛﻠﻰ ﺑﻮﻟﺴﺎ ﮬﻪﺭ ﻗﺎﻳﺴﻰ ﻣﯩﻠﻠﻪﺗﻠﻪﺭﺩﻩ ﭘﻪﺭﻗﻠﯩﻖ ﺑﻮﻟﯩﺪﯗ .
ﺳﺎﻻﻣﻠﯩﺸﯩﺸﻨﻰ ﮬﻪﺭ ﻗﺎﻧﺪﺍﻕ ﺑﯩﺮ ﻣﯩﻠﻠﻪﺕ ﺋﻪﺩﻩﭖ - ﺋﻪﺧﻼﻗﻨﯩﯔ ﻣﯘﮬﯩﻢ ﻣﯩﺰﺍﻧﻰ ، ﺩﻩﭖ ﻗﺎﺭﺍﻳﺪﯗ .
ﺋﯘﻳﻐﯘﺭﻻﺭﻣﯘ ﺗﺎﺭﯨﺨﺘﯩﻦ ﺑﯘﻳﺎﻥ ﺳﺎﻻﻣﻠﯩﺸﯩﺸﻘﺎ ﻳﯜﻛﺴﻪﻙ ﺋﯧﺘﯩﺒﺎﺭ ﺑﯩﺮﯨﭗ ﻛﻪﻟﮕﻪﻥ . ﺋﯘﻳﻐﯘﺭﻻﺭ ﺋﯚﺯ ﭘﻪﺭﺯﻩﻧﺘﻠﯩﺮﯨﮕﻪ ﺗﯩﻠﻰ ﭼﯩﻘﻘﺎﻧﺪﯨﻦ ﺑﺎﺷﻼﭘﻼ ﺳﺎﻻﻣﻠﯩﺸﯩﺸﻨﯩﯔ ﻗﺎﺋﯩﺪﻩ - ﻳﻮﺳﯘﻧﻠﯩﺮﯨﻨﻰ ﺋﯚﮔﯩﺘﯩﺸﻜﻪ ﺑﺎﺷﻼﻳﺪﯗ . ﺋﻪﻧﻪ ﺷﯘﻧﯩﯖﺪﯨﻦ ﻛﯩﻴﯩﻦ ﺳﺎﻻﻡ - ﺳﻪﮬﻪﺕ ﭘﻪﺭﺯﻩﻧﺘﻠﻪﺭﻧﯩﯔ ﻗﻪﻟﺒﯩﺪﻩ ﻳﯩﻠﺘﯩﺰ ﺗﺎﺭﺗﯩﺸﻘﺎ ﺑﺎﺷﻼﭖ ، ﺑﺎﺭﺍ - ﺑﺎﺭﺍ ﻗﺎﻥ - ﻗﯧﻨﯩﻐﺎ ﺳﯩﯖﯩﭗ ﻛﯩﺘﯩﺪﯗ . ﺋﯘﻳﻐﯘﺭﻻﺭﺩﺍ ﺳﺎﻻﻡ - ﺳﻪﮬﻪﺗﻨﻰ ﺑﯩﻠﻤﻪﻳﺪﯨﻐﺎﻧﻼﺭﻧﻰ ﺋﻪﻳﯩﭙﻠﻪﻳﺪﯨﻐﺎﻥ ﻳﺎﺧﺸﻰ ﺋﺎﺩﻩﺕ ﺑﺎﺭ . ﺋﻮﻣﻮﻣﻪﻥ ، ﺋﯘﻳﻐﯘﺭﻻﺭ ﺳﺎﻻﻣﻠﯩﺸﯩﺸﻘﺎ ﺋﻪﺧﻼﻕ ﻣﯩﺰﺍﻧﻰ ﺳﯜﭘﯩﺘﯩﺪﻩ ﻣﯘﺋﺎﻣﯩﻠﻪ ﻗﯩﻠﯩﺪﯗ .
ﺳﺎﻻﻣﻠﯩﺸﯩﺸﻨﯩﯔ ﻗﯩﻤﻤﯩﺘﻰ ﺗﻮﻏﺮﯨﺴﯩﺪﺍ ، ﺋﯘﻳﻐﯘﺭﻻﺭﻧﯩﯔ ﺑﯜﻳﯜﻙ ﻣﯘﺗﻪﭘﻪﻛﻜﯘﺭ ﺋﺎﻟﯩﻤﻰ ﻳﯜﺳﯜﭖ ﺧﺎﺱ ﮬﺎﺟﯩﭗ < ﻗﯘﺗﺎﺩﻏﯘﺑﯩﻠﯩﻚ > ﺩﯦﮕﻪﻥ ﻛﺎﺗﺘﺎ ﺋﻪﺳﯩﺮﯨﺪﻩ ﻣﯘﻧﯘﻻﺭﻧﻰ ﻗﻪﻳﺖ ﻗﯩﻠﻐﺎﻥ :
ﺳﺎﻻﻣﻠﻪ ﻗﻮﻳﯘﻟﯘﺭ ﺋﯧﺴﻪﻧﻠﯩﻚ ﺋﯘﻟﻰ .
5056. ﺳﺎﻻﻣﺪﯗﺭ ﻛﯩﺸﯩﮕﻪ ﺋﻪﻣﯩﻨﻠﯩﻚ - ﺋﺎﻣﺎﻥ ،
ﻗﯩﻠﯩﻨﺴﺎ ﺳﺎﻻﻡ ، ﺳﺎﻕ ﺑﻮﻟﯘﺭ ﺋﯘﺷﺒﯘ ﺟﺎﻥ .
4111. ﻛﯚﺭﻩﯕﻠﻪﭖ ﻗﻮﻟﯘﯕﻨﻰ ﺳﯧﻠﯩﭗ ﻛﯩﺮﻣﯩﮕﯩﻦ ،
ﺋﯩﻠﯩﻚ ﺋﺎﻝ ﺳﺎﻻﻣﻨﻰ ، ﻏﺎﭘﯩﻞ ﺑﻮﻟﻤﯩﻐﯩﻦ .
4154.ﻛﯧﺮﻩﻛﺘﯘﺭ ﻛﯩﭽﯩﻜﺘﯩﻦ ﺋﯘﻟﯘﻏﻘﺎ ﮬﯚﺭﻣﻪﺕ ،
ﺋﯘﻟﯘﻏﻤﯘ ﻛﯩﭽﯩﻜﻜﻪ ﻗﯩﻠﯘﺭ ﺋﻪﻳﻨﯩﻨﻰ . </div>
ﺋﯘﻳﻐﯘﺭﻻﺭﻧﯩﯔ ﺋﻪﻧﺌﻪﻧﯩﯟﻯ ﺳﺎﻻﻣﻠﯩﺸﯩﺶ ﺋﺎﺩﻩﺗﻠﯩﺮﻯ ﻛﯚﭖ ﻗﺎﺗﻼﻣﻠﯩﻖ ﺑﻮﻟﻐﺎﭼﻘﺎ ، ﺋﻪﺭ - ﺋﺎﻳﺎﻟﻼﺭﺩﯨﻜﻰ ﺳﺎﻻﻣﻠﯩﺸﯩﺶ ﻳﻮﺳﯘﻧﻠﯩﺮﯨﻤﯘ ﺋﻮﺧﺸﺎﺵ ﺑﻮﻟﻤﺎﻳﺪﯗ . ﺷﯘﯕﺎ ﺑﯘﻻﺭﻧﻰ ﻣﯘﻧﯘ ﺋﯩﻜﻜﻰ ﭼﻮﯓ ﺗﯜﺭﻟﻪﺭﮔﻪ ﺋﺎﻳﺮﯨﭗ ﺑﺎﻳﺎﻥ ﻗﯩﻠﯩﺶ ﻣﯘﻣﻜﯩﻦ :
1. ﺋﻪﺭﻟﻪﺭ ﺋﺎﺭﯨﺴﯩﺪﯨﻜﻰ ﺳﺎﻻﻣﻠﯩﺸﯩﺶ
ﮬﺎﺯﯨﺮ ﺑﯩﺰﺩﻩ ﺋﯚﺯ - ﺋﺎﺭﺍ ﻗﻮﻝ ﺋﯩﻠﯩﺸﯩﭗ ﻛﯚﺭﯛﺷﯜﺵ ﺑﯩﺮ ﻗﻪﺩﻩﺭ ﺋﻮﻣﻮﻣﻠﯩﺸﯩﭗ ﻗﺎﻟﺪﻯ . ﺋﻪﻣﻪﻟﯩﻴﻪﺗﺘﻪ ، ﺋﯘﻳﻐﯘﺭ ﺋﻪﺭﻟﯩﺮﯨﻨﯩﯔ ﺋﻪﻧﺌﻪﻧﯩﯟﻯ ﺳﺎﻻﻣﻠﯩﺸﯩﺶ ﻗﺎﺋﯩﺪﯨﺴﯩﺪﯨﻦ ﺋﯩﻠﯩﭗ ﺋﯩﻴﺘﻘﺎﻧﺪﺍ ، ﺳﺎﻻﻣﻠﯩﺸﯩﺶ ﮬﺎﺟﯩﺘﻰ ﺗﯘﻏﯘﻟﻐﺎﻧﺪﺍ ﺳﺎﻻﻡ ﺑﻪﺭﮔﯜﭼﻰ ﺗﻪﺭﻩﭖ ﺋﻮﯓ ﻗﻮﻟﯩﻨﻰ ﻛﯚﻛﺴﯩﮕﻪ ﺋﯧﻠﯩﭗ ، ﮬﯚﺭﻣﻪﺕ ﯞﻩ ﺋﯧﮭﺘﯩﺮﺍﻡ ﺑﯩﻠﻪﻥ ﺑﺎﺷﻨﻰ ﯞﻩ ﺑﻪﻟﻨﻰ ﻣﯘﯞﺍﭘﯩﻖ ﺩﻩﺭﯨﺠﯩﺪﻩ ﺋﯩﮕﯩﭗ < ﺋﻪﺳﺴﺎﻻﻣﯘﺋﻪﻟﻪﻳﻜﯜﻡ > ﺩﯦﻴﯩﺸﻰ ، ﺳﺎﻻﻡ ﻗﻮﺑﯘﻝ ﻗﯩﻠﻐﯘﭼﻰ ﺗﻪﺭﻩﭘﻤﯘ ﺋﻮﯓ ﻗﻮﻟﯩﻨﻰ ﻛﯚﻛﺴﯩﮕﻪ ﺋﯧﻠﯩﭗ ﻣﯘﯞﺍﭘﯩﻖ ﺩﻩﺭﯨﺠﯩﺪﻩ ﺋﯧﮕﯩﻠﯩﭗ < ﯞﻩﺋﻪﻟﻪﻳﻜﯜﻡ ﺋﻪﺳﺴﺎﻻﻡ > ﺩﻩﭖ ، ﺳﺎﻻﻡ ﻗﻮﺑﯘﻝ ﻗﯩﻠﻐﯘﭼﻰ ﺗﻪﺭﻩﭖ < ﯞﻩﺋﻪﻟﻪﻳﻜﯜﻡ ﺋﻪﺳﺴﺎﻻﻡ > ﺩﻩﭖ ﺳﺎﻻﻡ - ﺳﻪﮬﻪﺕ ﻳﻮﻟﻠﯩﻨﯩﭗ ﺑﻮﻟﯘﭖ ، ﺋﺎﻧﺪﯨﻦ ﺋﯚﺯ - ﺋﺎﺭﺍ ﻗﻮﻝ ﺋﯧﻠﯩﺸﯩﭗ ﻛﯚﺭﯛﺷﯩﺪﯨﻐﺎﻥ ﺋﺎﺩﻩﺗﻠﻪﺭﻣﯘ ﺑﺎﺭ .
ﺋﯘﻳﻐﯘﺭﻻﺭ ﺳﺎﻻﻡ - ﺳﻪﮬﻪﺗﺘﻪ ﺋﺎﻟﺪﻯ ﺑﯩﻠﻪﻥ ﻛﯩﭽﯩﻜﻠﻪﺭ ﭼﻮﯕﻼﺭﻏﺎ ﺳﺎﻻﻡ ﺑﯩﺮﯨﺸﻜﻪ ﺋﺎﺩﻩﺗﻠﻪﻧﮕﻪﻥ .
ﻧﺎﯞﺍﺩﺍ ، ﺑﯩﺮﻩﺭ ﺋﯘﻻﻏﻠﯩﻖ (ﺋﺎﺕ ﻳﺎﻛﻰ ﺋﯧﺸﻪﻙ ﻣﯩﻨﮕﻪﻥ) ﻛﯩﺸﻰ ﺟﺎﻣﺎﺋﻪﺕ ﺗﻮﭘﻰ ﺋﺎﺭﯨﺴﯩﺪﯨﻦ ﺋﯚﺗﯜﺷﻜﻪ ﺗﻮﻏﺮﺍ ﻛﻪﻟﺴﻪ ﺟﺎﻣﺎﺋﻪﺗﻨﻰ ﺗﻮﻧﯘﺵ ﻳﺎﻛﻰ ﺗﻮﻧﯘﺷﻤﺎﺳﻠﯩﻘﯩﺪﯨﻦ ﻗﻪﺗﺌﯩﻴﻨﻪﺯﻩﺭ ، ﺋﯘ ﻛﯩﺸﻰ ﺋﯘﻻﻏﺪﯨﻦ ﭼﯜﺷﯜﭖ ، ﺟﺎﻣﺎﺋﻪﺗﻜﻪ ﺳﺎﻻﻡ ﺑﯩﺮﯨﭗ ، ﺋﯘﻻﺭﻧﯩﯔ ﺋﺎﻟﺪﯨﺪﯨﻦ ﺋﯚﺗﯜﭖ ﻛﻪﺗﻜﻪﻧﺪﯨﻦ ﻛﯩﻴﯩﻦ ، ﺋﯘﻻﻏﻘﺎ ﻗﺎﻳﺘﺎ ﻣﯩﻨﯩﭗ ﺳﻪﭘﯩﺮﯨﻨﻰ ﺩﺍﯞﺍﻣﻼﺷﺘﯘﺭﯨﺪﯗ . ﺋﯘﻳﻐﯘﺭﻻﺭﺩﺍ ﺑﯩﺮﻩﺭ ﻛﯩﺸﯩﻨﯩﯔ ﺋﯚﻳﯩﺪﻩ ﺋﯚﻟﯜﻡ - ﻳﯧﺘﯩﻢ ﺋﻪﮬﯟﺍﻟﻰ ﻛﯚﺭﯛﻟﺴﻪ ، ﺋﯘﻧﻰ ﺗﻮﻧﯘﺵ - ﺗﻮﻧﯘﻣﺎﺳﻠﯩﻘﯩﺪﯨﻦ ﻗﻪﺗﺌﯩﻴﻨﻪﺯﻩﺭ ﺑﯘ ﺧﻪﯞﻩﺭﻧﻰ ﺋﺎﯕﻠﯩﻐﺎﻧﻼﺭﻧﯩﯔ ﮬﻪﻣﻤﯩﺴﻰ ﻣﯘﺳﯩﺒﻪﺕ ﺑﻮﻟﻐﺎﻥ ﺋﯚﻳﮕﻪ ﺑﯩﺮﯨﭗ ، ﺋﯚﻱ ﺋﯩﮕﯩﻠﯩﺮﻯ ﯞﻩ ﺋﯘﺭﯗﻕ - ﺗﯘﻗﻘﺎﻧﻠﯩﺮﻯ ﺑﯩﻠﻪﻥ ﻛﯚﺭﯛﺷﯜﭖ ، ﭘﻪﺗﻪ ﻗﯩﻠﯩﭗ ، ﮬﺎﻝ ﺳﻮﺭﺍﺵ ﺋﺎﺩﯨﺘﻰ ﺑﺎﺭ . ﻳﻪﻧﻰ ﮬﺎﻝ ﺳﻮﺭﺍﭖ ﺑﺎﺭﻏﯘﭼﻰ ﻛﯩﺸﯩﻨﻰ ﺋﯚﻟﯜﻡ ﺋﯩﮕﯩﻠﯩﺮﻯ (ﮬﺎﺯﯨﺪﺍﺭﻻﺭ) ﺋﯩﺸﯩﻚ ﺋﺎﻟﺪﯨﻐﺎ ﻳﺎﻛﻰ ﺋﯚﻳﺪﻩ ﻛﯜﺗﯜﯞﺍﻟﯩﺪﯗ . ﭘﻪﺗﯩﮕﻪ ﺑﺎﺭﻏﯘﭼﻰ ﻛﯩﺸﻰ ﮬﺎﺯﯨﺪﺍﺭﻻﺭ ﺑﯩﻠﻪﻥ ﻣﯘﺳﯩﺒﻪﺕ ﺗﯘﻳﻐﯘﺳﻰ ﺋﯩﭽﯩﺪﻩ ﺑﯩﺮ - ﺑﯩﺮﻟﻪﭖ ﺋﯩﻜﻜﻰ ﻗﻮﻟﯩﻨﻰ ﺋﯘﺯﺍﺭﺗﯩﭗ ﺑﯩﺮ - ﺑﯩﺮﯨﻨﯩﯔ ﻗﻮﻟﯩﻨﻰ ﻳﻪﯕﮕﯩﻞ ﺳﯩﻘﯩﭗ ﻛﯚﺭﯛﺷﻜﻪﻧﺪﯨﻦ ﻛﯩﻴﯩﻦ ، ﻗﻮﻟﯩﻨﻰ ﺋﺎﺟﺮﯨﺘﯩﭗ ﺑﻮﻟﯘﭖ ﮬﻪﺭ ﺋﯩﻜﻜﻰ ﺗﻪﺭﻩﭖ ﺋﯩﻜﻜﻰ ﻗﻮﻟﻰ ﺑﯩﻠﻪﻥ ﺋﯩﯖﻪﻛﻠﯩﺮﯨﻨﻰ ، ﺳﺎﻗﻠﻰ ﺑﺎﺭﻻﺭ ﺳﺎﻗﻠﯩﻨﻰ ﻳﻪﯕﮕﯩﻞ ﺳﯩﻠﯩﭗ - ﺳﯩﭙﺎﭖ ﻗﻮﻳﯩﺪﯗ . ﺗﻮﻱ - ﺗﯚﻛﯜﻧﻠﻪﺭﺩﻩ ﺑﻮﻟﺴﺎ ﻗﯩﺰﻏﯩﻦ ﻛﻪﻳﭙﯩﻴﺎﺗﺘﺎ ﻳﯘﻗﯩﺮﻗﯩﻐﺎ ﺋﻮﺧﺸﺎﺵ ﻛﯚﺭﯛﺷﯩﺪﯗ .
ﻳﺎﺷﺎﻧﻐﺎﻧﻼﺭ ﺑﯩﻠﻪﻥ ﻳﺎﺷﻼﺭ ﺋﻮﺗﺘﯘﺭﯨﺴﯩﺪﺍ ﺑﻮﻟﺴﺎ ، ﻳﺎﺷﻼﺭ ﺋﻮﻟﺘﯘﺭﻏﺎﻥ ﺑﻮﻟﺴﯘﻥ ، ﻣﺎﯕﻐﺎﻥ ﺑﻮﻟﺴﯘﻥ (ﺋﯘﻻﻏﻠﯩﻖ ﻳﺎﻛﻰ ﭘﯩﻴﺎﺩﻩ) ﻳﺎﺷﺎﻧﻐﺎﻧﻼﺭ ﺋﯘﭼﺮﺍﭖ ﻗﺎﻟﻐﺎﻥ ﺋﻪﮬﯟﺍﻟﺪﺍ ﭼﻮﻗﯘﻡ ﻳﺎﺷﻼﺭ ﻳﺎﻏﺎﻧﻐﺎﻧﻼﺭﻏﺎ ﺋﺎﯞﯞﺍﻝ ﻗﻮﻟﯩﻨﻰ ﻛﯚﻛﺴﯩﮕﻪ ﻗﻮﻳﯘﭖ < ﺋﻪﺳﺴﺎﻻﻣﯘﺋﻪﻟﻪﻳﻜﯜﻡ > ﺩﻩﭖ ﺳﺎﻻﻡ ﺑﯩﺮﯨﺪﯨﻐﺎﻥ ، ﻳﺎﺷﺎﻧﻐﺎﻧﻼﺭ < ﯞﻩﺋﻪﻟﻪﻳﻜﯜﻡ ﺋﻪﺳﺴﺎﻻﻡ > ﺩﻩﭖ ﺳﺎﻻﻡ ﻗﺎﻳﺘﯘﺭﻏﺎﻧﺪﯨﻦ ﻛﯩﻴﯩﻦ ﻳﺎﺷﺎﻧﻐﺎﻧﻼﺭﻧﯩﯔ ﻗﻮﻟﯩﻨﻰ ﭼﯩﯔ ﺳﯩﻘﯩﭗ ، ﺗﯧﻨﯩﭻ - ﺋﺎﻣﺎﻧﻠﯩﻖ ﺳﻮﺭﺍﺷﺘﻪﻙ ﺋﺎﺩﻩﺗﻠﻪﺭ ﺳﺎﻗﻼﻧﻐﺎﻥ . ﺑﯘ ، ﻳﺎﺷﺎﻧﻐﺎﻧﻼﺭﻏﺎ ﺑﻮﻟﻐﺎﻥ ﻳﯜﻛﺴﻪﻙ ﮬﯚﺭﻣﻪﺗﻨﯩﯔ ﺋﯩﭙﺎﺩﯨﺴﻰ .
ﺑﯩﺮﻩﺭ ﺋﯩﺶ ﺳﻪﯞﻩﭘﻠﯩﻚ ﺋﯘﺯﺍﻕ ﻣﻪﺯﮔﯩﻞ ﻛﯚﺭﯛﺷﯜﺵ ﭘﯘﺭﺳﯩﺘﻰ ﺑﻮﻟﻤﯩﻐﺎﻥ ﺋﯘﺭﯗﻕ - ﺗﯘﻗﻘﺎﻧﻼﺭ ، ﺩﻭﺳﺖ - ﺑﯘﺭﺍﺩﻩﺭﻟﻪﺭ ﺋﯘﭼﺮﺍﺷﻘﺎﻥ ﭼﺎﻏﺪﺍ ﺳﯧﻐﯩﻨﯩﺶ ﮬﯧﺴﻴﺎﺗﯩﻨﻰ ﺋﯩﭙﺎﺩﯨﻠﻪﺵ ﺋﯜﭼﯜﻥ ﻗﻮﻝ ﺋﯩﻠﯩﺸﯩﭗ ﻛﯚﺭﯛﺷﯜﭖ ﺑﻮﻟﻐﺎﻧﺪﯨﻦ ﻛﯩﻴﯩﻦ ﻗﯘﭼﺎﻗﻠﯩﺸﯩﭗ ، ﻣﻪﯕﺰﯨﻨﻰ ﻣﻪﯕﺰﯨﮕﻪ ﻳﯩﻘﯩﺸﯩﺪﯗ . ﮬﻪﺗﺘﺎ ﺋﯘﺭﯗﻕ - ﺗﯘﻗﻘﺎﻧﻼﺭ ﻳﺎﻛﻰ ﺩﻭﺳﺖ - ﺑﯘﺭﺍﺩﻩﺭﻟﻪﺭ ﺋﻮﺗﺘﯘﺭﺳﯩﺪﺍ ، ﺑﯩﺮﻩﺭﺳﯩﻨﻰ ﺳﻪﭘﻪﺭﮔﻪ ﺋﯘﺯﯨﺘﯩﺶ ﻳﺎﻛﻰ ﺳﻪﭘﻪﺭﺩﯨﻦ ﻛﯜﺗﯜﯞﯨﻠﯩﺸﻘﺎ ﺗﻮﻏﺮﺍ ﻛﻪﻟﺴﻪ ، ﻳﻪﻧﯩﻼ ﻳﯘﻗﯩﺮﻗﯩﺪﻩﻙ ﻗﯘﭼﺎﻗﻠﯩﺸﯩﭗ ﻛﯚﺭﯛﺷﯩﺪﯗ . ﺑﯘﻣﯘ ﺋﯘﻳﻐﯘﺭﻻﺭﺩﯨﻜﻰ ﻳﺎﺧﺸﻰ ﺋﻪﻧﺌﻪﻧﯩﻨﯩﯔ ﺑﯩﺮﻯ .
2. ﺋﺎﻳﺎﻟﻼﺭﻧﯩﯔ ﺳﺎﻻﻣﻠﯩﺸﯩﺸﻰ
ﺋﯘﻳﻐﯘﺭ ﺋﺎﻳﺎﻟﻠﯩﺮﯨﻨﯩﯔ ﻳﺎﺧﺸﻰ ﺋﻪﻧﺌﻪﻧﯩﯟﻯ ﺳﺎﻻﻣﻠﯩﺸﯩﺶ ﺋﺎﺩﻩﺗﻠﯩﺮﻯ ﺑﺎﺭ . ﺋﻮﻣﻮﻣﻪﻥ ، ﺋﺎﻳﺎﻟﻼﺭ ﺋﯚﺯ - ﺋﺎﺭﺍ ﺋﯘﭼﺮﺍﺷﻘﺎﻧﺪﺍ ﺋﺎﻟﺪﻯ ﺑﯩﻠﻪﻥ ﺋﯩﻜﻜﻰ ﻗﻮﻟﻨﯩﯔ ﭘﻪﻧﺠﯩﺴﯩﻨﻰ ﻛﯚﻛﺮﻩﻙ ﺋﯜﺳﺘﯩﺪﯨﻦ ﺋﺎﻟﻤﺎﺷﺘﯘﺭﯗﭖ ، ﺑﯩﺸﯩﻨﻰ ﯞﻩ ﺑﯩﻠﯩﻨﻰ ﻳﻪﯕﮕﯩﻞ ﺋﯧﮕﯩﭗ ﺋﯧﮭﺘﯩﺮﺍﻡ ﺑﯩﻠﻪﻥ < ﺋﻪﺳﺴﺎﻻﻡ > ﺩﻩﭖ ﺳﺎﻻﻡ ﺑﯩﺮﯨﺸﯩﭗ ﺑﻮﻟﻐﺎﻧﺪﯨﻦ ﻛﯩﻴﯩﻦ ، ﺋﯚﺯ - ﺋﺎﺭﺍ ﻗﯘﭼﺎﻗﻠﯩﺸﯩﭗ ﺑﯩﺮ - ﺑﯩﺮﯨﻨﯩﯔ ﺳﻮﻝ ﻣﻪﯕﺰﯨﮕﻪ ، ﻛﯩﭽﯩﻚ ﻗﯩﺰ ﺑﻮﻟﺴﺎ ﭘﯧﺸﺎﻧﯩﺴﯩﮕﻪ ﺳﯚﻳﯜﭖ ﻗﻮﻳﯩﺪﯗ . ﺑﯘﻣﯘ ﺳﺎﻻﻣﻠﯩﺸﯩﺸﻨﯩﯔ ﺑﯩﺮ ﺋﯩﭙﺎﺩﯨﺴﻰ ﮬﯧﺴﺎﺑﻠﯩﻨﯩﺪﯗ .
ﺗﻮﻳﻰ ﺑﻮﻟﯘﭖ ﺑﯩﺮ ﺋﺎﺋﯩﻠﯩﮕﻪ ﻛﯩﻠﯩﻦ ﺑﻮﻟﯘﭖ ﻛﯩﺮﮔﻪﻥ ﻗﯩﺰﭼﺎﻥ ﮬﻪﺭ ﻛﯜﻧﻰ ﺋﻪﺗﯩﮕﻪﻥ ﺋﻮﺭﻧﯩﺪﯨﻦ ﺗﯘﺭﯗﭖ ، ﮬﻮﻳﻼ - ﺋﺎﺭﺍﻣﻼﺭﻧﻰ ﺑﯩﺮﻩﺭ ﻗﯘﺭ ﺳﯜﭘﯜﺭﯛﭖ ، ﻳﯩﻐﯩﺸﺘﯘﺭﯗﭖ ﺑﻮﻟﻐﺎﻧﺪﯨﻦ ﻛﯩﻴﯩﻦ ﻗﯧﻴﻨﺎﻧﺎ - ﻗﯧﻴﻨﺎﺗﯩﻼﺭﻧﯩﯔ ﺋﺎﻟﺪﯨﻐﺎ ﻛﯩﺮﯨﭗ < ﺋﻪﺳﺴﺎﻻﻡ > ﺩﻩﭖ ﺳﺎﻻﻡ ﺑﯩﺮﯨﭗ ﺋﺎﻣﺎﻥ - ﺋﯧﺴﻪﻧﻠﯩﻚ ﺳﻮﺭﺍﻳﺪﯗ . ﻗﯧﻴﻨﺎﻧﺎ ﺑﯩﻠﻪﻥ ﻗﯧﻴﻨﺎﺗﯩﻤﯘ ﺳﺎﻻﻣﻐﺎ ﺟﺎﯞﺍﭖ ﻗﺎﻳﺘﯘﺭﯨﺪﯗ .
ﻣﯧﮭﻤﺎﻧﺪﺍﺭﭼﯩﻠﯩﻖ ﺋﯩﺸﻠﯩﺮﯨﺪﺍ ﺋﯘﻳﻐﯘﺭﻻﺭ ﭼﺎﻗﯩﺮﯨﻠﻐﺎﻥ ﺋﻪﺭ - ﺋﺎﻳﺎﻝ ﻣﯧﮭﻤﺎﻧﻼﺭﻧﻰ ﺋﺎﻳﺮﯨﻢ - ﺋﺎﻳﺮﯨﻢ ﺋﯚﻳﺪﻩ ﻛﯜﺗﯩﺪﯗ . ﺋﻪﺭﻟﻪﺭ ﺋﻪﺭﻟﻪﺭﻧﻰ ﻛﯜﺗﯩﺪﯗ ، ﺋﺎﻳﺎﻟﻼﺭ ﺋﺎﻳﺎﻟﻼﺭﻧﻰ ﻛﯜﺗﯩﺪﯗ . ﺑﻪﺯﻯ ﻣﻪﺷﺮﻩﭖ ﺳﻮﺭﯗﻧﻠﯩﺮﯨﺪﺍ ﺋﻪﺭ - ﺋﺎﻳﺎﻝ ﺑﯩﻠﻪﻥ ﺑﯩﻠﻠﻪ ﺋﻮﻟﺘﯘﺭﯨﺪﯨﻐﺎﻥ ﺋﻪﮬﯟﺍﻟﻼﺭﻣﯘ ﺑﺎﺭ ( ﻟﯩﻜﯩﻦ ﺋﺎﺯ ﺳﺎﻧﺪﺍ ) ، ﺑﯩﺮﻩﺭ ﺋﯚﻳﺪﻩ ﺗﻮﭘﻠﯩﺸﯩﭗ ﺋﻮﻟﺘﯘﺭﻏﺎﻥ ﺋﺎﻳﺎﻟﻼﺭ ﺋﺎﺭﯨﺴﯩﺪﺍ ﻳﯧﯖﯩﺪﯨﻦ ﻣﯧﮭﻤﺎﻥ ﻛﯩﺮﺳﻪ ، ﮬﻪﻣﻤﻪ ﺋﺎﻳﺎﻟﻼﺭ ﺋﻮﺭﯗﻧﻠﯩﺮﯨﺪﯨﻦ ﺗﯘﺭﯗﺷﯩﺪﯗ ، ﺑﯩﺮ - ﺑﯩﺮﻟﻪﭖ ﻛﯚﺭﯨﺸﯩﭗ ﭼﯩﻘﯩﺪﯗ .
ﺗﻮﻱ - ﺗﯚﻛﯜﻥ ، ﮬﯧﻴﺖ - ﺑﺎﻳﺮﺍﻣﻼﺭﺩﺍ ﺑﻮﻟﺴﺎ ﺳﺎﻻﻣﻠﯩﺸﯩﺶ ﺑﯘﺭﯗﻧﻘﯩﺪﯨﻨﻤﯘ ﺑﻪﻛﺮﻩﻙ ﺋﻪﯞﺟﯩﮕﻪ ﭼﯩﻘﯩﺪﯗ .
ﺳﺎﻻﻣﻠﯩﺸﯩﺶ ﺑﯩﺰﺩﯨﻜﻰ ﺑﯩﺮې ﺧﯩﻞ ﺋﻪﻧﺌﻪﻧﯩﯟﻯ ﻣﻪﺩﻩﻧﯩﻴﻪﺕ ﮬﯧﺴﺎﺑﻼﻧﻐﺎﭼﻘﺎ ، ﮬﻪﺭ ﺑﯩﺮﯨﻤﯩﺰﺩﻩ ﺋﻪﻧﺌﻪﻧﯩﯟﻯ ﻣﻪﺩﻩﻧﯩﻴﻪﺗﻜﻪ ﮬﯚﺭﻣﻪﺕ ﻗﯩﻠﯩﺶ ، ﺋﯘﻧﻰ ﻗﻮﻏﺪﺍﺵ ﺋﯧﯖﻰ ﺑﻮﻟﯘﺷﻰ ﻛﯧﺮﻩﻙ .
ﺋﻪﻧﺌﻪﻧﯩﯟﻯ ﻣﻪﺩﻩﻧﯩﻴﻪﺕ ﺑﯩﺮ ﻣﯩﻠﻠﻪﺗﻨﯩﯔ ﻳﺎﺩﺭﻭﺳﻰ ، ﻣﻪﺩﻩﻧﯩﻴﻪﺗﻨﯩﯔ ﺋﯚﺯﯨﻜﻰ ، ﺋﻪﻧﺌﻪﻧﯩﯟﻯ ﻣﻪﺩﻩﻧﯩﻴﻪﺗﺘﯩﻦ ﺋﺎﻳﺮﯨﻠﻐﺎﻥ ﻣﯩﻠﻠﻪﺕ ﺗﯘﭘﺮﺍﻗﺘﯩﻦ ﺋﺎﻳﺮﯨﻠﻐﺎﻥ ﮔﯩﻴﺎﮬﻘﺎ ، ﻣﻪﻧﺒﻪﺩﯨﻦ ﺋﺎﻳﺮﯨﻠﻐﺎﻥ ﺋﯧﻘﯩﻨﻐﺎ ﺋﻮﺧﺸﺎﭖ ﻗﺎﻟﯩﺪﯗ .
ﺋﺎﭘﺘﻮﺭ : ﺗﻪﯕﺮﯨﺘﺎﻍ ﺭﺍﻳﻮﻧﻠﯘﻕ ﻣﻪﺩﻩﻧﯩﻴﻪﺕ - ﺗﻪﻧﺘﻪﺭﺑﯩﻴﻪ ﺋﯩﺪﺍﺭﯨﺴﯩﺪﺍ .
ﻣﻪﻧﺒﻪ : < ﻣﯩﺮﺍﺱ > ﮊﻭﺭﻧﯩﻠﯩﻨﯩﯔ 2007 - ﻳﯩﻠﻠﯩﻖ 5 - ﺳﺎﻧﯩﺪﯨﻦ ﺗﻪﻳﻴﺎﺭﻟﯩﻐﺎﻥ .
![](\"Images/Emoticons/46.gif\"){kind=small}
بۇ ئەسەر بەك ياخشىكەن .
بۇندىن كىيىن بولسا مۇشۇنداق ئەسەرلەرنى يېخىمۇ كۆپلەپ تېپىپ چىقىم كەڭ كۈرۈر مەنلەرنىڭ ۋە ئوقۇرمەنلەرنىڭ ھوزۇرىغا سۇنۇلسا تېخىمۇ ياخشى بۇلاتتى دەپ قارايمەن .
ياخشى ئەسەركەن !
مەن ئوقۇۋاتقان چاغلىرىمدىن تارتىپ تاكى ھازىرغىچە ، ئىزچىل تۈردە كىشىگە تولۇقى بىلەن << ئەسسالامۇ ئەلەيكۇم >> دەپ، سالام بېرىپ كەلدىم .
مېنىڭ ھېس قىلىشىمچە مېنىڭ بۇ خىل ئادىتىم ماڭا مۇنۇلارنى ئېلىپ كەلدى:
1. قۇرداشلىرىم ماڭا ئالاھىدە ھۆرمەت نەزىرىدە قارىشىدىغان بولدى. ماڭا بىمەنە چاقچاق، بىھۇدە گەپ قىلىشتىن ئۆزىنى تارتىشىدىغان بولۇشتى.
2. خېلى تەنتەك، ئاسمانغا پىچاق ئاتىدىغان بالىلارمۇ ماڭا باشقىچە نەزەردە قارىشىدۇ، ئومۇمەن مېنىڭ ئالدىمدا ناچارلىق قىلمايدۇ. مەندىن ئاز - تولا ھېيىقىدۇ.
3. ئەتراپىمدىكى قىز ساۋاقداشلىرىم ۋە تونۇش - بىلىشلەرگىمۇ شۇنداق سالام بەرگەنلىكىم ئۈچۈن، بەزى چاكىنا قىزلارنىڭ يۇپۇشىشىدىن، بىمەنە قىلىقلىنىشىدىن يىراق تۇردۇم ۋە ئۈسەك سۆزلەر مەندىن نېرى بولۇپ كەلدى. قىزلار ئادەتتە ماڭا ئالاھىدە ھۆرمەت نەزىرى بىلەن قارىشاتتى. بەزىلىرى تېخى ماڭا << سىز بەك سۈرلۈك ! >> دەپ قويۇشاتتى.
5. پىشقەدەملەر - چوڭلار مەندىن رازى بولۇشۇپ چىرايلىرىدا تەبەسسۇم جىلۋە قىلىشاتتى.
6. ئوقۇتقۇچىلىرىممۇ مېنى باشقىلارغا قارىغاندا چوڭ كۆرەتتى. باشقا ساۋاقداشلىرىمىغا قارىغاندا پەرقلىق مۇئامىلە قىلاتتى.
ئومۇمەن، مەن ئۆز ئەنئەنىمىزگە لايىق رەۋىشتە سالام بېرىش ئادتىنى يېتىلدۈرگەنلىكىم سەۋەبلىك، جەمئىيەتتە بەلگىلىك ھۆرمەت - ئېھترامغا ئېرىشتىم. باشقىلارغا ئازدۇر - كۆپتۇر تەسىر كۆرسەتتىم. شۇنداقلا، باشقىلارنىڭ ھۆرمەت - ئېھترامى سەۋەبلىك، ھەر زامان ئۆز قىلمىشىمنى دىتلاپ، ناچار ئىش - خاھىشلاردىن نېرى تۇردۇم.
يۇقىرىقى ئىشلارنى تىلغا ئېلىشتىن مەقسەت پەقەت بۇ خىل ئەۋزەل ئەنئەنىنى باشقىلارغىمۇ تەۋسىيە قىلىشتۇر!
يۈكسەلنىڭ گەپلىرى ئويغا سالدى يۈكسەل ، ئىنكاسىڭىز تىمىدىن بەكرەك تېتىدى ! ئۈلگە قىلىشقا تىگىشلىك !ھورمەت قىلساڭ -ئىززەت تاپارسەن دىگەن شۇدە .