suzuk يوللانغان ۋاقتى 2007-12-27 11:08:38

[ ﺗﻪﺭﺟﯩﻤﻪ] ﺋﯘﻳﻘﯘ ﭘﻪﺭﯨﺸﺘﯩﺴﯩﻨﯩﯔ ﻗﯘﺗﯩﺴﻰ

ﻗﯘﺗﺎ- ﻛﯜﻧﺪﯨﻠﯩﻚ ﺗﯘﺭﻣﯘﺷﺘﯩﻜﻰ ﺋﻪﯓ ﺋﺎﺩﻩﺗﺘﯩﻜﻰ  ﺑﯩﺮ ﻧﻪﺭﺳﻪ. ﺑﯩﺮ ﺧﯩﻞ ﻗﺎﭼﯩﻼﺵ ﺋﻪﺳﯟﺍﺑﻰ ﺑﻮﻟﯘﺵ ﺳﯜﭘﯩﺘﯩﺪﻩ، ﺋﯘﻧﯩﯔ ﺋﺎﺩﻩﺗﺘﻪ ﭘﻪﻗﻪﺕ ﺑﯩﺮﻻ ﺧﯩﻞ ﺭﻭﻟﻰ ﺑﺎﺭ ﻳﻪﻧﻰ ﻧﻪﺭﺳﻪ ﻛﯧﺮﻩﻙ ﻗﺎﭼﯩﻼﺵ. ﻗﺎﭼﯩﻼﻧﻐﺎﻥ ﻧﻪﺭﺳﯩﻨﯩﯔ ﺋﻮﺧﺸﺎﺵ ﺑﻮﻟﻤﺎﺳﻠﯩﻘﯩﻐﺎ ﻗﺎﺭﺍﭖ، ﻗﯘﺗﯩﻨﯩﻤﯘ ﺋﯧﺴﯩﻞ، ﻧﺎﭼﺎﺭ ﺩﻩﭖ ﺗﯜﺭﮔﻪ ﺑﯚﻟﯜﺷﻜﻪ ﺑﻮﻟﯩﺪﯗ. ﻣﻪﺳﯩﻠﻪﻥ ، ﺋﻪﮔﻪﺭ ﻗﯘﺗﯩﻐﺎ ﻗﺎﭼﯩﻼﻧﻐﯩﻨﻰ ﻗﯩﻤﻤﻪﺕ ﺑﺎﮬﺎﻟﯩﻖ ﺋﯜﻧﭽﻪ ﻣﻪﺭﯞﺍﻳﯩﺖ ﺑﻮﻟﺴﺎ، ﺋﯘ ﮬﺎﻟﺪﺍ ﻗﯘﺗﯩﻨﯩﯔ ﺑﺎﮬﺎﺳﯩﻤﯘ ﺷﯘﻧﯩﯖﻐﺎ ﺋﻪﮔﯩﺸﯩﭗ ﮬﻪﺳﺴﯩﻠﻪﭖ ﺋﺎﺷﯩﺪﯗ.

ﻗﯘﺗﯩﻐﺎ ﺋﯜﻧﭽﻪ ﻣﻪﺭﯞﺍﻳﯩﺖ ﻗﺎﭼﯩﻼﺵ ﮬﻪﻳﺮﺍﻥ ﻗﺎﻻﺭﻟﯩﻖ ﺋﯩﺶ ﺋﻪﻣﻪﺱ، ﺑﯩﺮﺍﻕ ﻗﯘﺗﯩﻐﺎ ﺑﻪﺯﯨﺒﯩﺮ ﻧﻪﺭﺳﯩﻠﻪﺭ ﻗﺎﭼﯩﻼﻧﺴﺎ ﺗﻮﻟﯩﻤﯘ ﺳﯩﺮﻟﯩﻖ ﺑﻮﻟﯩﺪﯗ، ﻣﻪﺳﯩﻠﻪﻥ ﺳﯘ، ﺋﻮﺕ ﺩﯦﮕﻪﻧﺪﻩﻙ. ﺟﻮﯕﮕﻮ ﺭﯨﯟﺍﻳﻪﺗﻠﯩﺮﯨﺪﻩ ﺳﯘ ﭘﻪﺭﯨﺴﻰ ﯞﻩ ﺋﻮﺕ ﭘﻪﺭﯨﺸﺘﯩﺴﯩﻨﯩﯔ ﺳﯘ ﯞﻩ ﺋﻮﺕ ﻗﺎﭼﯩﻼﻳﺪﯨﻐﺎﻥ ﺋﻪﯕﮕﯜﺷﺘﻪﺭ ﻗﯘﺗﯩﺴﻰ ﺑﺎﺭ. ﺑﯘﻧﯩﯖﺪﯨﻦ ﺳﯩﺮﺕ ﻳﯘﻧﺎﻥ ﺋﻪﭘﺴﺎﻧﯩﻠﯩﺮﯨﺪﻩ ﺗﯧﺨﯩﻤﯘ ﺋﺎﺟﺎﻳﯩﺐ ﺑﻮﻟﻐﺎﻥ ﻗﯘﺗﺎ - ﭘﻪﻧﺪﻭﺭﺍﻧﯩﯔ ﻗﯘﺗﯩﺴﻰ، ﺑﺎﺭ.

ﺭﯨﯟﺍﻳﻪﺗﻠﻪﺭﺩﻩ ﺋﯧﻴﺘﯩﻠﯩﺸﯩﭽﻪ، ﭘﯩﺮﻭﻣﯩﺪﯨﺘﻨﯩﯔ ﺋﯩﻨﺴﺎﻧﻼﺭﻏﺎ ﺋﻮﺕ ﺋﻮﻏﺮﯨﻼﭖ ﺑﻪﺭﮔﻪﻧﻠﯩﻜﯩﺪﯨﻦ ﻗﺎﺗﺘﯩﻖ ﻏﻪﺯﻩﺑﻠﻪﻧﮕﻪﻥ ﺯﯦﯟﯨﺲ، ﭘﻪﻧﺪﻭﺭﺍ ﺋﯩﺴﯩﻤﻠﯩﻚ ﺋﺎﻳﺎﻟﻨﻰ ﺑﺎﻻﻳﻰ-ﺋﺎﭘﻪﺗﻠﻪﺭﮔﻪ ﻗﻮﺷﯘﭖ ﺋﯩﻨﺴﺎﻧﻼﺭ ﺋﺎﺭﯨﺴﯩﻐﺎ ﺋﻪﯞﻩﺗﻜﻪﻥ ﺋﯩﻜﻪﻥ. ﭘﻪﻧﺪﻭﺭﺍ ﺋﺎﺩﯨﻤﯩﺰﺍﺕ ﺋﺎﺭﯨﺴﯩﻐﺎ ﻛﻪﻟﮕﻪﻧﺪﯨﻦ ﻛﯧﻴﯩﻦ، ﻗﯘﺗﯩﺴﯩﻨﯩﯔ ﺋﺎﻏﺰﯨﻨﻰ ﺋﯧﭽﯩﭙﺘﯘ، ﻗﯘﺗﺎ ﺋﺎﻏﺰﻯ ﺋﯧﭽﯩﻠﯩﺸﻰ ﺑﯩﻠﻪﻥ ﺗﻪﯕﻼ ﻗﺎﭘﻘﺎﺭﺍ ﺋﯩﺲ ﻳﻪﺭ ﻳﯜﺯﯨﮕﻪ ﻳﺎﻣﺮﺍﭖ، ﺋﺎﺩﯨﻤﯩﺰﺍﺕ ﺩﯗﻧﻴﺎﺳﯩﻨﻰ ﻛﯧﺴﻪﻟﻠﯩﻚ، ﺑﺎﻻﻳﻰ-ﺋﺎﭘﻪﺕ، ﮔﯘﻧﺎﮬ، ﮬﻪﺳﻪﺕ، ﺑﯘﺯﯗﻗﭽﯩﻠﯩﻖ، ﺋﻮﻏﺮﯨﻠﯩﻖ ﯞﻩ ﺋﺎﭼﻜﯚﺯﻟﯜﻙ ﻗﺎﭘﻼﭖ ﻛﯧﺘﯩﭙﺘﯘ.... ﻛﯩﺸﯩﻠﻪﺭ ﻛﯧﻴﯩﻨﭽﻪ 'ﭘﻪﻧﺪﻭﺭﺍﻧﯩﯔ ﻗﯘﺗﯩﺴﻰ' ﺩﻩﭖ ﺷﯘﻣﻠﯘﻕ ﺋﯧﻠﯩﭗ ﻛﻪﻟﮕﻪﻥ ﺳﻮﯞﻏﯩﻼﺭﻧﻰ، ﺋﺎﭘﻪﺗﻨﯩﯔ ﻳﯩﻠﺘﯩﺰﯨﻨﻰ ﺋﺎﺗﺎﻳﺪﯨﻐﺎﻥ ﺑﻮﻟﻐﺎﻥ ﺋﯩﻜﻪﻥ.

ﺑﯘ ﮬﯧﻜﺎﻳﻪﻡ ﭘﻪﻧﺪﻭﺭﺍ ﺑﯩﻠﻪﻥ ﻣﯘﻧﺎﺳﯩﯟﻩﺗﺴﯩﺰ، ﺋﻪﻣﻤﺎ ﭘﻪﻧﺪﻭﺭﺍﻧﯩﯔ ﻗﯘﺗﯩﺴﯩﺪﯨﻦ ﻗﯩﻠﭽﻪ ﻗﯧﻠﯩﺸﻤﺎﻳﺪﯨﻐﺎﻥ ﺑﯩﺮ  ﻗﯘﺗﯩﻐﺎ ﺋﺎﻻﻗﯩﺪﺍﺭ. ﮬﯧﻜﺎﻳﻪ ﺟﻪﻧﯘﺑﺘﯩﻜﻰ ﻣﻪﻟﯘﻡ ﺑﯩﺮ ﺋﺎﻟﯩﻲ ﻣﻪﻛﺘﻪﭘﺘﻪ ﻳﯜﺯ ﺑﻪﺭﮔﻪﻥ.

1. ﺋﯘ ﻣﯧﻨﻰ ﻗﻮﻏﻼﯞﺍﺗﯩﺪﯗ

ﻗﻮﻳﯘﻕ ﺗﯘﻣﺎﻥ ﻗﺎﭘﻠﯩﻐﺎﻥ ﻗﯩﺶ ﻛﯜﻧﻰ.
ﺷﯩﻴﺎﯞ ﺭﺍﯞ ﻣﯘﺯﺍﻛﯩﺮﻩﺧﺎﻧﯩﺪﯨﻦ ﭼﯩﻘﻘﺎﻧﺪﺍ ﻳﻮﻟﻼﺭﺩﺍ ﺋﺎﺩﻩﻡ ﻗﺎﻟﻤﯩﻐﺎﻥ ﺋﯩﺪﻯ. ﻗﻮﻳﯘﻕ ﺗﯘﻣﺎﻥ ﺋﺎﻱ ﻧﯘﺭﯨﻨﻰ ﺗﻮﺳﯘﯞﺍﻟﻐﺎﻥ ﺑﻮﻟﯘﭖ ﺋﻪﺗﺮﺍﭘﺘﯩﻜﻰ ﺩﻩﺭﻩﺧﻠﻪﺭﻧﯩﯔ ﻛﯚﻟﻪﯕﮕﯩﺴﻰ ﻏﯘﯞﺍ ﻛﯚﺭﯛﻧﯜﭖ ﺗﯘﺭﺍﺗﺘﻰ. ﺷﯩﻴﺎﯞ ﺭﺍﯞ ﻳﺎﻗﯩﺴﯩﻨﻰ ﺋﯧﮕﯩﺰ ﻛﯚﺗﯜﺭﯛﭖ ﻗﻮﻳﯘﭖ ﺋﺎﻟﺪﯨﻐﺎ ﻗﺎﺭﺍﭖ ﻣﺎﯕﺪﻯ.

ﺋﯘ ﺑﯩﺮ ﻏﺎﻳﻪﺕ ﺯﻭﺭ ﻛﯚﻝ ﺋﯩﺪﻯ. ﻗﯩﺶ ﻛﻪﻟﮕﻪﻧﺪﻩ ﻛﯚﻝ ﻳﯜﺯﯨﺪﻩ ﭘﻪﻗﻪﺕ ﻗﯘﺭﯨﻐﺎﻥ ﻧﻮﻟﯘﭘﻪﺭ ﻳﻮﭘﯘﺭﻣﺎﻗﻠﯩﺮﯨﻼ ﻗﺎﻻﺗﺘﻰ. ﺷﯩﻴﺎﯞ ﺭﺍﯞ ﺋﯚﺯﯨﭽﻪ ﺟﯩﺪﺩﯨﻠﯩﺸﯩﺸﻜﻪ ﺑﺎﺷﻠﯩﺪﻯ، ﺑﯘ ﺗﯩﭗ-ﺗﯩﻨﭻ ﻛﯚﻟﻨﯩﯔ ﺋﺎﺳﺘﯩﺪﺍ ﻗﺎﻧﭽﯩﻠﯩﮕﻪﻥ ﺋﯧﭽﯩﻨﯩﺸﻠﯩﻖ ﮬﯧﻜﺎﻳﯩﻠﻪﺭ ﺑﺎﺭﺩﯗ؟ ﮬﻪﺭ ﻳﯩﻠﻰ ﻛﯚﻟﮕﻪ ﺳﻪﻛﺮﯨﯟﺍﻟﻐﺎﻥ ﻳﺎﻛﻰ ﺋﯧﮭﺘﯩﻴﺎﺗﺴﯩﺰﻟﯩﻘﺘﯩﻦ ﭼﯜﺷﯜﭖ ﻛﻪﺗﻜﻪﻧﻠﻪﺭﻧﻰ ﺩﯦﻤﻪﻳﻼ ﻗﻮﻳﺎﻳﻠﻰ، ﮬﻪﺗﺘﺎ ﻣﯘﺷﯘ ﻣﻪﻛﺘﻪﭘﻨﯩﯔ ﺑﯩﺮ ﻣﯘﺩﯨﺮﯨﻤﯘ ﻣﯘﺷﯘ ﻛﯚﻟﺪﻩ ﺗﯘﻧﺠﯘﻗﯘﭖ ﺋﯚﻟﮕﻪﻥ ﺋﯩﺪﻯ.

ﺷﯩﻴﺎﯞ ﺭﺍﯞ ﺟﯩﻤﺠﯩﺖ ﻛﯚﻝ ﺑﻮﻳﯩﻨﻰ ﺋﺎﻳﻠﯩﻨﯩﭗ ﺋﯚﺗﯜﯞﺍﺗﺎﺗﺘﻰ. ﺗﯘﻳﯘﻗﺴﯩﺰ ﻳﺎﻥ ﺗﻪﺭﻩﭘﺘﯩﻜﻰ ﺋﻮﺭﻣﺎﻧﻠﯩﻘﺘﯩﻦ ﺑﯩﺮ ﺋﺎﻕ ﻛﯚﻟﻪﯕﮕﻪ ﺳﯘﻏﯘﺭﯗﻟﯘﭖ ﭼﯩﻘﯩﭗ، ﺋﯘﻧﯩﯖﻐﺎ ﻗﺎﺗﺘﯩﻖ ﺋﯜﺳﺴﯩﯟﺍﻟﺪﻯ.
- ﻳﯥ ﮔﯥ  ﺳﻪﻥ ﺑﯘ ﻳﻪﺭﺩﻩ ﻧﯩﻤﯩﺶ ﻗﯩﻠﯩﭗ ﻳﯜﺭﯨﺴﻪﻥ؟
ﺋﺎﻟﺪﯨﺪﯨﻜﻰ ﺋﺎﺩﻩﻣﻨﻰ ﺗﻮﻧﯘﻏﺎﻥ ﺷﯩﻴﺎﯞﺭﺍﯞ ﮬﻪﻳﺮﺍﻧﻠﯩﻖ ﺑﯩﻠﻪﻥ ﺳﻮﺭﯨﺪﻯ. ﻳﯥ ﮔﯥ ﺋﺎﺩﻩﺗﺘﻪ ﺑﯘ ﻛﻪﭼﺘﻪ ﺗﻪﻛﺮﺍﺭﻏﺎ ﭼﯩﻘﻤﺎﻳﺘﻰ. ﺑﯘ ﻛﯚﻝ ﺑﻮﻳﯩﺪﺍ ﺋﯚﺯﻯ ﻳﺎﻟﻐﯘﺯ ﻳﯜﮔﯜﺭﯛﭘﻤﯘ ﻳﯜﺭﻣﻪﻳﺘﻰ ﺋﻪﻟﯟﻩﺗﺘﻪ. ﻳﯥ ﮔﯥ ﻧﯩﯔ ﭼﯩﺮﺍﻳﻠﯩﺮﻯ ﺗﺎﺗﺎﺭﻏﺎﻥ ﺑﻮﻟﯘﭖ، ﺷﯩﻴﺎﯞ ﺭﺍﯞﻧﯩﯔ ﭼﯩﺮﺍﻳﯩﻨﻰ ﺋﯧﻨﯩﻖ ﻛﯚﺭﯛﭖ ﺗﻮﻧﯘﻏﺎﻧﺪﯨﻦ ﻛﯧﻴﯩﻦ، ﺋﯚﺯﯨﻨﻰ ﺋﯘﻧﯩﯔ ﻗﯘﭼﯩﻘﯩﻐﺎ ﺋﺎﺗﺘﻰ. ﻗﻮﻳﻨﯩﺪﯨﻜﻰ ﻳﯥ ﮔﯥ ﻧﯩﯔ ﺗﻮﺧﺘﯩﻤﺎﻱ ﺗﯩﺘﺮﯨﺸﯩﺪﯨﻦ ﺋﻪﺟﻪﺑﻠﻪﻧﮕﻪﻥ ﺷﯩﻴﺎﯞ ﺭﺍﯞ ﺋﺎﻟﺪﯨﺮﺍﺵ ﺳﻮﺭﯨﺪﻯ:
- ﻧﯩﻤﻪ ﺑﻮﻟﺪﻯ؟ ﺑﯩﺮﻩﺭ ﺋﯩﺶ ﻳﯜﺯ ﺑﻪﺭﺩﯨﻤﯘ؟
- ﻣﯧﻨﻰ ﻗﯘﺗﯘﻟﺪﯗﺭ ﺷﯩﻴﺎﯞ ﺭﺍﯞ، ﻗﻮﺭﻗﯩﯟﺍﺗﯩﻤﻪﻥ!
-ﻗﻮﺭﻗﻤﺎ ﻣﻪﻥ ﺑﺎﺭ.
ﺷﯩﻴﺎﯞ ﺭﺍﯞ ﻗﯩﺰ ﺩﻭﺳﺘﯩﻨﯩﯔ ﺑﯧﺸﯩﻨﻰ ﺳﯩﻠﯩﻐﺎﭺ ﺳﻮﺭﯨﺪﻯ:
-ﻳﯥ ﮔﯥ، ﻗﻮﺭﻗﻤﺎ، ﻣﺎﯕﺎ ﺋﯧﻴﺘﯩﭗ ﺑﻪﺭﮔﯩﻦ، ﺯﺍﺩﻯ ﻧﯩﻤﻪ ﺑﻮﻟﺪﻯ؟
-ﺋﯘ، ﺋﯘ... ﻣﯧﻨﻰ ﻗﻮﻏﻼﯞﺍﺗﯩﺪﯗ...
ﺷﯩﻴﺎﯞ ﺭﺍﯞ ﺩﻩﺭﮬﺎﻝ ﻗﯩﺰ ﻛﻪﻟﮕﻪﻥ ﺗﻪﺭﻩﭘﻜﻪ ﻗﺎﺭﯨﺪﻯ، ﮬﯧﭽﻨﯩﻤﻪ ﻛﯚﺭﯛﻧﻤﻪﻳﺘﻰ.
-ﻧﯩﻤﻪ؟ ﻛﯩﻢ ﺳﯩﻨﻰ ﻗﻮﻏﻼﯞﺍﺗﯩﺪﯗ؟
ﻳﯥ ﮔﯥ ﺑﯧﺸﯩﻨﻰ ﻛﯚﺗﯜﺭﯛﭖ ﯞﻩﮬﯩﻤﻪ ﺋﯩﭽﯩﺪﻩ ﺩﯦﺪﻯ:
- ﺋﺎﯕﻼ، ﺋﺎﯞﺍﺯﻧﻰ ﺋﺎﯕﻠﯩﻴﺎﻟﻤﺎﻳﯟﺍﺗﺎﻣﺴﻪﻥ؟

ﺷﯩﻴﺎﯞ ﺭﺍﯞ  ﻗﯘﻻﻗﻠﯩﺮﯨﻨﻰ ﺩﯨﯔ ﻗﯩﻠﯩﭗ ﺩﯨﻘﻘﻪﺕ ﻗﯩﻠﺪﻯ. ﺋﻪﺗﺮﺍﭖ ﺟﯩﻤﺠﯩﺘﻠﯩﻘﻘﺎ ﺗﻮﻟﻐﺎﻥ ﺋﯩﺪﻯ. ﺋﯘ ﺑﯧﺸﯩﻨﻰ ﭼﺎﻳﻘﯩﺪﻯ.
-ﻧﯩﻤﯩﺸﻘﺎ ﺋﺎﯕﻠﯩﻴﺎﻟﻤﺎﻳﺴﻪﻥ؟ ﺋﯘ ﺋﺎﯞﺍﺯ ﻣﯧﻨﻰ ﻗﻮﻏﻼﯞﺍﺗﯩﺪﯗ، ﻣﯧﻨﯩﯔ ﺋﺎﺭﻗﺎﻣﺪﯨﻼ، ﺑﻪﻙ ﻗﻮﺭﻗﯘﻧﭽﻠﯘﻕ!

ﺷﯩﻴﺎﯞ ﺭﺍﯞ ﻗﺎﭘﺎﻗﻠﯩﺮﯨﻨﻰ ﺗﯜﺭﯛﭖ ﻳﻪﻧﻪ ﺩﯨﻘﻘﻪﺕ ﻗﯩﻠﺪﻯ، ﮬﯧﭽﻘﺎﻧﺪﺍﻕ ﺷﻪﭘﻪ ﻳﻮﻕ ﺋﯩﺪﻯ. ﻗﺎﺭﯨﻐﺎﻧﺪﺍ ﺋﯚﮔﯩﻨﯩﺶ ﺑﯧﺴﯩﻤﻰ ﺋﯧﻐﯩﺮ ﻛﻪﻟﮕﻪﻥ ﺋﻮﺧﺸﺎﻳﺪﯗ ﺩﻩﭖ ﺋﻮﻳﻼﭖ، ﻳﯥ ﮔﯧﻨﯩﯔ ﻣﯜﺭﯨﺴﯩﻨﻰ ﺳﯩﻠﯩﻐﺎﭺ" ﺑﻮﻟﺪﻯ، ﺑﻮﻟﺪﻯ، ﻗﺎﻳﺘﯩﭗ ﻛﯧﺘﻪﻳﻠﻰ، ﻛﯧﭽﯩﺴﻰ ﺑﯘ ﻳﻪﺭﻟﻪﺭﺩﻩ ﻳﺎﻟﻐﯘﺯ ﻳﯜﺭﻣﻪ" ﺩﯦﺪﻯ.

ﺷﯩﻴﺎﯞ ﺭﺍﯞ ﻳﯥ ﮔﯧﻨﻰ ﻣﯜﺭﯨﻠﯩﺮﯨﺪﯨﻦ ﻗﯘﭼﺎﻗﻠﯩﻐﯩﻨﯩﭽﻪ ﻣﯧﯖﯩﯟﯦﺘﯩﭗ ﺋﻪﻧﺴﯩﺰﻟﯩﻜﻜﻪ ﭼﯚﻣﺪﻯ، ﺋﻪﺟﯩﺒﺎ ﺗﯘﻣﺎﻧﻨﯩﯔ ﺋﯩﭽﯩﺪﻩ ﺭﺍﺳﺘﻼ ﺑﯩﺮﻩﺭ ﻧﻪﺭﺳﻪ ﺑﺎﺭﻣﯩﺪﯗ؟

2. ﺋﯘﻳﻘﯘﻏﺎ ﻛﻪﺗﻜﻪﻥ ﻗﯩﺰ

ﺷﯩﻴﺎﯞ ﺭﺍﯞ ﺋﯘﺧﻼﭖ ﺋﻮﻳﻐﺎﻧﻐﺎﻧﺪﺍ ﻛﯜﻥ ﻧﻪﻳﺰﻩ ﺑﻮﻳﻰ ﺋﯚﺭﻟﯩﮕﻪﻥ ﺋﯩﺪﻯ. ﺋﺎﺧﺸﺎﻣﻘﻰ ﺋﯩﺸﻨﻰ ﺋﯧﺴﯩﮕﻪ ﺋﯧﻠﯩﭗ ﻳﯥ ﮔﯧﻐﺎ ﺗﯧﻠﯩﻔﯘﻥ ﻗﯩﻠﻤﺎﻗﭽﻰ ﺑﻮﻟﺪﻯ. ﮔﻪﺭﭼﻪ ﺋﺎﺧﺸﺎﻡ ﺋﯘﻧﯩﯖﻐﺎ ﺑﯩﺮ ﻣﯘﻧﭽﻪ ﺗﻪﺳﻪﻟﻠﻰ ﺑﻪﺭﮔﻪﻥ ﺑﻮﻟﺴﯩﻤﯘ، ﻳﯥ ﮔﯥ ﻳﻪﻧﯩﻼ ﻗﻮﺭﻗﯘﭖ ﺗﯘﺭﺍﺗﺘﻰ.

ﺗﯧﻠﯩﻔﯘﻥ ﺗﯘﻳﯘﻗﺴﯩﺰ ﺟﯩﺮﯨﯖﻠﯩﺪﻯ.
-ﭼﺎﺗﺎﻕ ﺑﻮﻟﺪﻯ،- ﺗﯧﻠﯩﻔﻮﻥ ﻳﯥ ﮔﯧﻨﯩﯔ ﺋﻪﻣﻤﺎ ﮔﻪﭖ ﻗﯩﻠﯩﯟﺍﺗﻘﺎﻥ ﺋﺎﺩﻩﻡ ﻳﯥ ﮔﯥ ﺋﻪﻣﻪﺱ.

ﻳﯥ ﮔﯥ ﻛﺎﺭﯨﯟﺍﺗﺘﺎ ﺗﯩﭗ-ﺗﯧﻨﯩﭻ ﺳﻮﺯﯗﻟﯘﭖ ﻳﺎﺗﺎﺗﺘﻰ، ﭼﯩﺮﺍﻳﻰ ﺗﺎﺗﺎﺭﻏﺎﻥ ﺑﻮﻟﯘﭖ، ﺋﻪﻣﻤﺎ ﺧﯘﺩﺩﻯ ﺗﺎﺗﻠﯩﻖ ﺋﯘﻳﻘﯘﻏﺎ ﻛﻪﺗﻜﻪﻧﺪﻩﻛﻼ ﻛﯚﺭﯛﻧﻪﺗﺘﻰ.
- ﺑﯘ ﻧﯩﻤﻪ ﺋﯩﺶ؟- ﺷﯩﻴﺎﯞ ﺑﯩﮭﯘﺵ ﻳﺎﺗﻘﺎﻥ ﻳﯥ ﮔﯧﻐﺎ ﻗﺎﺭﺍﭖ، ﺗﺎﻗﻪﺗﺴﯩﺰﻟﯩﻚ ﺑﯩﻠﻪﻥ ﺋﯘﻧﯩﯔ ﻳﺎﺗﺎﻗﺪﯨﺸﻰ ﻓﺎﯓ ﺷﯩﻴﺎﯞﻳﺎ ﺩﯨﻦ ﺳﻮﺭﯨﺪﻯ.
- ﺑﯩﻠﻤﯩﺪﯨﻢ، ﺑﯩﺮ ﺗﯧﺨﻰ ﺋﯘﻧﻰ ﺋﯘﺧﻼﭖ ﻗﺎﻟﻐﺎﻥ ﺋﻮﺧﺸﺎﻳﺪﯗ ﺩﻩﭘﺘﯘﻕ، ﺑﯩﺮﺍﻕ... ﺑﯩﺮﺍﻕ ﮬﻪﺭﻗﺎﻧﭽﻪ ﭼﺎﻗﯩﺮﺳﺎﻗﻤﯘ ﺋﻮﻳﻐﺎﻧﻤﺎﻳﯟﺍﺗﯩﺪﯗ...
ﺷﯩﻴﺎﯞ ﺭﺍﯞ ﺋﻪﮬﯟﺍﻟﻨﯩﯔ ﺋﯧﻐﯩﺮﻟﯩﻘﻨﻰ ﮬﯧﺲ ﻗﯩﻠﯩﭗ، ﻳﯜﺭﻩﻛﻠﯩﺮﻯ ﺩﯛﭘﯜﻟﺪﻩﭖ ﺳﻮﻗﯘﭖ ﻛﻪﺗﺘﻰ:
-ﺩﻭﺧﺘﯘﺭ ﻧﯩﻤﻪ ﺩﻩﻳﺪﯗ؟
- ﺋﯧﻐﯩﺮ ﺩﻩﺭﯨﺠﯩﺪﻩ ﮬﻮﺷﺴﯩﺰ ﺩﻩﻳﺪﯗ
-ﺑﯩﻤﺎﺭﻏﺎ ﺑﯩﺮ ﻧﻪﺭﺳﻪ ﻗﺎﺗﺘﯩﻖ ﺗﻪﺳﯩﺮ ﻗﯩﻠﻐﺎﻧﻠﯩﻘﺘﯩﻦ ﻣﯘﺷﯘﻧﺪﺍﻕ ﺗﯘﻳﯘﻗﺴﯩﺰ ﮬﻮﺷﯩﺪﯨﻦ ﻛﻪﺗﻜﻪﻥ،-ﺋﻪﺭ ﻛﯩﺸﯩﻨﯩﯔ ﺋﺎﯞﺍﺯﻯ ﺋﺎﯕﻼﻧﺪﻯ، ﺋﺎﺭﻗﯩﺪﯨﻦ ﺋﺎﻕ ﺧﺎﻻﺕ ﻛﯩﻴﮕﻪﻥ ﺩﻭﺧﺘﯘﺭ ﻣﯧﯖﯩﭗ ﻛﻪﻟﺪﻯ.
- ﻗﺎﻧﺪﺍﻗﺴﯩﮕﻪ؟- ﺋﺎﺧﺸﺎﻡ ﺷﯩﻴﺎﯞ ﺭﺍﯞ ﺋﯘﻧﻰ ﻳﺎﺗﯩﻘﯩﻐﺎ ﺋﻪﻛﯩﻠﯩﭗ ﻗﻮﻳﻐﺎﻧﺪﺍ ﺳﺎﭘﺴﺎﻗﻼ ﺋﯩﺪﯨﻐﯘ؟- ﻳﺎﺗﺎﻗﺘﺎ ﺑﯩﺮﻩﺭ ﺋﯩﺶ ﺑﻮﻟﻤﯩﻐﺎﻧﺪﯗ؟
ﻳﯥ ﮔﯧﻨﯩﯔ ﺋﯩﻜﻜﻰ ﻳﺎﺗﺎﻗﺪﯨﺸﻰ ﺯﻭ ﭼﯩﯔ ﺑﯩﻠﻪﻥ ﻓﺎﯓ ﺷﯩﻴﺎﯞﻳﺎ ﺑﯩﺮ-ﺑﯩﺮﯨﮕﻪ ﻗﺎﺭﯨﺸﯩﯟﺍﻟﻐﺎﻧﺪﯨﻦ ﻛﯧﻴﯩﻦ:
- ﺋﺎﺧﺸﺎﻡ ﮬﯧﭻ ﺋﯩﺶ ﻳﯜﺯ ﺑﻪﺭﻣﯩﺪﻯ، ﻳﯥ ﮔﯥ ﻧﺎﮬﺎﻳﯩﺘﻰ ﺗﯧﻨﯩﭻ ﺋﯘﺧﻠﯩﻐﺎﻥ، ﻧﯩﻤﻪ ﺋﯩﺶ ﺑﻮﻟﻐﺎﻧﻠﯩﻘﯩﻨﻰ ﺑﯩﺰﻣﯘ ﺑﯩﻠﻪﻟﻤﻪﻱ ﻗﺎﻟﺪﯗﻕ.

ﺩﻭﺧﺘﯘﺭ ﺋﯘﻻﺭﻧﯩﯔ ﺳﯚﺯﯨﻨﻰ ﺋﺎﯕﻼﭖ، ﺳﻪﻝ ﺗﯘﺭﯨﯟﺍﻟﻐﺎﻧﺪﯨﻦ ﻛﯧﻴﯩﻦ ﭼﯜﺷﻪﻧﺪﯛﺭﺩﻯ:
-ﺋﻪﮔﻪﺭ ﺑﯩﻤﺎﺭﻧﯩﯔ ﻳﯜﺭﯨﻜﻰ ﻳﺎﺧﺸﻰ ﺑﻮﻟﻤﯩﺴﺎ، ﯞﻩﻗﻪ ﻳﯜﺯ ﺑﯧﺮﯨﭗ ﻣﻪﻟﯘﻡ ﯞﺍﻗﯩﺘﺘﯩﻦ ﻛﯧﻴﯩﻦ ﺗﯘﻳﯘﻗﺴﯩﺰ ﺷﯘﻙ ﺑﻮﻟﯘﭖ ﻗﯧﻠﯩﺸﯩﻤﯘ ﻣﯜﻣﻜﯩﻦ، ﻳﻪﻧﻪ ﺑﯩﺮ ﺧﯩﻞ ﺋﯧﮭﺘﯩﻤﺎﻟﻠﯩﻖ ﺑﻮﻟﺴﺎ، ﺑﯩﻤﺎﺭ ﻛﯜﻧﺪﯛﺯﻯ ﻛﯚﺭﮔﻪﻥ ﻧﻪﺭﺳﯩﻨﻰ ﻛﯧﭽﯩﺴﻰ ﭼﯜﺷﯩﺪﻩ ﻗﺎﻳﺘﺎ ﻛﯚﺭﮔﻪﻥ ﺑﻮﻟﺴﺎ، ﭼﻮﯓ ﻣﯧﯖﻪ ﻗﺎﺗﺘﯩﻖ ﻏﯩﺪﯨﻘﻠﯩﻨﯩﭗ ﮬﻮﺷﺴﯩﺰﻟﯩﻨﯩﺸﯩﻤﯘ ﻣﯜﻣﻜﯩﻦ.

ﻗﻮﺭﻗﯘﻧﭽﻠﯩﻖ ﭼﯜﺵ ﺳﻪﯞﻩﺑﻠﯩﻚ ﮬﻮﺷﯩﺪﯨﻦ ﻛﻪﺗﻜﻪﻥ؟ ﺷﯩﻴﺎﯞ ﺭﺍﯞ ﻛﯚﯕﻠﯩﺪﻩ ﺑﯘ ﺟﯜﻣﻠﯩﻨﻰ ﻧﻪﭼﭽﻪ ﺭﻩﺕ ﻗﺎﻳﺘﯩﻠﯩﺪﻯ. ﺋﺎﺭﻗﯩﺪﯨﻦ ﺩﻭﺧﺘﯘﺭﺩﯨﻦ" ﻗﺎﭼﺎﻥ ﮬﻮﺷﯩﻐﺎ ﻛﯧﻠﯩﺪﯗ؟" ﺩﻩﭖ ﺳﻮﺭﯨﺪﻯ. ﺩﻭﺧﺘﯘﺭ ﻛﯜﻟﯜﻣﺴﯩﺮﻩﭖ ﺗﯘﺭﯗﭖ:
- ﺑﯘﻧﯩﯖﺪﯨﻦ ﻛﯚﭖ ﺋﻪﻧﺴﯩﺮﯨﻤﻪﯕﻼﺭ. ﺑﯩﻤﺎﺭﻧﯩﯔ ﺑﺎﺷﻘﺎ ﺑﺎﺭﻟﯩﻖ ﺋﻪﮬﯟﺍﻟﻠﯩﺮﻯ ﻧﺎﮬﺎﻳﯩﺘﻰ ﻧﻮﺭﻣﺎﻝ، ﺋﯘﺯﯗﻧﻐﺎ ﻗﺎﻟﻤﺎﻳﻼ ﺋﻮﻳﻐﯩﻨﯩﺸﻰ ﻛﯧﺮﻩﻙ- ﺩﯦﺪﻯ.

ﺩﺍﯞﺍﻣﻰ ﺑﺎﺭ. ﺑﺎﺷﻘﺎ ﻣﯘﻧﺒﻪﺭﻟﻪﺭﮔﻪ ﭼﺎﭘﻼﺷﻘﺎ ﺑﻮﻟﻤﺎﻳﺪﯗ.

Baqka يوللانغان ۋاقتى 2007-12-27 11:55:23

ﺩﺍﯞﺍﻣﻰ..؟

Comeon يوللانغان ۋاقتى 2007-12-27 16:24:06

ﭘﺎﮬ...ﺳﯜﺯﯛﻙ ﻗﯩﺰ ﺗﻪﺭﺟﯩﻤﻪ ﻳﻮﻟﻼﯞﯦﺘﯩﭙﺘﯘ!ﻛﯜﺗﯩﻤﻪﻥ!

ﺳﯜﺯﯛﻙ ﻗﯩﺰ ﺋﺎﺩﻩﺗﺘﻪ ﺗﻪﺭﺟﯩﻤﻪ ﺋﻪﺳﻪﺭﻟﻪﺭﻧﻰ ﺧﻪﻧﺰﯗﭼﯩﺪﯨﻦ ﺗﻪﺭﺟﯩﻤﻪ ﻗﯩﻼﻣﺴﯩﺰ ﻳﺎﻛﻰ ﻳﺎﭘﻮﻧﭽﻪ،ﺭﻭﺳﭽﻪ؟ﺭﺍﺳﺖ ﮔﻪﭘﻨﻰ ﻗﯩﻠﺴﺎﻡ،ﻣﻪﻥ ﺑﯘﻧﭽﯩﻠﯩﻚ ﺳﻪﯞﯨﻴﺪﯨﻜﻰ ﺗﻪﺭﺟﯩﻤﻪ ﺋﻪﺳﻪﺭﻟﻪﺭﻧﻰ ﻛﯚﺭﯛﭖ ﺑﺎﻗﻤﯩﻐﺎﻥ.

Perhad يوللانغان ۋاقتى 2007-12-27 16:27:37

ﺋﯩﺰﺩﯨﻨﯩﺸﺘﺎ ﺩﺍﯞﺍﻣﻰ ﺑﺎﺭ ﺩﯨﮕﯘﭼﯩﻠﻪﺭﻧﻰ ﺗﻮﻗﻤﺎﻗﻘﺎ ﺗﯘﺗﯩﺪﯨﻐﺎﻥ ﺋﯩﺸﻤﯩﻜﯩﻦ؟!~؟

mamtak يوللانغان ۋاقتى 2007-12-27 17:02:30

ﺧﻪﻧﺰﯗﭼﯩﺪﯨﻦ ﻗﯩﻠﯩﺪﯗ. ﺋﺎﺧﯩﺮﻯ ﻗﻮﺭﻗﯘﻧﯘﭼﻠﯘﻗﺘﻪﻙ ﻗﯩﻼﻣﺪﯗ ﻧﯩﻤﻪ...ﺋﺎﺩﻩﻣﻨﯩﯔ ﺋﯘﻳﻘﯘﺳﯩﻨﻰ ﻗﺎﭼﯘﺭﯗﭖ..

dada يوللانغان ۋاقتى 2007-12-27 17:14:52

ﭘﻪﺭﮬﺎﺗﻨﻰ ﻗﻮﻟﻼﻳﻤﻪﻥ ﺑﻮﻟﯘﭘﻤﯘ ﻣﯘﺷﯘ ﺳﯘﺯﯗﻙ  ﺧﺎﻧﻘﯩﺰﻧﻰ ﺋﺎﭼﯩﻘﯩﭗ  ﭘﯩﻠﯩﻤﯘﺗﻘﺎ ﺗﯘﺗﺴﯩﻤﯘ ﺑﻮﻟﯩﺪﯗ.

ﮬﯧﻠﯩﻘﻰ ﻛﺎﺳﺎﻧﺪﯨﺮﺍﻧﯩﯖﻤﯘ ﺋﺎﺧﯩﺮﯨﻨﻰ ﻳﺎﺯﻣﯩﺪﻯ ﺗﯧﺨﻰ ﺋﯩﻜﻜﻰ ﺋﺎﻳﻼﺭﺩﯨﻦ ﻛﯧﻴﯩﻦ ﺩﻩﻳﺪﯗ 5ﺋﺎﻱ ﺑﻮﻟﺪﻯ.   ﺋﻮﻗﯘﻣﺎﻱ ﺗﯘﺭﯨﺪﯨﻐﺎﻥ ﺋﯩﺸﺘﻰ ﻳﻪﻧﻪ ﺳﺎﺭﺍﯓ ﺑﻮﻟﯩﺪﯨﻐﺎﻥ ﺑﻮﻟﺪﻯ ﻣﺎ ﯞﯗ ﻛﯚﯕﯘﻟﺪﯨﮕﻪﻥ ﺋﺎﺩﺍﺵ.
ﺑﻮﻟﻤﺎﻣﺴﻪﻥ ﺋﺎﭘﺎﺭﻣﺎﻣﺴﻪﻥ ﺗﻮﺭﺧﺎﻧﻐﺎ  ﺋﻮﻗﯘﻣﺎﻣﺪﯗﻕ ﺩﻩﭖ ﺑﯩﺮﻏﻪﻟﯟﻩ ﻗﯩﻠﺴﺎ ﯞﺍﻱ ﺑﺎﺵ ......

suzuk يوللانغان ۋاقتى 2007-12-27 17:36:08

ﺷﯩﻴﺎﯞ ﺭﺍﯞ ﻓﺎﯓ ﺷﯩﻴﺎﯞ ﻳﺎ ﺑﯩﻠﻪﻥ ﺯﻭ ﭼﯩﯔ ﺋﯘﺯﺍﺗﻘﯩﻠﻰ ﭼﯩﻘﯩﯟﯨﺘﯩﭗ، ﺑﯩﺮ ﻏﻪﻟﯩﺘﯩﻠﯩﻜﻨﻰ ﺑﺎﻳﻘﺎﭖ ﺳﻮﺭﯨﺪﻯ:
- ﻟﻮ ﺗﯩﯔ ﺗﯩﯔ ﻛﻪﻟﻤﻪﭘﺘﯩﻐﯘ؟
ﻳﺎﺗﺎﻗﺪﺍﺷﻼﺭ ﺋﺎﺭﯨﺴﯩﺪﺍ ﺑﯘﻧﺪﺍﻕ ﺋﯩﺶ ﭼﯩﻘﺴﺎ ﻛﻪﻟﻤﻪﺳﻠﯩﻜﻰ ﻣﯜﻣﻜﯩﻦ ﺋﻪﻣﻪﺱ ﺋﯩﺪﻯ.

ﺷﯩﻴﺎﯞ ﻳﺎ ﺯﻭ ﭼﯩﯖﻐﺎ ﻗﺎﺭﺍﭖ ﻗﻮﻳﯘﭖ ﮔﻪﭖ ﻗﯩﻠﯩﺸﻘﺎ ﺗﻪﻣﺸﻪﻟﺪﻯ ﻳﯘ ﺗﻮﺧﺘﯩﯟﺍﻟﺪﻯ. ﺯﻭﭼﯩﯔ ﺋﺎﺭﻗﯩﺴﯩﻐﺎ ﺑﯘﺭﯗﻟﯘﭖ:
-ﺋﯘ ﺋﻮﻏﯘﻝ ﺩﻭﺳﺘﻰ ﺑﯩﻠﻪﻥ ﺋﻮﻳﻨﯩﻐﯩﻠﻰ ﭼﯩﻘﯩﭗ ﻛﻪﺗﻜﻪﻥ، ﺗﯧﺨﻰ ﻗﺎﻳﺘﯩﭗ ﻛﻪﻟﻤﯩﺪﻯ.-ﺩﯦﺪﻯ.
ﺷﯩﻴﺎﯞ ﺭﺍﯞ ﺋﯘﻻﺭﻧﯩﯔ ﺑﺮ ﺋﯩﺸﻨﻰ ﻳﻮﺷﯘﺭﯞﺍﺗﻘﺎﻧﻠﯩﻘﯩﻨﻰ ﮬﯧﺲ ﻗﯩﻠﺪﻯ ﻳﯘ، ﻛﻮﭼﯩﻼﭖ ﺳﻮﺭﯨﻤﯩﺪﻯ.

ﺷﯩﻴﺎﯞ ﺋﺎﺭﻗﯩﺴﯩﻐﺎ ﺑﯘﺭﯗﻟﯘﭖ ﺷﯩﻴﺎﯞ ﺭﺍﯞﻏﺎ ﻗﺎﺭﺍﭖ-ﻗﺎﺭﺍﭖ ﻗﻮﻳﻐﯩﻨﯩﭽﻪ ﻛﻪﺗﺘﻰ، ﺋﯘﻧﯩﯔ ﺷﯩﻴﺎﯞ ﺭﺍﯞﻏﺎ ﺋﯧﻴﺘﯩﺪﯨﻐﺎﻥ ﻧﯘﺭﻏﯘﻥ ﺳﯚﺯﻟﯩﺮﻯ ﺑﺎﺭﺩﻩﻙ ﻗﯩﻼﺗﺘﻰ. ﺯﻭﭼﯩﯔ ﺯﺍﺩﻯ ﻧﯧﻤﯩﻨﻰ ﻳﻮﺷﯘﺭﯨﯟﺍﺗﻘﺎﻧﺪﯗ؟ ﺋﯘ ﺋﻮﺭﻧﯩﺪﺍ ﺗﯘﺭﯗﭖ ﺋﻮﻳﻼﻧﺪﻯ، ﻗﯩﺰﻻﺭ ﻳﯩﺮﺍﻗﻼﭖ ﻛﻪﺗﻜﻪﻧﺪﯨﻦ ﻛﯧﻴﯩﻦ ﺋﺎﻧﺪﯨﻦ ﻛﯧﺴﻪﻟﺨﺎﻧﯩﻐﺎ ﻗﺎﻳﺘﯩﭗ ﻛﯩﺮﺩﻯ. ﻳﺎﻧﻔﻮﻥ ﺗﯩﺘﺮﯨﺪﻯ. \" ﭼﯜﺷﺘﯩﻦ ﻛﯧﻴﯩﻦ ﺳﯩﺰﻧﻰ ﺋﯩﺰﺩﻩﭖ ﻛﯧﻠﯩﻤﻪﻥ\" ﺋﯘﭼﯘﺭ ﺷﯩﻴﺎﯞ ﻳﺎﺩﯨﻦ ﻛﻪﻟﮕﻪﻥ ﺋﯩﺪﻯ.

3. ﭼﯜﺵ

-ﻣﺎﯕﺎ ﺋﯧﻴﺘﯩﺪﯨﻐﺎﻥ ﺳﯚﺯﯨﯖﯩﺰ ﺑﺎﺭﻣﯩﺪﻯ؟ ﻳﯥ ﮔﯧﻨﯩﯔ ﺋﯩﺸﯩﻤﯘ؟-ﺩﻩﭖ ﺳﻮﺭﯨﺪﻯ ﺷﯩﻴﺎﯞ ﺭﺍﯞ ﻗﻪﮬﯟﻩ ﺋﯩﺴﺘﺎﻛﺎﻧﯩﻨﻰ ﻗﻮﻟﯩﺪﺍ ﺗﯘﺗﯘﭖ ﺗﯘﺭﯗﭖ ﺷﯩﻴﺎﯞ ﻳﺎﺩﯨﻦ.
- ﮬﻪﺋﻪ، ﻳﻪﻧﻪ ﺗﯧﺨﻰ ﺗﯩﯔ ﺗﯩﯖﻨﯩﯖﻤﯘ ﺋﯩﺸﯩﻤﯘ ﺑﺎﺭ...
-ﻟﻮ ﺗﯩﯔ ﺗﯩﯔ؟ ﺋﯘﻧﯩﯖﻐﺎ ﻧﯩﻤﻪ ﺑﻮﭘﺘﯘ؟
-ﺋﻪﺗﯩﮕﻪﻥ ﺯﻭﭼﯩﯔ ﺳﯩﺰﮔﻪ ﻳﺎﻟﻐﺎﻥ ﺋﯧﻴﺘﺘﻰ، ﺋﻪﻣﯩﻠﯩﻴﻪﺗﺘﻪ ﺗﯩﯔ ﺗﯩﯔ ﺳﯩﺮﺗﻘﺎ ﭼﯩﻘﯩﭗ ﻛﻪﺗﻤﯩﮕﻪﻥ.
-ﮬﻪ؟- ﺷﯩﻴﺎﯞ ﺭﺍﯞ ﻗﯩﺰﻧﯩﯔ ﺩﺍﯞﺍﻣﻠﯩﻖ ﺳﯚﺯﻟﯩﺸﯩﻨﻰ ﺳﺎﻗﻼﭖ ﺗﯘﺭﺩﻯ، ﺑﯩﺮﺍﻕ ﺷﯩﻴﺎﯞ ﻳﺎ ﺑﻮﻟﺴﺎ ﻗﻮﻟﯩﺪﯨﻜﻰ ﺋﯩﺴﺘﺎﻛﺎﻧﻨﻰ ﻣﻪﮬﻜﻪﻡ ﺗﯘﺗﻘﯩﻨﯩﭽﻪ ﮬﺎﯕﯟﯦﻘﯩﭗ ﺗﯘﺭﺍﺗﺘﻰ، ﻟﻪﯞﻟﯩﺮﻯ ﻗﻪﻏﻪﺯﺩﻩﻙ ﺋﺎﻗﯩﺮﯨﭗ ﻛﻪﺗﻜﻪﻥ ﺋﯩﺪﻯ.
ﺗﺎﻗﻪﺗﺴﯩﺰﻟﻪﻧﮕﻪﻥ ﺷﯩﻴﺎﯞ ﺭﺍﯞ ﺳﻮﺭﯨﺪﻯ:
- ﺯﺍﺩﻯ ﻧﯩﻤﻪ ﺑﻮﻟﺪﻯ؟ ﺯﻭ ﭼﯩﯔ ﻧﯩﻤﻪ ﺋﯜﭼﯜﻥ ﻣﻪﻧﺪﯨﻦ ﻳﻮﺷﯘﺭﯨﺪﯗ؟ ﻟﻮ ﺗﯩﯔ ﺗﯩﯔ ﻧﻪﺩﻩ؟ ﻳﯥ ﮔﯥ ﻧﯩﻤﯩﺸﻘﺎ ﮬﻮﺷﺴﯩﺰ ﺑﻮﻟﯘﭖ ﻗﺎﻟﯩﺪﯗ؟ ﺳﯩﻠﻪﺭ ﮬﻪﻣﻤﯩﻨﻰ ﺑﯩﻠﯩﺴﯩﻠﻪﺭ، ﺷﯘﻧﺪﺍﻗﻤﯘ؟

ﺷﯩﻴﺎﯞ ﻳﺎ ﺑﯧﺸﯩﻨﻰ ﻟﯩﯖﺸﯩﺘﺘﻰ. ﺷﯩﻴﺎﯞ ﺭﺍﯞﻧﯩﯔ ﭼﯩﺮﺍﻳﻰ ﺗﺎﺗﯩﺮﯨﭗ ﻛﻪﺗﺘﻰ، ﺩﯦﻤﻪﻙ ﯞﻩﻗﻪ ﺋﯘﻧﯩﯔ ﺋﻮﻳﻠﯩﻐﯩﻨﯩﺪﯨﻦ ﻛﯚﭖ ﻣﯘﺭﻩﻛﻜﻪﭖ، ﺑﯘ ﺗﯚﺕ ﻗﯩﺰﻧﯩﯔ ﺋﺎﺭﯨﺴﯩﺪﺍ ﭼﻮﻗﯘﻡ ﺑﯩﺮ ﺋﯩﺶ ﻳﯜﺯ ﺑﻪﺭﺩﻯ! ﺷﯩﻴﺎﯞ ﻳﺎ ﺗﯘﻳﯘﻗﺴﯩﺰ ﺳﯩﺮﻟﯩﻖ ﻗﯩﻴﺎﭘﻪﺗﺘﻪ ﺑﯧﺸﯩﻨﻰ ﺷﯩﻴﺎﯞ ﺭﺍﯞﻏﺎ ﻳﯧﻘﯩﻨﻼﺷﺘﯘﺭﯗﭖ، ﭘﻪﺱ ﺋﺎﯞﺍﺯﺩﺍ ﺳﻮﺭﯨﺪﻯ:
-ﺩﯗﻧﻴﺎﺩﺍ ﺟﯩﻨﻨﯩﯔ ﺑﺎﺭﻟﯩﻘﯩﻐﺎ ﺋﯩﺸﯩﻨﻪﻣﺴﯩﺰ؟
ﺷﯩﻴﺎﯞ ﺭﺍﯞ ﺧﯧﻠﯩﻐﯩﭽﻪ ﻗﯧﺘﯩﭗ ﺗﯘﺭﯗﭖ ﻗﯧﻠﯩﭗ، ﺋﺎﺭﻗﯩﺪﯨﻦ ﺑﯩﺮﺩﯨﻨﻼ ﻛﯜﻟﯜﭖ ﻛﻪﺗﺘﻰ:
- ﺷﯩﻴﺎﯞ ﻳﺎ، ﻧﯩﻤﻪ ﺩﻩﯞﺍﺗﯩﺴﯩﺰ؟ ﺑﻮﻟﻤﯩﻐﯘﺭ ﮔﻪﭘﻠﻪﺭﻧﯩﯔ ﻗﻮﻳﯘﯓ، ﺋﯘﻻﺭﻏﺎ ﺯﺍﺩﻯ ﻧﯩﻤﻪ ﺑﻮﻟﺪﻯ؟ ﺳﯩﺰ ﺋﯧﻨﯩﻖ ﺑﯩﻠﯩﺴﯩﺰ ﺷﯘﻧﺪﺍﻗﻤﯘ؟

ﺷﯩﻴﺎﯞ ﺭﺍﯞ ﺷﯩﻴﺎﯞ ﻳﺎ ﺋﯧﻠﯩﭗ ﻛﻪﻟﮕﻪﻥ ﺟﯩﺪﺩﻯ ﻛﻪﻳﭙﯩﻴﺎﺗﻨﻰ ﭘﻪﺳﻪﻳﺘﯩﺶ ﺋﯜﭼﯜﻥ ﻛﯜﻟﮕﻪﻥ ﺋﯩﺪﻯ، ﺋﻪﻣﻤﺎ ﺋﯘ ﻗﯩﺰﻧﯩﯔ ﺋﯩﺴﺘﺎﻛﺎﻥ ﺗﯘﺗﻘﺎﻥ ﻗﻮﻟﻠﯩﺮﯨﻨﯩﯔ ﺑﯩﻠﯩﻨﻪﺭ-ﺑﯩﻠﯩﻨﻤﻪﺱ ﺗﯩﺘﺮﯨﮕﯩﻨﯩﻨﻰ ﺳﻪﺯﺩﻯ
- ﺑﺎﺷﺘﺎ ﺗﯩﯔ ﺗﯩﯔ، ﺋﺎﺭﻗﯩﺪﯨﻦ ﻳﯥ ﮔﯥ، ﺋﻪﻣﺪﻯ ﻧﯚﯞﻩﺕ ﻣﺎﯕﺎ ﻛﻪﻟﺪﻯ، ﻗﻮﺭﻗﯩﯟﺍﺗﯩﻤﻪﻥ...

ﺷﯩﻴﺎﯞ ﻳﺎ ﺑﯘ ﭼﺎﻏﺪﯨﻜﻰ ﮬﺎﻟﯩﺘﻰ ﮬﯧﻠﯩﻘﻰ ﻛﯜﻧﻰ ﻛﻪﭼﺘﯩﻜﻰ ﻳﯥ ﮔﯧﻐﺎ ﻧﺎﮬﺎﻳﯩﺘﻰ ﺋﻮﺧﺸﺎﻳﺘﻰ. ﺷﯩﻴﺎﯞ ﺭﺍﯞ ﺋﯘﻧﻰ ﭼﯚﭼﯩﺘﯩﭗ ﻗﻮﻳﯘﺷﺘﯩﻦ ﺋﻪﻧﺴﯩﺮﻩﭖ ﺋﺎﺳﺘﺎ ﺳﻮﺭﯨﺪﻯ:
-ﻧﯧﻤﯩﺪﯨﻦ ﻗﻮﺭﻗﯩﯟﺍﺗﯩﺴﯩﺰ؟

Musicfan يوللانغان ۋاقتى 2007-12-27 17:37:41

ﻛﯜﻧﺪﯛﺯﻯ ﺋﻮﻗﺎﻱ

suzuk يوللانغان ۋاقتى 2007-12-27 17:48:33

ﺷﯩﻴﺎﯞ ﻳﺎ ﺧﯘﺩﺩﻯ ﺋﯚﺯﯨﻨﻰ ﺑﯩﺌﺎﺭﺍﻡ ﻗﯩﻠﯩﯟﺍﺗﻘﺎﻥ ﺋﯩﺸﻼﺭﻧﻰ ﻛﺎﻟﻠﯩﺴﯩﺪﯨﻦ ﭼﯩﻘﯩﺮﯞﻩﺗﻤﻪﻛﭽﻰ ﺑﻮﻟﻐﺎﻧﺪﻩﻙ ﻗﯩﻠﯩﭗ ﺑﯧﺸﯩﻨﻰ ﺋﯩﻜﻜﻰ ﻳﺎﻗﻘﺎ ﺳﯩﻠﻜﯩﺪﻯ:
-ﻳﯧﻘﯩﻨﺪﺍ ﺩﺍﺋﯩﻢ ﺋﻮﺧﺸﺎﺵ ﺑﯩﺮ ﭼﯜﺷﻨﻰ ﻛﯚﺭﯨﺪﯨﻐﺎﻥ ﺑﻮﻟﯘﭖ ﻗﺎﻟﺪﯨﻢ. ﭼﯜﺷﯜﻣﺪﻩ ﻛﯚﻝ ﺑﻮﻳﯩﻐﺎ ﺑﺎﺭﯨﺪﯨﻜﻪﻧﻤﻪﻥ. ﻛﯚﻝ ﺳﯜﻳﻰ ﻣﯘﺯﺩﻩﻙ ﺑﻮﻟﺴﯩﻤﯘ ﻛﯚﻟﻨﯩﯔ ﺋﯩﭽﯩﮕﻪ ﻗﺎﺭﺍﭖ ﻣﺎﯕﯩﺪﯨﻜﻪﻧﻤﻪﻥ... ﻛﯚﻟﺪﻩ ﻳﻪﻧﻪ ﺗﯩﯔ ﺗﯩﯔ ﺑﯩﻠﻪﻥ ﻳﯥ ﮔﯧﻤﯘ ﺑﺎﺭﻛﻪﻥ! ﺯﻭﭼﯩﯔ ﺋﯩﺸﻨﯩﯔ ﻏﻪﻟﯩﺘﯩﻠﯩﻜﯩﻨﻰ ﮬﯧﺲ ﻗﯩﻠﯩﭗ ﻣﯧﻨﻰ ﺳﯩﺰﮔﻪ ﺋﯧﻴﺘﻘﯩﻠﻰ ﻗﻮﻳﻤﯩﻐﺎﻥ ﺑﻮﻟﯩﺸﻰ ﻣﯜﻣﻜﯩﻦ.
ﺷﯩﻴﺎﯞ ﻧﯩﻤﯩﺸﻘﺎ ﺑﯘﻧﺪﺍﻕ ﭼﯜﺵ ﻛﯚﺭﯨﺪﯨﻐﺎﻧﺪﯗ؟ ﺑﯘﻧﯩﯔ ﻟﻮ ﺗﯩﯔ ﺗﯩﯔ ﯞﻩ ﻳﯥ ﮔﯧﻨﯩﯔ ﮬﻮﺷﺴﯩﺰ ﻳﯧﺘﯩﺸﻰ ﺑﯩﻠﻪﻥ ﻧﯧﻤﻪ ﺋﺎﻻﻗﯩﺴﻰ ﺑﺎﺭﺩﯗ؟
-ﻛﯚﭖ ﻳﯩﻠﻼﺭ ﺋﯩﻠﮕﯩﺮﻯ ﻣﻪﻛﺘﯩﭙﯩﻤﯩﺰﺩﯨﻜﻰ ﻛﯚﻟﻨﯩﯔ ﺑﻮﻳﯩﺪﺍ ﻧﯘﺭﻏﯘﻥ ﺋﺎﺩﻩﻡ ﺋﯚﻟﮕﻪﻥ.  ﺑﯩﻠﻪﻣﺴﯩﺰ، ﺗﯩﯔ ﺗﯩﯔ ﺑﯩﻠﻪﻥ ﻳﯥ ﮔﯥ ﮬﻮﺷﺴﯩﺰﻟﯩﻨﯩﺸﺘﯩﻦ ﺋﺎﯞﺍﻝ ﺷﯘ ﻛﯚﻝ ﺑﻮﻳﯩﻐﺎ ﺑﺎﺭﻏﺎﻥ، ﻣﻪﻧﻤﯘ ﺩﺍﺋﯩﻢ ﺷﯘ ﻳﻪﺭﮔﻪ ﺑﯧﺮﯨﭗ ﭼﯜﺷﻪﻳﻤﻪﻥ.

ﻛﯚﻝ ﺩﯦﮕﻪﻥ ﺳﯚﺯﻧﻰ ﺋﺎﯕﻼﭖ، ﺷﯩﻴﺎﯞ ﺭﺍﯞﻧﯩﯔ ﻳﯜﺭﯨﻜﻰ ﺟﯩﻐﻐﯩﺪﻩ ﻗﯩﻠﯩﭗ ﻗﺎﻟﺪﻯ. ﺗﯜﻧﯜﮔﯜﻥ ﺩﻩﻝ ﺷﯘ ﻛﯚﻝ ﺑﻮﻳﯩﺪﺍ ﺋﺎﻻﻗﺰﺍﺩﻩ ﺑﻮﻟﻐﯩﻨﯩﺪﯨﻦ ﻧﯩﻤﻪ ﻗﯩﻼﺭﯨﻨﻰ ﺑﯩﻠﻤﻪﻱ ﻗﺎﻟﻐﺎﻥ ﻳﯥ ﮔﯧﻨﻰ ﺋﯘﭼﺮﺍﺗﻘﺎﻥ، ﻳﯥ ﮔﯥ ﺋﯘﻧﯩﯖﻐﺎ  ﺋﺎﺭﻗﺎﻣﺪﯨﻦ ﺑﯩﺮ ﺋﺎﯞﺍﺯ ﻗﻮﻏﻼﯞﺍﺗﯩﺪﯗ ﺩﯦﮕﻪﻥ، ﺑﯘﮔﯜﻥ ﻣﺎﻧﺎ ﮬﻮﺷﺴﯩﺰ ﻳﯧﺘﯩﭙﺘﯘ. ﺑﻪﻟﻜﯩﻢ ﺋﯘ ﻛﯚﻝ ﺑﻮﻳﯩﺪﺍ ﺭﺍﺳﺘﯩﻨﻼ ﻧﺎﻣﻪﻟﯘﻡ ﺑﯩﺮ ﻧﻪﺭﺳﯩﻠﻪﺭ ﺑﺎﺭ ﺑﻮﻟﯩﺸﻰ ﻣﯜﻣﻜﯩﻦ

- ﺋﯩﺸﯩﻨﻪﻣﺴﯩﺰ؟ ﺳﺎﯞﺍﻗﺪﺍﺷﻼﺭ ﺋﯘ ﻛﯚﻟﺪﻩ ﺋﯚﻟﮕﻪﻥ ﺋﺎﺩﻩﻣﻼﺭ ﻧﺎﮬﻪﻕ ﺋﯚﻟﮕﻪﻥ ﺷﯘﯕﺎ ﺋﻪﺭﯞﺍﮬﻰ ﺗﺎﺭﻗﯩﻤﺎﻱ ﺗﯩﺮﯨﻚ ﺋﺎﺩﻩﻡ ﺗﯧﭙﯩﭗ ﭼﺎﭘﻠﯩﺸﯩﯟﺍﻟﻤﺎﻗﭽﻰ ﺑﻮﻟﯩﺸﯩﺪﯗ ﺩﯦﻴﯩﺸﯩﺪﯗ. ﺋﯘﻻﺭ ﮬﻪﺭ ﺋﯩﻜﻜﯩﻠﯩﺴﻰ ﺷﯘ ﻛﯚﻝ ﺑﻮﻳﯩﻐﺎ ﺑﺎﺭﻏﺎﻥ، ﺋﯧﻴﺘﯩﯖﻪ، ﺋﯘﻻﺭﻏﺎ ﺟﯩﻦ ﭼﺎﭘﻠﯩﺸﯩﯟﺍﻟﻐﺎﻧﻤﯩﺪﯗ؟ ﻣﻪﻥ ﻗﻮﺭﻗﯘﯞﺍﺗﯩﻤﻪﻥ، ﺋﯘﻻﺭﻧﯩﯔ ﻣﻪﯕﮕﯜ ﺋﻮﻳﻐﯩﻨﺎﻟﻤﺎﺳﻠﯩﻘﯩﺪﯨﻦ ﻗﻮﺭﻗﯩﯟﺍﺗﯩﻤﻪﻥ، ﺋﯚﺯﯛﻣﻨﯩﯖﻤﯘ ﺷﯘﻻﺭﺩﻩﻙ ﺑﻮﻟﯘﭖ ﻗﯧﻠﯩﺸﯩﻤﺪﯨﻦ ﺗﯧﺨﯩﻤﯘ ﻗﻮﺭﻗﯩﯟﺍﺗﯩﻤﻪﻥ...

ﺷﯩﻴﺎﯞ ﻳﺎ ﺳﯚﺯﻟﻪﭖ ﻣﯘﺷﯘ ﻳﻪﺭﮔﻪ ﻛﻪﻟﮕﻪﻧﺪﻩ ﺷﯩﻴﺎﯞ ﺭﺍﯞﻧﯩﯔ ﻛﯚﺯﯨﮕﻪ ﺗﯩﻜﯩﻠﯩﭗ ﻗﺎﺭﯨﺪﻯ. ﺋﯘﻧﯩﯔ ﻗﺎﺭﺍﺷﻠﯩﺮﯨﺪﯨﻦ ﺑﯩﺌﺎﺭﺍﻣﻠﯩﻖ ﮬﯧﺲ ﻗﯩﻠﻐﺎﻥ ﺷﯩﻴﺎﯞ ﺭﺍﯞ ﺑﯧﺸﯩﻨﻰ ﺗﯚﯞﻩﻥ ﺳﯧﻠﯩﯟﺍﻟﺪﻯ. ﺋﯘ ﺑﯧﺸﯩﻨﻰ ﻛﯚﺗﯜﺭﮔﻪﻧﺪﻩ ﺷﯩﻴﺎﯞ ﻳﺎ ﻛﯧﺘﯩﭗ ﻗﺎﻟﻐﺎﻥ ﺋﯩﺪﻯ...

mamtak يوللانغان ۋاقتى 2007-12-27 18:07:53

ﮬﯧﻠﻰ ﻛﻪﭼﺘﻪ ﺋﯘﻳﻘﺎﻡ ﻛﻪﻟﻤﯩﮕﻪﻧﺪﻩ ﺋﻮﻗﺎﻱ ﺋﺎﺧﯩﺮﯨﺴﯩﻨﻰ...

Bilermen يوللانغان ۋاقتى 2007-12-27 20:43:57

ﺧﯧﻠﻰ ﻳﺎﻣﺎﻥ ﺋﻪﻣﻪﺳﺘﻪﻙ ﻗﯩﻠﯩﺪﯗ، ﮬﻪ ﺩﺍﯞﺍﻣﯩﻨﻰ

ugan يوللانغان ۋاقتى 2007-12-27 21:08:42

ﻗﺎﭼﺎﻧﻤﯘ ﻣﯘﺷﯘ ﺳﯜﺯﯛﻙ ﺧﺎﻧﻘﯩﺰﺩﻩﻙ ﺗﻪﺭﺟﻤﺎﻥ ﺑﯘﻻﺭﻣﻪﻥ

Savut يوللانغان ۋاقتى 2007-12-27 21:37:23

ﺗﻪﺭﺟﯩﻤﯩﻨﯩﯔ ﺳﯜﭘﻪﺗﻠﯩﻚ ﭼﯩﻘﻘﺎﻧﻠﯩﻘﯩﻐﺎ ﮔﻪﭖ ﻛﻪﺗﻤﻪﻳﺪﯗ. ﺋﻪﻣﻤﺎ ﻛﯩﭽﯩﻜﻜﯩﻨﻪ ﺳﻪﻣﯩﻤﯩﻲ ﺗﻪﻛﻠﯩﭙﺘﯩﻦ ﺑﯩﺮﺳﻰ ﺑﺎﺭ.
ﺑﻪﻟﻜﯩﻢ ﺳﯜﺯﯛﻙ ﺧﺎﻧﻘﯩﺰﻧﯩﯔ ﺋﯧﺴﯩﺪﻩ ﺑﻮﻟﯩﺸﻰ ﻣﯜﻣﻜﯩﻦ ، 2004- ﻳﯩﻠﻰ ﻣﯘﺷﯘ <<ﺋﯩﺰﺩﯨﻨﯩﺶ>> ﻛﻪ ﺋﯧﻨﮕﯩﻠﯩﺰ ﺗﯩﻠﯩﺪﯨﻦ ﺑﯩﺮ ﺋﻪﺳﻪﺭ ﺗﻪﺭﺟﯩﻤﻪ ﻗﯩﻠﯩﭗ ﺑﯩﺮ ﺋﺎﺗﺎﻟﻐﯘ ﺋﯜﺳﺘﯩﺪﻩ ﻧﯘﺭﻏﯘﻥ ﺗﺎﻻﺷﻤﯩﻼﺭ ﺑﻮﻟﯘﭖ ﺋﯚﺗﻜﻪﻥ . ﺋﺎﺩﻩﻣﻨﯩﯔ ﻛﯚﯕﻠﯩﻨﻰ ﻏﻪﺵ ﻗﯩﻠﯩﺪﯨﻐﺎﻥ ﮔﻪﭖ - ﺳﯚﺯﻟﻪﺭﻣﯘ ﺑﻮﻟﯘﻧﻐﺎﻥ. ﻳﻪﻧﻪ ﺑﯘ ﺗﯧﻤﯩﺪﯨﻜﻰ <<ﺋﯘﻳﻘﯘ ﺋﯩﻼﮬﻰ>> ﺩﯦﮕﻪﻥ ﺳﯚﺯ ﻳﻪﻧﻪ ﺷﯘﻧﺪﺍﻕ ﻛﯚﯕﯜﻟﺴﺴﯩﺰﻟﯩﻜﻨﻰ ﻛﻪﻟﺘﯜﺭﯛﭖ ﭼﯩﻘﺎﺭﻣﺎﻳﺪﯗ ﺩﻩﭖ ﮬﯩﭻ ﻛﯩﻢ ﮬﯚﺩﺩﻩ ﻗﯩﻼﻟﻤﺎﻳﺪﯗ.
ﺑﯘﺭﯗﻥ ﮬﯚﺭﻣﻪﺗﻜﻪ ﺳﺎﺯﺍﯞﻩﺭ ﺷﺎﺋﯩﺮ ﺋﺎﺩﯨﻞ ﺗﯘﻧﯩﻴﺎﺯ <<ﺗﻪﯕﺮﯨﺘﺎﻍ >> ﮊﻭﺭﻧﯩﻠﯩﻨﯩﯔ 1996-ﻳﯩﻠﻠﯩﻖ 6- ﺳﺎﻧﯩﺪﺍ << ﺷﯧﺌﯩﺮﻧﯩﯔ ﺑﯩﺮ ﻗﺎﻧﯩﺘﻰ>> ﺑﯩﺮ ﻣﺎﻗﺎﻟﯩﺴﯩﻨﻰ ﺋﯧﻼﻥ ﻗﯩﻠﻐﺎﻧﺘﻰ. ﻣﺎﻗﺎﻟﯩﻨﯩﯔ ﺋﻪﯓ ﺋﺎﺧﯩﺮﯨﻨﻰ << ﺑﯘ ﺳﯘﺋﺎﻟﻐﺎ ﺷﯧﺌﯩﺮﯨﻴﻪﺕ ﺋﯩﻼﮬﻰ ﺟﺎﯞﺍﭖ ﺑﻪﺭﺳﯘﻥ!>> ﺩﻩﭖ ﺋﺎﺧﯩﺮﻻﺷﺘﯘﺭﻏﺎﻥ . ﺋﺎﺭﯨﺪﯨﻦ ﺑﯩﺮ ﻧﻪﭼﭽﻪ ﻳﯩﻞ ﺋﯚﺗﻜﻪﻧﺪﯨﻦ ﻛﯧﻴﯩﻦ ﻧﻪﺷﯩﺮ ﻗﯩﻠﯩﻨﻐﺎﻥ << ﭘﻪﻳﻐﻪﻣﺒﻪﺭ ﺩﯨﻴﺎﺭﯨﺪﺍ ﻛﯧﭽﯩﻠﻪﺭ>> ﺩﯦﮕﻪﻥ ﻛﯩﺘﺎﺑﯩﺪﺍ << ﺷﯧﺌﯩﺮﯨﻴﻪﺕ ﭘﻪﺭﯨﺸﺘﯩﺴﻰ>> ﺩﻩﭖ ﺋﯚﺯﮔﻪﺭﺗﻜﻪﻥ ﺋﯩﻜﻪﻥ .
ﺋﯘﻧﯩﯖﺪﯨﻦ ﺑﺎﺷﻘﺎ ﻳﻪﻧﻪ <<ﻣﯩﺮﺍﺱ>> ﮊﻭﺭﻧﯩﻠﯩﺪﺍ ، ﺋﺎﻣﯧﺮﯨﻜﯩﺪﯨﻜﻰ ﮬﯧﻠﯩﻘﻰ ﮬﻪﻳﻜﻪﻟﻨﻰ << ﺋﻪﺭﻛﯩﻨﻠﯩﻚ ﺋﯩﻼﮬﻰ >> ﺩﻩﭖ ﺗﻪﺭﺟﯩﻤﻪ ﻗﯩﻠﻤﺎﻱ، <<ﺋﻪﺭﻛﯩﻨﻠﯩﻚ ﮬﻪﻳﻜﯩﻠﻰ>> ﺩﻩﭖ ﺗﻪﺭﺟﯩﻤﻪ ﻗﯩﻠﯩﺶ ﻻﺯﯨﻤﻠﯩﻘﯩﻨﻰ ، ﺋﯧﻨﮕﯩﻠﯩﺰ ﺗﯩﻠﯩﺪﯨﻤﯘ <<ﺋﻪﺭﻛﯩﻨﻠﯩﻚ ﮬﻪﻳﻜﯩﻠﻰ>> ﮔﻪ ﺋﻮﺧﺸﺎﺷﺮﺍﻕ ﺑﯩﺮ ﻣﻪﻧﯩﺪﻩ ﻗﻮﻟﻠﯩﻨﯩﺪﯨﻐﺎﻧﻠﯩﻘﻰ ﮬﻪﻗﻘﯩﺪﻩ ﻣﻪﻟﯘﻣﺎﺕ ﺑﯧﺮﯨﻠﯩﭗ، ﻣﯘﺷﯘﻧﺪﺍﻕ ﺋﺎﺗﺎﻟﻐﯘﻻﺭﺩﺍ ﺋﯘﻳﻐﯘﺭﻻﺭﻧﯩﯔ ﺋﯩﺴﻼﻡ ﺩﯨﻨﯩﻐﺎ ﺋﯧﺘﯩﻘﺎﺩ ﻗﯩﻠﯩﺪﯨﻐﺎﻥ ﺧﻪﻟﻖ ﺋﯩﻜﻪﻧﻠﯩﻜﻰ ، ﺋﯩﺴﻼﻡ ﺩﯨﻨﯩﺪﺍ <<ﺑﯩﺮ ﺋﺎﻟﻼﮬﺘﯩﻦ ﺑﺎﺷﻘﺎ ﺋﯩﻼﮬ ﻳﻮﻕ>> ﺋﯩﻜﻪﻧﻠﯩﻜﻰ ، ﺗﻪﺭﺟﯩﻤﯩﺪﻩ ﺋﻪﻗﯩﺪﯨﮕﻪ ﻣﯘﺧﺎﻟﯩﭗ ﻛﯧﻠﯩﺪﯨﻐﺎﻥ ﺳﯚﺯ ﺋﯩﺒﺎﺭﯨﻠﻪﺭﻧﻰ ﺋﯩﻤﻜﺎﻧﯩﻴﻪﺗﻨﯩﯔ ﺑﺎﺭﯨﭽﻪ ﺑﺎﺷﻘﯩﭽﻪ ﻳﻮﺳﯘﻧﺪﺍ ﺋﯩﭙﺎﺩﯨﻠﻪﺵ ﮬﻪﻗﻘﯩﺪﻩ ﺗﻮﺧﺘﺎﻟﻐﺎﻥ ﺋﯩﻜﻪﻥ .
ﺑﯘﻻﺭﻧﻰ ﻗﯩﺴﻘﺎ ﺋﯘﭼﯘﺭﺩﺍ ﺳﯩﺰﮔﻪ ﻳﻪﺗﻜﯜﺯﯛﺷﻨﻰ ﺋﻮﻳﻼﭖ، ﻗﯩﺴﻘﺎ ﺋﯘﭼﯘﺭ ﻳﻮﻟﻠﯩﻐﺎﻥ ﺑﻮﻟﺴﺎﻣﻤﯘ ﻣﯘﻧﺒﻪﺭﻧﯩﯔ ﺑﯘ ﺋﯩﻘﺘﯩﺪﺍﺭﻯ ﻣﻪﻧﺪﻩ ﺋﯩﺸﻠﯩﻤﯩﺪﻯ.
ﺑﯘ ﻳﻪﺭﺩﻩ ﺗﻪﻛﻠﯩﭗ ﺑﯧﺮﯨﭗ ، ﺳﯘﻧﻰ ﻟﯧﻴﯩﺘﯩﭗ ﺑﯧﻠﯩﻖ ﺗﯘﺗﯘﺵ ، ﻗﯩﺰﻏﯩﻨﻠﯩﻘﯩﯖﯩﺰﻏﺎ ﺳﻮﻏﯘﻕ ﺳﯘ ﺳﯧﭙﯩﺶ ﻏﻪﺭﯨﺰﯨﻢ ﺋﻪﺳﻼ ﻳﻮﻕ . ﺗﻮﻏﺮﺍ ﭼﯜﺷﯩﻨﯩﺸﯩﯖﯩﺰﻧﻰ ﺋﯜﻣﯩﺖ ﻗﯩﻠﯩﻤﻪﻥ . ﺳﯩﺰ ﻣﯧﻨﯩﯔ ﻧﻪﺯﯨﺮﯨﻤﺪﻩ ﻣﯘﺷﯘ ﻣﯘﻧﺒﻪﺭﺩﯨﻜﻰ ﮬﯚﺭﻣﻪﺗﻜﻪ ﺋﻪﯓ ﺳﺎﺯﺍﯞﻩﺭ ﺗﻮﺭﺩﺍﺷﻠﯩﺮﯨﻤﻨﯩﯔ ﺑﯩﺮﺳﻰ .

Estami يوللانغان ۋاقتى 2007-12-27 22:20:43

ﺋﺎﻟﺪﯨﺮﯨﻤﺎﻱ ﺋﻮﻗﺎﻱ ﮬﻪ .

ZULYAR0997 يوللانغان ۋاقتى 2007-12-28 12:44:35

ﯞﺍﻱ ﺋﺎﻟﻼ-ﻛﺎﻟﻼ ......ﻗﯧﻨﻰ ﺋﺎﺧﯩﺮﻯ؟ ﺗﯩﺘﺮﻩﭖ ﺗﯘﺭﯗﭖ ﺑﯩﺮ ﺋﯘﻗﯘﯞﯨﺘﻪﻱ ﺩﯨﺴﻪﻡ....
ﻛﯩﻢ ﺑﯩﻠﯩﺪﯗ،ﺋﻪﻣﺪﻯ ﻧﯜﯞﻩﺕ ﻣﺎﯕﺎ ﻛﯧﻠﻪﻣﺪﯗ.....

mamtak يوللانغان ۋاقتى 2007-12-28 12:56:31

ﺳﺎﯞﯗﺕ ﺋﻪﭘﻪﻧﺪﻯ ﺗﻮﻟﯩﻤﯘ ﺑﻪﻟﻪﻥ ﺑﯩﺮ ﭘﯩﻜﯩﺮﻧﻰ ﺋﻮﺗﺘﯘﺭﯨﻐﺎ ﻗﻮﻳﯘﭘﺘﯘ. ﺗﯩﻠﺪﯨﻜﻰ ﻣﯘﺷﯘﻧﺪﺍﻕ ﻛﯩﭽﯩﻚ ﺧﺎﺗﺎﻟﯩﻘﻼﺭ ﺋﺎﺧﯩﺮﯨﺪﺍ ﺑﯩﺰﻧﯩﯔ ﺑﯩﺮ ﭘﯜﺗﯜﻥ ﺗﻪﭘﻪﻛﻜﯘﺭ ﻳﻮﻟﯩﻤﯩﺰﻧﻰ ﺋﯚﺯﮔﻪﺭﺗﯩﯟﯦﺘﯩﺸﻰ ﻣﯘﻣﻜﯩﻦ. ﻣﯧﻨﯩﯖﭽﯩﻤﯘ، <<......ﺋﯩﻼﮬﻰ>> ﺩﯦﮕﻪﻧﺪﻩﻙ ﮔﻪﭘﻠﻪﺭﻧﻰ ﺋﯘﻳﻐﯘﺭﭼﯩﺪﺍ ﺋﺎﻟﻐﺎﻧﺪﺍ <<....ﭘﯩﺮﻯ> ﺩﯦﮕﻪﻧﺪﻩﻙ ﺋﺎﺗﺎﻟﻐﯘﻻﺭﺩﺍ ﺋﺎﻟﻐﺎﻥ ﻳﺎﺧﺸﻰ. ﺋﻪﻣﻤﺎ، ﻗﻪﺩﯨﻤﻜﻰ ﺋﻪﺳﻪﺭﻟﻪﺭﻧﻰ، ﭼﻪﺕ ﺗﯩﻠﺪﯨﻜﻰ ﺋﻪﺳﻪﺭﻟﻪﺭﻧﻰ ﺗﻪﺭﺟﯩﻤﻪ ﻗﯩﻠﻐﺎﻧﺪﺍ (ﻳﯘﻧﺎﻥ ﮬﯧﻜﺎﻳﯩﻠﯩﺮﯨﺪﻩﻙ) ﭼﻮﻗﯘﻡ ﺋﻪﻳﻨﯩﮕﻪ ﮬﯚﺭﻣﻪﺕ ﻗﯩﻠﯩﺶ ﻛﯧﺮﻩﻙ.

nazlik يوللانغان ۋاقتى 2007-12-28 21:03:14

ﺋﺎﺧﯩﺮﯨﻨﻰ ﻛﯜﺗﯩﻤﻪﻥ ﺋﻪﻣﺴﻪ

ugan يوللانغان ۋاقتى 2007-12-30 13:29:46

ﯞﻭﻱ ﻗﯧﻨﻰ .؟ﺋﺎﻟﺪﯨﺮﺍﺵ ﺋﻮﺧﺸﯩﻤﺎﻣﺴﯩﺰ؟

Nurbulaq يوللانغان ۋاقتى 2007-12-30 16:26:20

ﻣﻪﻧﻤﯘ ﻛﯜﺗﯩﻤﻪﻥ ﺋﺎﺧﯩﺮﯨﻨﻰ .....................

almire يوللانغان ۋاقتى 2007-12-31 15:27:44

ﺋﺎﺧﯩﺮﻯ ﻳﻮﻗﻘﯘ؟ﻛﯧﻠﻪﺭ ﻳﯩﻠﯩﻐﺎ ﻧﯩﺴﻰ ﻗﺎﻟﺪﯨﻤﺎ؟
بەت: [1] 2 3 4 5
: [ ﺗﻪﺭﺟﯩﻤﻪ] ﺋﯘﻳﻘﯘ ﭘﻪﺭﯨﺸﺘﯩﺴﯩﻨﯩﯔ ﻗﯘﺗﯩﺴﻰ