ﻧﻪﭘﺴﯩﯖﯩﺰﻧﻰ ﺑﺎﺷﻘﯘﺭﺍﻻﻣﺴﯩﺰ
ﺯﺍﻣﺎﻧﻤﯩﺰﺩﯨﻜﻰ ﻳﯧﻤﻪﻙ-ﺋﯩﭽﻤﻪﻛﻠﯩﺮﯨﻤﯩﺰ ، ﻣﻮﮬﯩﺖ -ﺷﺎﺭﺍﺋﯩﺘﻠﯩﺮﯨﻤﯩﺰ ﺳﺎﻻﻣﻪﺗﻠﯩﻜﯩﻤﯩﺰﮔﻪ ﻗﺎﻧﺪﺍﻕ ﺳﻪﻟﺒﯩﻲ ﺗﻪﺳﯩﺮﻟﻪﺭﻧﻰ ﺋﯩﻠﯩﭗ ﻛﯩﻠﯩﯟﺍﺗﯩﺪﯗ ؟ﺗﻮﯞﻩﻧﺪﻩ ﺑﺎﻳﺎﻥ ﻗﯩﻠﻤﺎﻗﭽﻰ ﺑﻮﻟﻐﺎﻧﻠﯩﺮﯨﻢ ﻗﺎﻧﺪﺍﻗﺘﯘﺭ ﺯﺍﻣﺎﻧﯩﻤﯩﺰﺩﯨﻜﻰ ﻳﯩﻤﻪﻙ -ﺋﯩﭽﻤﻪﻛﻠﻪﺭ ، ﺟﻪﻣﺌﯩﻴﻪﺕ ﮬﻪﻗﻘﯩﺪﯨﻜﻰ ﺗﻪﺗﻘﯩﻘﺎﺕ ﻳﺎﻛﻰ ﺗﻪﻛﺸﯜﺭﯛﺵ ﺩﻭﻛﯩﻼﺗﯩﻤﯘ ﺋﻪﻣﻪﺱ. ﭘﻪﻗﻪﺕ ﺋﯚﺯﯛﻣﻨﯩﯔ ﮬﯧﺲ ﻗﯩﻠﻐﺎﻧﻠﯩﺮﯨﻤﻨﻰ ﺗﺎﻏﺪﯨﻦ -ﺑﺎﻏﺪﯨﻦ ﺑﺎﻳﺎﻥ ﻗﯩﻠﻤﺎﻗﭽﻰ ﻣﻪﻥ.
ﻣﻪﺯﻯ ﺑﯧﺰﻯ ﻳﺎﻟﻠﯘﻏﻰ ، ﺑﯚﺭﻩﻙ ﺳﻮﯞﯗﭖ ﻛﯧﺘﯩﭗ ﺋﺎﻟﺪﯨﻤﻐﺎ ﻛﯩﺮﮔﻪﻥ ﺑﺎﻟﯩﻼﺭ( ﺋﻪﺭﻟﻪﺭ ) ﻧﯩﯔ ﺗﻪﯓ ﻳﯧﺮﯨﻤﻰ ﺩﯦﮕﯜﺩﻩﻙ ﻳﺎﺯ ﻛﯜﻧﻠﯩﺮﻯ ﺗﻮﯕﻼﺗﻘﯘﺩﺍ ﻣﯘﺯﻻﺗﻘﺎﻥ ﺳﻮﻏﯘﻕ ﺋﯩﭽﯩﻤﻠﯩﻚ ﺋﯩﭽﯩﺸﻜﻪ ﺋﺎﻻﮬﯩﺪﻩ ﺋﺎﻣﺮﺍﻕ ﺋﯩﻜﻪﻥ. ﺋﯘﻻﺭﻧﯩﯔ ﺗﻪﺧﻤﯩﻨﻪﻥ 80-90 % ﺗﻰ ﮔﺎﺯﻟﯩﻖ ﺗﻪﺭﻛﯩﺒﻜﻪ ﺋﯩﮕﻪ ﺋﯩﭽﯩﻤﻠﯩﻜﻠﻪﺭ-ﭘﯧﭙﺴﻰ، ﻛﻮﻛﺎ ﻛﻮﻻ، ﺋﯩﺴﭙﯩﺮﺕ ﺗﯜﺭﯨﺪﯨﻜﯩﻠﯩﺮﯨﺪﯨﻦ - ﭘﯩﯟﺍ، ﮬﺎﺭﺍﻕ.
ﭼﯩﺮﺍﻳﻰ ﻣﯩﺴﻜﯩﻦ، ﺳﯧﺮﯨﻘﻘﺎ ﻣﺎﻳﯩﻞ، ﻛﯚﺯﻟﯩﺮﻯ ﺳﻪﻝ ﺋﻮﻟﺘﯘﺭﺷﯘﭖ ﻗﺎﻟﻐﺎﻥ، ﺑﻪﺯﯨﻠﻪﺭﻧﯩﯔ ﻛﯚﺯ ﺋﺎﺳﺘﯩﻨﻰ ﺑﻮﻳﻼﭖ ﻗﺎﺭﺍ ﺳﯩﺰﯨﻘﭽﻪ ﭘﻪﻳﺪﺍ ﺑﻮﻟﯘﭖ ﻗﺎﻟﻐﺎﻥ 19 ﻳﺎﺷﺘﯩﻦ 25-26 ﻳﺎﺷﻼﺭﻏﯩﭽﻪ ﺑﻮﻟﻐﺎﻥ ﺑﺎﻟﯩﻼﺭﻏﺎ ﺩﯨﻘﻘﻪﺕ ﻗﯩﻠﯩﭗ ﻗﺎﻟﺪﯨﻢ. ﻣﯩﺠﻪﺯﯨﻤﻨﻰ ﻛﯚﺭﯛﭖ ﺑﺎﻗﺴﯩﻼ ﺩﻩﻳﺪﯗ. ﻗﺎﺭﯨﺴﺎﻡ ﭼﯩﺮﺍﻱ ﺗﯘﺭﻗﻰ ﺋﺎﺳﺎﺳﻪﻥ ﻳﯘﻗﯘﺭﺩﺍ ﻣﻪﻥ ﺑﺎﻳﺎﻥ ﻗﯩﻠﻐﺎﻧﺪﻩﻙ. ﺗﻮﻣﯘﺭﻯ ﺋﯘﺷﺸﺎﻕ، ﺟﺎﻧﺴﯩﺰ، ﺭﯦﺘﯩﻤﻰ ﺳﻪﻝ ﺗﯩﺰ ﺳﻮﻗﯘﺩﯗ. ﺗﻮﻣﯘﺭﺩﯨﻦ ﺳﻮﻏﯘﻕ ﭼﯩﻘﯩﭗ ﺗﯘﺭﯨﺪﯗ.
-ﺑﻪﺯﻯ ﻛﯧﭽﯩﻠﯩﺮﻯ ﺗﻮﺭﺧﺎﻧﯩﺪﺍ ﺗﯜﻧﻪﭖ ﻗﺎﻻﻣﻼ ( ﻗﺎﻻﻣﺴﯩﺰ)؟ ﺩﻩﭖ ﺳﻮﺭﯨﺴﺎﻡ ﻛﯚﺯﻟﯩﺮﻯ ﻣﺎﯕﺎ ﻗﺎﺭﺍﭖ ﭼﻪﻛﭽﯩﻴﯩﭗ ﻛﯧﺘﯩﺪﯗ.
ﺷﯘﻧﯩﯔ ﺑﯩﻠﻪﻥ ﻳﻪﻧﻪ ﺳﻮﺭﯨﻐﯩﻠﻰ ﺗﯘﺭﯨﻤﻪﻥ: - ﺳﻮﻏﯘﻕ ﺋﯩﭽﯩﻤﻠﯩﻚ ﺋﯩﭽﻜﻪﭺ ﭺ ﭺ ﺩﺍ ﻗﯩﺰﻻﺭ ﺑﯩﻠﻪﻥ ﭘﺎﺭﺍﯕﻠﯩﺸﯩﺶ، ﻛﯩﻨﻮ ﻛﯚﺭﯛﺵ ﺑﻪﻙ ﮬﻮﺯﯗﺭﻟﯘﻕ ﮬﻪ؟!.
- ﺋﯘﻧﺪﺍﻗﻤﯘ ﺋﻪﻣﻪﺱ، ﻟﯩﻜﯩﻦ ﺷﯘ ﻛﯚﻧﯜﭖ ﻗﺎﭘﺘﯩﻤﻪﻥ، ﺑﻮﻟﯘﭘﻤﯘ ...ﺳﯩﻠﻰ ﺑﯩﻠﯩﻼ، ﮬﯩﻠﯩﻘﻰ ﭘﯧﭙﺴﻰ ﻛﻮﻻ. ﺋﯩﭽﺴﻪﻡ ﺑﻪﻙ ﺭﺍﮬﻪﺗﻠﯩﻨﯩﭗ ﻛﯧﺘﯩﻤﻪﻥ..ﺋﻪﻣﺪﻯ،-ﮬﯧﺠﯩﻴﯩﭗ ﻛﯧﻜﻪﭼﻠﯩﮕﻪﭺ ﺟﺎﯞﺍﺏ ﺑﯩﺮﯨﺪﯗ.
-ﮬﻪ ﻣﯘﻧﺪﺍﻕ ﺩﯦﺴﯩﻠﻪ! ﻛﻪﭼﻠﯩﺮﻯ ﺗﯜﻧﻪﭖ ﻗﺎﻟﻐﺎﻧﺪﯨﻜﯩﻦ ﺋﺎﻧﭽﻪ -ﻣﯘﻧﭽﻪ ﺭﻩﯕﻠﯩﻚ ﻛﯩﻨﻮ-ﺳﯜﺭﻩﺗﻠﻪﺭﻧﯩﻤﯘ ﻛﯚﺭﯛﭖ ﻗﻮﻳﺎﻣﻼ؟
-ﺋﻪﻣﺪﻯ ، ﺑﻪﻛﻤﯘ ﺋﻪﻣﻪﺱ......ﻳﺎﺵ ﺑﻮﻏﺎﻧﺪﯨﻜﯩﻦ....
-ﻳﻪﻧﻪ ﺑﯩﺮ ﮔﻪﭘﻨﻰ ﺳﻮﺭﯨﻤﺎﻳﻼ ﺩﯦﺴﻪﻡ، ﺳﯩﻠﻪ ﮬﯩﻠﯩﻘﯩﺪﻩﻙ ﻳﺎﻣﺎﻥ ﺋﺎﺩﻩﺗﻨﻰ ﻳﯧﺘﯩﻠﺪﯛﺭﯞﺍﭘﻼ، ﻗﻮﻟﯩﺪﺍ ﻟﻪﺯﺯﻩﺗﻠﯩﻨﯩﺪﯨﻐﺎﻥ ، ﺑﯩﻠﻤﻪﺱ ﺑﻮﻟﯩﯟﺍﻟﻐﯩﻨﻨﻰ، ﺗﯧﯟﯨﭙﺘﯩﻦ ﮔﻪﭖ ﻳﻮﺷﯘﺭﺳﺎﯓ ﺋﯚﻟﯜﻡ ﺋﺎﺷﻜﺎﺭﻩ ﺩﯦﮕﻪﻥ ﮔﻪﭘﻨﻰ ﺑﯩﻠﯩﺪﯨﻐﺎﻧﻼ، ﺧﯩﻠﻰ ﺋﯘﺯﯗﻥ ﺑﻮﭘﺘﯘ، ﺗﻪﺧﻤﯩﻨﻪﻥ 2-3 ﻳﯩﻞ ﺋﻪﺗﺮﺍﭘﯩﺪﺍ. ﺑﻪﻟﻠﯩﺮﻯ ﺗﺎﻟﯩﺪﯗ. ﺳﯜﻳﺪﯛﻙ ﻗﯩﺴﺘﺎﭖ ﻛﯩﻠﯩﺪﯗ. ﺋﯩﺸﻘﺎ ﺧﻮﺷﻴﺎﻗﻤﺎﻳﺪﯨﻐﺎﻥ ، ﺋﺎﺯﯨﺮﺍﻕ ﻳﻮﻝ ﻣﺎﯕﺴﯩﻠﯩﺮﯨﻼ ﺋﻮﻟﺘﯘﺭﯞﺍﻟﻐﯩﻠﯩﺮﻯ ﻛﯩﻠﯩﺪﯗ، ﺋﯘﻧﺘﯘﻏﺎﻗﻠﯩﻖ ﺧﯩﻠﻰ ﺋﯧﻐﯩﺮ، ﺷﯘﻧﺪﺍﻗﻤﯘ؟ ﺋﯘﻧﺪﯨﻦ ﺑﺎﺷﻘﺎ ﺋﻪﺭﻟﯩﻚ ﺋﻪﺯﺍﺩﺍ ﻳﯧﮕﯩﻠﻪﺵ، ﻣﺎﻳﻤﺎﻕ ﺑﻮﻟﯘﭖ ﻗﯩﻠﯩﺶ ﺋﻪﮬﯟﺍﻟﻠﯩﺮﻯ ﺑﺎﺭ.
- ﺑﯘﻧﺪﺍﻕ ﺑﻮﻟﺴﺎ ﺗﻮﻱ ﻗﯩﻠﯩﺸﻘﺎ ﺗﻪﺳﯩﺮﻯ ﺑﻮﻻﻣﺪﯗ-ﻳﻮﻕ؟ ﺳﺎﻗﯩﻴﺎﻣﺪﯗ، ﺩﻭﺭﺍ ﺗﻪﻳﻴﺎﺭﻻﭖ ﺑﯩﺮﻩﻣﻼ، ﺑﯘﻏﺪﺍ ﺩﻭﺧﺘﯘﺭﺧﺎﻧﯩﺴﯩﺪﺍ ﺩﺍﯞﺍﻟﯩﻨﺎﻱ ﺩﯦﮕﻪﻥ، ﻓﯩﺰﯨﻜﯩﻠﯩﻖ ﺋﯘﺳﯘﻟﺪﺍ ﺋﺎﺭﻗﺎ ﭘﯩﺸﻪﭘﻜﻪ ﺋﯜﺳﻜﯜﻧﻪ ﺳﯩﻠﯩﭗ ﻛﯜﻧﺪﻩ ﻳﯩﺮﯨﻢ ﺳﺎﺋﻪﺕ ﺋﻮﻟﺘﯘﺭﻏﯘﺯﯨﺪﯨﻜﻪﻥ. ﭘﻪﻗﻪﺕ ﭼﯩﺪﯨﻤﯩﺪﯨﻢ. ﺋﯚﺯﯛﻣﻨﯩﯔ ﺳﻮﻏﯘﻗﭽﺎﻧﻠﯩﻘﯩﻤﻨﻰ ﺑﯩﻠﯩﻤﻪﻥ. ﺷﯘﻧﺪﺍﻕ ﺗﯘﺭﺳﺎ ﻳﻪﻧﻪ ﺳﻮﻏﯘﻕ ﺋﺎﺳﻤﺎ ﺋﻮﻛﯘﻝ، ﺳﻮﻏﯘﻕ ﺗﯚﻣﯜﺭﺩﻩ ﺋﻮﻟﺘﯘﺭﻏﯘﺯﯗﭖ ﺩﺍﯞﺍﻻﺵ...ﯞﺍﻱ-ﯞﯗﻱ. ﺋﯘﻏﯘ ﻣﻪﻳﻠﻰ ﺑﯘﻧﺪﺍ ﻛﯧﺴﻪﻝ ﺑﻮﻟﯘﭖ ﻗﺎﻟﺴﺎ ﺳﺎﻗﺎﻳﻤﺎﻳﺪﯗ ﺩﻩﻳﺪﺍ. ﺑﯘ ﺭﺍﺳﻤﯩﺪﯗ؟
ﺳﯘﺋﺎﻝ ﺩﯦﮕﻪﻥ ﺯﺍﯞﯗﺗﺘﺎ ﻗﯘﻳﻐﺎﻧﺪﻩﻙ ﺗﯚﻛﯜﭘﻠﯩﯟﯦﺘﯩﺪﯨﻐﺎﻥ ﮔﻪﭖ.
ﺋﻮﺗﺘﯘﺭﺍ ﻳﺎﺷﻠﯩﻘﻼﺭﻧﯩﯔ ﻏﯩﺰﺍ ﺋﺎﺩﯨﺘﻰ ﺋﺎﺩﻩﻣﻨﯩﯔ ﺗﯧﺨﯩﻤﯘ ﺋﻪﭘﺴﯘﺳﻼﻧﺪﯗﺭﯨﺪﯗ. ﻛﯜﻧﺪﯛﺯﻟﯩﺮﻯ ﺗﯩﺠﺎﺭﻩﺕ ، ﺋﯩﺶ -ﺋﻮﻗﻪﺗﻠﯩﺮﻯ ﺑﯩﻠﻪﻥ ﺋﺎﻟﺪﯨﺮﺍﺵ ﻳﯜﺭﯛﭖ ﻛﻪﭼﺘﻪ ﺋﯜﻟﭙﻪﺗﺪﺍﺷﻠﯩﺮﻯ ﺑﯩﻠﻪﻥ ﺋﻮﻟﺘﯘﺭﯗﭖ ﻛﺎﯞﺍﭖ ﺑﯩﻠﻪﻥ ﮬﺎﺭﺩﯗﻕ ﭼﯩﻘﯩﺮﺩﯨﻐﺎﻥ ﺋﺎﺩﻩﺕ ﻳﺎﻟﻐﯘﺯ ﻗﻪﺷﻘﻪﺭﺩﯨﻼ ﺋﻪﻣﻪﺱ ﻏﯘﻟﺠﺎ، ﺋﯜﺭﯛﻣﭽﻰ، ﺧﻮﺗﻪﻥ، ﺋﺎﻗﺴﯘ، ﻛﻮﺭﻻ ﻗﺎﺗﺎﺭﻟﯩﻖ ﻳﯘﺭﺗﻼﺭﺩﯨﻤﯘ ﺋﺎﺩﻩﺕ ﺗﯜﺳﯩﮕﻪ ﺋﺎﻳﻼﻧﻐﯩﻠﻰ ﺗﯘﺭﯗﭘﺘﯘ. ﭼﯜﺷﺘﯩﻤﯘ ﺋﻪﻣﻪﺱ ﻛﻪﭼﺘﻪ ﻳﯧﺘﯩﺸﺘﻰ ﺑﯘﺭﯗﻥ. ﺑﻪﺯﯨﻠﻪﺭ ﭼﯩﯖﻘﺎﻟﻐﯘﺩﻩﻙ ﻏﯩﺰﺍﻟﯩﻨﯩﭗ ﺑﻮﻟﯘﭖ ﻗﻮﺭﺳﺎﻕ ﺑﻮﺷﺘﯩﺪﯗ ﺩﻩﭖ ﭘﯧﭙﺴﻰ، ﻛﻮﻛﺎ ﻛﻮﻻ، ﻳﯘﺭﺗﯘﻡ ﻛﻮﻻ ﺋﯩﭽﯩﭗ ﻗﻮﻳﯩﺪﯗ. ﺑﯩﺮ -ﺋﯩﻜﻜﻰ ﻳﯩﻠﺪﯨﻼ ﻗﻮﺭﺳﯩﻘﻰ ﺳﺎﯕﮕﯩﻼﭖ ﺳﯧﻤﯩﺮﯨﭗ ﻛﯧﺘﯩﯟﺍﺗﻘﺎﻥ. ﻗﻪﺩﻩﻣﻠﯩﺮﻯ ﺋﯧﻐﯩﺮﻟﯩﺸﯩﭗ ، ﺑﺎﺵ ﭼﯩﯖﻘﯩﻠﯩﺪﯨﻐﺎﻥ ، ﺋﺎﺯﯨﺮﺍﻕ ﻳﻮﻝ ﻣﺎﯕﺴﯩﻼ ﭘﯘﺷﯘﻟﺪﺍﻳﺪﯨﻐﺎﻥ ﺑﻮﻟﯘﭖ ﻗﺎﻟﯩﺪﯗ. ﺑﯘ ﻧﯧﻤﻪ ﻛﯜﻥ ﺋﻪﻣﺪﻯ ، ﺗﻮﯞﺍ ، ﻳﺎﺵ ﺗﯘﺭﯗﭘﻼ ﮬﻪ،-ﺩﻩﭖ ﺩﻭﺧﺘﯘﺭﻏﺎ ﺑﺎﺭﺳﺎ ﻗﺎﻥ ﺗﻮﻣﯘﺭﻻﺭ ﺗﺎﺭﯨﻴﯩﭙﺘﯘ. ﻗﺎﻥ ﻗﻮﻳﯘﻕ. ﻳﺎﻛﻰ ﻗﺎﻥ-ﺗﻮﻣﯘﺭﻻﺭﻧﻰ ﻣﺎﻱ ﻗﺎﭘﻼﭖ ﻛﯧﺘﯩﭙﺘﯘ. ﺟﯩﮕﻪﺭﻣﯘ ﺷﯘﻧﺪﺍﻕ. ﺩﺍﯞﺍﻻﻧﺴﯩﻼ ﺩﯦﮕﻪﻧﻠﻪﺭﻧﻰ ﺋﺎﯕﻼﻳﺪﯗ. ﺩﻭﺧﺘﯘﺭﻏﺎ ﺑﺎﺭﺳﯩﻐﯘ ﺳﺎﻕ ﺋﺎﺩﻩﻣﻨﯩﻤﯘ ﻛﯧﺴﻪﻝ ﻗﯩﻠﯩﭗ ﻗﻮﻳﯩﺪﯗ ، 30-40 ﻳﺎﺷﺘﯩﻤﯘ ﻗﺎﻥ ﻗﻮﻳﯘﻻﻣﺪﯗ، ﺩﻩﯞﯨﺮﺩﯗ ﺑﯘ ﮔﯘﻳﻼﺭ ﺩﻩﭖ ﭼﯩﻘﯩﭗ ﺑﻪﺩﻩﻧﻨﻰ ﻛﯜﭼﻠﻪﻧﺪﯛﺭﯨﺪﯗ ﺩﻩﭖ ﻳﻪﭖ ﺋﯩﭽﯩﯟﺍﺗﻘﺎﻥ ﺋﯩﺴﺴﯩﻘﻠﯩﻖ ، ﮔﯚﺷﻠﻪﺭﺩﯨﻦ ﺑﯩﺮﺍﻗﻼ ﻳﯜﺯ ﺋﯚﺭﯛﭖ ﺩﻭﺧﺘﯘﺭ ﺩﯦﮕﻪﻥ ﺋﯚﺯﯨﻤﯩﺰ ﺩﻩﭖ ﺳﻮﻏﯘﻗﻠﯘﻕ ﻗﯩﻠﯩﺸﻘﺎ ﺑﺎﺷﻼﻳﺪﯗ . ﺋﻪﺗﺘﯩﮕﻪﻧﺪﻩ ﻗﯧﺘﯩﻖ. ﭼﯜﺷﺘﻪ ﻟﻪﻏﻤﻪﻥ ﻳﯧﺴﯩﻤﯘ ﺋﺎﺭﻗﯩﺴﯩﺪﯨﻦ ﺗﯘﺭﯗﭖ ﺳﻪﻱ- ﻟﻪﯕﭙﯘﯓ. ﭘﯧﭙﺴﯩﻲ ﻛﻮﻻ، ﻛﻮﻛﺎ ﻛﻮﻻ، ﻗﺎﺭﯨﻘﺎﺕ ﺷﻪﺭﺑﯩﺘﻰ ، ﻗﻮﻏﯘﻥ -ﺗﺎﯞﯗﺯ ﺩﯦﮕﻪﻧﻠﻪﺭﻧﻰ ﺋﯚﭼﻤﻪﻧﻠﯩﻚ ﺑﯩﻠﻪﻥ ﻳﻪﯞﯨﺮﺩﯗ. ﻗﺎﻥ ﺗﻮﻣﯘﺭﻻﺭﺩﯨﻜﻰ ﻣﻪﺳﯩﻠﻪ ﮬﻪﻝ ﺑﻮﻟﻤﺎﻱ ﺗﯘﺭﯗﭘﻼ ﺋﯘﺯﯗﻥ ﺋﯚﺗﻤﻪﻱ ﺋﯘﺳﺘﯩﺨﺎﻧﻼﺭ ﺗﯧﺨﯩﻤﯘ ﺋﯧﻐﯩﺮﻟﯩﺸﯩﭗ، ﺑﻪﻝ ﻛﯧﺘﯩﭗ-ﻛﯧﺘﯩﭗ ﺗﯧﻠﯩﭗ ﻗﻮﻳﯩﺪﯨﻐﺎﻥ، ﺋﺎﻏﺮﯨﻴﺪﯨﻐﺎﻥ، ﺟﯩﻨﺴﯩﻲ ﺗﯘﺭﻣﯘﺷﺘﺎ ﮬﻪﺭ ﻗﺎﻧﭽﻪ ﻗﯩﻠﯩﭙﻤﯘ ﻛﯚﯕﯜﻝ ﻗﺎﻧﺎﺋﻪﺕ ﮬﯧﺲ ﻗﯩﻼﻟﻤﺎﻳﺪﯨﻐﺎﻥ، ﺋﺎﺳﺎﻥ ﭼﯧﭽﯩﻠﯩﺪﯨﻐﺎﻥ ﺑﻮﻟﯘﭖ ﻗﺎﻟﯩﺪﯗ. ﺷﯘﻧﯩﯔ ﺑﯩﻠﻪﻥ ﺗﯧﯟﯨﭗ ﻳﯧﻨﯩﻐﺎ ﻛﯩﻠﯩﺪﯗ. -ﺑﯚﺭﻩﻛﻨﻰ ﻗﯘﯞﯞﻩﺗﻠﻪﻳﺪﯨﻐﺎﻥ ﺩﻭﺭﺍ ﺑﻮﻟﺴﺎ ، ﻳﺎﺧﺸﻰ ﺑﻮﻟﺴﺎ ﻗﯩﻤﻤﻪﺗﺮﻩﻙ ﺑﻮﻟﺴﯩﻤﯘ ﻳﺎﺳﺎﭖ ﺑﻪﻣﻪﻣﻼ؟!! ﻣﯩﺠﻪﺯ ﺳﻪﻝ ﻳﯧﻨﯩﺸﯩﯟﺍﻟﻐﺎﻧﺪﻩﻙ ﻳﺎ......
ﺗﻪﺟﯩﺮﺑﯩﻠﯩﻜﺮﻩﻙ ﺗﯧﯟﯨﭗ ﺑﻮﻟﺴﺎ ﺋﯩﺸﻨﯩﯔ ﻣﺎﮬﯩﻴﺘﯩﻨﻰ ﺳﯜﺭﯛﺷﺘﻪ ﻗﯩﻠﯩﭗ ﺩﻭﺭﺍ ﻗﯩﻠﯩﺸﻘﺎ (ﺑﯚﺭﻩﻛﻨﻰ ﻗﯘﯞﯞﻩﺗﻠﻪﺷﻜﻪ ﺋﺎﻟﺪﯨﺮﺍﭖ ﻛﻪﺗﻤﻪﻳﺪﯗ) ﺋﯘﺭﻧﯩﺪﯗ. ﺋﺎﯞﯞﺍﻝ ﻗﺎﻥ -ﺗﻮﻣﯘﻻﺭﺩﯨﻜﻰ ﺗﻮﺳﺎﻟﻐﯘﻻﺭﻧﻰ ﺋﯩﭽﯩﭗ، ﻣﯩﺠﻪﺯﻧﻰ ﺗﻪﯕﺸﻪﭖ ﺋﺎﻟﺪﯨﺮﻣﺎﻱ ﺑﺎﺳﻘﯘﭼﻤﯘ ﺑﺎﺳﻘﯘﭺ ﺩﺍﯞﺍﻻﻳﺪﯗ. ﺋﯘﻧﺪﺍﻕ ﺑﻮﻟﻤﯩﻐﺎﻧﺪﺍ ﺑﯚﺭﯨﻜﯩﻢ ﺋﺎﺟﯩﺰﻻﺷﺘﻰ ﺩﻩﭖ ﻣﯩﺠﻪﺯﯨﮕﻪ ﻣﺎﺱ ﻛﻪﻟﻤﻪﻳﺪﯨﻐﺎﻥ ﺩﻭﺭﯨﻼﺭﻧﻰ ﻳﻪﭖ ﻗﻮﻳﯘﭖ ﻣﯩﺠﻪﺯﯨﻨﻰ ﺗﯧﺨﯩﻤﯘ ﺑﯘﺯﯨﯟﺍﻟﯩﺪﯗ. ﺑﯘ ﭼﺎﻏﺪﺍ ﺋﯩﺶ ﺗﯧﺨﯩﻤﯘ ﭼﺎﺗﺎﻕ ﺑﻮﻟﯩﺪﯗ.
ﮬﺎﺭﺍﻗﻨﻰ ﮬﺎﺭﺍﻡ ﺳﺎﻧﯩﻤﺎﻳﺪﯨﻐﺎﻧﻼﺭﻧﯩﯔ ﺳﻮﺭﯨﻨﯩﺪﯨﻐﯘ ﭘﯩﺠﻮ، ﮬﺎﺭﺍﻕ، ﻛﺎﯞﺍﭖ، ﻳﻪﻧﻪ ﺑﺎﺷﻘﺎ ﺑﯩﺮ ﺑﯩﺮﯨﮕﻪ ﭘﻪﻗﻪﺕ ﻣﺎﺱ ﻛﻪﻟﻤﻪﻳﺪﯨﻐﺎﻥ ، ﺋﺎﺷﻘﺎﺯﺍﻥ ، ﺑﯚﺭﻩﻙ ، ﺋﻮﻣﻮﻣﯩﻲ ﺑﻪﺩﻩﻥ ﻣﯩﺠﻪﺯﻧﻰ ﺑﯘﺯﯨﯟﺍﻟﯩﺪﯨﻐﺎﻥ ﺳﻮﻏﯘﻕ ﺳﻪﻳﻠﻪﺭ ﺑﯘﻻﺭﻧﯩﯔ ﮬﺎﻟﻰ ﺗﯧﺨﻰ ﺋﯘﻧﺪﯨﻦ ﺧﺎﺭﺍﺏ. ﺑﺎﺷﻘﯩﻼﺭﻏﺎ ﺩﻩﭖ ﻳﯜﺭﻣﯩﮕﯩﻨﻰ ﺑﯩﻠﻪﻥ ﺩﻩﺭﺩﯨﻨﻰ ﺋﯚﺯﻯ ﺑﯩﻠﯩﺪﯗ.
ﺩﺍﯞﺍﻣﻰ ﺑﺎﺭ
ﻣﻪﮬﻪﻟﻠﻪﻣﻨﻰ ﺯﯨﻴﺎﺭﻩﺕ ﻗﯩﻠﯩﯔ! ﺑﯩﺮﺯﺍﺕ ﺷﯩﭙﺎﺧﺎﻧﯩﺴﻰ
ﻣﻪﻧﺪﻩ ﺑﺎﺭﯨﻜﻪﻥ ﺑﻪﺯﻯ ﺋﺎﻻﻣﻪﺗﻠﻪﺭ .
pepsi ﺋﯩﭽﻜﻪﭺ ﺋﯩﻨﻜﺎﺱ ﻗﺎﻳﺘﯘﺭﯞﺍﺗﯩﻤﻪﻥ .
ﺩﺍﯞﺍﻣﯩﻐﺎ ....
ﺑﯘﻧﯩﯖﺪﯨﻦ ﻛﯧﻴﯩﻦ ﺩﯨﻘﻘﻪﺕ ﻗﯩﻼﻱ ﺟﯘﻣﺎ ﻣﯧﻨﯩﯔ ﻣﯘﺷﯘ ﺗﺎﻣﺎﻗﻘﺎ ﺩﯨﻘﻘﻪﺕ ﻗﯩﻠﻤﺎﻳﺪﯨﻐﺎﻥ ، ﯞﺍﻗﺘﯩﺪﺍ ﺗﺎﻣﺎﻕ ﻳﯩﻤﻪﻳﺪﯨﻐﺎﻥ، ﺋﺎﭺ ﻳﯜﺭﺳﻪﻡ ﺑﻪﻙ ﻳﯜﺭﯛﻳﺪﯨﻐﺎﻥ ﮬﻪﻡ ﺑﻪﻙ ﺗﻮﻳﻨﯩﯟﺍﻟﯩﺪﯨﻐﺎﻥ ﺑﯩﺮ ﻧﺎﭼﺎﺭ ﺋﺎﺩﯨﺘﯩﻢ ﺑﺎﺭ....
ﺋﯚﺯﻩﻣﻤﯘ ﺋﯚﺯﮔﻪﺭﺗﯩﺸﻜﻪ ﺑﻪﻙ ﺗﯩﺮﯨﺸﯩﯟﺍﺗﯩﻤﻪﻥ....
ﺑﻪﺯﯨﺪﻩ ﺑﻮﻳﺘﺎﻗﭽﯩﻠﯩﻘﺘﺎ ﯞﺍﻗﺘﯩﺪﺍ ﺗﺎﻣﺎﻕ ﻳﯩﮕﯩﻠﯩﻤﯘ ﺑﻮﻟﻤﺎﻳﺪﯨﻜﻪﻥ...
ﻗﺎﻧﺪﺍﻕ ﻗﯩﻠﺴﺎﻡ ﺑﻮﻻﺭ...؟؟؟ ﺧﻮﺗﯘﻥ ﺋﯧﻠﯩﯔ ﺭﯗﺳﻼﻧﺠﺎﻥ ،
ﺑﯘﺯﯗﻟﻤﺎﻳﺪﯗ ﺋﺎﺷﻘﺎﺯﺍﻥ .
ﻣﯘﺷﯘ ﻛﻮﻻ -ﭘﻮﻻ ﺩﯨﮕﻪﻧﺪﻩﻛﻠﻪﺭﻧﻰ ﺋﯩﭽﻤﻪﻳﺪﯨﻐﺎﻥ ﻣﯩﺠﻪﺯﯨﻢ ﺑﺎﺭ ،ﻟﯧﻜﯩﻨﺰﻩ ...........
ﻳﺎﻣﺎﻥ ﺗﯩﯟﯨﭙﻜﻪﻧﻼ ﺳﯩﻠﻰ،ﻣﯘﺷﯘ ﻛﻮﻻﺩﯨﮕﻪﻧﻠﻪﺭﻧﻰ ﺋﯩﭽﻤﻪﻱ ﺩﯗﺭﺍ ﭼﺎﻱ ﺋﯩﭽﯩﯖﻼﺭ، ﻧﺎﯞﺍﺕ ﺳﯧﻠﯩﭗ ﺗﺎﺯﺍ...
ﺋﻪﯓ ﺋﻪﺭﺯﺍﻥ ﺑﻮﻟﻐﺎﻥ ﻗﺎﻳﻨﯘﻗﺴﯘ ﺋﯩﭽﯩﯖﯩﻼﺭ ﻣﺎﻧﺪﺍ ... ﺋﺎﻟﻼ. ﺋﺎﺩﻩﻣﻨﻰ ﻗﻮﺭﻗﯘﺗﻤﯩﺴﯩﯖﯩﺰﺍ ﻣﻪﮬﻪﻟﻠﯩﯖﯩﺰﻧﻰ ﺯﯨﻴﺎﺭﻩﺕ ﻗﯩﻠﯩﻠﻰ، ﺳﯩﺰﻣﯘ ﺋﺎﺧﯩﺮﯨﻨﻰ ﺗﯧﺰﺭﺍﻕ ﻳﯧﺰﯨﯔ...
ﻗﯩﺰ ﭼﻮﻛﺎﻧﻼﺭ ﺋﺎﻣﺮﺍﻕ ﻟﯩﻜﯩﻦ ﺳﺎﻻﻣﻪﺗﻠﯩﻜﻜﻪ ﺯﯨﻴﺎﻧﻠﯩﻖ ﺑﻮﻟﻐﺎﻥ ﻏﯩﺰﺍ ﺋﺎﺩﯨﺘﻰ، ﻛﯩﻴﯩﻢ-ﻛﯩﭽﻪﻙ، ﻳﯜﺭﯛﺵ ﺗﯘﺭﯗﺵ ، ﺗﯘﺭﻣﯘﺵ ﺋﺎﺩﻩﺗﻠﯩﺮﻯ ﮬﻪﻗﻘﯩﺪﻩ ﺟﯩﻘﻼ ﺗﻮﺧﺘﺎﻟﻐﺎﻥ ﺋﯩﺪﯨﻢ، ﺋﻪﭘﺴﯘﺱ. ﻛﻮﻣﭙﯘﺗﯧﺮﺩﺍ ﻗﺎﻳﺘﺎ ﻗﻮﺯﻏﯩﺘﯩﯟﯦﺘﯩﺪﯨﻐﺎﻥ ﺑﯩﺮ ﯞﯦﺮﻭﺱ ﭘﻪﻳﺪﺍ ﺑﻮﻟﯘﭖ ﻗﺎﭘﺘﯩﻜﻪﻥ. ﺋﯩﭽﯩﻢ ﮬﻪﺟﻪﭖ ﭘﯘﺷﺘﻰ. ﻣﯘﺷﯘﻧﺪﺍﻕ ﺋﯩﺶ ﻳﯜﺯ ﺑﻪﺭﺳﯩﻼ ﺩﺍﯞﺍﻣﯩﻨﻰ ﻳﺎﺯﻏﯘﻡ ﻛﻪﻟﻤﻪﻱ ﻗﺎﻟﯩﺪﯗ. 
ﺋﻪﭘﻪﻧﺪﯨﻢ، ﺋﺎﯞﯗ ﻣﻪﮬﻪﻟﻠﯩﯖﯩﺰﺩﯨﻜﻰ ﺋﯩﻨﻜﺎﺱ ﺳﻮﺋﺎﻟﻐﺎ ﺟﺎﯞﺍﭖ ﻳﻮﻗﻤﺎ؟ ﻳﺎﻛﻰ ﯞﺍﻗﯩﺖ ﻳﻮﻗﻤﯘ؟
ﺋﺎ ... ﻳﺎﺯﺳﯩﻼ، ﻳﻮﻗﺎﭖ ﻛﻪﺗﺘﻰ ﺩﯦﻤﻪﻱ ...
ﺋﯘﻧﺪﺍﻕ ﺑﻮﻟﺴﺎ ﺳﯩﻠﻪ ﺋﺎﯞﺍﻝ wordﺗﺎ ﻳﯧﺰﯨﯟﯦﻠﯩﭗ ﺋﺎﻧﺪﯨﻦ ﺋﯩﺰﺩﯨﻨﯩﺸﻘﺎ ﭼﺎﭘﻠﯩﺴﯩﻼ. word ﺋﺎﭘﺘﻮﻣﺎﺗﯩﻚ ﺳﺎﻗﻼﭖ ﻣﺎﯕﯩﺪﯗ.
ﺑﯩﺮ ﺯﺍﺗﻨﯩﯔ ﮬﻮﺭﯗﻧﻠﯘﻕ ﻛﯩﺴﯩﻠﻰ ﺗﯘﺗﺘﯩﻤﯘ ﻧﯩﻤﻪ!
ﺋﺎﺧﯩﺮﻯ ﻳﻮﻗﻘﯘ ؟ ﺋﺎﻛﺎﻣﻼﺭﻏﺎ ﻛﯚﺭﺳﯩﺘﯩﭗ ﻗﯘﻳﺎﻱ ﺩﯦﯟﯨﺪﯨﻢ .....
ﺩﺍﯞﺍﻣﯩﻨﻰ ﻳﯧﺰﯨﯟﯦﺘﯩﯖﺎ !
ﺋﻪﻣﺪﻯ ﺩﺍﯞﺍﻻﻧﻐﺎﻧﺪﺍ ﺩﻭﺭﺍ ﺑﯩﻠﻪﻥ ﻏﯩﺰﺍﻻﺭﻧﻰ ﻣﺎﺳﻼﺷﺘﯘﺭﯗﺷﻨﯩﯔ ﺋﻪﻣﻪﻟﯩﻲ ﻣﯩﺴﺎﻟﻠﯩﺮﯨﻨﻰ ﺗﺎﻏﺪﯨﻦ - ﺑﺎﻏﺪﯨﻦ ﺑﺎﻳﺎﻥ ﻗﯩﻠﯩﻤﯩﺰ
ﺋﯚﺳﻤﻪ، ﺗﯧﺮﻩ ﻛﯧﺴﻪﻟﻠﯩﺮﻯ، ﻳﺎﻟﻠﯘﻏﻠﯩﻨﯩﺶ ﺧﺎﺭﺍﻛﺘﯧﺮﻟﯩﻚ ﻛﯧﺴﻪﻟﻠﻪﺭ-ﺑﯘﺭﯗﻥ ﻳﺎﻟﻠﯘﻏﻰ، ﺑﺎﺩﺍﻣﺴﯩﻤﺎﻥ ﺑﻪﺯ ﻳﺎﻟﻠﯘﻏﻰ، ﺳﯜﻳﺪﯛﻙ ﻳﻮﻟﻰ ﻳﺎﻟﻠﯘﻏﻠﯩﻨﯩﺸﻼﺭﻏﺎ ﺩﻭﺭﺍ ﺋﯩﺴﺘﯩﻤﺎﻝ ﻗﯩﻠﻐﺎﻧﺪﺍ
ﺋﺎﭼﭽﯩﻖ، ﻳﻪﻟﻠﯩﻚ، ﺗﻮﯕﻼﺗﻘﯘﺩﺍ ﻣﯘﺯﻻﺗﻘﺎﻥ ﺋﯩﭽﯩﻤﻠﯩﻚ ﺩﯦﮕﻪﻧﺪﻩﻙ ﻳﯧﻤﻪﻙ -ﺋﯩﭽﻤﻪﻛﻠﻪﺭﺩﯨﻦ ﭘﻪﺭﮬﯩﺰ ﺗﯘﺗﻘﺎﻧﺪﺍ ﺩﻭﺭﯨﻨﯩﯔ ﻛﯧﺴﻪﻟﻠﯩﻚ ﺋﻮﺭﯗﻧﻐﺎ ﺋﯜﻧﯜﻣﻠﯜﻙ ﺗﻪﺳﯩﺮ ﻛﯚﺭﺳﯩﺘﯩﺸﯩﮕﻪ ﻛﺎﭘﺎﻟﻪﺗﻠﯩﻚ ﻗﯩﻠﻐﯩﻠﻰ ﺑﻮﻟﯩﺪﯗ. ﻗﯘﯞﯞﻩﺕ ﺩﻭﺭﯨﻠﯩﺮﯨﻨﯩﯔ ﺋﯜﻧﯜﻣﯩﻨﻰ ﺗﻮﻟﯘﻕ ﻛﯚﺭﮔﯩﻠﻰ ﺑﻮﻟﯩﺪﯗ.
ﻳﯘﻗﯘﺭﻯ ﻗﺎﻥ ﺑﯧﺴﯩﻢ، ﻗﺎﻥ ﻗﻮﻳﯘﻗﻠﯘﻕ، ﺟﯧﮕﻪﺭ ﻳﺎﻟﻠﯘﻏﻰ ﺩﯦﮕﻪﻧﺪﻩﻙ ﻛﯧﺴﻪﻟﻠﯩﻜﻪﺭﮔﻪ ﺩﻭﺭﺍ ﻳﯧﮕﻪﻧﺪﻩ ﻳﯘﻗﯘﺭﺩﺍ ﺋﯩﻴﺘﯩﻠﻐﺎﻥ ﭘﻪﺭﮬﯩﺰﻟﻪﺭﻧﯩﯔ ﺋﻪﻛﺴﯩﭽﻪ ﭘﻪﺭﮬﯩﺰ ﺗﯘﺗﯩﻤﯩﺰ. ﻗﯧﺘﯩﻖ، ﻗﺎﺭﺍ ﻗﺎﺕ ﺷﻪﺭﺑﯩﺘﻰ، ﺗﺎﯞﯗﺯ ﺩﯦﮕﻪﻧﺪﻩﻙ ﺳﻮﻏﯘﻗﻠﯘﻗﻼﺭﻧﻰ ﻗﯩﻠﯩﭗ ﺑﯩﺮﯨﻤﯩﺰ. ﻣﺎﻳﻠﯩﻖ، ﺯﯨﻴﺎﺩﻩ ﻗﯘﯞﯞﻩﺗﻠﯩﻚ ، ﺋﯩﺴﺴﯩﻘﻠﯩﻘﻰ ﻳﯘﻗﯘﺭﻯ ﻳﯧﻤﻪﻙ - ﺋﯩﭽﻤﻪﻛﻠﻪﺭﺩﯨﻦ ﭘﻪﺭﮬﯩﺰ ﺗﯘﺗﯩﻤﯩﺰ.
ﺳﻮﻏﯘﻗﺘﯩﻦ ﺑﻮﻟﻐﺎﻥ ﺯﯗﻛﺎﻣﺪﺍ، ﺑﻪﺩﻩﻥ ﺋﺎﺟﯩﺰﻟﯩﻘﺘﺎ ﺩﻭﺭﯨﻐﺎ ﻗﻮﺷﯘﭖ ﺗﯘﺧﯘﻡ ﺷﻮﺭﭘﯩﺴﻰ ، ﻛﻪﭘﺘﻪ، ﻗﻮﻱ ﮔﯚﺷﻰ ﺷﻮﺭﭘﯩﺴﻰ ﺋﯩﭽﯩﭗ ﺑﻪﺭﺳﻪ ﺋﯜﻧﯜﻣﻰ ﻳﺎﺧﺸﻰ. ﺋﯚﺕ ﻳﺎﻟﻠﯘﻏﻰ، ﺋﯚﺕ ﺗﯧﺸﻰ، ﺑﯚﺭﻩﻙ ﺗﯧﺸﻰ...ﻗﺎﺗﺎﺭﻟﯩﻘﻼﺭﻏﺎ ﺩﻭﺭﺍ ﻗﯩﻠﻐﺎﻧﺪﺍ ﺗﯘﺧﯘﻣﺪﯨﻦ ﭘﻪﺭﮬﯩﺰ ﺗﯘﺗﯩﺶ ﻛﯩﺮﻩﻙ. ﮔﯜﺭﯛﭺ ﺗﺎﻣﯩﻘﯩﻤﯘ ﻳﺎﺧﺸﻰ ﺋﻪﻣﻪﺱ.
ﺋﯩﺴﺴﯩﻘﺘﯩﻦ ﺑﺎﺵ ﺋﺎﻏﺮﯨﺴﺎ ﺳﻮﻏﯘﻗﻠﯘﻕ ﻗﯩﻠﯩﭗ ﻗﻮﻳﯘﯓ.
ﻳﻪﻟﻠﯩﻚ ﻳﯧﻤﻪﻙ ﺋﯩﭽﻤﻪﻙ ﺋﯩﺴﺘﯩﻤﺎﻝ ﻗﯩﻠﻐﺎﻧﺪﺍ ﺑﻮﻟﯘﭘﻤﯘ ﻟﻪﯕﭙﯘﯓ-ﺭﺍﯕﭙﯩﺰﺍ، ﻗﯧﺘﯩﻖ، ﻗﯩﺰﯨﻞ ﺋﻪﺗﻠﯩﻚ ﻗﻮﻏﯘﻥ، ﺗﻮﯕﻼﺗﻘﯘﺩﺍ ﻣﯘﺯﻻﺗﻘﺎﻥ ﺋﯩﭽﯩﻤﻠﯩﻚ ﺋﯩﭽﻜﻪﻧﺪﻩ ﺷﯘ ﻛﯜﻧﻰ ﻛﯩﭽﯩﺴﻰ ، ﺋﻪﺗﯩﺴﻰ ﺋﻪﺗﺘﯩﮕﻪﻧﮕﯩﭽﻪ ﺑﻪﻝ ﺋﺎﻏﺮﯨﺴﺎ ﺑﯚﺭﻩﻛﺘﻪ ﺳﯘ ﺑﻮﻟﯩﺸﻰ ﻣﻮﻣﻜﯩﻦ. ﺑﯘﻧﺪﺍﻕ ﺋﺎﻏﺮﯨﻖ ﺗﯘﺗﻘﺎﻧﺪﺍ ﺯﻩﻧﺠﯩﯟﯦﻞ ﺗﺎﻟﻘﯩﻨﯩﺪﯨﻦ ﺑﯩﺮ ﻗﻮﺷﯘﻕ، ﮬﻪﺳﻪﻝ ﺋﯩﻜﻜﻰ ﻗﻮﺷﯘﻕ، ﺋﯩﻠﯩﻤﺎﻥ ﺳﯘ ﻳﯩﺮﯨﻢ ﭘﯩﻴﺎﻟﻪ ..ﺋﺎﺭﯨﻼﺷﺘﯘﺭﯗﭖ ﺋﯩﭽﯩﯟﯦﺘﺴﯩﯖﯩﺰ 15-20 ﻣﯩﻨﯘﺗﺘﺎ ﺋﺎﺭﺍﻡ ﺑﯩﺮﯨﺪﯗ. ﺋﺎﺷﯘﻧﺪﺍﻕ 2-3 ﻛﯜﻥ ﺩﺍﯞﺍﻡ ﻗﯩﻠﯩﯔ. ﻳﻪﻟﻠﯩﻚ ﻳﯩﻤﻪﻛﻠﯩﻜﻠﻪﺭﺩﯨﻦ ﭘﻪﺭﮬﯩﺰ ﺗﯘﺗﯘﭖ ﺑﻪﺭﺳﯩﯖﯩﺰﻻ ﺋﺎﻏﺮﯨﻖ ﺑﯩﺮ ﻣﻪﺯﮔﯩﻠﮕﯩﭽﻪ ﻗﺎﻳﺘﺎ ﻗﻮﺯﻏﺎﻟﻤﺎﻳﺪﯗ.
ﻣﻪﺯﻯ ﺑﯧﺰﻯ ، ﺳﯜﻳﺪﯛﻙ ﻳﻮﻟﻰ ﻳﺎﻟﻠﯘﻏﻰ، ﺑﯚﺭﻩﻙ ﻳﺎﻟﻠﯘﻏﻰ ﻗﺎﺗﺎﺭﻟﯩﻘﻼﺭﺩﺍ ﻛﺎﯞﺍﭖ ، ﭘﻮﻟﻮ ﻳﯧﻴﯩﺸﻜﻪ، ﺋﺎﭼﭽﯩﻖ ﭼﯜﭼﯜﻙ، ﻳﻪﻟﻠﯩﻚ ﻏﯩﺰﺍﻻﺭﻧﻰ ﺋﯩﺴﺘﯩﻤﺎﻝ ﻗﯩﻠﯩﺸﻘﺎ ﺑﻮﻟﻤﺎﻳﺪﯗ. ﺟﯩﻨﺴﯩﻲ ﻣﯘﻧﺎﺳﯩﯟﯦﺘﺘﯩﻦ ﻣﯘﯞﺍﭘﯩﻖ ﭘﻪﺭﮬﯩﺰ ﺗﯘﺗﻘﺎﻧﻨﯩﯔ ﺑﯚﺭﻩﻙ، ﻣﻪﺯﻯ ﺑﯧﺰﻯ ﻗﺎﺗﺎﺭﻟﯩﻖ ﺋﻪﺭﻟﯩﻚ ﺋﻪﺯﺍﻻﺭﻧﻰ ﺋﺎﺳﺮﺍﺷﺘﯩﻜﻰ ﺭﻭﻟﯩﻐﺎ ﺳﻪﻝ ﻗﺎﺭﯨﻐﯩﻠﻰ ﺑﻮﻟﻤﺎﻳﺪﯗ. ﻣﻪﺯﻯ ﺑﯧﺰﻯ ﻳﺎﻟﻠﯘﻏﻰ ﯞﻩ ﮬﻪﺭ ﺧﯩﻞ ﻳﯘﻗﯘﻣﻠﯘﻕ ﺧﺎﺭﺍﻛﺘﯧﺮﮔﻪ ﺋﯩﮕﻪ ﺟﯩﻨﺴﯩﻲ ﻛﯧﺴﻪﻟﻪﺭﺩﻩ ﺑﯚﺭﻩﻙ، ﻣﻪﺯﻯ ﺑﯧﺰﻯ ﺋﯩﻘﺘﯩﺪﺍﺭﻯ، ﻧﯧﺮﯞﺍ-ﺋﻪﺳﻪﭘﻠﻪﺭ ﺯﻭﺭ ﺩﻩﺭﯨﺠﯩﺪﻩ ﺋﺎﺟﯩﺰﻻﻳﺪﯗ. ﺋﯚﺯﯨﮕﻪ ﺑﻮﻟﻐﺎﻥ ﺋﯩﺸﻪﻧﭽﻰ، ﺋﯩﺮﺍﺩﻩ ﻛﯜﭼﯩﻤﯘ ﺋﺎﺟﯩﺰﻻﻳﺪﯗ.
ﻛﯧﺴﻪﻟﻠﯩﻜﻨﻰ ﺩﺍﯞﺍﻻﺷﻨﯩﯔ ﺩﻩﺳﻠﻪﭘﻜﻰ ﻣﻪﺯﮔﯩﻠﯩﺪﻩ ﺑﯚﺭﻩﻛﻨﻰ ﻗﯘﯞﯞﻩﺗﻠﻪﻳﻤﻪﻥ ﺩﻩﭖ ﻣﺎﺩﺩﯨﺘﯩﻞ ﮬﺎﻳﺎﺕ، ﻟﯘﺑﯘﺑﻰ ﻛﻪﺑﯩﺮ ﺩﯦﮕﻪﻧﺪﻩﻙ ﻛﯜﭼﻠﯜﻙ ﺩﻭﺭﯨﻼﺭﻧﯩﻤﯘ ﺋﯩﺴﺘﯩﻤﺎﻝ ﻗﯩﻠﯩﭗ ﻳﺎﻟﻠﯘﻏﻠﯩﻨﯩﺸﻨﻰ ﻛﯜﭼﻪﻳﺘﯩﯟﯦﺘﯩﺸﺘﯩﻦ ، ﺷﻪﮬﯟﻩﺕ ﻗﻮﺯﻏﯩﻐﯘﭼﻰ ﺳﺎﻏﻼﻣﻠﯩﻖ ﻣﻪﮬﺴﯘﻻﺗﻠﯩﺮﻯ ﻧﺎﻣﯩﺪﺍ ﺳﯧﺘﯩﻠﯩﺪﯨﻐﺎﻥ ﺩﻭﺭﯨﻼﺭﻧﻰ ﺋﯩﺸﻠﯩﺘﯩﭗ ﺑﯚﺭﻩﻙ ﺑﯧﺴﯩﻤﯩﻨﻰ ﺋﯧﻐﯩﺮﻻﺷﺘﯘﺭﯞﯦﺘﯩﺸﺘﯩﻦ ﺳﺎﻗﻠﯩﻨﯩﺶ ﻛﯧﺮﻩﻙ. ﻛﻪﭘﺘﻪﺭ ﺷﻮﺭﭘﯩﺴﻰ، ﭘﺎﻗﻼﻥ ﺷﻮﺭﭘﯩﺴﻰ، ﻧﺎﺭﯨﻦ ﭼﯚﭖ، ﻗﻮﻟﯩﺪﺍ ﺋﯩﺸﻠﯩﮕﻪﻥ ﻳﻪﺭﻟﯩﻚ ﺋﯜﮔﺮﻩ ﻗﺎﺗﺎﺭﻟﯩﻖ ﻗﯘﯞﯞﻩﺗﻠﯩﻚ، ﻟﯩﻜﯩﻦ ﺳﯧﯖﯩﺸﻠﯩﻖ ﺳﯜﻳﯜﻕ-ﺳﻪﻟﻪﯓ ﺗﺎﻣﺎﻗﻼﺭﻧﻰ ﺋﯩﺴﺘﯩﻤﺎﻝ ﻗﯩﻠﺴﺎ ﺩﻭﺭﯨﻨﯩﯔ ﺋﯜﻧﯜﻣﯩﻨﻰ ﺑﯩﺮ ﮬﻪﺳﺴﻪ ﻳﯘﻗﯘﺭﻯ ﻛﯚﺗﯜﺭﮔﯩﻠﻰ ﺑﻮﻟﯩﺪﯗ. ﻗﻮﺭﯨﻐﺎﻥ ﺗﺎﻣﺎﻗﻼﺭﻧﻰ ﺋﯩﻤﻜﺎﻥ ﺑﺎﺭ ﺑﯩﺮ ﻣﻪﺯﮔﯩﻞ ﭘﻪﺭﮬﯩﺰ ﺗﯘﺗﯩﺸﻰ ﺋﻪﮔﻪﺭ ﻣﻮﻣﻜﯩﻦ ﺑﻮﻟﻤﯩﺴﺎ ﺗﺎﻣﺎﻗﻘﺎ ﻛﺎﻻ ﮔﯚﺷﻰ ﺋﯩﺸﻠﻪﺗﻤﻪﻱ ﻗﻮﻱ ﮔﯚﺷﻰ ﻳﺎﻛﻰ ﻛﻪﭘﺘﻪ، ﺗﻮﺧﯘ ﮔﯚﺷﻰ ﺋﯩﺸﻠﻪﺗﺴﻪ ﺑﻮﻟﯩﺪﯗ.
ﺋﻪﺭﻟﯩﺮﻯ ﻣﯘﺷﯘ ﻛﯧﺴﻪﻟﻠﻪﺭﮔﻪ ﮔﯩﺮﯨﭙﺘﺎﺭ ﺑﻮﻟﻐﺎﻧﺪﺍ ﺋﺎﻳﺎﻟﻼﺭﻧﯩﯔ ﺯﯨﻴﺎﺩﻩ ﻣﯩﮭﺮﯨﺒﺎﻟﯩﻖ ﻛﯚﺭﺳﯩﺘﯩﺸﻰ ، ﺋﻪﺭﻟﯩﺮﯨﻨﻰ ﺋﺎﺳﺮﯨﺸﻰ، ﺭﻭﮬﯩﻲ ﺟﻪﮬﻪﺗﺘﻪ ﻣﻪﺩﻩﺕ ﺑﯩﺮﯨﺸﻰ ﺑﯘ ﻛﯧﺴﻪﻟﻠﻪﺭﻧﯩﯔ ﺗﯧﺰﺭﺍﻕ ﺳﺎﻗﯩﻴﺸﯩﻐﺎ ﺗﯜﺭﯛﺗﻜﻪ ﺑﻮﻟﯩﺪﯗ.
ﻣﻪﺯﻯ ﺑﯧﺰﻯ، ﺳﯜﻳﺪﯛﻙ ﻳﻮﻟﯩﺪﯨﻜﻰ ﻳﺎﻟﻠﯘﻏﻠﯩﻨﯩﺸﻼﺭ ﻳﺎﺧﺸﯩﻼﻧﻐﺎﻧﺪﯨﻦ ﻛﯩﻴﯩﻦ ﺑﯚﺭﻩﻛﻨﻰ ﻳﺎﺧﺸﯩﻼﺵ ﻣﻪﻗﺴﯩﺘﯩﺪﻩ ﻗﯘﯞﯞﻩﺕ ﺩﻭﺭﯨﻠﯩﺮﯨﻨﻰ-ﻣﺎﺩﺩﯨﺘﯩﻞ ﮬﺎﻳﺎﺕ، ﻟﯘﺑﯘﺑﻰ ﻛﻪﺑﯩﺮ ﺩﯦﮕﻪﻧﺪﻩﻛﻠﻪﺭﻧﻰ، ﻛﺎﯞﺍﭖ، ﭘﻮﻟﻮﻻﺭﻧﻰ ﻳﻪﭖ ﻗﻮﻳﺴﺎ ﺑﻪﺩﻩﻥ ﻗﯘﯞﯞﯦﺘﯩﻨﯩﯔ ﻳﺎﺧﺸﯩﻠﯩﻨﯩﺸﻐﺎ ﭘﺎﻳﺪﯨﺴﻰ ﺯﻭﺭ.
ﺋﯚﭘﻜﻪ ﻳﺎﻟﻠﯘﻏﻰ، ﺋﯚﭘﻜﻪ ﺗﯧﺒﯘﺭﻛﻮﻟﻴﯘﺯ، ﺯﯦﻘﻘﻪ ﺩﯦﮕﻪﻧﺪﻩﻙ ﻧﻪﭘﻪﺱ ﻳﻮﻟﻰ ﻛﯧﺴﻪﻟﻠﯩﻜﻠﯩﺮﯨﺪﻩ ﺗﻮﭘﺎ -ﭼﺎﯓ، ﺋﯩﺲ-ﺗﯜﺗﻪﻙ، ﺯﯨﻴﺎﺩﻩ ﺳﻮﻏﯘﻕ ﻳﺎﻛﻰ ﺋﯩﺴﺴﯩﻖ ﮬﺎﯞﺍ ﻣﻮﮬﯩﺘﻰ ﻳﺎﺧﺸﻰ ﺋﻪﻣﻪﺱ. ﺋﺎﭼﭽﯩﻖ-ﭼﯜﭼﯜﻙ -ﻻﺯﺍ-ﺋﺎﭼﭽﯩﻘﺴﯘ، ﮬﺎﺭﻕ-ﺗﺎﻣﺎﻛﺎ، ﭘﯩﺠﻮ-ﻛﻮﻻ ..ﻗﺎﺗﺎﺭﻟﯩﻖ ﺳﻮﻏﯘﻕ ﻳﻪﻟﻠﯩﻜﻠﻪﺭﺩﯨﻦ، ﻗﺎﺭﺍ-ﻣﯘﭺ، ﺋﺎﻕ-ﻣﯘﭺ، ﻛﺎﯞﺍﯞﯨﭽﯩﻦ ﺩﯦﮕﻪﻧﺪﻩﻙ ﻏﯩﺪﯨﻘﻠﯩﻐﯘﭼﻰ ﺩﻭﺭﺍ-ﺩﻩﺭﻣﻪﻛﻠﻪﺭﺩﯨﻦ ﭘﻪﺭﮬﯩﺰ ﺗﯘﺗﯘﭖ ﺑﻪﺭﺳﻪ ﺋﯜﻧﯜﻣﻰ ﻳﺎﺧﺸﻰ.
ﻛﻪﭘﺘﻪﺭ، ﭘﺎﻗﻼﻥ ﺷﻮﺭﭘﯩﺴﻰ، ﭼﺎﻣﻐﯘﺭ، ﭘﺎﻟﻪﻙ، ﻗﯩﺰﯨﻞ ﮔﯜﻟﻘﻪﻧﺖ، ﮬﻪﺳﻪﻝ ﻗﺎﺗﺎﺭﻟﯩﻘﻼﺭﻧﻰ ﺋﯩﺴﺘﯩﻤﺎﻝ ﻗﯩﻠﯩﭗ ﺑﻪﺭﺳﻪ ﻛﯧﺴﻪﻟﻠﯩﻜﻨﻰ ﺩﺍﯞﺍﻻﺷﺘﺎ ﺗﯩﺰ ﺋﯜﻧﯜﻣﮕﻪ ﺋﯩﺮﯨﺸﻪﻟﻪﻳﺪﯗ.
ﺋﺎﻳﺎﻟﻼﺭ ﻛﯧﺴﻪﻟﻠﯩﻜﻠﯩﺮﮔﻪ ﺩﻭﺭﺍ ﺋﯩﺴﺘﯩﻤﺎﻝ ﻗﯩﻠﻐﺎﻧﺪﯨﻤﯘ ﺋﺎﭼﭽﯩﻖ، ﺳﻮﻏﯘﻕ ﻳﻪﻟﻠﯩﻜﻠﻪﺭﺩﯨﻦ ﭘﻪﺭﮬﯩﺰ ﺗﯘﺗﯘﺵ ﻛﯧﺮﻩﻙ. ﺗﻮﺧﯘ ، ﻛﺎﻻ ﮔﯚﺷﻠﯜﻙ ﻗﻮﺭﯗﻣﺎ ، ﻛﺎﻻ ﮔﯚﺷﻠﯜﻙ ﺋﯜﮔﺮﻩ، ﻟﻪﯕﭙﯘﯓ-ﺭﺍﯕﭙﯩﺰﺍ، ﻗﯧﺘﯩﻖ، ﭼﻮﻛﺎ ﻣﯘﺯ، ﺩﻭﻍ-ﻗﺎﺩﺍ، ﻣﺎﺭﻭﮊﻧﺎ ،ﺗﻮﯕﻼﺗﻘﯘﺩﺍ ﻣﯘﺯﻻﺗﻘﺎﻥ ﺋﯩﭽﯩﻤﻠﯩﻜﻠﻪﺭﺩﯨﻦ ﭘﻪﺭﮬﯩﺰ ﺗﯘﺗﯘﺷﻰ ﻛﯩﺮﻩﻙ.
ﺋﯘﺩﯗﻝ ﻛﻪﻟﮕﻪﻧﺪﻩ ﺷﯘﻧﯩﻤﯘ ﺩﻩﭖ ﻗﻮﻳﯘﺵ ﺯﯙﺭﯛﺭ ﺑﻮﻟﯩﺪﯗﻛﻰ -ﺋﺎﻳﺎﻟﻼﺭﻧﯩﯔ ﻳﯘﻗﯘﺭﺩﺍ ﺋﯩﻴﺘﯩﻠﻐﺎﻥ ﻳﻪﻟﻠﯩﻚ ﻳﯩﻤﻪﻙ ﺋﯩﭽﻤﻪﻛﻠﻪﺭﻧﻰ ﻛﯚﭖ ﺋﯩﺴﺘﯩﻤﺎﻝ ﻗﯩﻠﯩﺸﻰ ﻧﻪﺗﯩﺠﯩﺴﯩﺪﻩ ( ﺋﻪﻟﯟﻩﺗﺘﻪ ﺗﺎﺯﯨﻠﯩﻖ ، ﺗﯘﺭﻣﯘﺵ ﺋﺎﺩﻩﺗﻠﯩﺮﯨﺪﯨﻜﻰ ﻧﯘﻗﺴﺎﻧﻼﺭﻧﯩﻤﯘ ﻳﻮﻕ ﺩﯦﮕﯩﻠﻰ ﺑﻮﻟﻤﺎﻳﺪﯗ). ﺑﺎﻟﻴﺎﺗﻘﯘ، ﺋﻪﻣﭽﻪﻙ ﺭﺍﻛﻰ، ﺋﯚﺳﻤﯩﺴﻰ، ﺑﺎﻟﻴﺎﺗﻘﯘ ﺯﯦﺪﯨﺴﻰ ، ﻳﺎﻟﻠﯘﻏﻰ، ﺋﯩﺸﺸﯘﻕ ، ﺋﺎﻕ ﺧﯘﻥ ﻛﯚﭖ ﺑﻮﻟﯘﺵ، ﺗﯘﻏﻤﺎﺳﻠﯩﻖ، ﻗﺎﻥ ﺋﺎﺯﻟﯩﻖ ﻗﺎﺗﺎﺭﻟﯩﻖ ﻛﯧﺴﻪﻟﻠﻪﺭ ﺋﺎﻳﺎﻟﻼﺭﻧﻰ ﻗﯩﻴﻨﯩﻤﺎﻗﺘﺎ.
ﺑﻪﺯﯨﻠﻪﺭﻧﯩﯔ ﻗﺎﺭﯨﺸﯩﭽﻪ ﮬﺎﺯﯨﺮ80-90 % ﺋﺎﻳﺎﻟﻼﺭﺩﺍ ﺋﺎﻳﺎﻟﻼﺭ ﻛﯧﺴﻪﻟﻠﯩﺮﻯ ﺋﺎﺯﺩﯗﺭ-ﻛﯚﭘﺘﯘﺭ ﻣﻪﯞﺟﯘﺕ. ﺳﺎﻕ ﺩﻩﭖ ﻗﺎﺭﯨﻠﯩﯟﺍﺗﻘﺎﻥ 10 % ﺋﺎﻳﺎﻟﻼﺭﻣﯘ ﮔﯘﻣﺎﻧﻠﯩﻖ.
ﺑﯘ ﮬﻪﻗﻘﯩﺪﻩ ﺑﯩﺮﻩﺭ ﻛﯩﺘﺎﺏ ﻳﺎﺯﺳﺎﻕ ﺋﺎﻳﺎﻟﻼﺭ ﺳﺎﻏﻼﻣﻠﯩﻘﻰ ﺑﯩﻠﻪﻥ ﺯﯦﭻ ﻣﯘﻧﺎﺳﯩﯟﯦﺘﻠﯩﻚ ﺑﻮﻟﻐﺎﻥ ﻏﯩﺰﺍ، ﺗﯘﺭﻣﯘﺵ ﺋﺎﺩﯨﺘﻰ، ﺋﻪﺧﻼﻕ، ﻛﯩﻴﯩﻢ -ﻛﯩﭽﻪﻙ ﮬﻪﻗﻘﯩﺪﻩ ﺋﺎﺯ ﺑﻮﻟﻤﯩﻐﺎﻥ ﻣﻪﺯﻣﯘﻧﻼﺭ ﺑﺎﻳﺎﻥ ﻗﯩﻠﯩﻨﯩﺸﻰ ﻣﻮﻣﻜﯩﻦ. ﺋﯩﻤﻜﺎﻥ ﻳﺎﺭ ﺑﻪﺭﺳﻪ ﻣﯘﺷﯘ ﺗﺎﻏﺪﯨﻦ ﺑﺎﻏﺪﯨﻦ ﺑﺎﻳﺎﻥ ﻗﯩﻠﯩﻨﯩﯟﺍﺗﻘﺎﻥ ﺗﯧﻤﯩﻤﯩﺰﺩﺍ ﺑﯘ ﮬﻪﻗﺘﻪ ﺗﻪﭘﺴﯩﻠﯩﻴﺮﻩﻙ ﺗﻮﺧﺘﯩﻼﻣﯩﺰ.
ﺋﺎﻳﺎﻟﻼﺭ ﻛﯧﺴﻪﻟﻠﯩﺮﯨﮕﻪ ﺩﺍﯞﺍﻻﻧﻐﺎﻧﺪﺍ
ﺷﻮﺭﭘﺎ ﺗﯜﺭﯨﺪﯨﻜﻰ ﺗﺎﻣﺎﻗﻼﺭﻧﻰ ﻛﯚﭘﺮﻩﻙ ﺋﯩﺴﺘﯩﻤﺎﻝ ﻗﯩﻠﯩﭗ ﺑﯩﺮﯨﺸﻰ، ﻛﯩﻨﺪﯨﻚ ﺋﺎﺳﺘﯩﻐﺎ ﺷﻮﺭ ﺗﯘﺯﻧﻰ ﻗﯩﺰﺯﯨﺘﯩﭗ ﻳﻪﺭﻟﯩﻚ ﺋﯘﺳﯘﻟﺪﺍ ﺋﯩﺴﺴﯩﻖ ﺋﯚﺗﻜﯜﺯﯛﭖ ﺑﻪﺭﺳﻪ ﺋﯩﺴﺘﯩﻤﺎﻝ ﻗﯩﻠﯩﯟﺍﺗﻘﺎﻥ ﺩﻭﺭﺍ ﺋﯜﻧﯜﻣﯩﻨﻰ ﺋﺎﺷﯘﺭﻏﯩﻠﻰ، ﻛﯧﺴﻪﻟﻠﯩﻜﻨﯩﯔ ﺋﯧﻐﯩﺮﻻﭖ ﻛﯧﺘﯩﺸﯩﻨﻰ ﺗﻮﺳﯘﭖ ﻗﺎﻟﻐﯩﻠﻰ ﺑﻮﻟﯩﺪﯗ.
ﻳﯜﺭﻩﻙ ﻛﯧﺴﻪﻟﻠﯩﺮﯨﮕﻪ ﺩﻭﺭﺍ ﻗﯩﻠﻐﺎﻧﺪﺍ ﮔﯚﺵ ﺷﻮﺭﭘﯩﻼﺭﺩﯨﻦ ، ﻗﯘﯞﯞﻩﺗﻠﯩﻚ ﻳﯧﻤﻪﻛﻠﯩﻜﻠﻪﺭﺩﯨﻦ ﭘﻪﺭﮬﯩﺰ ﺗﯘﺗﯘﺷﻰ، ﻗﺎﺭﺍ ﻣﻮﺭ، ﭼﯩﯖﺴﻪﻱ، ﭘﺎﻟﻪﻙ، ﭘﻪﻣﯩﺪﯗﺭ (ﺷﻮﺧﻼ) ﺗﯜﺭﯨﺪﯨﻜﻰ ﻛﯚﻛﺘﺎﺕ، ﺷﺎﭘﺘﯘﻝ (ﺷﺎﭘﺘﯘﻝ ﻗﯧﻘﻰ) ، ﭼﯩﻼﻥ، ﺋﺎﭘﻠﯩﺴﯩﻦ، ﻗﻮﻏﯘﻥ-ﺗﺎﯞﯗﺯ ، ﮬﻪﺳﻪﻝ ﻗﺎﺗﺎﺭﻟﯩﻘﻼﺭﻧﻰ ﺋﯩﺴﺘﯩﻤﺎﻝ ﻗﯩﻠﯩﭗ ﺑﻪﺭﺳﻪ ﺩﺍﯞﺍﻻﺵ ﺋﯜﻧﯜﻣﯩﻨﻰ ﻳﯘﻗﯘﺭﻯ ﻛﯚﺗﯜﺭﮔﯩﻠﻰ ، ﻳﯜﺭﻩﻙ ﻗﻮﺯﻏﯘﻟﯘﺵ ﻗﯧﺘﯩﻢ ﺳﺎﻧﯩﻨﻰ ﺋﺎﺯﺍﻳﺘﻘﯩﻠﻰ ﺑﻮﻟﯩﺪﯗ.
بەت:
[1]