ﺋﺎﻛﺴﯩﻴﻪ ﺑﺎﺯﯨﺮﻯ ﯞﻩ ﻣﻪﺑﻠﻪﻍ ﺳﯧﻠﯩﺶ ﻣﺎﮬﺎﺭﻩﺗﻠ
ﺭﺍﺩﯨﺌﻮ ﺋﯩﺴﺘﺎﻧﺴﯩﺴﻰ ﺧﻪﯞﻩﺭﻟﻪﺭ ﺗﻮﺭﻯ ﺧﻪﯞﯨﺮﻯ:- 1986ﻳﯩﻠﻰ ﺷﺎﯕﺨﻪﻳﺪﻩ ﺗﯘﻧﺠﻰ ﺋﺎﻛﺴﯩﻴﻪ ﺑﺎﺯﯨﺮﻯ ﻗﯘﺭﯗﻟﯘﭖ، "ﺷﯩﻨﺨﯘﺍ ﻛﯘﯕﮕﯘ"، "ﺋﻪﻳﺠﻴﻪﻥ ﮔﯘﻓﯧﻦ" ﻗﺎﺗﺎﺭﻟﯩﻖ ﺋﺎﻟﺘﻪ ﭘﺎﻳﭽﯧﻜﻰ ﺑﺎﺯﺍﺭﻏﺎ ﺳﯧﻠﯩﻨﻐﺎﻧﺪﯨﻦ ﺑﺎﺷﻼﭖ ﻫﺎﺯﯨﺮﻏﯩﭽﻪ ﺋﯧﻠﯩﻤﯩﺰ ﺋﺎﻛﺴﯩﻴﻪ ﺑﺎﺯﯨﺮﻯ 20 ﻳﯩﻠﻠﯩﻖ ﺗﻪﺭﻩﻗﻘﯩﻴﺎﺗﻨﻰ ﺑﯧﺴﯩﭗ ﺋﯚﺗﯜﭖ، ﺑﯘ ﻳﯩﻞ 9- ﺋﺎﻳﻐﺎ ﻛﻪﻟﮕﯩﭽﻪ، ﺋﺎﻛﺴﯩﻴﻪ ﺑﺎﺯﯨﺮﻯ ﺷﺎﯕﺨﻪﻱ ﺋﺎﻛﺴﯩﻴﻪ ﺑﺎﺯﯨﺮﻯ، ﺷﯧﻨﺠﯧﻦ ﺋﺎﻛﺴﯩﻴﻪ ﺑﺎﺯﯨﺮﯨﺪﯨﻦ ﺋﯩﺒﺎﺭﻩﺕ ﺋﯩﻜﻜﯩﮕﻪ، ﺑﯘ ﺑﺎﺯﺍﺭﺩﺍ ﭘﯧﻴﯩﻨﻰ ﺑﺎﺯﺍﺭﻏﺎ ﺳﺎﻟﻐﺎﻥ ﻛﺎﺭﺧﺎﻧﯩﻼﺭ 1600ﺩﯨﻦ ﻛﯚﭘﺮﻩﻛﻜﻪ ﻳﻪﺗﺘﻰ. ﻧﯚﯞﻩﺗﺘﻪ ﺟﻪﻣﺌﯩﻴﻪﺗﻨﯩﯔ ﺗﻪﺭﻩﻗﻘﯩﻴﺎﺕ ﻳﯜﺯﻟﯩﻨﯩﺸﯩﺪﯨﻦ ﻗﺎﺭﺍﻳﺪﯨﻐﺎﻥ ﺑﻮﻟﺴﺎﻕ، ﻫﺎﺯﯨﺮ ﺑﺎﺭ ﺑﻮﻟﻐﺎﻥ ﺑﻪﺵ ﺧﯩﻞ ﻣﻪﺑﻠﻪﻍ ﺳﯧﻠﯩﺶ ﺑﺎﺯﯨﺮﻯ ﻳﻪﻧﻰ ﭘﯘﻝ ﻣﯘﺋﺎﻣﯩﻠﻪ ﺑﺎﺯﯨﺮﻯ، ﺋﺎﻛﺴﯩﻴﻪ ﺑﺎﺯﯨﺮﻯ، ﺗﺎﺷﻘﻰ ﭘﯧﺮﯦﯟﻭﺕ ﺑﺎﺯﯨﺮﻯ، ﻗﻪﺭﻩﺭﻟﯩﻚ ﻣﺎﻝ ﺑﺎﺯﯨﺮﻯ، ﺋﺎﻟﺘﯘﻥ ﺑﺎﺯﯨﺮﻯ ﺋﯩﭽﯩﺪﻩ ﺋﺎﻛﺴﯩﻴﻪ ﺑﺎﺯﯨﺮﯨﻨﯩﯔ ﺗﻪﺭﻩﻗﻘﯩﻴﺎﺗﻰ ﺗﯧﺰ، ﺟﻪﻟﭗ ﻗﯩﻠﯩﺶ ﻛﯜﭼﻰ ﻛﯜﭼﻠﯜﻙ، ﻗﺎﭘﻼﺵ ﺩﺍﺋﯩﺮﯨﺴﻰ ﻛﻪﯓ ﺑﻮﻟﯘﺷﺘﻪﻙ ﺋﺎﻻﻫﯩﺪﯨﻠﯩﻜﻜﻪ ﺋﯩﮕﻪ ﺑﻮﻟﯘﭖ، ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯧﺮﻯ ﺑﯘ ﺑﺎﺯﺍﺭﻏﺎ ﻗﯩﺰﯨﻘﯩﯟﺍﺗﻘﺎﻧﻼﺭ ﻛﯜﻧﺪﯨﻦ ﻛﯜﻧﮕﻪ ﻛﯚﭘﻪﻳﻤﻪﻛﺘﻪ.
·ﻣﻪﻣﻠﯩﻜﯩﺘﯩﻤﯩﺰﺩﻩ ﻧﯚﯞﻩﺗﺘﻪ ﺷﺎﯕﺨﻪﻱ ﺋﺎﻛﺴﯩﻴﻪ ﺑﺎﺯﯨﺮﻯ ﯞﻩ ﺷﯧﻨﺠﯧﻦ ﺋﺎﻛﺴﯩﻴﻪ ﺑﺎﺯﯨﺮﯨﺪﯨﻦ ﺋﯩﺒﺎﺭﻩﺕ ﺋﯩﻜﻜﻰ ﺋﺎﻛﺴﯩﻴﻪ ﺑﺎﺯﯨﺮﻯ ﺑﺎﺭ. ﭘﺎﻳﭽﯧﻜﻼﺭ ﻗﻮﻟﯩﺪﯨﻜﻰ ﭘﺎﻱ ﭼﻪﻛﻠﯩﺮﯨﻨﻰ ﺳﯧﺘﯩﯟﯦﺘﯩﺸﻨﻰ ﻳﺎﻛﻰ ﺑﺎﺷﻘﺎ ﺷﯩﺮﻛﻪﺗﻠﻪﺭﻧﯩﯔ ﭘﺎﻱ ﭼﻪﻛﻠﯩﺮﯨﻨﻰ ﺳﯧﺘﯩﯟﯦﻠﯩﺸﻨﻰ ﺧﺎﻟﯩﺴﺎ، ﻳﯘﻗﺎﺭﻗﻰ ﺋﯩﻜﻜﻰ ﺑﺎﺯﺍﺭ ﺋﺎﺭﻗﯩﻠﯩﻖ ﺳﻮﺩﯨﻨﻰ ﭘﯜﺗﺘﯜﺭﯨﺪﯗ. ﻳﻪﻧﻰ، ﺷﺎﯕﺨﻪﻱ ﺋﺎﻛﺴﯩﻴﻪ ﺑﺎﺯﯨﺮﯨﺪﺍ ﺳﯧﺘﯩﯟﺍﻟﻐﺎﻥ ﭘﺎﻱ ﭼﯧﻜﯩﻨﻰ ﺷﺎﯕﺨﻪﻱ ﺋﺎﻛﺴﯩﻴﻪ ﺑﺎﺯﯨﺮﯨﺪﺍ ﺳﺎﺗﯩﺪﯗ. ﺷﯧﻨﺠﯧﻦ ﺋﺎﻛﺴﯩﻴﻪ ﺑﺎﺯﯨﺮﯨﺪﺍ ﺳﯧﺘﯩﯟﺍﻟﻐﺎﻥ ﭘﺎﻱ ﭼﯧﻜﯩﻨﻰ ﺷﯧﻨﺠﯧﻦ ﺋﺎﻛﺴﯩﻴﻪ ﺑﺎﺯﯨﺮﯨﺪﺍ ﺳﺎﺗﯩﺪﯗ، ﺋﯩﻜﻜﯩﺴﯩﻨﻰ ﺋﺎﻟﻤﺎﺷﺘﯘﺭﯗﭖ ﺳﯧﺘﯩﺸﻘﺎ ﺑﻮﻟﻤﺎﻳﺪﯗ. ﭘﺎﻱ ﭼﯧﻜﻰ ﺑﺎﺯﯨﺮﯨﻐﺎ ﺑﯩﯟﺍﺳﺘﻪ ﻛﯩﺮﯨﺸﻜﻪ ﺑﻮﻟﻤﺎﻳﺪﯗ، ﭘﻪﻗﻪﺕ ﭘﺎﻱ ﭼﯧﻜﻰ ﯞﺍﺳﺘﯩﭽﻰ ﺷﯩﺮﻛﻪﺗﻠﯩﺮﯨﻨﯩﯔ ﯞﺍﺳﺘﯩﺴﻰ ﺋﺎﺭﻗﯩﻠﯩﻖ ﺳﻮﺩﺍ ﭘﯜﺗﺘﯜﺭﻟﯩﺪﯗ. ﭘﯧﻴﯩﻨﻰ ﺑﺎﺯﺍﺭﻏﺎ ﺳﺎﻟﻤﺎﻗﭽﻰ ﺑﻮﻟﻐﺎﻥ ﺷﯩﺮﻛﻪﺗﻠﻪﺭﻣﯘ ﭘﺎﻱ ﭼﯧﻜﻰ ﯞﺍﺳﺘﯩﭽﻰ ﺷﯩﺮﻛﻪﺗﻠﯩﺮﻯ ﺋﺎﺭﻗﯩﻠﯩﻖ ﭘﺎﻱ ﭼﻪﻛﻠﯩﺮﯨﻨﻰ ﺑﺎﺯﺍﺭﻏﺎ ﺳﯧﻠﯩﭗ ﻣﻪﺑﻠﻪﻍ ﺗﻮﭘﻼﻳﺪﯗ.
·ﺗﯘﻧﺠﻰ ﻗﯧﺘﯩﻢ ﺑﺎﺯﺍﺭﻏﺎ ﻛﯩﺮﻣﻪﻛﭽﻰ ﺑﻮﻟﻐﺎﻥ ﻣﻪﺑﻠﻪﻍ ﺳﺎﻟﻐﯘﭼﯩﻼﺭ ﺋﺎﻟﺪﻯ ﺑﯩﻠﻪﻥ ﻛﯩﻤﻠﯩﻜﯩﻨﯩﯔ ﻛﯚﭘﻪﻳﺘﯩﻠﮕﻪﻥ ﻧﯘﺳﺨﯩﺴﯩﻨﻰ ﺋﯧﻠﯩﭗ ﺋﺎﻛﺴﯩﻴﻪ ﻣﻪﺑﻠﻪﻍ ﺳﯧﻠﯩﺶ ﺷﯩﺮﻛﯩﺘﯩﻨﯩﯔ ﺷﯘ ﺟﺎﻳﺪﺍ ﺗﯘﺭﯗﺷﻠﯘﻕ ﺋﯩﺶ ﺑﯧﺠﯩﺮﯨﺶ ﺋﻮﺭﻧﯩﻐﺎ ﻛﯧﻠﯩﭗ ﻫﯧﺴﺎﭖ ﺋﺎﭼﯩﺪﯗ. ﺋﺎﻧﺪﯨﻦ ﻛﺎﺭﺗﯩﺴﯩﻐﺎ ﭘﯘﻟﻨﻰ ﻛﯩﺮﮔﯜﺯﯛﭖ ﺳﻮﺩﺍ ﻗﯩﻠﯩﺸﻨﻰ ﺑﺎﺷﻠﯩﺴﺎ ﺑﻮﻟﯩﺪﯗ. ﻣﻪﺑﻠﻪﻏﻨﻰ ﺋﺎﻛﺴﯩﻴﻪ ﻫﯧﺴﺎﺑﯩﻐﺎ ﻳﺎﻛﻰ ﺋﺎﻛﺴﯩﻴﻪ ﻫﯧﺴﺎﺑﯩﺪﯨﻦ ﻛﺎﺭﺗﯩﻐﺎ ﻳﯚﺗﻜﻪﺵ ﻣﻪﺷﻐﯘﻻﺗﯩﻨﻰ ﺋﯚﺯﻯ ﻛﻮﻣﭙﻴﻮﺗﯧﺮﺩﺍ ﭘﯜﺗﺘﯜﺭﯨﺪﯗ، ﻣﻪﺷﻐﯘﻻﺕ ﺗﻪﺭﺗﯩﭙﻰ ﺋﯩﻨﺘﺎﻳﯩﻦ ﺋﺎﺩﺩﯨﻲ.
ﺑﺎﺯﺍﺭﻏﺎ ﻛﯩﺮﯨﺸﺘﻪ، ﺋﺎﻟﺪﻯ ﺑﯩﻠﻪﻥ ﺧﻪﻧﺰﯗ ﺗﯩﻠﻰ ﻫﻪﻡ ﻛﻮﻣﭙﻴﻮﺗﯧﺮ ﻣﻪﺷﻐﯘﻻﺗﯩﻐﺎ ﭘﯩﺸﺸﯩﻖ ﺑﻮﻟﯘﺵ، ﻣﺎﻟﯩﻴﻪ- ﺋﯩﻘﺘﯩﺴﺎﺩ ﻛﻪﺳﭙﯩﺪﯨﻦ ﺧﻪﯞﻩﺭﺩﺍﺭ ﺑﻮﻟﯘﺵ، ﻛﺎﺭﺧﺎﻧﯩﻼﺭﻧﯩﯔ ﻣﺎﻟﯩﻴﻪ ﺩﻭﻛﻼﺗﻠﯩﺮﯨﻨﻰ، ﻧﻪﻗﭽﻮﺕ ﺟﻪﺩﯞﻩﻟﻠﯩﺮﯨﻨﻰ ﻛﯚﺭﯛﭖ ﭼﯜﺷﯩﻨﻪﻟﻪﻳﺪﯨﻐﺎﻥ، ﺗﻪﻫﻠﯩﻞ ﻗﯩﻼﻻﻳﺪﯨﻐﺎﻥ ﺋﯩﻘﺘﯩﺪﺍﺭ ﺑﻮﻟﯘﺵ، ﺋﯚﺯﯨﻨﯩﯔ ﻗﻮﻟﯩﺪﺍ ﺋﯧﺸﯩﻨﭽﺎ ﻣﻪﺑﻠﯩﻐﻰ ﺑﻮﻟﯘﺵ ﻛﯧﺮﻩﻙ. ﺑﺎﺷﻘﯩﻼﺭﺩﯨﻦ ﺋﯚﺗﻨﻪ- ﻳﯧﺮﯨﻢ ﻗﯩﻠﯩﭗ، ﺑﺎﻧﻜﯩﺪﯨﻦ ﻗﻪﺭﺯ ﺋﯧﻠﯩﭗ ﻳﺎﻛﻰ ﺑﺎﺷﻘﯩﻼﺭ ﺑﯩﻠﻪﻥ ﺷﯩﺮﯨﻜﻠﯩﺸﯩﭗ ﭘﺎﻱ ﭼﯧﻜﻰ ﺳﯧﺘﯩﯟﯦﻠﯩﺸﻘﺎ ﻗﻪﺗﺌﯩﻲ ﺑﻮﻟﻤﺎﻳﺪﯗ. ﺑﻮﻟﯘﭘﻤﯘ ﺋﯚﺯﻯ ﺑﯘ ﺳﺎﻫﻪﮔﻪ ﻗﯩﺰﯨﻘﻤﺎﻱ، ﻳﺎﺧﺸﻰ ﺋﯜﮔﻪﻧﻤﻪﻱ، ﺑﺎﺯﺍﺭﻧﯩﯔ ﺋﯚﺯﮔﯩﺮﯨﺶ ﻗﺎﻧﯘﻧﯩﻴﯩﺘﯩﻨﻰ ﭼﯜﺷﻪﻧﻤﻪﻱ ﺗﯘﺭﯗﭖ ﺑﺎﺷﻘﯩﻼﺭﻏﺎ ﺋﻪﮔﯩﺸﯩﭗ ﺑﺎﺯﺍﺭﻏﺎ ﻛﯩﺮﯨﺶ ﺋﯩﻨﺘﺎﻳﯩﻦ ﺧﻪﺗﻪﺭﻟﯩﻚ. ﭼﯜﻧﻜﻰ، ﺑﯘ ﺑﺎﺯﺍﺭﻏﺎ ﻛﯩﺮﮔﻪﻧﻠﻪﺭﻧﯩﯔ ﻫﻪﻣﻤﯩﺴﯩﻨﯩﯔ ﭘﺎﻳﺪﺍ ﺋﺎﻻﻟﯩﺸﻰ ﻧﺎﺗﺎﻳﯩﻦ. ﺑﯩﺮ ﻗﯩﺴﻤﻰ ﭘﺎﻳﺪﺍ ﺋﺎﻟﺴﺎ، ﻳﻪﻧﻪ ﺑﯩﺮ ﻗﯩﺴﻤﻰ ﺯﯨﻴﺎﻥ ﺗﺎﺭﺗﯩﺪﯗ. ﺋﻮﻣﯘﻣﯩﻲ ﺟﻪﻫﻪﺗﺘﯩﻦ ﺋﯧﻴﺘﻘﺎﻧﺪﺍ ﺑﺎﺯﺍﺭ ﻣﯘﺷﯘ ﻗﺎﻧﯘﻧﯩﻴﻪﺕ ﺑﻮﻳﯩﭽﻪ ﻣﯩﻨﻮﺕ، ﺳﯧﻜﻮﻧﺖ ﺗﻮﺧﺘﯩﻤﺎﺳﺘﯩﻦ ﺋﺎﻳﻠﯩﻨﯩﭗ ﺗﯘﺭﯨﺪﯗ.
ﺋﺎﻛﺴﯩﻴﻪ ﺑﺎﺯﯨﺮﯨﻨﯩﯔ ﺟﻪﻟﭗ ﻗﯩﻠﯩﺶ ﻛﯜﭼﯩﻨﯩﯔ ﻳﯘﻗﯩﺮﻯ ﺑﻮﻟﯘﺷﯩﺪﯨﻜﻰ ﺋﺎﺳﺎﺳﯩﻲ ﺳﻪﯞﻩﭖ: ﺋﺎﺩﻩﺗﺘﻪ ﺑﯘ ﺑﺎﺯﺍﺭﺩﺍ ﭘﺎﻳﺪﺍ ﺋﺎﻟﻐﺎﻧﻼﺭ ﺋﺎﺯ، ﺯﯨﻴﺎﻥ ﺗﺎﺭﺗﻘﺎﻧﻼﺭ ﻛﯚﭖ ﺑﻮﻟﺴﯩﻤﯘ، ﺋﻪﻣﻤﺎ ﭘﺎﻳﺪﺍ ﺋﺎﻟﻐﺎﻧﻼﺭ ﻛﯚﭘﺮﻩﻙ ﺗﻪﺷﯟﯨﻖ ﻗﯩﻠﯩﻨﯩﺪﯗ ﻫﻪﻡ ﭘﺎﻳﺪﺍ ﺋﺎﻟﻐﺎﻧﻼﺭ ﺋﯚﺯ- ﺋﯚﺯﯨﻨﻰ ﻛﯚﭘﺘﯜﺭﯛﭖ ﺗﻪﺷﯟﯨﻖ ﻗﯩﻠﯩﺪﯗ. ﺯﯨﻴﺎﻥ ﺗﺎﺭﺗﻘﺎﻧﻼﺭ ﺗﻪﺷﯟﯨﻖ ﻗﯩﻠﯩﻨﻤﺎﻳﺪﯗ، ﺋﯘﻻﺭﻣﯘ ﺋﯚﺯ ﺋﻪﻫﯟﺍﻟﯩﻨﻰ ﻳﻮﺷﯘﺭﯨﺪﯗ، ﺷﯘﯕﺎ ﺑﯘ ﺑﺎﺯﺍﺭﺩﺍ ﭘﯘﺕ ﺗﯩﺮﻩﭖ ﺗﯘﺭﯗﺵ ﺋﯜﭼﯜﻥ، ﺋﯚﺯ ﺋﺎﻟﺪﯨﻐﺎ ﻣﯘﻛﻪﻣﻤﻪﻝ ﺑﻮﻟﻐﺎﻥ ﻣﻪﺑﻠﻪﻍ ﺳﯧﻠﯩﺶ ﺋﯘﺳﯘﻟﯩﻨﻰ ﺗﺎﭘﻤﺎﻱ ﺑﻮﻟﻤﺎﻳﺪﯗ.
·ﻧﯚﯞﻩﺗﺘﻪ ﺩﯙﻟﯩﺘﯩﻤﯩﺰ ﺋﺎﻛﺴﯩﻴﻪ ﺑﺎﺯﯨﺮﯨﻐﺎ ﺳﯧﻠﯩﻨﻐﺎﻥ ﭘﺎﻱ ﭼﻪﻛﻠﯩﺮﻯ ﺗﯚﯞﻩﻧﺪﯨﻜﯩﭽﻪ:
ﺑﯩﺮﯨﻨﭽﯩﺴﻰ، A ﺗﯩﭙﺘﯩﻜﻰ ﭘﺎﻱ ﭼﯧﻜﻰ، ﻳﻪﻧﻰ ﺩﯙﻟﯩﺘﯩﻤﯩﺰﺩﯨﻜﻰ ﺷﯩﺮﻛﻪﺗﻠﻪﺭﻧﯩﯔ ﭼﯧﮕﺮﺍ ﺋﯩﭽﯩﺪﯨﻜﻰ ﺋﻮﺭﮔﺎﻥ ﯞﻩ ﺷﻪﺧﺴﻠﻪﺭ ﺋﯜﭼﯜﻥ ﺗﺎﺭﻗﺎﺗﻘﺎﻥ، ﺧﻪﻟﻖ ﭘﯘﻟﻰ ﺋﺎﺭﻗﯩﻠﯩﻖ ﺳﻮﺩﯨﻠﯩﺸﯩﺪﯨﻐﺎﻥ ﭘﺎﻱ ﭼﯧﻜﯩﺪﯨﻦ ﺋﯩﺒﺎﺭﻩﺕ.
ﺋﯩﻜﻜﯩﻨﭽﯩﺴﻰ، B ﺗﯩﭙﺘﯩﻜﻰ ﭘﺎﻱ ﭼﯧﻜﻰ، ﻳﻪﻧﻰ ﺧﻪﻟﻖ ﭘﯘﻟﻰ ﺋﺎﻻﻫﯩﺪﻩ ﭘﺎﻱ ﭼﯧﻜﻰ ﺑﻮﻟﯘﭖ، ﺋﯘ، ﭘﺎﻱ ﭼﯧﻜﯩﻨﯩﯔ ﻗﯩﻤﻤﯩﺘﻰ ﺧﻪﻟﻖ ﭘﯘﻟﯩﺪﺍ ﻫﯧﺴﺎﭘﻠﯩﻨﯩﭗ، ﭼﻪﺕ ﺋﻪﻝ ﭘﯘﻟﻰ ﺋﺎﺭﻗﯩﻠﯩﻖ ﺳﻮﺩﺍ ﻗﯩﻠﯩﻨﯩﺪﯨﻐﺎﻥ ﭼﻪﺕ ﺋﻪﻝ ﻣﻪﺑﻠﯩﻐﻰ ﭘﯧﻴﯩﻨﻰ ﻛﯚﺭﺳﯩﺘﯩﺪﯗ.
ﺋﯜﭼﯩﻨﭽﯩﺴﻰ، H ﺗﯩﭙﺘﯩﻜﻰ ﭘﺎﻱ ﭼﯧﻜﻰ، ﻳﻪﻧﻰ ﺩﯙﻟﯩﺘﯩﻤﯩﺰ ﭼﻮﯓ ﻗﯘﺭﯗﻗﻠﯘﻗﯩﺪﺍ ﺗﯩﺰﯨﻤﻐﺎ ﺋﺎﻟﺪﯗﺭﯗﻟﻐﺎﻥ، ﺷﻴﺎﯕﮕﺎﯓ ﭘﺎﻱ ﭼﯧﻜﻰ ﺑﺎﺯﯨﺮﯨﺪﺍ ﺑﺎﺯﺍﺭﻏﺎ ﺳﯧﻠﯩﻨﻐﺎﻥ، ﭼﻪﺕ ﺋﻪﻝ ﻣﻪﺑﻠﯩﻐﻰ ﺑﯩﻠﻪﻥ ﻗﯘﺭﯗﻟﻐﺎﻥ ﻛﺎﺭﺧﺎﻧﯩﻼﺭ ﺗﺎﺭﻗﺎﺗﻘﺎﻥ ﭘﺎﻱ ﭼﯧﻜﻰ.
ﺋﯘﻧﯩﯖﺪﯨﻦ ﺑﺎﺷﻘﺎ ﻧﻴﯘ- ﻳﻮﺭﻙ ﭘﺎﻱ ﺑﺎﺯﯨﺮﯨﺪﺍ ﺑﺎﺯﺍﺭﻏﺎ ﺳﯧﻠﯩﻨﻐﺎﻥ N ﺗﯩﭙﺘﯩﻜﻰ ﭘﺎﻱ ﭼﯧﻜﻰ، ﺳﯩﻨﮕﺎﭘﻮﺭ ﭘﺎﻱ ﭼﯧﻜﻰ ﺑﺎﺯﯨﺮﯨﺪﺍ ﺑﺎﺯﺍﺭﻏﺎ ﺳﯧﻠﯩﻨﻐﺎﻥ S ﭘﺎﻱ ﭼﻪﻛﻠﯩﺮﯨﻤﯘ ﺑﺎﺭ.
ﺑﯩﺰ ﺋﺎﺩﻩﺗﺘﻪ ﻛﻮﻣﭙﻴﻮﺗﯧﺮﺩﯨﻦ ﭘﺎﻱ ﭼﯧﻜﻰ ﻣﻪﺷﻐﯘﻻﺕ ﺩﯦﺘﺎﻟﯩﻨﻰ ﻗﻮﺯﻏﯩﺘﯩﺪﯨﻐﺎﻥ ﺑﻮﻟﺴﺎﻕ ﻛﯚﺯ ﺋﺎﻟﺪﯨﻤﯩﺰﻏﺎ ﻧﯘﺭﻏﯘﻧﻠﯩﻐﺎﻥ ﺭﻩﯕﻠﯩﻚ ﺋﯩﺴﺘﯩﺮﯨﻠﻜﺎ، ﺋﻪﮔﺮﻯ- ﺑﯜﮔﺮﻯ ﺳﯩﺰﯨﻘﻼﺭ، ﺋﻪﺭﻩﭘﭽﻪ، ﺧﻪﻧﺰﯗﭼﻪ ﺭﻩﻗﻪﻣﻠﻪﺭ، ﺋﯧﻨﮕﯩﻠﯩﺰﭼﻪ ﻫﻪﺭﭖ، ﺑﻪﻟﮕﯩﻠﻪﺭ ﺯﺍﻫﯩﺮ ﺑﻮﻟﯩﺪﯗ، ﺋﻪﻣﻤﺎ ﺋﯘﻻﺭﻧﯩﯔ ﺋﯩﭽﯩﺪﻩ ﺑﯩﻜﺎﺭﻏﺎ ﻗﻮﻳﯘﭖ ﻗﻮﻳﯘﻟﻐﺎﻥ ﺑﯩﺮﻣﯘ ﺑﻪﻟﮕﻪ ﻳﻮﻕ، ﻫﻪﻣﻤﯩﺴﯩﻨﯩﯔ ﺋﯚﺯ ﺋﺎﻟﺪﯨﻐﺎ ﺑﯩﻠﺪﯛﺭﯛﺩﯨﻐﺎﻥ ﻣﻪﻧﯩﺴﻰ ﺑﻮﻟﯘﭖ، ﻣﻪﺑﻠﻪﻍ ﺳﺎﻟﻐﯘﭼﯩﻼﺭ ﺋﯜﭼﯜﻥ ﻣﯘﻻﺯﯨﻤﻪﺕ ﻗﯩﻠﯩﺪﯗ. ﻣﻪﺳﯩﻠﻪﻥ: ﯞﺍﻛﺎﻟﻪﺕ ﻧﻮﻣﯘﺭﯨﻨﯩﯔ ﺋﺎﻟﺪﯨﻐﺎ N ﺑﻪﻟﮕﯩﺴﻰ ﻗﻮﻳﯘﻟﻐﺎﻥ ﺑﻮﻟﺴﺎ، ﺷﯘ ﻛﯜﻧﻰ ﻳﯧﯖﯩﺪﯨﻦ ﺑﺎﺯﺍﺭﻏﺎ ﭼﯩﻘﻘﺎﻥ ﭘﺎﻱ ﺩﯦﮕﻪﻥ ﻣﻪﻧﯩﻨﻰ؛ S ﻫﻪﺭﯨﭙﻰ ﻗﻮﻳﯘﻟﻐﺎﻥ ﺑﻮﻟﺴﺎ، ﺑﺎﺭﻟﯩﻖ ﭘﺎﻳﻠﯩﺮﻯ ﺑﺎﺯﺍﺭﻏﺎ ﺳﯧﻠﯩﻨﻤﯩﻐﺎﻥ ﻛﺎﺭﺧﺎﻧﺎ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﯛﯨﺪﯗ. ST ﺑﻪﻟﮕﯩﺴﻰ ﻗﻮﻳﯘﻟﻐﺎﻥ ﺑﻮﻟﺴﺎ، ﺯﯨﻴﺎﻥ ﺗﺎﺭﺗﻘﺎﻥ ﻛﺎﺭﺧﺎﻧﺎ ﺋﯩﻜﻪﻧﻠﯩﻜﻠﯩﻨﻰ؛ ﺋﻪﮔﻪﺭ (ST ﻳﯘﻟﺘﯘﺯ) ﺑﻪﻟﮕﯩﺴﻰ ﻗﻮﻳﯘﻟﻐﺎﻥ ﺑﻮﻟﺴﺎ، ﺋﯘﺩﺍ ﺋﯜﭺ ﻳﯩﻞ ﺯﯨﻴﺎﻥ ﺗﺎﺭﺗﯩﭗ، ﺑﺎﺯﺍﺭﺩﯨﻦ ﭼﯧﻜﯩﻨﯩﺶ ﺧﻪﯞﭘﯩﮕﻪ ﺩﯗﭺ ﻛﻪﻟﮕﻪﻥ ﺧﻪﺗﻪﺭﻟﯩﻚ ﭘﺎﻱ ﭼﯧﻜﻰ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﯨﺪﯗ. ﺋﯧﻜﺮﺍﻧﺪﺍ ﻛﯚﺭﯛﻧﮕﻪﻥ ﻫﻪﺭ ﺧﯩﻞ ﺭﻩﯕﻠﻪﺭﺩﯨﻜﻰ ﺋﻪﮔﺮﻯ- ﺑﯜﮔﺮﻯ ﺳﯩﺰﯨﻘﻼﺭ ﭘﺎﻱ ﭼﯧﻜﻰ ﺑﺎﻫﺎ ﺋﻪﻫﯟﺍﻟﯩﻨﯩﯔ ﻛﯜﻧﻠﯜﻙ، ﻫﻪﭘﺘﯩﻠﯩﻚ، ﺋﺎﻳﻠﯩﻖ، ﻳﯩﻠﻠﯩﻖ ﺋﯚﺯﮔﯩﺮﯨﺶ ﺋﻪﻫﯟﺍﻟﯩﻨﻰ ﺑﯩﻠﺪﯛﺭﯨﺪﻯ.
·ﺋﺎﺩﻩﺗﺘﻪ ﻧﯘﺭﻏﯘﻥ ﻛﯩﺸﯩﻠﻪﺭﻧﯩﯔ ﺋﺎﻛﺴﯩﻴﻪ ﺑﺎﺯﯨﺮﯨﻐﺎ ﺑﻮﻟﻐﺎﻥ ﺗﻮﻧﯘﺷﻰ ﺗﺎﺯﺍ ﺋﺎﻳﺪﯨﯔ ﺋﻪﻣﻪﺱ. ﺋﯘﻻﺭ ﺋﺎﻛﺴﯩﻴﻪ ﺑﺎﺯﯨﺮﯨﻨﯩﯔ ﮔﯧﭙﯩﻨﻰ ﺋﺎﯕﻠﯩﺴﯩﻼ، ﺯﺍﻣﺎﻧﻰ ﺋﻪﯞﯞﻩﻟﺪﻩ ﭘﺎﻱ ﺑﺎﺯﯨﺮﯨﺪﺍ ﺯﯨﻴﺎﻥ ﺗﺎﺭﺗﯩﭗ ﺑﯩﻨﺎﺩﯨﻦ ﺳﻪﻛﺮﻩﭖ ﺋﯚﻟﯩﯟﺍﻟﻐﺎﻥ ﺋﺎﺩﻩﻣﻠﻪﺭﻧﯩﯔ ﺋﯧﭽﯩﻨﯩﺸﻠﯩﻖ ﺋﻪﻫﯟﺍﻟﯩﻨﻰ ﻛﯚﺯ ﺋﺎﻟﺪﯨﻐﺎ ﻛﻪﻟﺘﯜﺭﯛﭖ ﻗﻮﺭﻗﯘﭖ ﻛﯧﺘﯩﺪﯗ، ﺋﺎﻛﺴﯩﻴﻪ ﺑﺎﺯﯨﺮﯨﻨﻰ ﻗﺎﺭﺍﯕﻐﯘ ﺋﯚﯕﻜﯜﺭ ﻗﺎﺗﺎﺭﯨﺪﺍ ﻛﯚﺭﯨﺪﯗ. ﺑﻪﺯﻯ ﺋﺎﺩﻩﻣﻠﻪﺭ ﺑﻮﻟﺴﺎ، ﺋﺎﻛﺴﯩﻴﻪ ﺑﺎﺯﯨﺮﯨﻨﻰ ﺑﯩﺮ ﻛﯧﭽﯩﺪﯨﻼ ﺑﯧﻴﯩﭗ ﻣﯩﻠﻴﻮﻧﯧﺮ ﺑﻮﻟﯩﺪﯨﻐﺎﻥ ﺳﯩﻬﺮﻯ ﻛﺎﺭﺍﻣﻪﺗﻠﻪﺭﮔﻪ ﺋﯩﮕﻪ ﺩﻩﭖ ﻗﺎﺭﺍﭖ، ﻗﺎﺭﻏﯘﻻﺭﭼﻪ ﻣﻪﺑﻠﻪﻍ ﺳﯧﻠﯩﭗ، ﺋﺎﻗﯩﯟﻩﺗﺘﻪ ﺯﯨﻴﺎﻥ ﺗﺎﺭﺗﯩﯟﺍﻟﯩﺪﯗ-ﺩﻩ، ﺑﯘ ﺑﺎﺯﺍﺭﻏﺎ ﺋﯩﻜﻜﯩﻨﭽﻰ ﻳﻮﻟﯩﻤﺎﻳﺪﯗ. ﺋﻪﻣﻪﻟﯩﻴﻪﺗﺘﻪ، ﺑﯘ ﺑﺎﺯﺍﺭ ﺋﯘﻧﺪﺍﻕ ﻗﻮﺭﻗﯘﻧﯘﭼﻠﯘﻗﻤﯘ ﺋﻪﻣﻪﺱ. ﺋﯘ ﻫﻪﺭ ﻗﺎﻧﺪﺍﻕ ﺋﻪﺟﯩﺮ ﻗﯩﻠﻐﺎﻥ ﺋﺎﺩﻩﻣﮕﻪ ﺋﻪﺟﯩﺮﮔﻪ ﻻﻳﯩﻖ ﻧﻪﭖ ﺑﯧﺮﯨﺪﯨﻐﺎﻥ ﺋﺎﺩﯨﻞ ﺑﺎﺯﺍﺭ ﺑﻮﻟﯘﭖ،ﻫﻪﺭ ﻗﺎﻧﺪﺍﻕ ﺋﺎﺩﻩﻣﻨﻰ ﭼﻪﺗﻜﻪ ﻗﺎﻗﻤﺎﻳﺪﯗ. ﺋﻪﮔﻪﺭ ﺋﯚﺯﻯ ﺧﺎﻟﯩﺴﺎ ﺋﯚﻣﯜﺭ ﺑﻮﻳﻰ ﭘﺎﻱ ﭼﯧﻜﻰ ﺳﻮﺩﯨﺴﻰ ﺑﯩﻠﻪﻥ ﺷﯘﻏﯘﻟﻠﯩﻨﯩﭗ ﭘﯘﻝ ﺗﺎﭘﺴﺎ ﺑﻮﻟﯩﯟﯦﺮﯨﺪﯗ. ﻣﻪﺳﯩﻠﻪﻥ: ﺩﯗﻧﻴﺎﺩﺍ ﭼﻮﯓ ﻣﻪﺑﻠﻪﻍ ﺳﺎﻟﻐﯘﭼﻰ ﻛﺎﺗﺘﺎ ﺑﺎﻱ ﺑﺎﻓﯩﻦ ﺋﻪﭘﻪﻧﺪﻯ 11 ﻳﯧﺸﯩﺪﺍ 100 ﺩﻭﻟﻼﺭ ﺑﯩﻠﻪﻥ ﺑﺎﺯﺍﺭﻏﺎ ﻛﯩﺮﯨﭗ، ﻫﺎﺯﯨﺮﻗﻰ ﻣﯜﻟﻜﻰ 36 ﻣﯩﻠﻴﺎﺭﺩ ﺩﻭﻟﻼﺭﻏﺎ ﻳﻪﺗﻜﻪﻥ. ﺋﯘ ﻫﺎﺯﯨﺮ 70 ﻳﺎﺷﺘﯩﻦ ﺋﺎﺷﻘﺎﻥ ﺑﻮﻟﺴﯩﻤﯘ، ﺩﺍﯞﺍﻣﻠﯩﻖ ﻣﻪﺑﻠﻪﻍ ﺳﯧﻠﯩﺶ ﺑﯩﻠﻪﻥ ﺷﯘﻏﯘﻟﻠﯩﻨﯩﭗ، ﺩﯗﻧﻴﺎﻧﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﯨﻜﻰ ﻓﻮﻧﺪﻯ ﺟﻪﻣﺌﯩﻴﻪﺗﻠﻪﺭﮔﻪ ﭘﯘﻝ ﺋﯩﺌﺎﻧﻪ ﻗﯩﻠﯩﭗ ﻛﻪﻟﻤﻪﻛﺘﻪ. ﺩﯙﻟﯩﺘﯩﻤﯩﺰﺩﻩ ﺑﻮﻟﺴﺎ ﺧﯘﻧﻪﻧﻠﯩﻚ ﺑﯩﺮ ﻣﻪﺑﻠﻪﻍ ﺳﺎﻟﻐﯘﭼﻰ 300 ﻣﯩﯔ ﻳﯜﻩﻥ ﺑﯩﻠﻪﻥ ﺑﺎﺯﺍﺭﻏﺎ ﻛﯩﺮﯨﭗ، ﺑﻪﺵ ﻳﯩﻠﺪﺍ ﻣﻪﺑﻠﯩﻐﯩﻨﻰ 59 ﻣﯩﻠﻴﻮﻥ ﻳﯜﻩﻧﮕﻪ ﻳﻪﺗﻜﯜﺯﮔﻪﻥ. ﻣﺎﻧﺎ ﺑﯘ ﻛﯩﺸﯩﻠﻪﺭ ﻫﻪﺭﮔﯩﺰﻣﯘ ﺋﺎﻟﺘﯘﻥ ﺑﺎﺭﻣﺎﻗﻠﯩﻖ ﺋﻪﯞﻟﯩﻴﺎ ﺋﻪﻣﻪﺱ. ﺋﯘﻻﺭ، ﺑﺎﺯﺍﺭﻏﺎ ﻫﻪﻗﯩﻘﯩﻲ ﺋﻪﻗﯩﺪﻩ ﺑﺎﻏﻼﭖ، ﺗﯩﺮﯨﺸﯩﭗ- ﺗﯩﺮﻣﯩﺸﯩﭗ ﺋﯩﺰﺩﯨﻨﯩﭗ، ﺋﯜﮔﯩﻨﯩﭗ، ﺋﻪﺗﺮﺍﭘﻠﯩﻖ ﺑﯩﻠﯩﻢ ﺋﯩﮕﯩﻠﻠﻪﭖ، ﺋﯚﺯﯨﮕﻪ ﺧﺎﺱ ﻣﻪﺑﻠﻪﻍ ﺳﯧﻠﯩﺶ ﺋﯘﺳﻠﯘﺑﻰ ﻳﺎﺭﺍﺗﻘﺎﻥ ﺗﯩﺮﯨﺸﭽﺎﻥ ﻛﯩﺸﯩﻠﻪﺭﺩﯗﺭ. ﺋﯘﻻﺭ ﻫﺎﺯﯨﺮ ﭘﯜﺗﯜﻥ ﺩﻧﻴﺎﺩﯨﻜﻰ ﻣﻪﺑﻠﻪﻍ ﺳﺎﻟﻐﯘﭼﯩﻼﺭﻧﯩﯔ ﺋﯜﮔﯩﻨﯩﺶ ﺋﯜﻟﮕﯩﺴﻰ ﺑﻮﻟﯘﭖ ﻗﺎﻟﺪﻯ.
·ﺧﯘﻻﺳﯩﻤﯩﺰ ﺷﯘﻛﻰ، ﺋﻪﮔﻪﺭ ﺳﯩﺰ ﺋﺎﻛﺴﯩﻴﻪ ﺑﺎﺯﯨﺮﯨﺪﺍ ﺋﯩﮕﯩﻠﯩﻚ ﺗﯩﻜﻠﯩﻤﻪﻛﭽﻰ ﺑﻮﻟﺴﯩﯖﯩﺰ ﺧﺎﺗﯩﺮﺟﻪﻡ ﺑﻮﻟﯘﯓ. ﺑﯘ ﺑﺎﺯﺍﺭﺩﺍ ﺳﯩﺰﻧﻰ ﻗﺎﺭﺍ ﻗﻮﻳﯩﺪﯨﻐﺎﻥ ﺋﺎﻟﺪﺍﻣﭽﻰ، ﻗﻮﻳﻤﯩﭽﻰ، ﻛﺎﺯﺯﺍﭖ، ﺳﯩﺰﻧﻰ ﯞﻩﻳﺮﺍﻥ ﻗﯩﻠﯩﺪﯨﻐﺎﻥ ﺭﯨﻘﺎﺑﻪﺗﭽﻰ ﻳﻮﻕ. ﺑﯘﺯﯗﻟﯘﭖ ﭼﯧﺮﯨﭗ ﻛﯧﺘﯩﺪﯨﻐﺎﻥ، ﺋﻮﻏﺮﻯ ﺋﻮﻏﺮﯨﻼﭖ ﻛﯧﺘﯩﺪﯨﻐﺎﻥ، ﺳﺎﻗﻼﺵ ﺋﯜﭼﯜﻥ ﺋﻮﺭﯗﻥ ﺗﻪﻟﻪﭖ ﻗﯩﻠﯩﺪﯨﻐﺎﻥ، ﺳﯩﺰﻧﻰ ﻏﻪﻡ- ﻗﺎﻳﻐﯘﻏﺎ ﺳﺎﻟﯩﺪﯨﻐﺎﻥ ﻣﺎﻝ ﻳﻮﻕ، ﭘﻪﻗﻪﺕ ﺳﺎﻥ- ﺳﯩﻔﯩﺮﻻﺭ ﺑﺎﺭ، ﻫﻪﻣﻤﻪ ﺋﯩﺸﯩﯖﯩﺰ ﺳﺎﻥ- ﺳﯩﻔﯩﺮ ﺑﯩﻠﻪﻧﻼ ﭘﯜﺗﯩﺪﯗ. ﺑﯘ ﻳﻪﺭﺩﯨﻜﻰ ﻣﻪﺑﻠﻪﻍ ﺳﺎﻟﻐﯘﭼﯩﻼﺭ ﺳﯩﺰﮔﻪ ﺋﻮﺧﺸﺎﺵ ﺋﺎﻕ ﻛﯚﯕﯜﻝ ﻛﯩﺸﯩﻠﻪﺭﺩﯗﺭ. ﺑﯘ ﺑﺎﺯﺍﺭ ﺩﯙﻟﻪﺗﻨﯩﯔ ﺋﯩﭽﻰ- ﺳﯩﺮﺗﯩﺪﯨﻜﻰ ﺗﯜﺭﻟﯜﻙ ﺋﯘﭼﯘﺭﻻﺭ ﺗﻮﭘﻼﻧﻐﺎﻥ ﺑﯩﺮ ﺋﯘﭼﯘﺭ ﺋﺎﻣﺒﯩﺮﻯ ﺑﻮﻟﯘﭖ، ﺋﯘ ﺳﯩﺰﮔﻪ ﺗﯜﮔﯩﻤﻪﺱ ﺑﯩﻠﯩﻢ ﺑﯧﺮﯨﺪﯗ. ﺑﯘ ﺳﺎﻫﺎﺩﯨﻜﻰ ﺑﯩﻠﯩﻢ- ﺗﻪﺟﺮﯨﺒﯩﯖﯩﺰ ﻛﯚﭘﻪﻳﮕﻪﻧﺴﯧﺮﻯ ﺋﺎﻟﯩﺪﯨﻐﺎﻥ ﭘﺎﻳﺪﯨﯖﯩﺰﻣﯘ ﺗﻪﯓ ﻛﯚﭘﯩﻴﯩﺪﯗ. ﻣﻪﻳﻠﻰ ﻛﯩﻢ ﺑﻮﻟﯘﺷﯩﯖﯩﺰﺩﯨﻦ، ﻧﯧﻤﻪ ﺋﯩﺶ ﻗﯩﻠﯩﺸﯩﯖﯩﺰﺩﯨﻦ، ﻣﻪﺩﻩﻧﯩﻴﻪﺕ ﺳﻪﯞﯨﻴﯩﯖﯩﺰ، ﺋﯩﻘﺘﯩﺪﺍﺭﯨﯖﯩﺰﻧﯩﯔ ﻗﺎﻧﭽﯩﻠﯩﻚ ﺑﻮﻟﯘﺷﯩﺪﯨﻦ ﻗﻪﺗﺌﯩﻴﻨﻪﺯﻩﺭ، ﺗﯩﺮﯨﺸﭽﺎﻥ، ﺳﻪﯞﺭﭼﺎﻥ، ﺳﻮﻏﯘﻗﻘﺎﻥ ﺑﻮﻟﺴﯩﯖﯩﺰ، ﻧﯘﺭﻏﯘﻥ ﭘﯘﻝ ﻫﺎﻣﺎﻥ ﺑﯩﺮ ﻛﯜﻧﻰ ﺳﯩﺰﻧﯩﯖﻤﯘ ﭼﯚﻧﺘﯩﻜﯩﯖﯩﺰﮔﻪ ﺋﯧﻘﯩﭗ ﻛﯩﺮﯨﺪﯗ.
ﺭﻩﺧﻤﻪﺕ ﺳﯩﺰﮔﻪ !!!ﻣﻪﻥ 5-ﺋﺎﻳﺪﯨﻦ ﺑﯩﺮﻯ 18ﻣﯩﯔ ﻳﯘﺋﻪﻥ ﺋﻮﻗﯘﺵ ﭘﯘﻟﻰ ﺗﺎﭘﺸﯘﺭﯗﭖ ﺑﻮﻟﺪﯗﻡ ،ﺑﯩﺮﺍﻕ ﺑﯘ ﻳﻮﻟﺪﯨﻦ ﻳﯧﻨﯩﺶ ﻧﯩﻴﺘﯩﻢ ﻳﻮﻕ !!!ﻧﯘﺭﻏﯘﻥ ﻧﻪﺭﺳﯩﻠﻪﺭﻧﻰ ﺋﯜﮔﯩﻨﯩﯟﺍﻟﺪﯨﻢ ،ﮬﻪﻡ ﺋﯜﮔﯩﻨﯩﯟﺍﺗﯩﻤﻪﻥ !
ﺑﯘﻟﯩﺪﯨﻐﺎﻥ ﺳﻮﺩﺍ ﺟﯘﻣﯘ ﺑﯘ ..
ﻣﯘﻣﻜﯩﻦ ﺑﻮﻟﺴﺎ ﻛﯚﭘﭽﯩﻠﯩﻜﻨﯩﯔ ﺷﻮﻏﯘﻟﻠﯘﻧﯘﭖ ﻗﻮﻳﯩﺸﯩﻨﻰ ﺗﻪﯞﺳﯩﻴﻪ ﻗﯩﻠﯩﻤﻪﻥ ............... ﻗﻪﺷﻘﻪﺭﺩﯨﻜﻰ ﺋﺎﻛﺴﯩﻴﻪ ﺷﯩﺮﻛﯩﺘﯩﻨﯩﯔ ﻧﺎﻣﻰ \"ﺧﯘﯕﻴﯜﻩﻥ ﺋﺎﻛﺴﯩﻴﯩﺴﻰ\" ﮔﻪ ﺋﯚﺯﮔﯩﺮﯨﭙﺘﯘ، ﺋﻪﮔﻪﺭ ﺑﯘ ﺷﯩﺮﻛﻪﺗﺘﯩﻦ ﮬﯧﺴﺎﺏ ﺋﺎﭼﺴﺎﻕ ﻗﺎﻳﺴﻰ ﺑﺎﺯﺍﺭﻧﯩﯔ ﭘﯧﻴﯩﻐﺎ ﻧﯩﺴﺒﻪﺗﻪﻥ ﺋﯧﻠﯩﻢ- ﺳﯧﺘﯩﻢ ﻗﯩﻼﻻﻳﻤﯩﺰ؟
بەت:
[1]