ﺗﻪﯕﺮﻯ ﭘﺎﻧﺎﮬﯩﻐﺎ ﺋﺎﻟﻐﺎﻥ ﻛﯩﺸﻰ
ﺗﻪﯕﺮﯨﻨﯩﯔ ﺗﺎﺭﺍﺯﯨﺴﻰ ﻧﺎﮬﺎﻳﯩﺘﻰ ﺋﺎﺩﯨﻞ.ﺋﯘ ﻣﺎﯕﺎ ﺑﯩﺒﺎﮬﺎ ﺗﻪﻥ ﺳﺎﻗﻠﯩﻘﯩﻨﻰ ﺑﻪﺭﮔﻪﻥ ﺋﯩﺪﻯ. ﻣﺎﯕﺎ ﻣﯘﻛﻪﻣﻤﻪﻝ ﺑﯩﺮ ﺋﺎﺋﯩﻠﻪ ﺋﺎﺗﺎ ﻗﯩﻠﻐﺎﻥ ﺋﯩﺪﻯ. ﻣﺎﯕﺎ ﺋﺎﺟﺎﻳﯩﭗ ﮔﯜﺯﻩﻝ ﻳﺎﺷﻠﯩﻖ ﺑﺎﮬﺎﺭﻯ ، ﻧﯘﺭﻏﯘﻥ ﺋﯧﺴﯩﻞ ﭘﯘﺭﺳﻪﺗﻠﻪﺭﻧﻰ ﻧﯩﺴﯩﭗ ﻗﯩﻠﻐﺎﻥ ﺋﯩﺪﻯ. ﺋﻪﻣﻤﺎ، ﺋﯘ ﻣﺎﯕﺎ ﮬﻪﻣﻤﯩﻨﻰ ﺑﯧﻐﯩﺸﻼﭖ ﺑﻪﺭﻣﯩﮕﻪﻥ ﺋﯩﺪﻯ. ﻣﻪﻥ ﻧﺎﻣﺮﺍﺕ ﺋﯩﺪﯨﻢ ، ﻣﻪﺩﻩﻧﯩﻴﻪﺕ ﺳﻪﯞﯨﻴﻪﺭﯨﻤﻤﯘ ﺋﺎﻧﭽﻪ ﻳﯘﻗﯩﺮﻯ ﺋﻪﻣﻪﺱ، ﺋﯩﻘﺘﯩﺪﺍﺭﯨﻤﻤﯘ ﺋﺎﺩﻩﺗﺘﯩﻜﯩﭽﻪ ﺋﯩﺪﻯ. ﻳﯧﺸﯩﻢ ﺋﻮﺗﺘﯘﺯﻏﺎ ﻳﻪﺗﻜﻪﻧﺪﯨﻤﯘ ﻣﻪﻥ ﻳﻪﻧﻪ ﻳﺎﺷﺎﺵ ﺋﯜﭼﯜﻥﺗﯩﺮﻣﯩﺸﯩﭗ - ﺗﯩﺮﻛﯩﺸﯩﭗ ﻳﯜﺭﻩﺗﺘﯩﻢ. ﺗﯧﺨﻰ ﻛﻪﻟﮕﯜﺳﯜﻡ ﺋﯜﭼﯜﻥ ﺗﯩﭙﯩﺮﻻﻳﺘﺘﯩﻢ. ﮬﺎﻳﺎﺕ ﻣﻪﻥ ﺋﯜﭼﯜﻥ ﺯﯗﻟﯘﻡ ، ﻳﺎﺷﺎﺵ ﻣﻪﻥ ﺋﯜﭼﯜﻥ ﺋﺎﻟﯟﺍﯕﺪﻩﻙ ﺗﯘﻳﯘﻻﺗﺘﻰ. ﺗﻪﯕﺮﻯ ﻣﯧﻨﻰ ﺋﺎﻟﻠﯩﻘﺎﭼﺎﻥ ﺋﯧﺴﯩﺪﯨﻦ ﭼﯩﻘﯩﺮﯨﭗ ﻗﻮﻳﺪﻯ، ﻣﺎﯕﺎ ﺑﯩﺮﻩﮬﻤﻠﯩﻚ ﻗﯩﻠﯩﯟﺍﺗﯩﺪﯗ، ﻣﺎﯕﺎ ﻧﺎﮬﻪﻕ ﻣﯘﺋﺎﻣﯩﻠﻪ ﻗﯩﻠﯩﯟﺍﺗﯩﺪﯗ ﺩﻩﭖ، ﺧﯩﻴﺎﻝ ﻗﯩﻼﺗﺘﯩﻢ . ﺷﯘﻧﯩﯔ ﺑﯩﻠﻪﻥ ﻣﻪﻥ ﭼﯜﺷﻜﯜﻧﻠﯜﻙ ﻗﺎﻳﻨﯩﻤﯩﻐﺎ ﺑﯧﺸﯩﻤﭽﯩﻼﭖ ﭘﺎﺗﺘﯩﻢ، ﻣﯧﻨﯩﯖﺪﯨﻜﻰ ﻣﻪﺳﺌﯘﻟﯩﻴﻪﺕ ﺗﯘﻳﻐﯘﺳﻰ ﻳﻮﻗﺎﻟﺪﻯ، ﻣﯘﮬﻪﺑﺒﻪﺕ - ﮔﯜﺯﻩﻟﻠﯩﻚ ﺩﯦﮕﻪﻧﻠﻪﺭﮔﻪ ﺷﯜﺑﯩﮭﯩﻠﻪﻧﺪﯨﻢ . ﺑﯩﺮ ﻗﻪﺩﻩﻡ - ﺑﯩﺮ ﻗﻪﺩﻩﻣﺪﯨﻦ ﺑﯧﺴﯩﭗ ﺧﺎﺗﺎﻟﯩﻖ ، ﮔﯘﻧﺎﮬ ﻛﻮﭼﯩﺴﯩﻐﺎ ﻗﺎﺭﺍﭖ ﺋﯩﭽﻜﯩﺮﯨﻠﻪﭖ ﻛﯩﺮﯨﭗ ﻛﻪﺗﺘﯩﻢ ... ﺋﺎﺧﯩﺮﻯ ، ﺗﻪﯕﺮﯨﻨﯩﯔ ﻣﺎﯕﺎ ﻏﻪﺯﯨﭙﻰ ﺗﯘﺗﺘﻰ ، ﭼﯜﻧﻜﻰ ﻣﻪﻥ ﺧﺎﺗﺎﻻﺷﻘﺎﻥ ﺋﯩﺪﯨﻢ . ﺋﯘﻧﯩﯔ ﻣﻪﯞﺟﯘﺩﻟﯩﻘﯩﻨﻰ ﺋﻪﺳﺘﯩﻦ ﻛﯚﺗﯜﺭﯛﭖ ﻗﻮﻳﻐﺎﻥ ﺋﯩﺪﯨﻢ ...
ﻣﻪﻥ ﮔﻮﻳﺎﻛﻰ ﺋﯚﻳﮕﻪ ﺳﻮﻻﭖ ﻗﻮﻳﯘﻟﻐﺎﻥ ﻛﯩﭽﯩﻚ ﺑﺎﻟﯩﻐﺎ ﺋﻮﺧﺸﺎﺵ ﻛﯜﻧﺒﻮﻳﻰ ﺋﯚﻳﯜﻣﺪﯨﻦ ﺳﯩﺮﺗﻘﺎ ﭼﯩﻘﻤﺎﻱ، ﻛﯜﻧﻠﯜﺭﯨﻤﻨﻰ ﺗﯧﮕﻰ ﻳﻮﻕ ﺋﻮﻳﻼﺭﻧﻰ ﺋﻮﻳﻼﺵ، ﻛﯚﺯ ﻳﺎﺵ ﺑﯩﻠﻪﻥ ﻳﯜﺭﻩﻛﻨﻰ ﺩﺍﻏﻼﺵ ﺑﯩﻠﻪﻥ ﺋﯚﺗﻜﯜﺯﻩﺗﺘﯩﻢ . ﺋﺎﮬ ﺷﯘ ﺋﯘﺯﯗﻥ ﺯﯗﻟﻤﻪﺕ ﻛﯧﭽﯩﻠﻪﺭﻧﻰ ﺋﯘﻳﻘﯘﺳﯩﺰ ﺧﯩﻴﺎﻟﻐﺎ ﭘﯧﺘﯩﺶ ﺑﯩﻠﻪﻥ ﺋﯚﺗﻜﯜﺯﻩﺗﺘﯩﻢ ، ﺗﻪﻗﺪﯨﺮﯨﻢ ﺋﯜﭼﯜﻥ ﻗﯩﻠﭽﯩﻠﯩﻚ ﺧﯩﻴﺎﻝ ﺳﯜﺭﯛﭖ ﻗﻮﻳﻤﺎﺗﺘﯩﻤﻜﻰ، ﺗﻪﻗﺪﯨﺮ، ﻛﻪﻟﮕﯜﺳﻰ ﺩﯦﮕﻪﻥ ﺋﯘﻗﯘﻣﻼﺭ ﻣﻪﻥ ﺋﯜﭼﯜﻥ ﺋﯚﺯ ﻣﻪﻧﯩﺴﯩﻨﻰ ﻳﻮﻗﺎﺗﻘﺎﻥ ﺋﯩﺪﻯ . ﺋﻪﻣﻤﺎ ، ﺑﺎﺭﻏﺎﻧﺴﯧﺮﻯ ﭘﯩﻜﯩﺮﻯ ﻗﺎﺑﯩﻠﯩﻴﯩﺘﯩﻢ ﺋﯧﺸﯩﭗ، ﺋﯚﺯﯛﻣﻨﻰ ﮬﻪﻗﯩﻘﯩﻲ ﺋﻪﺭﻛﻪﻛﺘﻪﻙ ﮬﯧﺲ ﻗﯩﻠﯩﭗ ﻗﺎﻻﺗﺘﯩﻢ . ﭼﯜﻧﻜﻰ ﻣﻪﻥ ﺑﺎﺷﻘﯩﻼﺭ ﺗﯧﺨﻰ ﻳﯜﺯ ﺗﯘﺗﯩﻤﯩﻐﺎﻥ ﻗﺎﺑﺎﮬﻪﺗﻜﻪ ﻳﯜﺯﻟﯩﻨﯩﭗ ، ﻛﯜﻧﺒﯘﻳﻰ ﺷﯘ ﻗﺎﺑﺎﮬﻪﺕ ﺑﯩﻠﻪﻥ ﺋﯧﻠﯩﺸﯩﭗ ﺋﯚﺗﻜﯜﺯﯨﯟﺍﺗﺎﺗﺘﯩﻢ ...
ﺗﯘﺳﺎﺗﺘﯩﻦ ﺷﯘﻧﻰ ﭼﻮﯕﻘﯘﺭ ﮬﯧﺲ ﻗﯩﻠﯩﭗ ﻳﻪﺗﺘﯩﻤﻜﻰ ، ﺋﯩﻠﮕﯩﺮﻯ ﻣﻪﻥ ﻛﯚﺯﮔﻪ ﺋﯩﻠﻤﯩﻐﺎﻥ ﺋﻪﺷﯘ ﺋﺎﺩﺩﯨﻲ ﻧﻪﺭﺳﯩﻠﻪﺭ ، ﻣﻪﻥ ﻛﯚﯕﯜﻝ ﺑﻪﺭﻣﯩﮕﻪﻥ ﺋﯩﺸﻼﺭ ﻣﯧﻨﯩﯔ ﺋﻪﯓ ﻗﯩﻤﻤﻪﺗﻠﯩﻚ ، ﺋﻪﯓ ﺋﯧﺴﯩﻞ ﺑﺎﻳﻠﯩﻘﯩﻢ ، ﮔﯚﮬﻪﺭﻟﯩﺮﯨﻢ ﺋﯩﻜﻪﻧﺘﯘﻕ . ﺑﺎﻳﻠﯩﻖ ﺩﻩﭖ ﺗﯩﭙﯩﺮﻻﭘﺘﯩﻤﻪﻥ، ﺋﻪﻣﻤﺎ ، ﻧﯧﻤﯩﻨﯩﯔ ﮬﻪﻗﯩﻘﯩﻲ ﺑﺎﻳﻠﯩﻖ ﺋﯩﻜﻪﻧﻠﯩﻜﯩﻨﻰ ﺑﯘﺭﯗﻥ ﺑﯩﻠﯩﻤﯩﮕﻪﻥ ﺋﯩﻜﻪﻧﻤﻪﻥ .
ﺋﯚﺗﻤﯜﺷﯜﻣﮕﻪ ﻧﻪﺯﻩﺭ ﺳﺎﻟﺴﺎﻡ ، ﻗﯩﻴﺎﻟﻤﺎﻳﺪﯨﻐﯩﻨﻰ ﻳﻪﻧﯩﻼ ﺑﯩﭽﺎﺭﻩ ﻣﯧﮭﺮﯨﺒﺎﻥ ﺋﺎﺗﺎ - ﺋﺎﻧﺎﻡ ، ﺋﯘﻻﺭﻧﻰ ﻳﯩﺮﺍﻕ ﺳﻪﮬﺮﺍﻏﺎ ﺗﺎﺷﻼﭖ ﻗﻮﻳﯘﭖ ﺑﯘ ﺷﻪﮬﻪﺭﮔﻪ ﻛﯧﻠﯩﯟﯦﻠﯩﭗ ، ﻛﯚﺭﮔﻪﻧﻠﯩﺮﯨﻢ ﻧﻪ ﻛﯜﻥ ﺑﻮﻟﯘﭖ ﻛﻪﺗﺘﻰ، ﻛﯚﺯ ﺋﺎﻟﺪﯨﻤﯩﺪﯨﻦ ﺋﺎﺗﺎ - ﺋﺎﻧﺎﻣﻨﯩﯔ ﺳﯩﻤﺎﺳﻰ ﺑﯩﺮ ﺩﻩﻗﯩﻖ ﻧﯧﺮﻯ ﺑﻮﻟﻤﺎﻳﺘﺘﻰ . ﻛﯧﯩﭽﻜﯩﻤﺪﻩ ﯞﺍﭘﺎﺩﺍﺭ ﺋﻮﻏﯘﻝ ﺑﻮﻟﯩﻤﻪﻥ ﺩﻩﭖ ، ﺋﯘﻻﺭﻧﻰ ﺧﯘﺷﺎﻝ ﻗﯩﻠﯩﭗ ، ﺷﺎﺩﻻﻧﺪﯗﺭﻏﺎﻥ ﺑﻮﻟﺴﺎﻡ ، ﻣﺎﻧﺎ ﺋﻪﻣﺪﻯ ﻛﯚﺯﻟﯩﺮﯨﺪﯨﻦ ﻳﺎﺵ ﺋﻪﻣﻪﺱ ﻗﺎﻥ ﺋﺎﻟﺪﯨﻐﺎﻥ ﻗﺎﻧﺨﻮﺭﻏﺎ ﺋﺎﻳﻠﯩﻨﯩﭗ ﻗﺎﻟﺪﯨﻤﻐﯘ ؟! ...
ﺋﻮﻳﻼﭖ ﻗﺎﻟﺪﯨﻢ، ﻣﻪﻥ ﺋﻪﺳﻠﻰ ﺗﻪﯕﺮﻯ ﺗﻪﺭﯨﭙﯩﺪﯨﻦ ﺗﺎﺷﻠﯩﯟﯨﺘﯩﻠﮕﻪﻥ ﻛﯩﺸﻰ ﺋﻪﻣﻪﺱ ﺑﻪﻟﻜﻰ، ﺗﻪﯕﺮﻯ ﺗﻪﺭﯨﭙﯩﺪﯨﻦ ﭘﺎﻧﺎﮬﻼﻧﺪﯗﺭﯗﻟﻐﺎﻥ ﻛﯩﺸﻰ ﺋﯩﻜﻪﻧﻤﻪﻥ. ﻛﯚﺭﻣﯜﺷﻠﯩﺮﯨﻢ ﭘﻪﻗﻪﺕ ﺋﯚﺯﯛﻣﻨﯩﯔ ﺋﯚﺯﯛﻣﯩﮕﻪ ﻗﯩﻠﯩﻐﺎﻧﻠﯩﺮﯨﻢ ﺋﯩﻜﻪﻥ. ﺗﻪﯕﺮﯨﻨﻰ ﺋﯘﻧﺘﯘﭖ ، ﻣﻪﺩﻩﻧﯩﻴﻪﺕ ﯞﻩ ﺋﻪﺧﻼﻗﻘﺎ ﺋﺎﺳﯩﻲ ﻗﻮﭘﯘﭖ، ﺋﯚﺯﯛﻣﻨﯩﯔ ﻛﯩﻤﻠﯩﻜﯩﻨﻰ ﺋﯘﻧﺘﯘﭖ ﻗﺎﻟﻐﺎﻧﻠﯩﻘﯩﻤﻨﯩﯔ ﻟﯩﻼ ﻧﻪﺗﯩﺠﺴﻰ ﺋﯩﻜﻪﻥ ﺧﺎﻻﺱ . ﺑﻪﻟﻜﯩﻢ ﺋﻪﻳﺪﯨﺰ ﺑﯩﻠﻪﻥ ﭘﺎﻛﻠﯩﻨﯩﺶ ، ﮔﯘﻧﺎﮬﻠﯩﺮﯨﻤﯩﻐﺎ ﻳﻪﺗﻤﻪﺳﻠﯩﻜﻰ ﻣﯘﻣﻜﯩﻦ ، ﻗﺎﻧﺪﺍﻗﻼ ﺑﻮﻟﻤﯩﺴﯘﻥ ، ﺗﻪﯕﺮﯨﻨﯩﯔ ﻣﺎﯕﺎ ﺑﯘ ﺩﯗﻧﻴﺎﺩﺍ ﭘﺎﻛﻠﯩﻨﯩﺶ ﭘﯘﺭﺳﯩﺘﯩﻨﻰ ﻧﯩﺴﯩﭗ ﻗﯩﻠﯩﭗ، ﻛﯧﻴﯩﻨﻜﻰ ﺋﺎﻟﻪﻣﺪﻩ ﻧﯘﺭ ﺋﺎﺗﺎ ﻗﯩﻠﯩﺪﯨﻐﺎﻧﻠﯩﻘﯩﻐﺎ ﺋﯩﺸﯩﻨﯩﭗ ، ﺋﯜﻣﯩﺪﯞﺍﺭﻟﯩﻖ ﺑﯩﻠﻪﻥ ﮬﻪﺭﺑﯩﺮ ﻧﻪﭘﺴﯩﻤﻨﻰ ﺋﯧﻠﯩﭗ ﻳﯜﺭﯛﭘﺘﯩﻤﻪﻥ ...
ﺋﻪﺳﻠﯩﺪﻩ ﺗﻪﯕﺮﻯ ﺑﯩﺰﻧﻰ ﮬﻪﺭﯞﺍﻗﯩﺖ ﻳﺎﺩ ﺋﯧﺘﯩﭗ ﺗﯘﺭﺍﺭ ﺋﯩﻜﻪﻧﺪﯗﻕ. ﺑﯩﺰ ﺑﻪﻧﺪﯨﻠﻪﺭﻻﺗﻪﯕﺮﯨﻨﯩﯔ ﺑﯩﺰﻧﻰ ﻳﺎﺩ ﺋﯧﺘﯩﯟﺍﺗﻘﺎﻧﻠﯩﻘﯩﻨﻰ ﺋﯘﻧﺘﯘﭖ، ﺗﻪﯕﺮﯨﻨﯩﻤﯘ ﺋﻪﺳﻠﯩﺮﯨﻤﯩﺰﺩﯨﻦ ﭼﯩﻘﯩﺮﯨﭗ ﻗﻮﻳﯩﺪﯨﻜﻪﻧﻤﯩﺰ.ﺋﯘ ﺑﯩﺰﻧﻰ ﺋﯘﻧﺘﯘﭖ ﻗﺎﻟﻤﺎﻳﺪﯨﻜﻪﻥ، ﮬﯧﻠﯩﮭﻪﻡ ﺑﯩﺰﮔﻪ ﺋﻪﻳﺪﯨﺰ ﺋﺎﺭﻗﯩﻠﯩﻖ ﻧﯧﻤﯩﻨﯩﯔ ﮬﻪﻗﯩﻘﯩﻲ ﮔﯜﺯﻩﻟﻠﯩﻚ، ﻧﯧﯩﻤﯩﻨﯩﯔ ﮬﻪﻗﯩﻘﯩﻲ ﺑﺎﻳﻠﯩﻖ، ﻧﯧﻤﯩﻨﯩﯔ ﻳﻮﻗﯘﺗﯘﭖ ﻗﻮﻳﯘﺷﻘﺎ ﺑﻮﻟﻤﺎﻳﺪﯨﻐﺎﻥ ﺗﻪﯞﯞﻩﺭﺭﯛﻙ ﺋﯩﻜﻪﻧﻠﯩﻜﯩﻨﻰ ﺋﯧﺴﯩﻤﯩﺰﮔﻪ ﺳﯧﻠﯩﭗ ﺗﯘﺭﯗﭘﺘﯘ .
ﺋﻮﻳﻼﭖ ﺑﺎﻗﺴﺎﻡ ﺋﻪﻳﺪﯨﺰ ﺑﯩﺰ ﺋﯜﭼﯜﻥ ﻗﺎﺑﺎﮬﻪﺕ ﺋﻪﻣﻪﺱ ﺑﻪﻟﻜﻰ ﺳﯜﺑﯩﮭﯩﻲ ﺗﺎﯕﺪﯨﻦ ، ﮬﺎﻻﻛﻪﺕ ﺋﻪﻣﻪﺱ ﺑﻪﻟﻜﻰ ﻧﯩﺠﺎﺩﻟﯩﻘﺘﯩﻦ ﺧﻪﯞﻩﺭ ﺑﯧﺮﯨﺪﯨﻐﺎﻥ ، ﺑﯩﺰﻧﻰ ﺋﯜﻣﯩﺪﺳﯩﺰﻟﯩﻚ ﭘﺎﺗﻘﯩﻐﺎ ﭘﺎﺗﯘﺭﯨﺪﯨﻐﺎﻥ ﺑﻮﻟﻤﺎﺳﺘﯩﻦ ﺑﻪﻟﻜﻰ ﺑﯩﺰﮔﻪ ﺋﯜﻣﯩﺪ ﺑﯧﻐﯩﺸﻼﻳﺪﯨﻐﺎﻥ ﺋﯩﺶ ﺋﯩﻜﻪﻥ. ﭼﯜﻧﻜﻰ ﺷﯘﻧﭽﻪ ﻗﺎﺗﺘﯩﻖ ﻳﺎﻏﻘﺎﻥ ﮔﯜﻟﺪﯛﺭﻣﺎﻣﯩﻠﯩﻖ ﻳﺎﻣﻐﯘﺭﺩﯨﻦ ﻛﯧﻴﯩﻦ ﮔﯜﺯﻩﻝ ﮬﻪﺳﻪﻥ - ﮬﯚﺳﻪﻥ ﭘﺎﺭﻻﭖ، ﻛﻪﯓ ﻛﺎﺋﯩﻨﺎﺕ ﻳﺎﻣﻐﯘﺭ ﺳﯜﻳﯩﺪﯨﻦ ﻳﺎﺷﻨﺎﭖ ﻛﯧﺘﯩﺪﯗ ﺋﻪﻣﻪﺳﻤﯘ ؟! ...
ﺷﯘﯕﺎ، ﻗﯧﺮﯨﻨﺪﺍﺷﻠﯩﺮﯨﻤﯩﻐﺎ ﺷﯘﻧﺪﺍﻕ ﺩﯦﮕﯜﻡ ﻛﯧﻠﯩﺪﯗ، ﺋﯜﻣﯩﺪﺳﯩﺰﻟﻪﻧﻤﻪﻳﻠﻰ ، ﺋﯧﺘﯩﻘﺎﺩ ﺑﯩﻠﻪﻥ ﻣﻪﮬﻜﻪﻡ ﻗﯘﺭﺍﻟﻠﯩﻨﯩﭗ ،ﮬﺎﻳﺎﺗﻠﯩﻘﻨﯩﯔ ﭼﯩﻦ ﻣﻪﻧﯩﺴﯩﮕﻪ ﻳﯧﺘﯩﭗ، ﺋﯜﻣﯩﺪﯞﺍﺭ ﺑﻮﻻﻳﻠﻰ ، ﭼﯜﻧﻜﻰ ﺑﯩﺰ ﺗﻪﯕﺮﻯ ﭘﺎﻧﺎﮬﯩﻐﺎ ﺋﺎﻟﺪﯨﻐﺎﻥ ﻛﯩﺸﯩﻠﻪﺭﻣﯩﺰ ! ... ﭼﯜﺷﻜﯜﻧﻠﯜﻙ ﭘﺎﺗﯩﻘﯩﻘﯩﻐﺎ ﭘﺎﺗﻘﺎﻥ ﻛﯩﺸﯩﻠﻪﺭﻧﯩﯔ ﮬﻪﻣﻤﯩﺴﻰ ﺳﯩﺰﺩﻩﻙ ﺋﻮﻳﻠﯩﻴﺎﻟﯩﻐﺎﻥ ﺑﻮﻟﺴﺎ ﻧﯩﻤﻪﺩﯨﮕﻪﻥ ﻳﺎﺧﺸﻰ ﺑﻮﻻﺗﺘﻰ ﮬﻪ؟ﺋﯩﭙﺎﺩﯨﻠﻪﺵ ﻗﺎﺑﯩﻠﻴﯩﺘﯩﯖﯩﺰ ﺑﻪﻙ ﻳﯘﻗﯩﺮﯨﻜﻪﻥ ،ﺋﺎﻟﻼﮬ ﮬﻪﻣﻤﯩﺰﻧﯩﯔ ﻛﯚﯕﯜﻟﻠﯩﺮﯨﮕﻪ ﺋﯩﻨﺴﺎﭖ ،ﺋﯩﺘﯩﻘﺎﺩ ،ﺋﯩﻤﺎﻥ ﺋﺎﺗﺎ ﻗﯩﻠﻐﺎﻱ! ﻳﺎﺧﺸﻰ ﻳﯧﺰﯨﭙﺴﯩﺰ ﺋﺎﻟﻼﮬ ﮬﻪﻣﻤﻪ ﺋﯩﺸﻼﺭﻧﻰ ﺑﯩﻠﯩﭗ ﺗﯘﺭﻏﯘﭼﯩﺪﯗﺭ...ﮬﯧﻜﻤﻪﺕ ﺑﯩﻠﻪﻥ ﺋﻮﺭﯗﻧﻼﺷﺘﯘﺭﻏﯘﭼﯩﺪﯗﺭ... ﮬﻪﻗﯩﻘﻪﺗﻪﻥ ﻳﺎﺧﺸﻰ ﭼﯩﻘﯩﭙﺘﯘ! ﺑﯘ ﺩﯗﻧﻴﺎ ﺑﯩﺰ ﺋﯜﭼﯜﻥ ﺑﯩﺮ ﺳﯩﻨﺎﻕ،ﺋﻮﺗﻨﻰ ﻛﯩﻢ ﺗﯘﺗﺴﺎ ﺷﯘﻧﯩﯔ ﻗﻮﻟﻰ ﻛﯚﻳﯩﺪﯗ،ﮬﯩﭽﻘﺎﻧﺪﺍﻕ ﺋﯩﺘﯩﻘﺎﺩﻯ ﻳﻮﻕ ﺋﺎﺩﻩﻡ ﺋﺎﺳﺎﻧﻼ ﺗﯘﻳﯘﻕ ﻳﻮﻟﻐﺎ ﻛﯩﺮﯨﭗ ﻗﺎﻟﯩﺪﯗ،ﮬﻪﻣﻤﯩﻤﯩﺰ ﺋﯩﺘﯩﻘﺎﺩﯨﻤﯩﺰﻏﺎ ﭼﯩﯔ ﺑﻮﻻﻳﻠﻰ!ﻳﺎﺧﺸﻰ ﻛﯜﻧﻠﻪﺭ ﺋﺎﻟﺪﯨﻤﯩﺰﺩﺍ ﻳﺎﺧﺸﻰ ﻳﯩﺰﯨﭙﺴﯩﺰ ،ﺗﻪﺳﻪﯞﯞﯗﺭﻏﯩﻤﯘ ﺷﯘﻧﺪﺍﻕ ﺗﻮﻳﯘﻧﯘﭘﺘﯘ،ﻣﯩﺸﯩﻨﺪﺍﻕ ﻳﺎﺯﻣﯩﻼﺭﻧﻰ ﭘﺎﺕ-ﭘﺎﺕ ﻳﻮﻟﻼﭖ ﺗﯘﺭﻏﺎﻳﺴﯩﺰ. ﺗﻪﻟﯩﻴﯩﯖﯩﺰ ﺑﺎﺭﻛﻪﻥ، ﺋﻪﯓ ﻣﯘﮬﯩﻢ ﻧﻪﺭﺳﯩﻨﻰ ﺧﯘﺩﺍ ﺩﯨﻠﯩﯖﯩﺰﻏﺎ ﺳﺎﭘﺘﯘ، ﺋﯚﺯﯨﯖﯩﺰ ﺋﯧﻴﺘﻘﺎﻧﺪﻩﻙ ﺧﯘﺩﺍ ﺳﯩﺰﮔﻪ ﺋﺎﻣﺮﺍﻗﻜﻪﻥ. ﻛﯧﻴﯩﻨﻜﻰ ﺋﺎﺯﻏﯩﻨﻪ ﺋﯚﻣﺮﯨﻤﯩﺰﻧﻰ ﺳﻪﯞﺭ ﺗﺎﻗﻪﺕ ﺑﯩﻠﻪﻥ ﺋﯚﺗﻜﯜﺯﺳﻪﻙ، ﺋﺎﻟﻼﮬ ﺧﺎﻟﯩﺴﺎ ﻧﯩﺠﺎﺗﻠﯩﻘﻘﺎ ﺋﯧﺮﯨﺸﻜﻪﻳﻤﯩﺰ! ﺗﻪﯕﺮﻯ ﺩﯦﻤﻪﻱ ﺋﺎﻟﻼﮬ ﺩﻩﭖ ﺋﺎﻟﻐﺎﻥ ﺑﻮﻟﺴﯩﯖﯩﺰ ﻳﺎﺧﺸﻰ ﺑﻮﻻﺗﺘﯩﻜﻪﻥ ، ﻣﻪﻥ ﺑﯩﺮ ﻛﯩﺘﺎﭘﺘﯩﻦ ﺗﻪﯕﺮﻯ ﺩﯦﮕﻪﻥ ﺳﯚﺯﻧﻰ ﺋﺎﻟﻼﮬ ﺩﯦﮕﻪﻥ ﺳﯚﺯ ﺋﻮﺭﻧﯩﺪﺍ ﺋﺎﻟﻤﺎﺷﺘﯘﺭﯗﭖ ﺋﯩﺸﻠﯩﺘﯩﺸﻜﻪ ﺑﻮﻟﻤﺎﻳﺪﯗ ﺩﻩﭖ ﺋﻮﻗﯩﻐﺎﻥ ﺋﯩﺪﯨﻢ .
ﺋﺎﻟﻼﮬ ﺑﯩﻠﯩﭗ ﺑﯩﻠﻤﻪﻱ ﻗﯩﻠﻐﺎﻥ ﮔﯘﻧﺎﮬﻠﯩﺮﯨﻤﯩﺰﻧﻰ ﻛﻪﭼﯜﺭﮔﻪﻱ. ﺳﻪﻣﯩﻤﯩﻲ ﺋﻪﺳﻜﻪﺭﺗﻤﻪ ﺑﻪﺭﮔﻪﻧﻠﯩﻜﯩﯖﯩﺰﮔﻪ ﻛﯚﭖ ﺭﻩﮬﻤﻪﺕ ! ﺗﻪﯕﺮﻯ ﺳﯚﺯﻯ ﻣﯧﻨﯩﯔ ﭘﯩﻜﺮﯨﻤﯩﭽﻪ، ﺋﯘﻳﻐﯘﺭﻻﺭﻧﯩﯔ ﻗﻪﺩﯨﻤﯩﻲ ﺳﯚﺯﻟﯩﺮﯨﺪﯨﻦ ﺑﻮﻟﯘﭖ، ﻳﺎﺭﺍﺗﻘﯘﭼﻰ ﺩﯦﮕﻪﻥ ﺳﯚﺯﺩﯨﻨﻼ ﺋﯩﺒﺎﺭﻩﺕ. ﺋﻪﻣﺪﻯ ﻧﯧﻤﻪ ﯞﻩﺟﯩﺪﯨﻦ ﺗﻪﯕﺮﻯ ﺳﯚﺯﯨﻨﻰ ﺋﯩﺸﻠﯩﺘﯩﺸﻜﻪ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﻣﻪﻥ ﺋﺎﻧﭽﻪ ﭼﯜﺷﯩﻨﯩﭗ ﻳﯧﺘﻪﻟﻤﯩﺪﯨﻢ. ﺋﻪﻣﻤﺎ، ﺳﯩﺰﻧﯩﯔ ﺑﯘ ﮬﻪﻗﺘﻪ ﺗﻪﭘﺴﯩﻠﯩﻲ ﭼﯜﺷﻪﻧﭽﯩﯖﯩﺰﻧﻰ ﺋﺎﯕﻠﯩﻐﯘﻡ ﺑﺎﺭ .
ﺋﻪﻟﯟﻩﺗﺘﻪ، ﻛﻪﺭﻩﻣﻠﯩﻚ ﺋﯩﮕﯩﻤﯩﺰﻧﻰ ﺑﯩﻠﯩﭗ - ﺑﯩﻠﻤﻪﻱ ﺋﯚﺗﻜﯜﺯﮔﻪﻥ ﺳﻪﯞﻩﻧﯩﻠﯩﺮﯨﻤﯩﺰﻧﻰ ﺋﻪﭘﯘ ﺋﯧﺘﯩﺸﯩﻨﻰ ﺗﯩﻠﻪﻳﻤﯩﺰ، ﮬﻪﻡ ﺷﯘﻧﺪﺍﻕ ﻗﯩﻠﯩﺪﯨﻐﺎﻧﻠﯩﻘﯩﻐﺎ ﺋﯩﺸﻪﻧﭻ ﻗﯩﻠﯩﻤﯩﺰ ... ﻣﻪﻧﻤﯘ ﺩﻩﺳﻠﻪﭘﺘﻪ ﺋﻮﻗﯩﻐﺎﻧﺪﺍ ﻧﯧﻤﻪ ﺋﯘﭼﯘﻥ ﺋﯩﺸﻠﻪﺗﺴﻪ ﺑﻮﻟﻤﺎﻳﺪﯨﻐﺎﻧﺪﯗ ﺩﻩﭖ ﺑﻪﻙ ﮬﻪﻳﺮﺍﻥ ﻗﺎﻟﻐﺎﻥ ﺋﯩﺪﯨﻢ . ﺋﻪﻣﻤﺎ ﺋﯘ ﻛﯩﺘﺎﭖ ﺳﯘﺋﺎﻝ ﺟﺎﯞﺍﭖ ﺧﺎﺭﺍﻛﺘﯩﺮﯨﺪﺍ ﺑﻮﻟﻐﺎﭼﻘﺎ ﺋﯧﻨﯩﻖ ﺩﯦﻤﻪﭘﺘﯩﻜﻪﻥ ، ﻣﻪﻥ ﺑﺎﻳﺎﺗﯩﻦ ﺑﯧﺮﻯ ﺷﯘﻧﭽﻪ ﺋﯩﺰﺩﻩﭖ ﺋﯘ ﻛﯩﺘﺎﭘﻨﯩﯔ ﻗﺎﻧﭽﯩﭽﯩﻨﭽﻰ ﺑﯧﺘﯩﺪﻩ ﺋﯩﻜﻪﻧﻠﯩﻜﯩﻨﻰ ﺗﺎﭘﺎﻟﻤﯩﺪﻯ ، . ﺭﺍﺳﺘﯩﻨﻼ ﺧﯩﺠﯩﻠﻤﻪﻥ ، ﯬﻣﻤﺎ ﻣﻪﻥ ﺋﯩﺰﺩﻩﭖ ﭼﯘﻗﯘﻡ ﺟﺎﯞﺍﺑﯩﻨﻰ ﻗﺎﻟﺪﯗﺭﯨﻤﻪﻥ . ﺑﻪﻙ ﺑﻮﻟﻤﯩﺴﺎ ﺳﯩﺰﮔﻪ ﺋﯘ ﺋﯧﻠﯩﻜﺘﯩﺮﻭﻧﻠﯘﻕ ﻛﯩﺘﺎﭘﻨﻰ ﺋﻪﯞﻩﺗﯩﭗ ﺑﯧﺮﻩﻱ ، ﺑﻪﻟﻜﯩﻢ ﺗﯧﺨﯩﻤﯘ ﻳﺎﺧﺸﻰ ﭼﯜﺷﻪﻧﭽﯩﻠﻪﺭﮔﻪ ﺋﯩﮕﻪ ﺑﯘﻟﯘﭖ ﻗﺎﻻﺭﺳﯩﺰ . ﻣﯘﻣﻜﯩﻦ ﺑﻮﻟﺴﺎ، ﻣﯘﻧﺒﻪﺭﺩﻩ ﺑﯘ ﮬﻪﻗﺘﻪ ﺗﻪﭘﺴﯩﻠﯩﻲ ﻣﻪﻟﯘﻣﺎﺕ ﺑﯧﺮﯨﯔ ، ﺗﻮﺭﺩﺍﺷﻼﺭﻣﯘ ﺑﯩﻠﯩﯟﺍﻟﺴﯘﻥ ! ﻣﻪﻧﻤﯘ ﮬﻪﻡ ...
ﺑﻮﻟﯩﺪﯗ ، ﺑﯘﮔﯜﻥ ﺑﻪﻙ ﻛﻪﭺ ﺑﯘﻟﯘﭖ ﻛﻪﺗﺘﻰ ، ﺋﺎﻟﻼﮬ ﻧﯧﺴﯩﭗ ﻗﯩﻠﺴﺎ ﻣﻪﻥ ﺋﻪﺗﯩﮕﯩﭽﻪ ﺋﯘﺯﻩﻡ ﺋﯩﺰﺩﯨﻨﯩﭗ ، ﺑﻮﻟﻤﺎﻱ ﻗﺎﻟﺴﺎ ﺑﺎﺷﻘﯩﻼﺭﺩﯨﻦ ﺳﻮﺭﺍﭘﻤﯘ ﺑﻮﻟﺴﺎ ﺟﺎﯞﺍﺑﯩﻨﻰ ﻗﺎﻟﺪﯗﺭﯗﭖ ﻗﻮﻳﺎﻱ ﺋﺎﻟﻼﮬ ﺧﺎﻟﯩﺴﺎ ﺳﯩﺰ ﻗﺎﻧﺎﺋﻪﺗﻠﻪﻧﮕﯜﺩﻩﻙ ﺟﺎﯞﺍﺏ ﺑﯧﺮﯨﺸﻜﻪ ﺗﯧﺮﯨﺸﯩﻤﻪﻥ .
ﻣﻪﻥ ﻛﯧﭽﯩﻜﯩﭗ ﺟﺎﯞﺍﺏ ﻗﺎﻳﺘﯘﺭﯗﭖ ﻗﺎﻟﺪﯨﻢ ، ﻛﻪﭼﯜﺭﯨﺴﯩﺰ .ﻣﻪﻥ ﻛﯩﺘﺎﭘﻨﻰ ﺷﯘﻧﭽﻪ ﺋﺎﺧﺘﯘﺭﯗﭖ ﺗﺎﭘﺎﻟﻤﯩﺪﯨﻢ ، ﺋﻪﻣﻤﺎ ﺑﺎﺷﻘﯩﻼﺭﺩﯨﻦ ﺳﻮﺭﯨﻐﺎﻥ ﺋﯩﺪﯨﻢ . ﺋﯘﻻﺭﻧﯩﯔ ﺟﺎﯞﺍﺑﻰ :
ﮔﻪﺭﭼﻪ ﺗﻪﯕﺮﻯ ﺳﯚﺯﯨﻤﯘ ﻳﺎﺭﺍﺗﻘﯘﭼﻰ ﺩﯦﮕﻪﻥ ﻣﻪﻧﯩﻠﻪﺭﻧﻰ ﺑﯩﻠﺪﯛﺭﺳﯩﻤﯘ ، ﺋﻪﻣﻤﺎ ﺋﯘﺯ ﺳﯚﺯ ﺑﯘﺭﯗﻥ ﺋﯩﺴﻼﻣﻨﻰ ﻗﯘﺑﯘﻝ ﻗﯧﻠﯩﺸﺘﯩﻦ ﺑﯘﺭﯗﻥ ﺋﯩﺸﻠﻪﺗﻜﻪﻥ ، ﺷﯘﯕﺎ ﺟﺎﺋﯩﺰ ﺑﻮﻟﻤﯩﺴﺎ ﻛﯧﺮﻩﻙ ﺩﻩﭖ ﺟﺎﯞﺍﺏ ﺑﻪﺭﺩﻯ .
ﻳﻪﻧﻪ ﺑﯩﺮﺳﻰ ﺋﺎﻟﻼﮬﻨﯩﯔ 99 ﺋﯩﺴﻢ- ﺳﯜﭘﻪﺗﻰ ﺋﯩﭽﯩﺪﻩ ﺗﻪﯕﺮﻯ ﺋﺎﺗﺎﻟﻐﯘﺳﻰ ﻳﻮﻕ ، ﺷﯘﯕﺎ ﺋﻪﯓ ﻳﺎﺧﺸﯩﺴﻰ ﺋﺎﻟﻼﮬ ﺳﯚﺯﯨﻨﻰ ﺋﯩﺸﻠﻪﺗﻜﻪﻥ ﻳﺎﺧﺸﻰ ﺩﻩﭖ ﺟﺎﯞﺍﺏ ﺑﻪﺭﺩﻯ . ﻣﯧﻨﯩﯔ ﺋﻮﻳﻠﯩﻐﯩﻨﯩﻢ ﺑﯩﻠﻪﻥ ﺋﺎﺳﺎﺳﻪﻥ ﺋﻮﺧﺸﺎﺵ ﭼﯩﻘﺘﻰ . ﻣﻪﻥ ﻣﯘﺷﯘﻧﭽﯩﻠﯩﻜﻼ ﭼﯜﺷﻪﻧﺪﯛﺭﻩﻟﻪﻳﺪﯨﻜﻪﻧﻤﻪﻥ . ﺋﻪﻣﺪﻯ ﺋﯩﭽﻜﯩﺮﻟﻪﭖ ﺑﯘ ﺟﻪﮬﻪﺗﺘﯩﻦ ﺧﺎﺗﺎﻟﯩﺸﯩﭗ ﻗﯧﻠﯩﺸﺘﯩﻦ ﻗﻮﺭﻗﯩﻤﻪﻥ . ﮬﻪﺭ ﺑﯩﺮ ﺋﺎﺩﻩﻣﻨﯩﯔ ﭼﯘﺷﻜﯘﻧﻠﯩﺸﯩﭗ ﻗﺎﻟﯩﺪﯨﻐﺎﻥ ﭼﺎﻏﻠﯩﺮﻯ ﺑﯘﻟﯩﺪﯗ،ﻟﯧﻜﯩﻦ ﺋﻪﯓ ﻳﺎﻣﻨﻰ ﭼﯘﺷﻜﯘﻥ ﺋﺎﺩﻩﻣﻨﻰ ﻳﺎﺧﺸﻰ ﻛﯘﺭﯗﭖ ﻗﯧﻠﯩﺶ ،ﺑﻪﻙ ﭼﺎﺗﺎﻕ،25ﻳﺎﺷﺘﯩﻦ ﻛﻴﯩﻨﻜﻰ ﻣﯘﮬﺎﺑﺒﻪﺗﻜﻪ ﮬﻪﺭﮔﯩﺰ ﺳﻪﻝ ﻗﺎﺭﻣﺎﯓ...................ﭼﯘﺷﻜﯘﻥ ﻛﯩﺸﯩﻠﻪﺭﺩﯨﻦ ﺋﺎﻟﻼﮬ ﺳﺎﻗﻠﯩﺴﯘﻥ. ﺟﯩﺴﻤﯩﯔ ﻛﯩﺴﻪﻝ ﺑﻮﻟﺴﯩﻤﯘ ، ﺭﻩﮬﯩﯔ ﻛﯩﺴﻪﻝ ﺑﻮﻟﻤﯩﺴﯘﻥ . ﺩﻩﭘﺘﯩﻜﻪﻥ .
ﺑﯘ ﺗﯧﻤﺎ ﺑﻪﻙ ﻳﺎﺧﺸﻰ ﺋﯩﻜﻪﻥ . ﺗﻪﯕﺮﯨﻢ (ﺋﺎﻟﻪﻣﺪﻩ ﭘﻪﻗﻪﺕ ﺑﯩﺮﻻ ﻳﺎﺭﺍﺗﻘﯘﭼﻰ ﺑﺎﺭ) ﺋﯩﺸﻠﯩﺮﯨﯖﯩﺰﻧﻰ ﺋﯘﯕﯘﺷﻠﯘﻕ ﻗﯩﻠﺴﯘﻥ ، ﺋﯚﺯ ﭘﺎﻧﺎﮬﯩﺴﺎ ﻗﯩﻠﺴﯘﻥ . ﻳﺎﺧﺸﯩﻠﯩﻘﻼﺭ ﺋﺎﺗﺎ ﻗﯩﻠﺴﯘﻥ ، ﺋﺎﻣﯩﻦ .
بەت:
[1]